Lukas 9
9
Yesus manyuhu kadue belas murid
(Mat. 10:5-15; Mrk. 6:7-13)
1Balalu Yesus mantehau kadue belas biti murid-Ah akan hakumpul intu taharep-Ah, tuntang manenga ewen kuasa tuntang kea kemampuan akan ewen mambuhau roh-roh je papa bara kare uluh tinai hapa mampakeleh kare uluh bara panyakitah. 2Tuntang kea Yesus manyuhu kawan murid-Ah tulak mansanan akan uluh are mengenai karajaan Allah tuntang mampakeleh kare uluh je haban. 3Sahindai ewen tulak, Yesus mameteh umba ewen, ela ih ketun mimbit kare barang tuh huang perjalananmu: tungket, tas, panginan, duit, atawa baju pakayan ganti. 4Amun ikau tame intu ije lewu, tuntang amun tege uluh je manarima ikau akan melai intu ije huma, melai ih intu huma je sama kilau tamu sampai ikau buhau bara lewu te. 5Tapi amun jatun uluh je manarima ikau, buhau ih bara lewu te. Metuh ikau buhau, gerek ih kawu lewu te bara paimmu. Hal jituh akan mampingat uluh are intu lewu te bahwa Tuhan akan mahukum ewen. 6Maka tulak ndai kawan Murid Yesus mangguang lewu akan lewu je beken tuntang ewen kea mansanan kabar bahalap akan uluh are intu uras uka tuntang mampakeleh uluh je haban.
Raja Herodes tuntang Yesus
(Mat. 14:1-12; Mrk. 6:14-29)
7Metuh te Herodes, manjadi raja daerah Galilea, mahining mengenai uras je jadi inguan awi Yesus, iye bingung tutu. Awi are uluh mansanan are hal mengenai Yesus. Pire-pire uluh je mansanan Yesus yete Yohanes pampandui je jadi belum haluli. 8Tapi tege kea je mansanan: “Yesus yete nabi Elia, je jadi dumah haluli.” Tuntang pire-pire uluh beken kea mansanan, Yesus yete nabi je bara zaman helu bihin belum haluli. 9Tapi raja Herodes hamauh: “Dia mungkin jite Yohanes, awi aku jadi manyuhu kare prajurit ku akan manetek kuluk Yohanes. Jadi, eweh kah uluh jituh je tege aku mahining kare hal je luar biasa mengenai'ah?” Tuntang raja Herodes manggau ampin cara handak manyundau Yesus.
Yesus manenga panginan akan lime ribu biti uluh
(Mat. 14:13-21; Mrk. 6:30-44; Yoh. 6:1-14)
10Kawan murid te dumah tuntang mansanan akan Yesus narai je jadi uras ewen manguan'ah. Balalu Yesus mimbit ewen umba Iye tuntang ewen uras tulak dengan benyem-benyem akan uka je benyem intu tukep ije kota yete Betsaida. 11Tapi katika uluh are mangatawan'ah akan kueh Yesus tuntang kawan murid-Ah tulak, ewen kea tulak akan hete. Metuh ewen sampai ndai, Yesus dengan hanjak atei manyambut ewen tuntang majar ewen mengenai karajaan Allah tuntang mampakeleh uluh are je haban.
12Metuh andau te nampara halemei, kadue belas murid mangguang Yesus tuntang balaku: “Guru, dohop nyuhu uluh are tuh buhau mangat ewen tau tulak akan kare lewu intu sakitar hetuh mangat tau mandinu panginan akan ikinan tuntang kea manggau uka batiruh, awi itah melai intu hetuh uka je benyem.” 13Tapi Yesus hamauh umba ewen: “Kabuatmu ih je manenga ewen panginan.” Tuntang ewen manjawab'ah: “Kilenampi ikei tau manguanah? Awi ikei cuman tege lime kabawak roti je kurik tuntang due kungan lauk kurik je jadi masak. Awi ikei dia cukup panginan kecuali amun ikei tulak mamili akan uluh are tuh.” 14Ewen je mansanan hal jituh awi tege sakitar lime ribu biti uluh je kabuat intu huang kakaren uluh are te. Tapi Yesus manyuhu kare murid-Ah: “Nyuhu ewen munduk bakalompok, masing-masing lime puluh biti huang satiap kalompok.” 15Balalu, kawan murid-Ah manguan narai je inyuhu awi Yesus tuntang uras uluh are te munduk hakalompok. 16Balalu Yesus manduan lime kabawak roti tuntang due kungan lauk je jadi masak. Yesus manggatang kahunjun tuntang ma'ucap syukur umba Allah awi panginan jite. Balalu kea Yesus mambagi roti tuntang lauk te akan pire-pire bagian tuntang kea manenga akan kawan murid mangat tau imbagi akan uluh are. 17Ewen uras kuman kakare je ewen ngahandakah. Limbas jite, kawan murid mangumpul tisan karen panginan tuntang bajumlah kakareah due belas kusak.
