Efɛs yaab Nà wɔngeh Kugbɔnku kuu te ma bo
Nà wɔngeh Kugbɔnku kuu te ma bo
Pɔl kɛle' kugbɔnku kuu ki de' Kristo ya táan yà te Efɛs ya du ni nin iʼtɔ yà te Asi ya tinfɛnm ni nnɔ nɛ. U là te lipɛkl ni nɛ ki kɛle' kugbɔnku nnɔ (3:1; 4:1). Pɔl taan' u wɔkn' itáan nnɔ miwɔknm mà kɛ nnɔ mijenjenm bo nɛ ki kɛle' kugbɔnku kuu ni. U kɛle' kù ki de' Kristo yaab bà ŋa yé Sufmbɛ nnɔ nɛ. Kugbɔnku kuu ya mɛsɛnkpiɛke si: Efɛs yaab ń bɛnde Uwien bonde' wɔ ń sɔn itùon yà nɛ. Nì yé tibont tà là buɔ, Yesu cère' binib bɛnde' tù nɛ. Uwien bonde' haali uyoyo ŋɔ wɔ ń taan nà kɛ te kitink bo nin kutaaku bo nɛ kí taa kí ŋukn Yesu Kristo.
Kí cin liyul 1 kí tì baa 3, Pɔl tɔke' bɛ ki ye: Yesu Kristo nɛ baa' ki kpo' udɔpɔnpɔn bo ki cère' bɛn nin Uwien taan' buñɔbu, ki gben' kinɛnk kà là te bà yé Sufmbɛ nin bà ŋa yé Sufmbɛ nnɔ ya sɛsiɛke. Nɛn bo, borm ŋa ji te biʼsiik ni.
Kí cin iyul 4 kí tì baa 6, Pɔl tɔkeh Kristo yaab ki teh bɛ ń li ŋmɔbe mitekjim nin uyɛnduɔn wà Uwien de' bɛ wù nnɔ, kí li fuobe mifuobfɛ̀nm. Wà kɛle' kugbɔnku kuu nnɔ tɔkeh piiciɛb ki teh bɛ ń bɛ ń li yíe biʼpuob tɛn Kristo yíe uʼtáan yaab ma bo, ki kpo' biʼbiɛre bo nnɔ nɛ.
Currently Selected:
Efɛs yaab Nà wɔngeh Kugbɔnku kuu te ma bo: gngNT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.