Eseteere 2
2
Eseteere wataambula bweese bwa kuba Mukasi Mbyaasi
1Ha mambisa ma misamu mimyo, nkesi dza mbyaasi Dzerekese dzakuluka. Nde wabweese kubaambuka mwooyo mu Bvaseti, mu mikayirikiri na mu manzeengulu mabahoriri mu ntoono nde. 2Bisari bakoosalilaa mbyaasi byaleele ti : « Basakila mbyaasi bantuumba banswaasa bababwete. 3Mbyaasi kasoolo bayungi mu mankoonsi momanso ma kimfumu kyaandi, mpisi bakutikisa bantuumba bobanso banswaasa, bababwete munsa nzo-bakyeetu, kubvula dya Suse, Mu lutumu lwa Enge muutu wampokoro wutumaa nzo yiyo, kababuungulaana na kabahaanaa tukula di babweeyese. 4Ntuumba yimonokono yayibwete, ha miisu mya mbyaasi yiyo, ngo yiba mukasi mbyaasi ha kibeendu kya Bvaseti. » Mbyaasi wamono ti kitsimi kikyo kyakibwete, na nde wayirika bubwo.
5Kwaba Muyudayo mosi ku bvula dya Suse, nkuumbu yaandi Maredoki, mwaana Yahiri, mwaana Simeyi, mwaana Kisi#2.5 Kisi ngo taayi dya Sawuli. Maredoki nde ngo wuri wapalila mu kaanda dya Sawuli, kumono mu 3.1. mu kaanda dya Benyami. 6Nde waba mu mpuumbu baatu bari Nabukodonosori, mbyaasi ya Babiloni, kabasiimbaana ku Yerusalemi, wubaneti ku bunkutu ha kimosi na Yekonya, mbyaasi Yuuda#2.6 Natunu ku bunkutu yimayi Nabukodonosori wayiyirikiri mu mubvu wa 597 tekesele Yisu Kiristo.. 7Maredoki ngo wabuukisiri Hadasa, wu babateela ti Eseteere#2.7 Hadasa ngo nkuumbu mwaana mukyeetu wunde ya Kiyudayo. Eseteere ngo nkuumbu yi bamuheeri ku Babiloni., mwaana mfumu yaandi wamukyeetu, bukuri waba wahele na taayi na nguri. Mwaana mukyeetu wunde waba nkati wamubwe kwalaka, wa bumwete-mwete mu kumono. Ha mambisa ma lufwa lwa taayi na nguri, Maredoki wamuhoriri mu kumubuukusa, bunu mwaana waandi wamukyeetu.
8Bu bamana kuyaabisa musamu wunde na lutumu lwa mbyaasi, ha bakutukisa baala babakyeetu balaka ku bvula dya Suse, mu lutumu lwa Enge. Eseteere se bamuholo na bamunata ku nzo mbyaasi mu lutumu lwa Enge, wukookebaa bakyeetu. 9Mwaana mukyeetu wamonokono wamubwe, ha miisu mya mbyaasi. Wataambula bweese ha busu bwa nde. Nde wabingikila mu kumuha byobinso byayelemene, mu kweyoolo na kwedya mu kubweeyese nyutu. Wamuha bisari nsaamu, byabakyeetu bababwe bakoosalaa mu nzo mbyaasi. Bamusuusa na bisari bibyo, mu kihekiri kibvuri bubwete mu nzo-bakyeetu. 10Eseteere kasiiri yaabisa kitsuumbu kyaandi ko, na kaanda dikari kafumuna ko, bukuri Maredoki wamudikiri ti mimyo kuyaabisa pe. 11Mpisi kiluumbu, Maredoki waba kweyungaana ha mbasi nzo-bakyeetu, mu kusaka kuyaaba bunu buri butsiina bwa Eseteere, na ma bari mu kuyirikaa mu nde.