Pengakuan Petrus bahwa Yesus yete Mesias
(Mat. 16:13-20; Mrk. 8:27-30)
18Intu ije katika metuh Yesus kabuatah balaku doa umba Allah metuh te kawan murid-Ah tege tukep Iye. Limbas Yesus balaku doa, Iye misek umba ewen: “Auh uluh, eweh kah Aku tuh?” 19Kawan murid-Ah manjawab: “Pire-pire uluh mansanan bahwa Ikau tuh Yohanes pampandui je jadi belum haluli, tege kea uluh je beken mansanan Ikau tuh nabi Elia je jadi dumah haluli. Tuntang tege kea uluh je mansanan bahwa Ikau tuh ije biti nabi je jadi tahi matei tuntang wayah tuh belum haluli!” 20Haluli tinai Yesus misek ewen: “Tapi kilenampi pandapat mu kabuat mengenai Aku tuh? Tuntang manurut mu, eweh kah Aku tuh?” Petrus manjawab'ah: “Ikau tuh Mesias, je ijanji awi Allah akan inyuhu-Ah.” 21Tapi Yesus dengan tegas manyuhu ewen: “Ela mansanan hal jituh akan eweh bewei.”
Pansanan je tampara mengenai kapehen Yesus tuntang kare syarat umba Iye
(Mat. 16:21-28; Mrk. 8:31—9:1)
22Limbas te Yesus mansanan akan ewen: “Aku, Anak Kalunen, harus mangkeme are kapehen. Kare kawan uluh bakas Yahudi, kare imam hai tuntang guru hukum Musa dia manarima Aku, tuntang kea Aku akan ihukum patei tuntang impelum intu andau katelu bara helat uluh matei.” 23Balalu kea Yesus hamauh umba uluh are: “Eweh bewei uluh je handak manjadi murid-Ku, iye harus malekak narai je jadi kahandak ewen. Tuntang ewen harus siap akan mananggung salib ah satiap andau tuntang umba ih Aku.” 24Awi eweh bewei je handak manyalamat pambelumah intu dunia tuh dia akan tau mandinu pambelum je katatahi, tapi eweh bewei uluh je manyarah pambelumah awi iye murid-Ku maka akan mandinu pambelum je katatahiah. 25Awi te akan narai amun ikau manggau uras sesuatu intu dunia tuh tapi dia mandinu pambelum je katatahi? 26Kilau te kea amun ikau mahamen awi Aku tuntang ajaran-Ku, maka Aku kea, Anak Kalunen, akan mahamen awi ikau intu waktu Aku dumah haluli akan dunia huang kahalap-Ku tuntang kahalap Bapa tuntang kea kawan utusan Tuhan je kudus akan dumah pahayak dengang Ku. 27Aku mansanan akam mu dengan sabujur'ah bahwa pire-pire bara ketun je tege intu hetuh dia akan tau matei sahindai mananture karajaan Allah.
