Pangiraan Suku Israel 22
22
Raja Balak manyuro’ lo’a i Bileam mangutuki lo’a tau Israelen
1Jaji ambata anak kanturunanna baki’ Israel rabarik lamba’ lo’a tana’ rataan di negeri Moap. Mondok indinangen laloang dapakadeng kakalang palamba’da’ inang di biring sunge Yordan isulina banua Yeriko.
2Jaji andian inang tau, i Balak asanna, anaka i Sipor. Jaji datamu mamin dongona kole’a i Balak dinen atalona kausa tau Amori kole’a tau Israelen. 3Jaji balasa barik atakuta tau Moap dinen mameleen lo’a tau Israelen bayu’a. Samuana tau Moap dinen saja balasa jaji atakuta lo’a tau Israelen dinen.
4Jaji manjarum ira tau Moap dinen lo’a ambata toa-toaan tau Midian, “Sidede’-dede’ bayu’a ira di’en, to’ marampas kausa kulilingka’. Awan lalo sapiin mamelap-melap angkaanna lo’a rimputen, ira dinen ona’ angkaanna lo’ka’,” ingka kenang manjaruma tau Moap lo’a tau Midian.
Jaji barik i Balak anaka i Sipor dinen yang mangkamen awan rajaan di Moap nanga dinen, 5daia manyuro’ tau itiang lamba’ lo’a i Bileam anaka i Beor yang lalako’en di Petor yang di biring sunge Eprat inang. I Bileam barasal di Petor inang. Jaji ratina dasuro’ tau lo’a i Bileam, dasuro’ mala lo’a. Jarum yang dapaawaangen lo’a kenang,
“Andian suku tau minsaluanen dari negeri Mesir palin bayu’ mantuarina. Mamin ira pakadeng kakalang palamba’anna indi’angen ibiringam. Tungan jalu apano’ barik tana’en kole’da’ lasana bayu’a. 6Jaji arungko mondok lo’am indi’angen itiang mangutuki lo’da’ mainto’ atalona. Kole’a ira dinen bakajung to. Bakuasa lo’ku’. Ti’en ikutuki iko ungka’en kukule’ barik manalo lo’da’ laloang mauser lo’da’ dari negeriku’. Kole’a kutamu mamin kuasanu. Intain yang ido’aangen iko pamondokang berkat, tetap mandua’ang berkat. Kenang tau ikutukiin iko, tetap dadua’ kutuk,”
ingka kenang jarum yang dasuro’ awa kole’a raja Balak lo’a i Bileam dinen.
7Jaji tangkat barik ira toa-toaan tau Moap nanna tau Midian mawa jarum dinen. Daawa bea sasina tanungen. Jaji mondok barik lo’a i Bileam dinen dapamondokang jaruma i Balak dinen.
8“Ti’ kenang,” ingka, “samalamkin poang indi’angen. Mala saraakpi lo’a tau iboku’en. Mina’ makapen ka’ bea kujarumang lo’in mawa manyautina i Yahuwe yang dajarumangen lo’ku’,” ingka kenang jaruma i Bileam lo’da’. Jaji samalampi ira.
9Jaji malam dinen mondok Alatala manjarum lo’a i Bileam, “Intainsi lalo tau nannu dinen?” ingka kenang.
10Jaji manyauti i Bileam, “O dinen tau dasuro’en lo’ku’ kole’a i Balak anaka i Sipor, raja Moap dinen. Ilalam paba’ina, 11Andian mondok lo’a di’en, ingka, suku tau minsaluanen dari negeri Mesir. Palin bayu’ mantuarina, tungan jalu apano’ barik tana’en kole’da’ lasana bayu’a. Jaji arungko mondok lo’am indi’angen itiang mangutuki lo’da’ mainto’ atalona. Ti’en ikutuki iko ungka’en kukule’ barik manaloang lo’da’ laloang mauser lo’da, ingka kenang jaruma yang daawaan kole’da’,” ingka kenang manyautina i Bileam lo’a i Yahuwe.
