Mataayi 15
15
Yisu na kikulu kya bakuutu
(Mal 7.1-13)
1Bafarisi na Batini ba mangisi, bafumini ku Yerusalemi, bayisa kuri Yisu, bamuleele ti : 2« Bukuri nki bayiki ba ye, bari mu kwesinina kikulu kya bakuutu ? Bo bahele mu kweswaaka myooko mu ntaangu ya kudya. » 3Yisu wabvutula kuri bo ti : Heki beenu se, buri luri mu kwesinina lutumu lwa Nzaambi, mu ntoono kikulu kyeenu ? 4Mukwongo, Nzaambi waleele ti : "Kiinsa taayi na nguri yaaku", na ti : "Mpisi wunde wubulila taayi bunu pele nguri yaandi mpopi, lo nde manunu lufwa." 5Ngo beenu lukweleele ti, wunde wuleele kuri taayi dyaandi bunu pele kuri nguri yaandi ti : "Bibyo bi nketi kukuha mu kukubakisa, byataasula mu kikabu kuri nzaambi", 6lo wabubwo wahele na nzala kukiinsa taayi dyaandi. Mu bubwo, beenu lwayaala Maampu ma Nzaambi mu ntoono kikulu kyeenu. 7Bangaa bumpitu-bumpyoongo, Esayi wabikula nkati kwakubwete, mu ntoono beenu. Nde waleele ti :
8"Kaanda dimadi kwendumusa munu mu bibori,
mitima mya bo myasasika la na me.
9Kwamungengi bari mu kwenkiinsa,
nyikusulu dzibari mu kweyikisa bo, ngo mangisi ma baatu."
Bikoosumunaa muutu
(Mal 7.14-23)
10Yisu wateele mpuumbu ha kaba nde. Nde waleele kuri bo ti : « Yukeenu na bakuleenu : 11Kari bikookotaa mu munwa bisumunaa muutu ko ; ngo bibyo bipalaa mu munwa bisumunaa muutu. » 12Hango, bayiki bakokosolo na bamuleele ti : « Buri ye yaari ti Bafarisi, bu bayukiri maampu mamo, babuminyee makya ? » 13Yisu wabvutula waleele kuri bo ti : « Mpisi muti, wuri kari Taayi dyaami dya ku yulu wakuna ko, sa kaba watuubula. 14Basuusee ! Bo bafwa miisu bakwenata [bafwa miisu]. Mbuti wafwa miisu wukwenata wafwa miisu, lo boboolo sa babwa mu bulu. » 15Peetelo wabvutula wamuleele ti : « Bangukila beetu nkuma yimayi. » 16Yisu waleele : « Lukimi lu se, beenu lwahele kubakula ? 17Buri beenu lwahele kubakula ti, byobinso bikotaa mu munwa, bisundukaa mu mwooyo, na bakwebiloosaa ku mutsyeeku ? 18Ngo bipalaa mu munwa bifuminaa ku mutima. Na bibyo bikoosumunaa muutu. 19Bukuri mu mutima mu palaana bitsimi byabibi, munzusu-baatu, kimpala, buyala, kwiibi, bimbaangi byampya na makele. 20Bitotolo bibyo bisumunaa muutu. Ngo ndiilu yahele kuswaaka myooko, kayasumunaa muutu ko. »
Kanyi dya mukyeetu wa ku Kanana
(Mal 7.24-30)
21Yisu kayisikaa haho, weensi mu nkoonsi ya Tire na Sidoni. 22Na mono, mukyeetu mosi, wa ku Kanana wa mu mankoonsi mamo, wayende kuri Yisu, wafula musaakulu waleele kuri nde ti : « Mfumu, mwaana Daavidi, bakila me ngebe ! Mwaana me wamukyeetu wubama kwalaka kuri mpeeve yayibi ! » 23Yisu wahele kubvutula ntoono ti mosi kuri nde. Bayiki baandi bakokosolo baleele kuri Yisu ti : « Bvutula mukyeetu wu, bukuri nde, wukwefula misaakulu ku mambisa ma beetu. » 24Nde wabvutula waleele ti : « Me bampeekiri kunu kuri bimeeme, byadziimbila bya mu nzo Iselili. »
25Ngo mukyeetu wayisa, watsukumina Yisu na waleele kuri nde ti : « Mfumu, bakisa me ! » 26Yisu wabvutula ti : « Buri bwabubwete ko, mu kuholo mampa ma baala, na kulooso mo kuri mwaa baala ba bambwa. » 27Mukyeetu wu waleele : « Bunubwo Mfumu ! Ngo mwaa baala ba bambwa, badyaanaa bisesengu, bibwaanaa ku nsuku taabala dya bamfumu ba bo. » 28Hango, Yisu wabvutula kuri wamukyeetu waleele ti : « Mukyeetu, kanyi dyaaku diri dyadinene. Hemese buba kuri ye bunu bu tiiri. » Na mwaana waandi watsiinika mu kilookolo kinikyo.
Yisu watsinikisa babeeru balaka
29Yisu kayisika haho, wayende ku teke mubu wa Ngalile. Bu kanaaka ku yulu mulaandu, wadzakala kukwo. 30Mampuumbu ma baatu makokosolo kuri nde, banata babeele miilu, bafwa miisu, bari na bipfuumi, ba mababa, na babeeru bakimi balaka. Babasuusa ha miilu mya Yisu, na nde wabatsinikisa 31mu kiteesu kiri mpuumbu baatu yakimuka, mu kumono mababa madzoonso, bari na bipfuumi batsiinika, babele miilu bakweyende, na bafwa miisu bari mu kumono. Na bo bari mu kusiikaana Nzaambi ya Iselili.
Yisu wadiisila 4 000 ma baatu
(Mal 8.1-10)
32Yisu wateele bayiki baandi mbila, na waleele kuri bo ti : « Me nyiri na ngebe mu mpuumbu baatu yi, bukuri biluumbu byeki bitatu, bari ha teke me, ngo bahele na bya kudya. Me nyahele kutya kubabvutula kuri bari nzala, bakwiisa kweebwa mu nzila. » 33Bayiki ba Yisu bamufuula ti : « Kuri tubakila mampa, ma kuyukutisa mpuumbu ya bu yimayi, ku nsi yankatu ku ? » 34Yisu waleele kuri bo ti : « Mampa makwe beenu luri na mo ? » Bo babvutula ti : « Nsaamu na mwaa bansu. » 35Yisu waleele kuri mpuumbu mu kudzakala ha nsi. 36Yisu waholo mampa nsaamu na bansu, bu kabvutula matoondo kuri Nzaambi, wabukuna, waha kuri bayiki, na bayiki baha kuri mampuumbu. 37Bobanso badya na bayukuta. Bo batolo bitsuri bya mampa byasaariri, mampiri nsaamu. 38Babo badiiri baba 4 000, kwahele kutaanga bakyeetu na baala. 39Bu kabvutula mampuumbu, wanwaata mu bwaatu, na wayende mu mankoonsi ma bari Mangadani.
Currently Selected:
Mataayi 15: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024