Yesus imulia intu hunjun bukit
(Mat. 17:1-8; Mrk. 9:2-8)
28Sakitar hanya andau limbas Yesus mansanan ajaran te, Yesus mimbit Petrus, Yohanes tuntang Yakobus tulak umba Iye mandai bukit akan balaku doa umba Allah. 29Metuh Yesus te balaku doa, baum tuntang baju pakayan-Ah barubah manjadi baputi tuntang bacahaya tarang. 30Balalu lembut ndai due biti uluh hatue metuh bapander umba Yesus. Ewen due te nabi Musa tuntang nabi Elia. 31Ewen due te kea uras bacahaya mangkilat kahalap surgawi. Ewen due bapander mengenai kilenampi Yesus akan kapehe sampai matei inyalib intu tukep kota Yerusalem. Dengan cara tuh ih Iye akan malalus kahandak Allah aka-Ah. 32Metuh jite kea petrus tuntang kadue murid je beken jadi batiruh. Metuh ewen tapisik, ewen nanture Yesus, nabi Musa, tuntang nabi Elia bacahaya mangkilat kahalap surgawi. 33Tuntang metuh kadue nabi te handak bapisah dengan Yesus, Petrus hamauh umba Yesus: “Guru, ikei hanjak tutu melai hetuh. Ikei akan mampendeng telu puduk intu hetuh, ije akam-Mu, ije akan nabi Musa, ije akan nabi Elia.” Tapi Petrus dia mangerti narai je jadi insanan'ah te.
34Metuh Petrus bapander umba Yesus te, baun andau dumah bara langit manyangkulep kawan murid Yesus tuntang ewen kea uras mikeh. 35Balalu ewen mahining tege suara Allah je hamauh bara huang baun andau te: “Yesus tuh yete Anak-Ku je jadi Aku mintih'ah. Awi te hining ih auh-Ah tuntang numun ih kare auh parentah-Ah!”
36Limbas suara te jatun hining ndai, telu biti murid-Ah mananture Yesus kabuatah ih. Tuntang Ewen dia mansanan akan eweh bewei mengenai narai je jadi ewen tureah.
Yesus mampuhau roh je papa bara ije biti anak je haban
(Mat. 17:14-21; Mrk. 9:14-29)
37Metuh Yesus tuntang kawan murid-Ah muhun bara bukit andau jewu ah, uluh are jadi manunggu handak hasundau dengan Yesus. 38Tapi salenga ije biti uluh hatue bara kakaren uluh te nangkariak umba Yesus: “Guru, aku balaku dengam-Mu, nguanih sesuatu akan mandohop anak ku je cuma ije-ije ih. 39Awi roh je papa rancak manyarung iye tuntang salenga kea manguan iye nangkariak. Roh jite mangerekah dengan karas sampai baum te habure. Roh je papa jite puna mangampehe iye tuntang dia handak buhau bara iye. 40Tege kea aku balaku umba kare murid-Mu akan mandohop mambuhauah, tapi ewen dia ulih manguanah!” 41Katika Yesus mahining hal jite, Iye hamauh umba kare uluh intu katika jite: “Ikau je dia bujur-bujur percaya umba Allah tuntang ikau yete uluh je badosa! Aku jadi tahi umba ketun, tapi ketun tatap dia percaya umba-Aku!” Balalu Yesus hamauh dengan uluh jite, imbit ih anak mu akan hetuh.
42Ketika anak jite metuh intu perjalanan'ah, roh papa jite mahampasah intu petak tuntang manampa iye kujur kejer je karas. Yesus manyuhu roh papa jite akan balua bara anak jite. Yesus mampakeleh anak jite tuntang manenga akan uluh bakas'ah: “Tuh ih anak mu.”
Pansanan kadue mengenai kapehen Yesus
(Mat. 17:22-23; Mrk. 9:30-32)
43Balalu uras uluh takijut mananture kuasa Allah je hai jite. Tuntang metuh uras uluh heran dengan uras hal je jadi Yesus nguanah, Yesus hamauh umba kare murid-Ah, 44“Awi te ikau harus mahining dengan tutu tuntang mingat narai je jadi Aku sanan'ah: Aku, Anak Kalunen, dia tahi ndai akan i'hiyanat tuntang inenga akan uluh je badosa.” 45Tapi ewen dia mangerti narai je ander Yesus te, awi ewen dia mamaham'ah. Tuntang kea ewen mikeh misek umba Yesus narai arti bara auh-Ah te.