12Poangsi manjarum barik i Yahuwe, “Ada’ko tambaan nanda’. Na’anko pande mangutuki lo’da’, kole’a ira dinen mamin kukamainya’i, kumeang berkat,” ingka kenang jaruma i Yahuwe.
13Jaji makapen barik asading i Bileam laloang manjarum lo’da’ yang mondoken, “Mole’kin poang lo’a banuanin. Dapase’angak tamba nannin,” ingka kenang. “Jarumang poang lo’a i Balak,” ingka kenang lo’da’.
14Jaji mole’ balik ira lo’a i Balak, dajarumang jaruma i Bileam dinen, “Alibak i Bileam dinen tamba nannam,” ingka kenang.
15Jaji barik i Balak dinen manyuro’ bapi lo’a tauen itiang lamba’ lo’a i Bileam. Labi bayu’ bapi, labi baraa pangkata lo’a yang ijoloon. 16Jaji mondok ira lo’a i Bileam laloang manjarum, “Jaji kenang jaruma i Balak anaka i Sipor lo’u, Ada’ ipadulina iko jalu mangaruun lo’u manyuro’ na’an mondok lo’ku’. 17Kole’a pasti baraa sasinu kole’ku’ ati’enko mondok. Ai poang yang ipitaan iko lo’ku’, tetap kulola’ani. Suma arungko mondok mangutuki lo’da’ itiang manggulungi lo’ku’,” ingka kenang jaruma i Balak yang daawaan kole’da’.
18Poangsi i Bileam manyauti, “Kapisi amas piraken suanga sao rajaan sarata saona talola’ dameang lo’ku’, kosan jalu dapaten kuanu ti’ okan panamuna i Yahuwe Alatala yang kusembaan. Kapi basa akeke’en, kapi basa baraa’en, kosan jalu dapaten kuanu yang silaloanen nanna,” ingka kenang. 19“Na, samalamkin poang indi’angen awan ira bokanen,” ingka. “To’ mangatoaniakpi lo’a i Yahuwe ti’en aipi jaruma ilalam soal di’en,” ingka kenang manjaruma i Bileam dinen.
20Jaji malam dinen mondok bapi Alatala manjarum lo’a i Bileam, “Na, kole’a lalo mamin mondok ira di’en to’ mala lo’u, tambako barik. Ada’ poang pasilaloananga nanna panamuku’ ilalam karaja kusuro’angen lo’u,” ingka kenang manjaruma i Yahuwe lo’a i Bileam.
21Makapen barik, asading i Bileam laloang kamasang kaledaina, laloang tangkat tamba nanda’. 22Poangsi arasi Alatala di tangkata dinen. Jaji andian malaikata i Yahuwe akadengen di dalanen itiang malawan lo’a. I Bileam dinen mauwat di keledaien, andian bea suro’anna duaan nanna. 23Jaji dakita malaikat akadengen inang dinen kole’a kaledaien, dakita basina mamin daunus, laloang lempang daia dari dalanen, intama lo’a tana’ ibiringa dalanen dinen. Laloang dababal barik kole’a i Bileam mamaksa mole’ balik lo’a dalanen.
24Maminna dinen mamalin malaikata i Yahuwe lamba’ ijolona laloang akadeng di dalan di kosan tarapiten. Andian pakar batu dua bali yang manyiringiin kobon angguren. 25Jaji dakita barik malaikata i Yahuwe, dainso’i barik siring batu dinen kapi’angen kalena lo’a malaikaten, sampai dapit kakina i Bileam lo’a siring batu. Jaji dababal bapi kaledaien.
