Lukas 4
4
Iblis mancobai Yesus akan ma lakukan hal-hal am salah
(Mat. 4:1-11; Mrk. 1:12-13)
1Satelah Yohanes mambaptis Yesus, Yesus di ponuhii laii Roh Kudus, Yesus maluar mulaa Sungai Yordan. Kuasa Roh Kudus mamimpin-Nya. Kemudian Roh Kudus manaing-Nya ka daerah am hontaa araa berpenghuni. 2Dan Inya araa koyah salama ompat puluh arii siang dan malam, hontaa makan dan marai. Koyah Roh jahat mancubai Yesus salama ompat puluh arii siang dan malam. 3Lalu, Roh jahat bapaner ka Yesus: “Jaka Kolai Anaa Allah suruhlah batu itii manyarii Roti.” 4Yesus manjawab: “Jarii tatulis ka lalam Kitab Suci, Kalunen hidup bukan bayaa mulaa makanan meh.”
5Lalu, Roh jahat manaing Yesus ka homan am tingii dan mampaila ka Inya sacara sakilas uras bangsa-bangsa di dunia. 6Lalu, Roh jahat bapaner ka Yesus: “aku akan mamori-Mu sagala kuasa dan kemuliaan mulaa bangsa-bangsa itii,” laii kuasa itii jarii diborikan ka Aku, dan aku tahuu mamoriikan urasnya kakuasaan itii ka sapaa jam am aku pilih. 7Jadi, jaka Kolai basujud dan manyembah Aku, uras kakuasaan itii manjadi hompu-Mu. 8Yesus manjawab: “Lalam Kitab Suci jarii tatulis Ikam harus manyembah Allahmu, dan bayaa ka-Inya meh ikam berbakti!”
9Kemudian Iblis manaing Yesus ka kota Yerusalem barotaa penduduknya. Iaa manggora Yesus ka homan am paling tingii di dangau Allah. Dan iaa bapaner ka Yesus: “Jaka Ikam bujur-bujur Anaa Allah, takerulah mulaa ditii.” 10Kolai hontaa akan di sakitii laii jarii tatulis ka lalam Kitab Suci: “Tuhan akan manyuruh para Malaikat utusan mulaa Tuhan manyalamat Kolai mulaa celaka. 11Rang akan marigap Kolai dengan jari rang sahingga kaki-Mu hontaa akan tarluka laii tasontuu batu.” 12Yesus manjawab: “Araa tatulis lalam Kitab Suci, Umetlah ikam mancubai Allahmu.”
13Satelah Roh jahat jarii mancubai Yesus dengan sagala cara am bukan, roh jahat iyah ingkas maningalkan Yesus sampai araa kesempatan am bukan akan mancobai baulang mamcobaii Yesus akan babuat dosa.
Yesus baulang ka Galilea
(Mat. 4:12-17; Mrk. 1:14-15)
14Kemudian Yesus baulang ka provinsi Galilea ka lalam kuasa Roh Kudus. Kabar totang Inya manyobar di saluruh daerah iyah. 15Yesus agii malajar di dangau ibadah urang Yahudi. Uras urang am manongarnya bapaner totang inya dengan baii.
Yesus hontaa di tarima di Nazaret
(Mat. 13:53-58; Mrk. 6:1-6)
16Yesus ingkas ka Nazaret homan Inya dibakahkan, dan manurut kabiasaa-Nya metuh arii terakhir mengoo urang Yahudi Yesus ingkas ka dangau ibadah urang Yahudi Iaa badirii mamacakan Kitab Suci. 17Dan jarii tatulis laii Nabi Yesaya diborikan ka Yesus. Inya maungkap gulungan kitab iyah dan mambacanya dengan onyaa am babunyii cambotii.
18“Roh Allah araa ka Aku,
dan akan mangabarkan kabar baii tontang Karajaan Allah ka urang-urang susah.
Inya jarii mautus Aku manaing pantal mulaa Tuhan dan akan mamarahkan ka para tawanan bahwa rang jarii dibebaskan, urang buta tahuu mailaa
dan akan mambebaskan uras urang mandarita am di perlakukan hontaa adil.