Eweh je tangkahai intu helat kawan murid
(Mat. 18:1-5; Mrk. 9:33-37)
46Balalu nampara ndai kawan murid-Ah hasual jawab sama arep ewen manangkian eweh je paling hai intu helat ewen. 47Tapi Yesus katawan narai je jadi inangkian ewen. Awi te, Yesus manduan ije biti anak uluh kurik tuntang manyuhu'ah mendeng intu balikat-Ah. 48Balalu Yesus hamauh umba kawan murid-Ah: “Eweh uluh je manyambut anak je kurik tuh awi Aku, iye kea manyambut Aku tuntang eweh uluh je manyambut Aku, iye manyambut Allah kea je manyuhu Aku. Awi eweh uluh je paling kurik, iye ih je paling hai intu taharep Allah.”
Eweh bewei uluh je dia bamusuh dengam mu iye te tege intu pihak itah
(Mrk. 9:38-40)
49Balalu Yohanes mansanan akan Yesus: “Guru, ikei tege nanture uluh je mangguna aram-Mu akan mambuhau roh je papa bara uluh are, tuntang ikei kea mangahana'ah manguan hal jite awi iye dia tatame huang kalampok ikei.” 50Tapi Yesus manjawab'ah: “Ela ngahana'ah uluh kilau iye awi eweh bewei uluh je dia bamusuh dengam mu iye te tege intu pihak itah.”
Ije lewu uluh Samaria dia manarima Yesus
51Metuh katika'ah jadi semakin tukep akan Yesus haluli akan sorga, Yesus dengan tegas tatap tulak akan kota Yerusalem. 52Yesus balaku pire-pire biti uluh akan utusan-Ah akan helu bara Iye. Ewen tulak akan ije lewu intu daerah uluh Samaria, akan manyiap'ah uka Yesus tuntang akan uluh are je beken bamalem. 53Tapi uluh are intu lewu Samaria jadi mangatawan bahwa Yesus metuh intu perjalanan ah akan kota Yerusalem manyembah Allah, ewen dia manarima Yesus melai intu hete umba ewen. 54Metuh kawan murid Yesus te, Yakobus ewen due Yohanes mahining hal jituh, ewen misek umba Yesus: “Tuhan, handak kah Ikau manyuhu ikei akan mampuhun apui bara langit tuntang mamapui lewu tuh?” 55Tapi Yesus mules tuntang maningak ewen. 56Limbas te Yesus tuntang kawan murid-Ah tulak akan lewu je beken.
Eweh je akan manjadi murid Yesus
(Mat. 8:19-22)
57Metuh Yesus tuntang kawan murid-Ah intu huang perjalanan'ah mangguang kota Yerusalem, ije biti uluh hatue mangguang Yesus tuntang hamauh: “Tuhan, imbit aku akan manjadi murid-Mu tuntang mampahayak Ikau akan kueh bewei Ikau tulak.” 58Yesus manjawab auh'ah: “Kare bahuang melai intu huang rumbak tuntang burung intu langit melai intu saranganah. Tapi Aku, Anak Kalunen, jatun uka melai mangat tau batiruh.”
59Limbas te Yesus hamauh umba uluh beken kia: “Umba ih Aku.” Tapi uluh te manjawab'ah: “Tuhan, nyuhu ih aku buli helu awi aku handak mangubur bapa ku.”
60Tinai Yesus hamauh umba'ah: “Ewen je dia taat umba Allah yete sama kilau uluh je matei. Duem ih ewen mangubur kare uluh je jadi matei intu helat ewen kabuat. Tapi ikau, tulak ih tuntang sanan akan uras uluh mengenai karajaan Allah.”
61Tege kia uluh je beken hamauh: “Tuhan, aku handak manjadi murid-Mu. Tapi nyuhu ih aku buli mangguang keluaraga ku tuntang balaku ijin umba ewen.”
62Tapi Yesus manjawab'ah: “Eweh uluh je handak manjadi murid-Ku tapi iye haluli akan pembelum je helu, iye dia tau akan umba intu huang karajaan Allah.”
