Masmur 85
85
Vatano Israel wo Amisye anajo indamu Po kovo wanyine raugav akare mai
1Masmur susyo Kora wo ratoe. Nto irati akari po vatano matayao ukiny maugavo ransyerane rai ai.
2Sya AMISY, wusyinoeamo wimbekobe Nya muni Israel rai to,
ti Nyo vatano Israel#85:2 Israel: Ayao Ibrani mo ‘‘Yakop’’ ratoe, ama ine mare kawasae Israel, weye aneno Yakop awain tavonamo ‘‘Israel.’’ maugav akare una kovo wanyine rai.
3Nya kawasae awa ayao kakai mamo ndapaya mai to,
awa ana udaveti ngkakai mamo Nyo raupae mai to.
4Nya pari mamo Nyo rakarimuta maora to,
Nya parijo mamoane mamo makarea nanayao to.
5Winyirati Amisy Nyo reansapaya irati kakai rai, reamare Nyo kovo wanyine raugav akare reansai,
muno vemo mparijo reansai akato inya.
6Indati wimpari reansaija ntoa nuge nuganuija e?
Muno Nya parije umaso no tawano susyo miridi nto mai kobea e?
7Reamare Nyo kovo maisyare wusyine ramaisye raugav akare reansai jakato,
wirati indamu Nya kawasae reansananibe weye wimbekobe reansai.
8Sya AMISY, Nya muinyo no tawane rarorono reansai kai,
muno Nyo reansapaya irati ana ngkakai rai.
9Risyamo ibeke dave syare syo AMISY#85:9 Ayao Ibrani mo tame jirum veano Amisye aura: Elohim YHWH. Ayao Yawa mo tame intabo obo ratoe: AMISY. Apa ayaowe raraniv.
Weye Amisy Po raura pare Po kovo saumane raude Apa kawasae mai,
nanawirati vatano matawandi utavondi Aije nao,
indamu vemo usarirae wo ayao kakaije rave akato inya.
10Tugae rave, Opamo panatatayaube ra Po vatano wo asyanive mapaya kakai rai,
wirati indamu no tawano Apa kovo ntiti rautan no wama munijo Israel so rai.
11Amisy Apa muinyo no tawane me vatane awa matawandi utavondi Aije me ide yanunugambe,
Apa moyare me vatane awa kovo saumane me yaneme raijar.
12Vatane awa matawandi utavondi Amisye Ai ntubai no mine so,
muno Amisy Opamo moyar, tuna no munijo Manunggara Po mansanyanyut.
13Tugae, indati AMISY Po anakotaro ngkove raugaje wansai,
muno wama kopa somamo anare rayanyum dai ama ine nande rai kobe.
14Amisy Po anakotar tenambe rave mamaisyo Apa moyare rai,
weye Apa moyare muisyeve Ai mo unanui ratayao Ai.
Currently Selected:
Masmur 85: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
Masmur 85
85
Vatano Israel wo Amisye anajo indamu Po kovo wanyine raugav akare mai
1Masmur susyo Kora wo ratoe. Nto irati akari po vatano matayao ukiny maugavo ransyerane rai ai.
2Sya AMISY, wusyinoeamo wimbekobe Nya muni Israel rai to,
ti Nyo vatano Israel#85:2 Israel: Ayao Ibrani mo ‘‘Yakop’’ ratoe, ama ine mare kawasae Israel, weye aneno Yakop awain tavonamo ‘‘Israel.’’ maugav akare una kovo wanyine rai.
3Nya kawasae awa ayao kakai mamo ndapaya mai to,
awa ana udaveti ngkakai mamo Nyo raupae mai to.
4Nya pari mamo Nyo rakarimuta maora to,
Nya parijo mamoane mamo makarea nanayao to.
5Winyirati Amisy Nyo reansapaya irati kakai rai, reamare Nyo kovo wanyine raugav akare reansai,
muno vemo mparijo reansai akato inya.
6Indati wimpari reansaija ntoa nuge nuganuija e?
Muno Nya parije umaso no tawano susyo miridi nto mai kobea e?
7Reamare Nyo kovo maisyare wusyine ramaisye raugav akare reansai jakato,
wirati indamu Nya kawasae reansananibe weye wimbekobe reansai.
8Sya AMISY, Nya muinyo no tawane rarorono reansai kai,
muno Nyo reansapaya irati ana ngkakai rai.
9Risyamo ibeke dave syare syo AMISY#85:9 Ayao Ibrani mo tame jirum veano Amisye aura: Elohim YHWH. Ayao Yawa mo tame intabo obo ratoe: AMISY. Apa ayaowe raraniv.
Weye Amisy Po raura pare Po kovo saumane raude Apa kawasae mai,
nanawirati vatano matawandi utavondi Aije nao,
indamu vemo usarirae wo ayao kakaije rave akato inya.
10Tugae rave, Opamo panatatayaube ra Po vatano wo asyanive mapaya kakai rai,
wirati indamu no tawano Apa kovo ntiti rautan no wama munijo Israel so rai.
11Amisy Apa muinyo no tawane me vatane awa matawandi utavondi Aije me ide yanunugambe,
Apa moyare me vatane awa kovo saumane me yaneme raijar.
12Vatane awa matawandi utavondi Amisye Ai ntubai no mine so,
muno Amisy Opamo moyar, tuna no munijo Manunggara Po mansanyanyut.
13Tugae, indati AMISY Po anakotaro ngkove raugaje wansai,
muno wama kopa somamo anare rayanyum dai ama ine nande rai kobe.
14Amisy Po anakotar tenambe rave mamaisyo Apa moyare rai,
weye Apa moyare muisyeve Ai mo unanui ratayao Ai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)