19Inya jarii mautus Aku akan mamarahkan bahwa itiilah saatnya Tuhan akan bermurah hatii ka umat-Nya.”
20Yesus malipat gulungan kitab iyah dan mamoriikannya ka urang am batanggung jawab di dangau ibadah urang Yahudi iyah. Uras urang ka lalam dangau ibadah urang Yahudi mailaa dengan saksama. 21Lalu, Yesus manampara bapaner dan manjelaskan firman am jarii dibaca-Nya: “Apa am haru kolai dongar mulaa Aku akan manjadi kayataan metuh arii itii.” 22Uras urang am araa koyah mamujii Iaa dan kagum akan paner-paner am baii am diucapkan-Nya, lalu urang bapaner: “Bukankah Inya itii anaa Yusuf?” 23Yesus bapaner ka rang: “Pastinya kolai akan mamarahkan pribahasa itii ka Aku: ‘Dokter, baiikanlah dirii Kolai kanirii!’” Am kolai maksud araalah: “Karuhlah mukjizat ditii, ka banua kolai kanirii, Samahkan am kami dongar jarii kolai karuh di kota Kapernaum.” 24Kemudian Yesus bapaner: “Memang bujur bahwa Nabi hontaa di tarima di banua asalnya kanirii.” 25Tuhan bapaner ka kolai, dan paner-Ku itii bujur. Metuh zaman Nabi Elia araa banyaa labini baluu di negeri iyah uras urang ka turunan bangsa Israel, hontaa araa hujan turun mulaa langit salama toluu satongah tahun sahingga tajadi kaporan amat parah di saluruh negeri iyah. 26Tatapi Nabi Elia saurang juru bapaner akan Allah hontaa di utus ka baluu am araa di Israel iyah. Sabalinya, iaa di utus ka saurang baluu am bukan urang Yahudi di damping kota Sarfat di wilayah Sidon urang-urang kafir. 27Dan metuh zaman Nabi Elisa banyaa urang am konaa panyakit kusta ka Israel, Tatapi hontaa araa suti jam am dibaiikan, kacuali Naaman am tingal di negeri siria. 28Metuh manongar hal-hal iyah uras urang di lalam dangau ibadah urang Yahudi iyah amat gusar, 29Rang huas dan manunaa Yesus maluar mulaa kota rang, manyeretnya sampai ka sisi bukit kota iyah. Rang honaa manulaanya turun mulaa bukit, dan mambunuhnya. 30Tatapi Yesus bajalan di tongah-tongah urang banyaa iyah dan Iaa ingkas.
Yesus lalam dangau Tuhan di Karpernaum
(Mrk. 1:21-28)
31Metuh arii iyah, Yesus ingkas ka kota Kapernaum. Sabuah kota di wilayah provinsi Galilea dan Inya malajar urang-urang metuh arii terakhir mengoo urang Yahudi. 32Inya malajar honii mampailaa bahwa Inya mangoraa kuasa mulaa Tuhan, laii iyah urang-urang kagum am jarii dilajarkan-Nya. 33Di lalam dangau ibadah urang Yahudi araa siku urang am karasukan roh-roh jahat. Urang iyah basoruu dengan nyaring, 34“Hai, Yesus urang Nazaret, mangapa Ikam manaur kami? Apakah Ikam ditii honaa maminasakan kami? Aku ingat bahwa Ikam araalah Urang Kudus am datang mulaa Allah.” 35Yesus mamarintah roh jahat iyah dengan bapaner: “Sunilah. Maluarlah mulaa tubuh urang itii,” lalu roh jahat iyah manibar-manibarkan tubuh urang iyah ka tanah, ka paharap urang banyaa, lalu roh jahat maluar mulaa tubuh urang iyah dan hontaa manyakitiinya. 36Uras urang am araa koyah taheran-heran, dan rang saling batanya siku ka am bukan: “ajaran macam apakah itii? Laii Inya dengan tegas dan kuasa Iaa mamorii perintah ka roh-roh jahat iyah dan rang maluar mulaa tubuh urang iyah.” 37Dan, urang-urang tarus magabarkan kabar totang apa am jarii Yesus karuh disatiap banua saluruh wilayah Kapernaum.
