Eseteere 7
7
Amani bamuyusula mu kimfumu na bamuleleke
1Mbyaasi bo na Amani bayende ku nzo Eseteere, mukasi mbyaasi, ku mubuluku wamunene. 2Mu kiluumbu kyabyoolo kya mubuluku mbyaasi wafuula kuri Eseteere ti : « Nki tiiri Eseteere, mukasi mbyaasi ? Nkya ndoombolo wuri na dzo ? Ti hayuku kibari kya nsi yaami ya kimfumu, lo me nyikuheeri. » 3Eseteere, mukasi mbyaasi wabvutula ti : « Mbuti me mbakiri bweese ha busu bwa mbyaasi, lo ndoombolo dza me kidziingu kya me-meene, na bi nyiri na nzala byo, kidziingu kya baatu baami. 4Mukwongo, me na baatu baami batuyarikiri, mu kuri ti batudzusa na batufuukisa. Ngo mbuti batuyarikiri mu kuba bankutu bababakala na babakyeetu, nkani ha beeri lo me nketi kuwura, ngo me ntiiri ko ti mutaatu kayirika misamu myamibi mu mbyaasi. » 5Mbyaasi Dzerekese wafuula kuri Eseteere ti : « Na wunde ? Waluulusa mutima mu bitsimi bya bubwo hari kari ? » 6Eseteere wabvutula ti : « Mutaatu ngo Amani, muutu wunde wamubi. » Amani wabwiila kinkuuka ha busu bwa mbyaasi, na ha busu bwa mukasi mbyaasi. 7Mbyaasi wabaka nkesi, wayusuka ha mubuluku, na wayende kunsa dzuumbu diri ha mbasi nzo mbyaasi. Amani wakoto mu kuyingukila mukasi mbyaasi, bukuri nde waba mwaamono ti weki mu mpori yayibi. 8Nde waba wabwa ha yulu mbuka yaba mukasi mbyaasi, wuri mu kumuloombaa mpemisi. Mu kilookolo kinikyo, mbyaasi wafumini kunsa dzuumbu ha mbasi nzo mbyaasi watubuka. Hanaho mbyaasi waleele ti : « Buri ye tiiri se kuburumuna mukasi me, munsa nzo ya me-meene ? » Mbyaasi bu kaleele bubwo, bisari byafuka busu bwa Amani mu nsoni.
9Harebona, mosi mu bampokoro, waleele kuri mbyaasi ti : « Hamaha hari kuunsi dyabeeri dyayirika Amani, mu kuleleke Maredoki, muutu wabayaabisa kele dyaba mu mbyaasi. Kuunsi didyo diri kudzaanguma, mankwaanga makuumi moolo na mataanu#7.9 Kumono mu 5.14., dyatsuma ha mbasi Amani. » Mbyaasi waleele ti : « Muleleke nde-meene mu kuunsi didyo. » 10Amani bamuleleke mu kuunsi dikaba kayirika mu ntoono Maredoki. Tumi nkesi dza mbyaasi ha dzawiiri.
Currently Selected:
Eseteere 7: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024