26Maminna dinen mamalin bapi malaikaten akadeng di kosan yang asandat jaji. Na’an lagi’ dapat lempang kayoko’ kato. 27Jaji dakita barik malaikata i Yahuwe kole’a kaledaien laloang marokon daia inyaunga dudukanna i Bileam. Jaji arasi tapat i Bileam laloang dababal nanna tungkata. 28Jaji tabae’ barik baba’ kaledaien dinen kole’a i Yahuwe, dasuro’ manjarum lo’a i Bileam, “Ai sala’ku’ lo’u sampai talung kali mamin ibabalku’ iko?” ingka kenang manjaruma lo’a i Bileam. 2Ptr. 2:15-16.
29Jaji manyauti i Bileam, “Asi na’anku’ mabal lo’u? Balu’ jalu rabor-raborenak dabele tauen kole’u. Ti’ andian basiku’ na’an lagi’ balaun. Saja kuduno’ko,” ingka kenang manjaruma lo’a kaledaina.
30Jaji manjarum bapi kaledaien, “Na, suba pikir. Okanak di’en kaledainu yang iduwatiin iko mairaso sampai mondok lo’a aso di’en? Kala’ko kupola awan dinen launna di’en?” ingka kenang.
“Na’anna akenang,” ingka kenang manyautina i Bileam.
31Laloang barik tabae’ matana i Bileam. Paita barik malaikata i Yahuwe yang akadengen inang di tanga’ dalanen. Basina mamin daunus. Laloang paraba’ kalena barik i Bileam sunsumang lindo’a lo’a tana’en. 32Jaji manjarum barik malaikata i Yahuwe, “Ai kenang maam-maamu mabalen lo’a kaledainu sampai talung kaliin dinen? Pamondokku’ di’en saja to’ kulawanko, kole’a lamba’u di’en kubelena saja sangkajut. 33Dakitaak kole’a kaledainu, ialalo sampai talung kali lempang lamba’a. Ati’en de’i na’an lempang kaledainu mamalinang lamba’a supaya na’an mondok lo’ku’, maminko kuduno’. Kaledainu dinen kukatio’,” ingka kenang malaikata i Yahuwe lo’a i Bileam.
34Jaji manjarum barik i Bileam lo’a malaikata i Yahuwe, “Badosaak di’en. Na’an kutamu de’i akadengu di dalanen itiang malawan lo’ku’. Ati’enko saja ajau’ nyawanu lo’ku’, labi maam mole’ak poang,” ingka kenang manjaruma i Bileam.
35Jaji manjarum bapi malaikata i Yahuwe lo’a i Bileam, “Na’an. Tambako poang nanda’. Poangsi ate-ate jarumu. Na’an pande kurang, na’an pande labi lo’a jarum kusuro’angen lo’u,” ingka kenang. Jaji tamba i Bileam nanna toa-toaan yang dasuro’en kole’a i Balak. Ams. 30:6; JD. 22:18-21.
36Jaji i Balak dinen mandalinga dongona pamondoka i Bileam. Jaji lamba’ daia pasidua’ang kalena nanna. Sidua’a inang di banua negara Moap di batas Arnon, di biringa negarana jaji. 37Jaji manjarum i Balak lo’a Bileam, “Ai na’annu mainya’ mondok? Malaku’ lo’u kusuro’ mondok nanna babariaren. Ai, irasa iko na’an kukule’ maopa’i lo’u nanna sukupa?” ingka kenang manjaruma lo’a i Bileam.
38“Maam,” ingka i Bileam, “Maminak mondok barik. Poangsi na’an pande baranga poang jarumku’. Jarum dasuro’angen lo’ku’ kole’a i Yahuwe, jangka’a dinen pandeku’ manjarumang,” ingka kenang lo’a i Balak. 39Jaji tamba barik i Bileam nanna i Balak lamba’ lo’a Kiryat Husot. 40Inang barik dapamindaraang ambata sapi dombaan kole’a i Balak. Dameang bea sapadua lo’a i Bileam nanna toa-toaan yang tambaan nanna. 41Makapen barik i Bileam daawa kole’a i Balak lo’a ukit Ba’al. Maminna inait lo’a ukit dinen dakita bea tau Israelen sapadua.