Yesus manolong banyaa urang
(Mat. 8:14-17; Mrk. 1:29-34)
38Satelah Yesus maningalkan dangau ibadah urang Yahudi metuh arii iyah. Yesus ingkas ka dangau Simon Petrus. Koyah Iaa mailaa inai biniinya Simon am kanyaman. Rang mamintaa Yesus mambaiikanya. 39Lalu Yesus badirii disisi labini iyah dan mambaiikan sakitnya lalu asa sakit labini waktu iyah jam baii. Dan barigas lalu huas manampara malayan rang.
40Metuh, mataari manampara potang, Saluruh urang banyaa manaing ka Yesus uras kaluarga rang am agii sakit dengan bamacam panyakit. Yesus mangoraa jari-Nya dan manyoput rang urasnya dan mambaiikan rang. 41Roh jahat iyah maluar mulaa urang am dikuasa laii roh jahat atas perintah Yesus dan basoruu: “Ikam araalah Anaa Allah.” Tatapi laii rang ingat bahwa Iaa araalah Kristus, Iaa mangusar rang dan manyuruh rang sunii
Yesus malajar di kota-kota am bukan
(Mrk. 1:35-39)
42Metuh arii siang, Yesus ingkas ka daerah am hontaa araa berpenghuni mulaa urang banyaa. Namun urang banyaa manggau-Nya, rang bausahaa mahalangi Iaa agar hontaa maningalkan rang. 43Tatapi Yesus bapaner: “Aku jam harus mangabarkan kabar baii tontang Karajaan Allah ka urang-urang di kota-kota bukan, macam apa Allah akan mamimpin hidup rang, laii iyahlah tujuan Allah mautus Aku manaing pantal mulaa Tuhan ka dunia itii.” 44Lalu, Yesus malajar ka dangau ibadah urang Yahudi di saluruh provinsi Yudea.
Currently Selected:
Lukas 4: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
Lukas 4
4
Iblis mancobai Yesus akan ma lakukan hal-hal am salah
(Mat. 4:1-11; Mrk. 1:12-13)
1Satelah Yohanes mambaptis Yesus, Yesus di ponuhii laii Roh Kudus, Yesus maluar mulaa Sungai Yordan. Kuasa Roh Kudus mamimpin-Nya. Kemudian Roh Kudus manaing-Nya ka daerah am hontaa araa berpenghuni. 2Dan Inya araa koyah salama ompat puluh arii siang dan malam, hontaa makan dan marai. Koyah Roh jahat mancubai Yesus salama ompat puluh arii siang dan malam. 3Lalu, Roh jahat bapaner ka Yesus: “Jaka Kolai Anaa Allah suruhlah batu itii manyarii Roti.” 4Yesus manjawab: “Jarii tatulis ka lalam Kitab Suci, Kalunen hidup bukan bayaa mulaa makanan meh.”
5Lalu, Roh jahat manaing Yesus ka homan am tingii dan mampaila ka Inya sacara sakilas uras bangsa-bangsa di dunia. 6Lalu, Roh jahat bapaner ka Yesus: “aku akan mamori-Mu sagala kuasa dan kemuliaan mulaa bangsa-bangsa itii,” laii kuasa itii jarii diborikan ka Aku, dan aku tahuu mamoriikan urasnya kakuasaan itii ka sapaa jam am aku pilih. 7Jadi, jaka Kolai basujud dan manyembah Aku, uras kakuasaan itii manjadi hompu-Mu. 8Yesus manjawab: “Lalam Kitab Suci jarii tatulis Ikam harus manyembah Allahmu, dan bayaa ka-Inya meh ikam berbakti!”