Currently Selected:
Lukas 9: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
Lukas 9
9
Yesus manyuhu kadue belas murid
(Mat. 10:5-15; Mrk. 6:7-13)
1Balalu Yesus mantehau kadue belas biti murid-Ah akan hakumpul intu taharep-Ah, tuntang manenga ewen kuasa tuntang kea kemampuan akan ewen mambuhau roh-roh je papa bara kare uluh tinai hapa mampakeleh kare uluh bara panyakitah. 2Tuntang kea Yesus manyuhu kawan murid-Ah tulak mansanan akan uluh are mengenai karajaan Allah tuntang mampakeleh kare uluh je haban. 3Sahindai ewen tulak, Yesus mameteh umba ewen, ela ih ketun mimbit kare barang tuh huang perjalananmu: tungket, tas, panginan, duit, atawa baju pakayan ganti. 4Amun ikau tame intu ije lewu, tuntang amun tege uluh je manarima ikau akan melai intu ije huma, melai ih intu huma je sama kilau tamu sampai ikau buhau bara lewu te. 5Tapi amun jatun uluh je manarima ikau, buhau ih bara lewu te. Metuh ikau buhau, gerek ih kawu lewu te bara paimmu. Hal jituh akan mampingat uluh are intu lewu te bahwa Tuhan akan mahukum ewen. 6Maka tulak ndai kawan Murid Yesus mangguang lewu akan lewu je beken tuntang ewen kea mansanan kabar bahalap akan uluh are intu uras uka tuntang mampakeleh uluh je haban.
Raja Herodes tuntang Yesus
(Mat. 14:1-12; Mrk. 6:14-29)
7Metuh te Herodes, manjadi raja daerah Galilea, mahining mengenai uras je jadi inguan awi Yesus, iye bingung tutu. Awi are uluh mansanan are hal mengenai Yesus. Pire-pire uluh je mansanan Yesus yete Yohanes pampandui je jadi belum haluli. 8Tapi tege kea je mansanan: “Yesus yete nabi Elia, je jadi dumah haluli.” Tuntang pire-pire uluh beken kea mansanan, Yesus yete nabi je bara zaman helu bihin belum haluli. 9Tapi raja Herodes hamauh: “Dia mungkin jite Yohanes, awi aku jadi manyuhu kare prajurit ku akan manetek kuluk Yohanes. Jadi, eweh kah uluh jituh je tege aku mahining kare hal je luar biasa mengenai'ah?” Tuntang raja Herodes manggau ampin cara handak manyundau Yesus.
Yesus manenga panginan akan lime ribu biti uluh
(Mat. 14:13-21; Mrk. 6:30-44; Yoh. 6:1-14)
10Kawan murid te dumah tuntang mansanan akan Yesus narai je jadi uras ewen manguan'ah. Balalu Yesus mimbit ewen umba Iye tuntang ewen uras tulak dengan benyem-benyem akan uka je benyem intu tukep ije kota yete Betsaida. 11Tapi katika uluh are mangatawan'ah akan kueh Yesus tuntang kawan murid-Ah tulak, ewen kea tulak akan hete. Metuh ewen sampai ndai, Yesus dengan hanjak atei manyambut ewen tuntang majar ewen mengenai karajaan Allah tuntang mampakeleh uluh are je haban.