Currently Selected:
Pangiraan Suku Israel 22: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Pangiraan Suku Israel 22
22
Raja Balak manyuro’ lo’a i Bileam mangutuki lo’a tau Israelen
1Jaji ambata anak kanturunanna baki’ Israel rabarik lamba’ lo’a tana’ rataan di negeri Moap. Mondok indinangen laloang dapakadeng kakalang palamba’da’ inang di biring sunge Yordan isulina banua Yeriko.
2Jaji andian inang tau, i Balak asanna, anaka i Sipor. Jaji datamu mamin dongona kole’a i Balak dinen atalona kausa tau Amori kole’a tau Israelen. 3Jaji balasa barik atakuta tau Moap dinen mameleen lo’a tau Israelen bayu’a. Samuana tau Moap dinen saja balasa jaji atakuta lo’a tau Israelen dinen.
4Jaji manjarum ira tau Moap dinen lo’a ambata toa-toaan tau Midian, “Sidede’-dede’ bayu’a ira di’en, to’ marampas kausa kulilingka’. Awan lalo sapiin mamelap-melap angkaanna lo’a rimputen, ira dinen ona’ angkaanna lo’ka’,” ingka kenang manjaruma tau Moap lo’a tau Midian.
Jaji barik i Balak anaka i Sipor dinen yang mangkamen awan rajaan di Moap nanga dinen, 5daia manyuro’ tau itiang lamba’ lo’a i Bileam anaka i Beor yang lalako’en di Petor yang di biring sunge Eprat inang. I Bileam barasal di Petor inang. Jaji ratina dasuro’ tau lo’a i Bileam, dasuro’ mala lo’a. Jarum yang dapaawaangen lo’a kenang,
“Andian suku tau minsaluanen dari negeri Mesir palin bayu’ mantuarina. Mamin ira pakadeng kakalang palamba’anna indi’angen ibiringam. Tungan jalu apano’ barik tana’en kole’da’ lasana bayu’a. 6Jaji arungko mondok lo’am indi’angen itiang mangutuki lo’da’ mainto’ atalona. Kole’a ira dinen bakajung to. Bakuasa lo’ku’. Ti’en ikutuki iko ungka’en kukule’ barik manalo lo’da’ laloang mauser lo’da’ dari negeriku’. Kole’a kutamu mamin kuasanu. Intain yang ido’aangen iko pamondokang berkat, tetap mandua’ang berkat. Kenang tau ikutukiin iko, tetap dadua’ kutuk,”
ingka kenang jarum yang dasuro’ awa kole’a raja Balak lo’a i Bileam dinen.
7Jaji tangkat barik ira toa-toaan tau Moap nanna tau Midian mawa jarum dinen. Daawa bea sasina tanungen. Jaji mondok barik lo’a i Bileam dinen dapamondokang jaruma i Balak dinen.
8“Ti’ kenang,” ingka, “samalamkin poang indi’angen. Mala saraakpi lo’a tau iboku’en. Mina’ makapen ka’ bea kujarumang lo’in mawa manyautina i Yahuwe yang dajarumangen lo’ku’,” ingka kenang jaruma i Bileam lo’da’. Jaji samalampi ira.
9Jaji malam dinen mondok Alatala manjarum lo’a i Bileam, “Intainsi lalo tau nannu dinen?” ingka kenang.
10Jaji manyauti i Bileam, “O dinen tau dasuro’en lo’ku’ kole’a i Balak anaka i Sipor, raja Moap dinen. Ilalam paba’ina, 11Andian mondok lo’a di’en, ingka, suku tau minsaluanen dari negeri Mesir. Palin bayu’ mantuarina, tungan jalu apano’ barik tana’en kole’da’ lasana bayu’a. Jaji arungko mondok lo’am indi’angen itiang mangutuki lo’da’ mainto’ atalona. Ti’en ikutuki iko ungka’en kukule’ barik manaloang lo’da’ laloang mauser lo’da, ingka kenang jaruma yang daawaan kole’da’,” ingka kenang manyautina i Bileam lo’a i Yahuwe.