9Kemudian Iblis manaing Yesus ka kota Yerusalem barotaa penduduknya. Iaa manggora Yesus ka homan am paling tingii di dangau Allah. Dan iaa bapaner ka Yesus: “Jaka Ikam bujur-bujur Anaa Allah, takerulah mulaa ditii.” 10Kolai hontaa akan di sakitii laii jarii tatulis ka lalam Kitab Suci: “Tuhan akan manyuruh para Malaikat utusan mulaa Tuhan manyalamat Kolai mulaa celaka. 11Rang akan marigap Kolai dengan jari rang sahingga kaki-Mu hontaa akan tarluka laii tasontuu batu.” 12Yesus manjawab: “Araa tatulis lalam Kitab Suci, Umetlah ikam mancubai Allahmu.”
13Satelah Roh jahat jarii mancubai Yesus dengan sagala cara am bukan, roh jahat iyah ingkas maningalkan Yesus sampai araa kesempatan am bukan akan mancobai baulang mamcobaii Yesus akan babuat dosa.
Yesus baulang ka Galilea
(Mat. 4:12-17; Mrk. 1:14-15)
14Kemudian Yesus baulang ka provinsi Galilea ka lalam kuasa Roh Kudus. Kabar totang Inya manyobar di saluruh daerah iyah. 15Yesus agii malajar di dangau ibadah urang Yahudi. Uras urang am manongarnya bapaner totang inya dengan baii.
Yesus hontaa di tarima di Nazaret
(Mat. 13:53-58; Mrk. 6:1-6)
16Yesus ingkas ka Nazaret homan Inya dibakahkan, dan manurut kabiasaa-Nya metuh arii terakhir mengoo urang Yahudi Yesus ingkas ka dangau ibadah urang Yahudi Iaa badirii mamacakan Kitab Suci. 17Dan jarii tatulis laii Nabi Yesaya diborikan ka Yesus. Inya maungkap gulungan kitab iyah dan mambacanya dengan onyaa am babunyii cambotii.
18“Roh Allah araa ka Aku,
dan akan mangabarkan kabar baii tontang Karajaan Allah ka urang-urang susah.
Inya jarii mautus Aku manaing pantal mulaa Tuhan dan akan mamarahkan ka para tawanan bahwa rang jarii dibebaskan, urang buta tahuu mailaa
dan akan mambebaskan uras urang mandarita am di perlakukan hontaa adil.
19Inya jarii mautus Aku akan mamarahkan bahwa itiilah saatnya Tuhan akan bermurah hatii ka umat-Nya.”
20Yesus malipat gulungan kitab iyah dan mamoriikannya ka urang am batanggung jawab di dangau ibadah urang Yahudi iyah. Uras urang ka lalam dangau ibadah urang Yahudi mailaa dengan saksama. 21Lalu, Yesus manampara bapaner dan manjelaskan firman am jarii dibaca-Nya: “Apa am haru kolai dongar mulaa Aku akan manjadi kayataan metuh arii itii.” 22Uras urang am araa koyah mamujii Iaa dan kagum akan paner-paner am baii am diucapkan-Nya, lalu urang bapaner: “Bukankah Inya itii anaa Yusuf?” 23Yesus bapaner ka rang: “Pastinya kolai akan mamarahkan pribahasa itii ka Aku: ‘Dokter, baiikanlah dirii Kolai kanirii!’” Am kolai maksud araalah: “Karuhlah mukjizat ditii, ka banua kolai kanirii, Samahkan am kami dongar jarii kolai karuh di kota Kapernaum.” 24Kemudian Yesus bapaner: “Memang bujur bahwa Nabi hontaa di tarima di banua asalnya kanirii.” 25Tuhan bapaner ka kolai, dan paner-Ku itii bujur. Metuh zaman Nabi Elia araa banyaa labini baluu di negeri iyah uras urang ka turunan bangsa Israel, hontaa araa hujan turun mulaa langit salama toluu satongah tahun sahingga tajadi kaporan amat parah di saluruh negeri iyah. 26Tatapi Nabi Elia saurang juru bapaner akan Allah hontaa di utus ka baluu am araa di Israel iyah. Sabalinya, iaa di utus ka saurang baluu am bukan urang Yahudi di damping kota Sarfat di wilayah Sidon urang-urang kafir. 27Dan metuh zaman Nabi Elisa banyaa urang am konaa panyakit kusta ka Israel, Tatapi hontaa araa suti jam am dibaiikan, kacuali Naaman am tingal di negeri siria. 28Metuh manongar hal-hal iyah uras urang di lalam dangau ibadah urang Yahudi iyah amat gusar, 29Rang huas dan manunaa Yesus maluar mulaa kota rang, manyeretnya sampai ka sisi bukit kota iyah. Rang honaa manulaanya turun mulaa bukit, dan mambunuhnya. 30Tatapi Yesus bajalan di tongah-tongah urang banyaa iyah dan Iaa ingkas.