12Metuh andau te nampara halemei, kadue belas murid mangguang Yesus tuntang balaku: “Guru, dohop nyuhu uluh are tuh buhau mangat ewen tau tulak akan kare lewu intu sakitar hetuh mangat tau mandinu panginan akan ikinan tuntang kea manggau uka batiruh, awi itah melai intu hetuh uka je benyem.” 13Tapi Yesus hamauh umba ewen: “Kabuatmu ih je manenga ewen panginan.” Tuntang ewen manjawab'ah: “Kilenampi ikei tau manguanah? Awi ikei cuman tege lime kabawak roti je kurik tuntang due kungan lauk kurik je jadi masak. Awi ikei dia cukup panginan kecuali amun ikei tulak mamili akan uluh are tuh.” 14Ewen je mansanan hal jituh awi tege sakitar lime ribu biti uluh je kabuat intu huang kakaren uluh are te. Tapi Yesus manyuhu kare murid-Ah: “Nyuhu ewen munduk bakalompok, masing-masing lime puluh biti huang satiap kalompok.” 15Balalu, kawan murid-Ah manguan narai je inyuhu awi Yesus tuntang uras uluh are te munduk hakalompok. 16Balalu Yesus manduan lime kabawak roti tuntang due kungan lauk je jadi masak. Yesus manggatang kahunjun tuntang ma'ucap syukur umba Allah awi panginan jite. Balalu kea Yesus mambagi roti tuntang lauk te akan pire-pire bagian tuntang kea manenga akan kawan murid mangat tau imbagi akan uluh are. 17Ewen uras kuman kakare je ewen ngahandakah. Limbas jite, kawan murid mangumpul tisan karen panginan tuntang bajumlah kakareah due belas kusak.
Pengakuan Petrus bahwa Yesus yete Mesias
(Mat. 16:13-20; Mrk. 8:27-30)
18Intu ije katika metuh Yesus kabuatah balaku doa umba Allah metuh te kawan murid-Ah tege tukep Iye. Limbas Yesus balaku doa, Iye misek umba ewen: “Auh uluh, eweh kah Aku tuh?” 19Kawan murid-Ah manjawab: “Pire-pire uluh mansanan bahwa Ikau tuh Yohanes pampandui je jadi belum haluli, tege kea uluh je beken mansanan Ikau tuh nabi Elia je jadi dumah haluli. Tuntang tege kea uluh je mansanan bahwa Ikau tuh ije biti nabi je jadi tahi matei tuntang wayah tuh belum haluli!” 20Haluli tinai Yesus misek ewen: “Tapi kilenampi pandapat mu kabuat mengenai Aku tuh? Tuntang manurut mu, eweh kah Aku tuh?” Petrus manjawab'ah: “Ikau tuh Mesias, je ijanji awi Allah akan inyuhu-Ah.” 21Tapi Yesus dengan tegas manyuhu ewen: “Ela mansanan hal jituh akan eweh bewei.”
Pansanan je tampara mengenai kapehen Yesus tuntang kare syarat umba Iye
(Mat. 16:21-28; Mrk. 8:31—9:1)
22Limbas te Yesus mansanan akan ewen: “Aku, Anak Kalunen, harus mangkeme are kapehen. Kare kawan uluh bakas Yahudi, kare imam hai tuntang guru hukum Musa dia manarima Aku, tuntang kea Aku akan ihukum patei tuntang impelum intu andau katelu bara helat uluh matei.” 23Balalu kea Yesus hamauh umba uluh are: “Eweh bewei uluh je handak manjadi murid-Ku, iye harus malekak narai je jadi kahandak ewen. Tuntang ewen harus siap akan mananggung salib ah satiap andau tuntang umba ih Aku.” 24Awi eweh bewei je handak manyalamat pambelumah intu dunia tuh dia akan tau mandinu pambelum je katatahi, tapi eweh bewei uluh je manyarah pambelumah awi iye murid-Ku maka akan mandinu pambelum je katatahiah. 25Awi te akan narai amun ikau manggau uras sesuatu intu dunia tuh tapi dia mandinu pambelum je katatahi? 26Kilau te kea amun ikau mahamen awi Aku tuntang ajaran-Ku, maka Aku kea, Anak Kalunen, akan mahamen awi ikau intu waktu Aku dumah haluli akan dunia huang kahalap-Ku tuntang kahalap Bapa tuntang kea kawan utusan Tuhan je kudus akan dumah pahayak dengang Ku. 27Aku mansanan akam mu dengan sabujur'ah bahwa pire-pire bara ketun je tege intu hetuh dia akan tau matei sahindai mananture karajaan Allah.