12Poangsi manjarum barik i Yahuwe, “Ada’ko tambaan nanda’. Na’anko pande mangutuki lo’da’, kole’a ira dinen mamin kukamainya’i, kumeang berkat,” ingka kenang jaruma i Yahuwe.
13Jaji makapen barik asading i Bileam laloang manjarum lo’da’ yang mondoken, “Mole’kin poang lo’a banuanin. Dapase’angak tamba nannin,” ingka kenang. “Jarumang poang lo’a i Balak,” ingka kenang lo’da’.
14Jaji mole’ balik ira lo’a i Balak, dajarumang jaruma i Bileam dinen, “Alibak i Bileam dinen tamba nannam,” ingka kenang.
15Jaji barik i Balak dinen manyuro’ bapi lo’a tauen itiang lamba’ lo’a i Bileam. Labi bayu’ bapi, labi baraa pangkata lo’a yang ijoloon. 16Jaji mondok ira lo’a i Bileam laloang manjarum, “Jaji kenang jaruma i Balak anaka i Sipor lo’u, Ada’ ipadulina iko jalu mangaruun lo’u manyuro’ na’an mondok lo’ku’. 17Kole’a pasti baraa sasinu kole’ku’ ati’enko mondok. Ai poang yang ipitaan iko lo’ku’, tetap kulola’ani. Suma arungko mondok mangutuki lo’da’ itiang manggulungi lo’ku’,” ingka kenang jaruma i Balak yang daawaan kole’da’.
18Poangsi i Bileam manyauti, “Kapisi amas piraken suanga sao rajaan sarata saona talola’ dameang lo’ku’, kosan jalu dapaten kuanu ti’ okan panamuna i Yahuwe Alatala yang kusembaan. Kapi basa akeke’en, kapi basa baraa’en, kosan jalu dapaten kuanu yang silaloanen nanna,” ingka kenang. 19“Na, samalamkin poang indi’angen awan ira bokanen,” ingka. “To’ mangatoaniakpi lo’a i Yahuwe ti’en aipi jaruma ilalam soal di’en,” ingka kenang manjaruma i Bileam dinen.
20Jaji malam dinen mondok bapi Alatala manjarum lo’a i Bileam, “Na, kole’a lalo mamin mondok ira di’en to’ mala lo’u, tambako barik. Ada’ poang pasilaloananga nanna panamuku’ ilalam karaja kusuro’angen lo’u,” ingka kenang manjaruma i Yahuwe lo’a i Bileam.
21Makapen barik, asading i Bileam laloang kamasang kaledaina, laloang tangkat tamba nanda’. 22Poangsi arasi Alatala di tangkata dinen. Jaji andian malaikata i Yahuwe akadengen di dalanen itiang malawan lo’a. I Bileam dinen mauwat di keledaien, andian bea suro’anna duaan nanna. 23Jaji dakita malaikat akadengen inang dinen kole’a kaledaien, dakita basina mamin daunus, laloang lempang daia dari dalanen, intama lo’a tana’ ibiringa dalanen dinen. Laloang dababal barik kole’a i Bileam mamaksa mole’ balik lo’a dalanen.
24Maminna dinen mamalin malaikata i Yahuwe lamba’ ijolona laloang akadeng di dalan di kosan tarapiten. Andian pakar batu dua bali yang manyiringiin kobon angguren. 25Jaji dakita barik malaikata i Yahuwe, dainso’i barik siring batu dinen kapi’angen kalena lo’a malaikaten, sampai dapit kakina i Bileam lo’a siring batu. Jaji dababal bapi kaledaien.