12Baala babakyeetu ba nzo-bakyeetu, baba lutisaana mangoondo kuumi na moolo, mu kunama milolongo mya kubweeyese manyutu : Mangoondo masaamunu tete, kubadzyoolaa mu maasi ma mire, mangoondo masaamunu makaka, kubayoosaa mananaasi na tukula bibweeyesaa bakyeetu. Tumi mpisi mwaana mukyeetu, kaba na ntaangu yaandi yi kakweende kuri mbyaasi Dzerekese. 13Mu ntaangu ya kupala mu nzo-bakyeetu mu kweende kuri mbyaasi, baba kumuhaanaa mpisi bikatiiri kuholo. 14Nde haba lo, kweende mu nsinsika, heki mu kipari bamuneti ku nzo-bakyeetu yamoolo, yiri mu lutumu lwa Sasengadzi, muutu wampokoro wukookebaa bakasi ba mbyaasi ba buwuungu-buwuungu. Nde lo wahele bweese kwiisa kuri mbyaasi, natee mbuti heki mbyaasi wuri na nzala nde, na wumuteeriri mu nkuumbu yaandi.
15Ntaangu yatubuka ya Eseteere, mwaana Abihayili, na mwaana Maredoki wu kaba kwebuukusaana, mu kweende kuri mbyaasi. Nde kasiiri kuloombo kitotolo kikimi ko, ha yulu bini byaba muleele kuholo Enge, mpokoro mbyaasi yaba kebaana bakyeetu. Eseteere wataambula bweese ha miisu mya bobanso baba kumumonaana. 16Baholo Eseteere na bamunata kuri mbyaasi Dzerekese, mu nzo yaandi ya bumbyaasi, mu ngoondo yakuumi bunu pele ya Tebete, mu mubvu wansaamu wa kimfumu kyaandi. 17Mbyaasi wabvula kutya Eseteere ti na bakyeetu bakaka. Nde wabvula kutaambula bweese na mpemisi ha busu bwaandi, ti na bantuumba banswaasa bakaka. Nde wateeteke lukoongolo lwa bumbyaasi ha yulu mutu Eseteere na wamusa mukasi mbyaasi ha kibeendu kya Bvaseti. 18Mbyaasi wayirika mubuluku wamunene mu ntoono Eseteere, na watumusa bakuutu bobanso balukiinsu, na bisari byaandi byobinso. Nde wayusula mpaku ya mu mankoonsi, na waha bikabu byantiilu kuri baatu.
19Mu ntaangu yibaba bweese kukutikisa bantuumba banswaasa mu lwadzoolo, Maredoki waba wadzakala ha mweelu mbyaasi#2.19 Kudzakala ha mweelu haho lo ti kubaanaa kibeendu kya mufunu kuri mbyaasi.. 20Eseteere kasiiri kuyaabisa kitsuumbu kyaandi, na kaanda dikari kafumuna ko, bunu bwamudikiri Maredoki. Eseteere waba kuyirikaana maba muleelaana Maredoki, bunu bu kabasaanaana ha kaba kunsa lutumu lwaandi.
Maredoki wayuka kele
21Mu mantaangu maba mari, Maredoki wadzakala ha mweelu nzo mbyaasi, bampokoro ba mbyaasi boolo bakookebaa mweelu nzo mbyaasi, Bingetani na Terese babaka nkesi, na basa mamfuunda mu kusaka bwa kudzusila mbyaasi Dzerekese. 22Maredoki kayukaana kele didyo, ha kayaabisiri Eseteere mukasi mbyaasi, na nde se ha kayaabisiri mbyaasi mu nkuumbu ya Maredoki. 23Baatu bayirika kutala musamu wunde, na bamono kuri ti wangwanwa. Baholo bampokoro boboolo, na babaleleke mu muti. Musamu wunde, batina nde munsa mukaanda wa mampolo, ha busu bwa mbyaasi.
Currently Selected:
Eseteere 2: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024