Pangiraan Suku Israel 25
25
Tau Moap daparajari kole’ i Bileam dasuro’ mawa lo’a tau Israelen badosa
1Jaji launna lalako’a tau Israelen inang di Sitim, mulai barik ira babakaan mamola basa kakanjianen nanna babainye Moap dinen. 2Ira babainye Moapen mangampitang lo’a babaka tau Israelen itiang tamba ilalam rami pamindaraan lo’a jalu dasembaan kole’da’. Jaji tamba barik ira angkaan inang sarata manyemba ijolona jalu dasembaan dinen. 3Tamba bea ira manyemba lo’a jalu dasembaan, Ba’al Peor asanna. Jaji bakaya barik arasina i Yahuwe lo’da’.
4Jaji manjarum barik i Yahuwe lo’a baki’ Musa, “Arung itingkam ambata panguluanda’ yang mamolaan basa sala’en. Arung iduno’, igantung di sisiaken di aroku’ i Yahuwe mainto’ atadanga arasiku’ lo’a tau Israelen,” ingka kenang paba’ina lo’a baki’ Musa.
5Jaji manjarum barik baki’ Musa lo’a ambata paurus tau Israelen, “Daikin samuanin andianen anak suang gulungannin yang maminen tamba lo’a dinen manyemba lo’a Ba’al Peor, arung itingkam, arung idukum mate,” ingka kenang.
6Jaji patanga’an manjaruma baki’ Musa awan dinen manyuro’ idukuma tau kakanjianen, andian kakarut babaka tau Israelen mole’ mawa babainye urang Midian lo’a arasairunna, to’ mawa sitindo’an nanna. Daawa inang jaji di matana baki’ Musa nanna tau bayu’en patanga’an sinangis-nangisana di mambangan Kakalang Pasidua’ang Kaleen nanna i Yahuwe, manangisi tau to’ daukum mate dinen. 7-8Jaji dakita awan dinen kole’a baki’ Pinehas anaka baki’ Eleasar, ampuna baki’ Harun tau imamen dinen. Laloang daia inyap di bangkulungan tau bayu’en malola’ lo’da’ duaan dinen lo’a kakalanga, mawa ulis. Mondok ilalam, datampun, dapasiajuk duana tau Israelen nanna babainye tau Midian dinen de’i. Atarus batanga babakaan laloang masok lo’a mantuarina babainyeen. Jaji andian mamin mondok panyakit samparen yang marusakangen lo’a tau Israelen. Maminna barik dauno’ ira dinen kole’a baki’ Pinehas, atadang barik panyakit samparen dinen. 9Poangsi tau mateen kole’a samparen andian mamin dua pulo’ ampat ribu mantuariin bayu’a.
10Jaji manjarum barik i Yahuwe lo’a baki’ Musa, 11“I Pinehas anaka i Eleasar, ampuna i Harun tau imamen dinen, mamin mangapi’ang arasiku’ lo’a tau Israelen. Sabangon nanku’ bayoka itiang manyagai lo’a asanku’. Kole’a basana i Pinehas dinen, ialalo na’anna kutampusi kausana ambata tau Israelen. Na’an kenang akaus kutampusi lasana to’ manyagaiku’ lo’a asan diri’ku’. 12Ialalo barik awandi’en kusuro’ awa jarumku’ lo’a. Awandi’en barik kupola kaputusan bayaku’ nanna, asel sikamaamanka’. 13Ilalam bayaka’ dinen ia yang manangko’en tugas imamen turun-manurun kole’a daia mainya’ mangamuroang lo’ku’ manyagai lo’a asanku’. Ia yang mawaan pasikule’angen antarana tau Israelen nanku’,” ingka kenang bayana i Yahuwe yang darantangen nanna baki’ Pinehas dinen.
14Jaji asanna tau Israel dinen yang dauno’en sarata nanna babainye tau Midian dinen, baki’ Simri asanna, anaka baki’ Salu. Baki’ Salu lalo dinen panguluangen di kayan kanturunan Simeon dinen. 15Asanna babainye tau Midian yang daukum mateen dinen, i Kosbi asanna, anaka i Sur. I Sur dinen panguluan bea di kayan tau Midian dinen.
16Jaji manjarum i Yahuwe lo’a baki’ Musa, 17“Tau Midian dinen arung ianggap ikin musu. Arung iduno’ ikin. 18Kole’a maminkin daanggap musu kole’da’ ilalam akala lo’in inang di ukit Peor, nanga gulungan anak babainyeda’ dinen dala pamancing lo’in. Kenang bea nanga mondoka panyakit sampar manyuro’ mondoka dinen lo’in, akibat dari Peor dinen. Ilalam akala i Kosbi dinen anaka panguluan tau Midan, maminkin daanggap musu. Ialalo ira dinen arung ianggap ikin musunin,” ingka kenang manjaruma i Yahuwe lo’a baki’ Musa.