26Maminna dinen mamalin bapi malaikaten akadeng di kosan yang asandat jaji. Na’an lagi’ dapat lempang kayoko’ kato. 27Jaji dakita barik malaikata i Yahuwe kole’a kaledaien laloang marokon daia inyaunga dudukanna i Bileam. Jaji arasi tapat i Bileam laloang dababal nanna tungkata. 28Jaji tabae’ barik baba’ kaledaien dinen kole’a i Yahuwe, dasuro’ manjarum lo’a i Bileam, “Ai sala’ku’ lo’u sampai talung kali mamin ibabalku’ iko?” ingka kenang manjaruma lo’a i Bileam. 2Ptr. 2:15-16.
29Jaji manyauti i Bileam, “Asi na’anku’ mabal lo’u? Balu’ jalu rabor-raborenak dabele tauen kole’u. Ti’ andian basiku’ na’an lagi’ balaun. Saja kuduno’ko,” ingka kenang manjaruma lo’a kaledaina.
30Jaji manjarum bapi kaledaien, “Na, suba pikir. Okanak di’en kaledainu yang iduwatiin iko mairaso sampai mondok lo’a aso di’en? Kala’ko kupola awan dinen launna di’en?” ingka kenang.
“Na’anna akenang,” ingka kenang manyautina i Bileam.
31Laloang barik tabae’ matana i Bileam. Paita barik malaikata i Yahuwe yang akadengen inang di tanga’ dalanen. Basina mamin daunus. Laloang paraba’ kalena barik i Bileam sunsumang lindo’a lo’a tana’en. 32Jaji manjarum barik malaikata i Yahuwe, “Ai kenang maam-maamu mabalen lo’a kaledainu sampai talung kaliin dinen? Pamondokku’ di’en saja to’ kulawanko, kole’a lamba’u di’en kubelena saja sangkajut. 33Dakitaak kole’a kaledainu, ialalo sampai talung kali lempang lamba’a. Ati’en de’i na’an lempang kaledainu mamalinang lamba’a supaya na’an mondok lo’ku’, maminko kuduno’. Kaledainu dinen kukatio’,” ingka kenang malaikata i Yahuwe lo’a i Bileam.
34Jaji manjarum barik i Bileam lo’a malaikata i Yahuwe, “Badosaak di’en. Na’an kutamu de’i akadengu di dalanen itiang malawan lo’ku’. Ati’enko saja ajau’ nyawanu lo’ku’, labi maam mole’ak poang,” ingka kenang manjaruma i Bileam.
35Jaji manjarum bapi malaikata i Yahuwe lo’a i Bileam, “Na’an. Tambako poang nanda’. Poangsi ate-ate jarumu. Na’an pande kurang, na’an pande labi lo’a jarum kusuro’angen lo’u,” ingka kenang. Jaji tamba i Bileam nanna toa-toaan yang dasuro’en kole’a i Balak. Ams. 30:6; JD. 22:18-21.
36Jaji i Balak dinen mandalinga dongona pamondoka i Bileam. Jaji lamba’ daia pasidua’ang kalena nanna. Sidua’a inang di banua negara Moap di batas Arnon, di biringa negarana jaji. 37Jaji manjarum i Balak lo’a Bileam, “Ai na’annu mainya’ mondok? Malaku’ lo’u kusuro’ mondok nanna babariaren. Ai, irasa iko na’an kukule’ maopa’i lo’u nanna sukupa?” ingka kenang manjaruma lo’a i Bileam.
38“Maam,” ingka i Bileam, “Maminak mondok barik. Poangsi na’an pande baranga poang jarumku’. Jarum dasuro’angen lo’ku’ kole’a i Yahuwe, jangka’a dinen pandeku’ manjarumang,” ingka kenang lo’a i Balak. 39Jaji tamba barik i Bileam nanna i Balak lamba’ lo’a Kiryat Husot. 40Inang barik dapamindaraang ambata sapi dombaan kole’a i Balak. Dameang bea sapadua lo’a i Bileam nanna toa-toaan yang tambaan nanna. 41Makapen barik i Bileam daawa kole’a i Balak lo’a ukit Ba’al. Maminna inait lo’a ukit dinen dakita bea tau Israelen sapadua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997