Yesus imulia intu hunjun bukit
(Mat. 17:1-8; Mrk. 9:2-8)
28Sakitar hanya andau limbas Yesus mansanan ajaran te, Yesus mimbit Petrus, Yohanes tuntang Yakobus tulak umba Iye mandai bukit akan balaku doa umba Allah. 29Metuh Yesus te balaku doa, baum tuntang baju pakayan-Ah barubah manjadi baputi tuntang bacahaya tarang. 30Balalu lembut ndai due biti uluh hatue metuh bapander umba Yesus. Ewen due te nabi Musa tuntang nabi Elia. 31Ewen due te kea uras bacahaya mangkilat kahalap surgawi. Ewen due bapander mengenai kilenampi Yesus akan kapehe sampai matei inyalib intu tukep kota Yerusalem. Dengan cara tuh ih Iye akan malalus kahandak Allah aka-Ah. 32Metuh jite kea petrus tuntang kadue murid je beken jadi batiruh. Metuh ewen tapisik, ewen nanture Yesus, nabi Musa, tuntang nabi Elia bacahaya mangkilat kahalap surgawi. 33Tuntang metuh kadue nabi te handak bapisah dengan Yesus, Petrus hamauh umba Yesus: “Guru, ikei hanjak tutu melai hetuh. Ikei akan mampendeng telu puduk intu hetuh, ije akam-Mu, ije akan nabi Musa, ije akan nabi Elia.” Tapi Petrus dia mangerti narai je jadi insanan'ah te.
34Metuh Petrus bapander umba Yesus te, baun andau dumah bara langit manyangkulep kawan murid Yesus tuntang ewen kea uras mikeh. 35Balalu ewen mahining tege suara Allah je hamauh bara huang baun andau te: “Yesus tuh yete Anak-Ku je jadi Aku mintih'ah. Awi te hining ih auh-Ah tuntang numun ih kare auh parentah-Ah!”
36Limbas suara te jatun hining ndai, telu biti murid-Ah mananture Yesus kabuatah ih. Tuntang Ewen dia mansanan akan eweh bewei mengenai narai je jadi ewen tureah.
Yesus mampuhau roh je papa bara ije biti anak je haban
(Mat. 17:14-21; Mrk. 9:14-29)
37Metuh Yesus tuntang kawan murid-Ah muhun bara bukit andau jewu ah, uluh are jadi manunggu handak hasundau dengan Yesus. 38Tapi salenga ije biti uluh hatue bara kakaren uluh te nangkariak umba Yesus: “Guru, aku balaku dengam-Mu, nguanih sesuatu akan mandohop anak ku je cuma ije-ije ih. 39Awi roh je papa rancak manyarung iye tuntang salenga kea manguan iye nangkariak. Roh jite mangerekah dengan karas sampai baum te habure. Roh je papa jite puna mangampehe iye tuntang dia handak buhau bara iye. 40Tege kea aku balaku umba kare murid-Mu akan mandohop mambuhauah, tapi ewen dia ulih manguanah!” 41Katika Yesus mahining hal jite, Iye hamauh umba kare uluh intu katika jite: “Ikau je dia bujur-bujur percaya umba Allah tuntang ikau yete uluh je badosa! Aku jadi tahi umba ketun, tapi ketun tatap dia percaya umba-Aku!” Balalu Yesus hamauh dengan uluh jite, imbit ih anak mu akan hetuh.
42Ketika anak jite metuh intu perjalanan'ah, roh papa jite mahampasah intu petak tuntang manampa iye kujur kejer je karas. Yesus manyuhu roh papa jite akan balua bara anak jite. Yesus mampakeleh anak jite tuntang manenga akan uluh bakas'ah: “Tuh ih anak mu.”
Pansanan kadue mengenai kapehen Yesus
(Mat. 17:22-23; Mrk. 9:30-32)
43Balalu uras uluh takijut mananture kuasa Allah je hai jite. Tuntang metuh uras uluh heran dengan uras hal je jadi Yesus nguanah, Yesus hamauh umba kare murid-Ah, 44“Awi te ikau harus mahining dengan tutu tuntang mingat narai je jadi Aku sanan'ah: Aku, Anak Kalunen, dia tahi ndai akan i'hiyanat tuntang inenga akan uluh je badosa.” 45Tapi ewen dia mangerti narai je ander Yesus te, awi ewen dia mamaham'ah. Tuntang kea ewen mikeh misek umba Yesus narai arti bara auh-Ah te.