Currently Selected:
Pangiraan Suku Israel 25: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Pangiraan Suku Israel 25
25
Tau Moap daparajari kole’ i Bileam dasuro’ mawa lo’a tau Israelen badosa
1Jaji launna lalako’a tau Israelen inang di Sitim, mulai barik ira babakaan mamola basa kakanjianen nanna babainye Moap dinen. 2Ira babainye Moapen mangampitang lo’a babaka tau Israelen itiang tamba ilalam rami pamindaraan lo’a jalu dasembaan kole’da’. Jaji tamba barik ira angkaan inang sarata manyemba ijolona jalu dasembaan dinen. 3Tamba bea ira manyemba lo’a jalu dasembaan, Ba’al Peor asanna. Jaji bakaya barik arasina i Yahuwe lo’da’.
4Jaji manjarum barik i Yahuwe lo’a baki’ Musa, “Arung itingkam ambata panguluanda’ yang mamolaan basa sala’en. Arung iduno’, igantung di sisiaken di aroku’ i Yahuwe mainto’ atadanga arasiku’ lo’a tau Israelen,” ingka kenang paba’ina lo’a baki’ Musa.
5Jaji manjarum barik baki’ Musa lo’a ambata paurus tau Israelen, “Daikin samuanin andianen anak suang gulungannin yang maminen tamba lo’a dinen manyemba lo’a Ba’al Peor, arung itingkam, arung idukum mate,” ingka kenang.
6Jaji patanga’an manjaruma baki’ Musa awan dinen manyuro’ idukuma tau kakanjianen, andian kakarut babaka tau Israelen mole’ mawa babainye urang Midian lo’a arasairunna, to’ mawa sitindo’an nanna. Daawa inang jaji di matana baki’ Musa nanna tau bayu’en patanga’an sinangis-nangisana di mambangan Kakalang Pasidua’ang Kaleen nanna i Yahuwe, manangisi tau to’ daukum mate dinen. 7-8Jaji dakita awan dinen kole’a baki’ Pinehas anaka baki’ Eleasar, ampuna baki’ Harun tau imamen dinen. Laloang daia inyap di bangkulungan tau bayu’en malola’ lo’da’ duaan dinen lo’a kakalanga, mawa ulis. Mondok ilalam, datampun, dapasiajuk duana tau Israelen nanna babainye tau Midian dinen de’i. Atarus batanga babakaan laloang masok lo’a mantuarina babainyeen. Jaji andian mamin mondok panyakit samparen yang marusakangen lo’a tau Israelen. Maminna barik dauno’ ira dinen kole’a baki’ Pinehas, atadang barik panyakit samparen dinen. 9Poangsi tau mateen kole’a samparen andian mamin dua pulo’ ampat ribu mantuariin bayu’a.
10Jaji manjarum barik i Yahuwe lo’a baki’ Musa, 11“I Pinehas anaka i Eleasar, ampuna i Harun tau imamen dinen, mamin mangapi’ang arasiku’ lo’a tau Israelen. Sabangon nanku’ bayoka itiang manyagai lo’a asanku’. Kole’a basana i Pinehas dinen, ialalo na’anna kutampusi kausana ambata tau Israelen. Na’an kenang akaus kutampusi lasana to’ manyagaiku’ lo’a asan diri’ku’. 12Ialalo barik awandi’en kusuro’ awa jarumku’ lo’a. Awandi’en barik kupola kaputusan bayaku’ nanna, asel sikamaamanka’. 13Ilalam bayaka’ dinen ia yang manangko’en tugas imamen turun-manurun kole’a daia mainya’ mangamuroang lo’ku’ manyagai lo’a asanku’. Ia yang mawaan pasikule’angen antarana tau Israelen nanku’,” ingka kenang bayana i Yahuwe yang darantangen nanna baki’ Pinehas dinen.
14Jaji asanna tau Israel dinen yang dauno’en sarata nanna babainye tau Midian dinen, baki’ Simri asanna, anaka baki’ Salu. Baki’ Salu lalo dinen panguluangen di kayan kanturunan Simeon dinen. 15Asanna babainye tau Midian yang daukum mateen dinen, i Kosbi asanna, anaka i Sur. I Sur dinen panguluan bea di kayan tau Midian dinen.
16Jaji manjarum i Yahuwe lo’a baki’ Musa, 17“Tau Midian dinen arung ianggap ikin musu. Arung iduno’ ikin. 18Kole’a maminkin daanggap musu kole’da’ ilalam akala lo’in inang di ukit Peor, nanga gulungan anak babainyeda’ dinen dala pamancing lo’in. Kenang bea nanga mondoka panyakit sampar manyuro’ mondoka dinen lo’in, akibat dari Peor dinen. Ilalam akala i Kosbi dinen anaka panguluan tau Midan, maminkin daanggap musu. Ialalo ira dinen arung ianggap ikin musunin,” ingka kenang manjaruma i Yahuwe lo’a baki’ Musa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997