Yesus lalam dangau Tuhan di Karpernaum
(Mrk. 1:21-28)
31Metuh arii iyah, Yesus ingkas ka kota Kapernaum. Sabuah kota di wilayah provinsi Galilea dan Inya malajar urang-urang metuh arii terakhir mengoo urang Yahudi. 32Inya malajar honii mampailaa bahwa Inya mangoraa kuasa mulaa Tuhan, laii iyah urang-urang kagum am jarii dilajarkan-Nya. 33Di lalam dangau ibadah urang Yahudi araa siku urang am karasukan roh-roh jahat. Urang iyah basoruu dengan nyaring, 34“Hai, Yesus urang Nazaret, mangapa Ikam manaur kami? Apakah Ikam ditii honaa maminasakan kami? Aku ingat bahwa Ikam araalah Urang Kudus am datang mulaa Allah.” 35Yesus mamarintah roh jahat iyah dengan bapaner: “Sunilah. Maluarlah mulaa tubuh urang itii,” lalu roh jahat iyah manibar-manibarkan tubuh urang iyah ka tanah, ka paharap urang banyaa, lalu roh jahat maluar mulaa tubuh urang iyah dan hontaa manyakitiinya. 36Uras urang am araa koyah taheran-heran, dan rang saling batanya siku ka am bukan: “ajaran macam apakah itii? Laii Inya dengan tegas dan kuasa Iaa mamorii perintah ka roh-roh jahat iyah dan rang maluar mulaa tubuh urang iyah.” 37Dan, urang-urang tarus magabarkan kabar totang apa am jarii Yesus karuh disatiap banua saluruh wilayah Kapernaum.
Yesus manolong banyaa urang
(Mat. 8:14-17; Mrk. 1:29-34)
38Satelah Yesus maningalkan dangau ibadah urang Yahudi metuh arii iyah. Yesus ingkas ka dangau Simon Petrus. Koyah Iaa mailaa inai biniinya Simon am kanyaman. Rang mamintaa Yesus mambaiikanya. 39Lalu Yesus badirii disisi labini iyah dan mambaiikan sakitnya lalu asa sakit labini waktu iyah jam baii. Dan barigas lalu huas manampara malayan rang.
40Metuh, mataari manampara potang, Saluruh urang banyaa manaing ka Yesus uras kaluarga rang am agii sakit dengan bamacam panyakit. Yesus mangoraa jari-Nya dan manyoput rang urasnya dan mambaiikan rang. 41Roh jahat iyah maluar mulaa urang am dikuasa laii roh jahat atas perintah Yesus dan basoruu: “Ikam araalah Anaa Allah.” Tatapi laii rang ingat bahwa Iaa araalah Kristus, Iaa mangusar rang dan manyuruh rang sunii
Yesus malajar di kota-kota am bukan
(Mrk. 1:35-39)
42Metuh arii siang, Yesus ingkas ka daerah am hontaa araa berpenghuni mulaa urang banyaa. Namun urang banyaa manggau-Nya, rang bausahaa mahalangi Iaa agar hontaa maningalkan rang. 43Tatapi Yesus bapaner: “Aku jam harus mangabarkan kabar baii tontang Karajaan Allah ka urang-urang di kota-kota bukan, macam apa Allah akan mamimpin hidup rang, laii iyahlah tujuan Allah mautus Aku manaing pantal mulaa Tuhan ka dunia itii.” 44Lalu, Yesus malajar ka dangau ibadah urang Yahudi di saluruh provinsi Yudea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.