Eweh je tangkahai intu helat kawan murid
(Mat. 18:1-5; Mrk. 9:33-37)
46Balalu nampara ndai kawan murid-Ah hasual jawab sama arep ewen manangkian eweh je paling hai intu helat ewen. 47Tapi Yesus katawan narai je jadi inangkian ewen. Awi te, Yesus manduan ije biti anak uluh kurik tuntang manyuhu'ah mendeng intu balikat-Ah. 48Balalu Yesus hamauh umba kawan murid-Ah: “Eweh uluh je manyambut anak je kurik tuh awi Aku, iye kea manyambut Aku tuntang eweh uluh je manyambut Aku, iye manyambut Allah kea je manyuhu Aku. Awi eweh uluh je paling kurik, iye ih je paling hai intu taharep Allah.”
Eweh bewei uluh je dia bamusuh dengam mu iye te tege intu pihak itah
(Mrk. 9:38-40)
49Balalu Yohanes mansanan akan Yesus: “Guru, ikei tege nanture uluh je mangguna aram-Mu akan mambuhau roh je papa bara uluh are, tuntang ikei kea mangahana'ah manguan hal jite awi iye dia tatame huang kalampok ikei.” 50Tapi Yesus manjawab'ah: “Ela ngahana'ah uluh kilau iye awi eweh bewei uluh je dia bamusuh dengam mu iye te tege intu pihak itah.”
Ije lewu uluh Samaria dia manarima Yesus
51Metuh katika'ah jadi semakin tukep akan Yesus haluli akan sorga, Yesus dengan tegas tatap tulak akan kota Yerusalem. 52Yesus balaku pire-pire biti uluh akan utusan-Ah akan helu bara Iye. Ewen tulak akan ije lewu intu daerah uluh Samaria, akan manyiap'ah uka Yesus tuntang akan uluh are je beken bamalem. 53Tapi uluh are intu lewu Samaria jadi mangatawan bahwa Yesus metuh intu perjalanan ah akan kota Yerusalem manyembah Allah, ewen dia manarima Yesus melai intu hete umba ewen. 54Metuh kawan murid Yesus te, Yakobus ewen due Yohanes mahining hal jituh, ewen misek umba Yesus: “Tuhan, handak kah Ikau manyuhu ikei akan mampuhun apui bara langit tuntang mamapui lewu tuh?” 55Tapi Yesus mules tuntang maningak ewen. 56Limbas te Yesus tuntang kawan murid-Ah tulak akan lewu je beken.
Eweh je akan manjadi murid Yesus
(Mat. 8:19-22)
57Metuh Yesus tuntang kawan murid-Ah intu huang perjalanan'ah mangguang kota Yerusalem, ije biti uluh hatue mangguang Yesus tuntang hamauh: “Tuhan, imbit aku akan manjadi murid-Mu tuntang mampahayak Ikau akan kueh bewei Ikau tulak.” 58Yesus manjawab auh'ah: “Kare bahuang melai intu huang rumbak tuntang burung intu langit melai intu saranganah. Tapi Aku, Anak Kalunen, jatun uka melai mangat tau batiruh.”
59Limbas te Yesus hamauh umba uluh beken kia: “Umba ih Aku.” Tapi uluh te manjawab'ah: “Tuhan, nyuhu ih aku buli helu awi aku handak mangubur bapa ku.”
60Tinai Yesus hamauh umba'ah: “Ewen je dia taat umba Allah yete sama kilau uluh je matei. Duem ih ewen mangubur kare uluh je jadi matei intu helat ewen kabuat. Tapi ikau, tulak ih tuntang sanan akan uras uluh mengenai karajaan Allah.”
61Tege kia uluh je beken hamauh: “Tuhan, aku handak manjadi murid-Mu. Tapi nyuhu ih aku buli mangguang keluaraga ku tuntang balaku ijin umba ewen.”
62Tapi Yesus manjawab'ah: “Eweh uluh je handak manjadi murid-Ku tapi iye haluli akan pembelum je helu, iye dia tau akan umba intu huang karajaan Allah.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.