Masmur 60
60
Amisye anajo indamu Po anasineko raunande wansai no marova rai
1-2Daud apa ransyerano Masmur po ratoe, indamu mbe ananyaobe. Arono be marovave vatano Aram una no Mesopotamia muno Soba mai, muno arono Yoap po vatano Edome ribuge abusyin eane jirum (12.000) maubaisy, no Kaivo Mana Nsakam.#60:1-2 Kaive som ama garame ntapekano rai, weti vatane wo rawae ti wo raugav. #60:1-2 2Sam. 8:3-5, 10:6-18; 1Taw. 18:3-5 Nto irati akari po vatano matayao ukiny maugavo ransyerane rai ai. Ransyerane so ama kine mo ransyerano kaijinta ramai tavon, namirati ama akari mare: ‘‘Aepare ama ug, mbe urairive rai.’’
3Sya Amisy, winseambe reansai muno nakirive reansai ti reama marova wo reansapinde,
wimpari mangkebe reansai.
Weramu reamare Nyo anakotare raveramu ngkovo reansai,
maisyare arono wusyine wemaisy akato.
4Winyo marova ratande reansai ti mo reansakupi weti reanjaniv,
maisyare mungki ravari ti kopa mpaporare wemaisy.
Weti reamare Nyo anakotaro no reama munije rai raveramu ngkov akato.
5Winyo Nya kawasae reansaveti reana irati siuri mangke rai,
Winyo siuri ratande ti mo reansavea reansamune nsadirae rai, maisyare vatane umaeno awije rai wemaisy.
6Weramu vatano wo nasyanive nawamo Winyo tubino mo varoro mansamamavube rai rarorono mai,
indamu upaya irati ato nsasiu rai.
7Reamare Nyo reama ana ndanajo raraniv,
muno Nyo reansapaya irati reama marova mai nanemo vambunine rai,
indamu vatano winanuga no mai upaya irati kakai rai.
8Arono Amisye Po kopa Kanaan raosoro vatano Israel mai, payao no Apa tuna ri ndandinit,
pare: ‘‘Rinanayanambe ti syare Syo kopa Sikem raosor.
Muno Syo kaivo Sukot rataun, indamu Syo raosor.#60:8 Sikem no no mana Yordan ama ranijo varet, muno Sukot no no ama ranijo wanamuram, kopa umaso ibe rarorombe munijo Israel ama mantamito rai tenambe.
9Kopa Gilead muno Manasye#60:9 Gilead muno Manasye no no mana Yordan ama ranijo wanamuram. omamo Risya ma.
Epraim#60:9 Munijo Epraim omirati naito anaanive una ri we, yara munijo Yehuda omirati akari titi Israel no ri we. omirati maisyare sapeo besi no inakari raora wemaisy,
muno Yehuda wemirati Sya isyo akari titi raugaje nteto rai.
10Weramu munijo Moab#60:10 Aneme so ama ine mare Amisye Apa ura kopa Moab muno Edom muno Pilistea rai tenambe, weramu ponae rai weye awa kawasae wanave Ai jewen. omamo maisyare unggano inajo rarondomo rai mije.
Muno Edom omamo inajo kokome ramauto ntami rai weti Sya ura rai.
Muno rigwain inananibe weye syanasineko muni Pilistea rai.’’#60:10 Ayao so ama ine mare vatano susye mandeije so nao–Moab, Edom, muno Pilistea–onawamo indati Amisye Po mapinde tenambe indamu munijo Israel mbe akarive mai.
11Arepi indati po inaugave to no munijo Edom?
Arepi tavono rinai ti rito no munijo ama yano orame ntindimu ratuije rai?
12Sya Amisy, Winyamo ntavondi reansai ramu ge?
Muno naijaro reama naite matavon da wata marova rai ramu ge?
13Nde Nyo sopambe reansai inda reamo marova mapinde,
weye vatan bayave wo sopambe reansai mamo mamaisye ramu.
14Ranivara Amisy wintavono reansai, weamo reambambunin dave,
weye Winyi Nyo reama marova matakarasyo.
Currently Selected:
Masmur 60: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
