Pangiraan Suku Israel 16
16
Baki’ Korah, baki’ Datan nanna baki’ Abiram malawan lo’a baki’ Musa
1-2Jaji inang di kasik baraa’en barik andian ira sigulungen to’ malawan lo’a panamuna baki’ Musa. Yang sigulunganen inang andian kira-kira 250 panguluan babakaan yang andianen mamin asanna. Samuana mamin datugas padari paurus lo’a ambata anak kanturunanna baki’ Israel dinen. Jaji yang malabiang kalena dinen seraan, baki’ Korah. Baki’ Korah dinen anaka baki’ Yisar, ampuna baki’ Kehat, puita baki’ Lewi. Andian bapi taluun yang tambaan, kanturunanna baki’ Ruben. Andian anaka baki’ Eliab duaan yang iasanen i Datan nanna i Abiram. Andian bea anaka baki’ Pelet yang iasanen i On. 3Jaji babangkulung ira to’ malawan lo’a baki’ Musa nanna baki’ Harun laloang manjarum lo’da’, “Daikin loloto paraa-raana kalenin! Samuaka’ sabanuaan samaki’ dalaanang padari Alatala ampunaan. Maikin baraninin kakaru’ angkatang kalenin ibona gulunganna i Yahuwe?” ingka kenang.
4Baki’ Musapi barik maminna mandalingana awan dinen laloang paraba’ kalena inang manyemba ijolona i Yahuwe. 5Jaji manjarum barik lo’a baki’ Korah nanna gulunganna, “Mina’ makapen bua i Yahuwe to’ manjarumang lo’ka’ mainto’ itamuna iki’ intain maminen padari ia ampunaan, intain yang maminen barese kalo’a. Tau dajarumangen ona’ dinen, ialalo tau yang daile’iin dinen itiang mainso’i lo’a. 6Na, iko Korah nanna ambata gulungannu yang arung ipolaan ikin kenang. 7Mina’ arungkin mala bokor panutung manyanen. Arung iapis inang bara apiin nanna manyanen, itutung ijolona arona i Yahuwe. Intain daile’iin kole’a i Yahuwe itiang imamen, dinen yang ianggapen barese. Dinen lalo yang iana ampunaan. Daikin tau Lewi lalo yang lolo to paraana kalenin!” ingka kenang manjaruma baki’ Musa lo’da’.
8Jaji manjarum bapi baki’ Musa lo’a baki’ Korah, “Na taan talinganin ikin gulungan anak kanturunanna baki’ Lewi. 9Daikin nampikin puas pan. Kapikin mamin dailel’i kole’a i Yahuwe, nampi sukup kalo’in. Maminkin daikin dalaanang lo’a suku Israel bokanen, dasuro’kin mainso’i lo’a itiang bakaraja di Kakalanga. Dasuro’kin manggulungi mawa urusanna banua Israelen di arona i Yahuwe. 10Samuanin anak kanturunanna baki’ Lewi, daawakin mainso’ lo’a. Poangsi nampikin puas. To’ iala kakaru’ ikin tugas imamen. 11Sigulungannin di’en, malawankin lo’a i Yahuwe diri’a. Intainsi lalo i Harun sampaikin amumut lo’a,” ingka kenang manjaruma baki’ Musa.
12Jaji dasuro’ mondok barik baki’ Datan nanna baki’ Abiram, anaka baki’ Eliab yang sigulunganen nanna baki’ Korah dinen. Poangsi manjarum ira, “Na’an! Na’ankam mondok! 13Ai na’an sukup kalo’u maminnu mamase’ang lo’am lalako’ di tana’ palin baraselen dinen, to’ iduno’kam poang indi’angen di kasik baraa’en? Barik awandi’en to’ bagapko lo’am. 14Kenang bapi na’anko mawa lo’am lo’a tana’ palin baraselen awan yang iasanen iko. Na’anko manawa’i lo’am tana’en atau kobonen. Ai ratina to’ isuro’kam madap, to’ ikekes tolang matana gulungannam di’en? Na’ankam to’ mondok!” ingka kenang manyautida’ lo’a baki’ Musa.
15Jaji bakaya barik arasina baki’ Musa. Jaji manjarum lo’a i Yahuwe, “Ada’ itarima’a manyanen yang datutungen ijolona aronu dinen! Ai kenang maam-maama basada’ lo’ku’? Kosan sala’ku’ lo’da’. Kapiak di’en panguluanda’, na’anak kala’ managi lo’da’ itiang manyukupi kaparuluanku’. Kaledaien dampe na’an kala’ kupita lo’da’,” ingka kenang manjaruma lo’a i Yahuwe.
16Jaji manjarum bapi baki’ Musa lo’a baki’ Korah, “Mina’ daiko nanna gulungannu arung madap lo’a i Yahuwe. Iko, sarata gulungannu, sarata i Harun arung madap kausin mina’. 17Arung iawa kausin maira mantuariin bokor panutung manyanen, arung imeang manyanna. Bokor 250 samuana yang arung iawa madapi lo’a i Yahuwe. Diri’u nanna i Harun arung mawa bea,” ingka kenang paba’ina lo’a.
18Jaji kenang lalo barik, mawa kausa bokor panutung manyanen, dameang bara api, dameang manyanen. Laloang akadeng ira nanna baki’ Musa nanna baki’ Harun inang di mambangan Kakalang Pasidua’ang Kalena nanna i Yahuwe. 19Jaji maminna akaus takapulung kole’a baki’ Korah gulunganna inang itiang malawan lo’da’ duaan, laloang paita barik kamaamanna i Yahuwe yang palin arawangen. Dakita kole’da’ samuana sabanuaan. 20Jaji manjarum barik i Yahuwe lo’a baki’ Musa nanna baki’ Harun, 21“Se’ kapi’ang kalenin daikin duaan lo’a tau banua di’en mainto’ sarata sakali kutampusida’,” ingka kenang i Yahuwe.
22Poangsi ira baki’ Musa nanna baki’ Harun laloang paraba’ kalena mangalong lo’a i Yahuwe, “O Alatala, iko lalo yang bakuasaan lo’a ate mantuariin. Mainya’ko daiko mararasi samuana, ti’ mantuari sera poang yang badosaan?” ingka kenang lo’a i Yahuwe.
23Jaji manjarum i Yahuwe barik lo’a baki’ Musa, 24“Na, ti’ kenang, manjarumko barik lo’da’ sabanuaan manyuro’ mamalin kausa babajao’ lo’a kakalanga i Korah, i Datan nanna i Abiram,” ingka kenang.
25Jaji akadeng barik baki’ Musa lamba’ lo’a baki’ Datan nanna baki’ Abiram. Dalola’ bua kole’a ambata toa-toa banuaan. 26Jaji dajarumi kausa banua dinen, “Bibitakkin. Mamalinkin panjao’ kalenin lo’a kakalanga tau lolo toen kajau’anna di’en. Ada’kin manjaputen lo’a jaluda’ mainto’ na’annin talola’ dadua’ ukum kole’a dosada’ dinen,” ingka kenang. 27Laloang mamalin kausa barik panjao’ kalena lo’a kakalanga baki’ Korah, baki’ Datan nanna baki’ Abiram. Ari baki’ Datan nanna baki’ Abirampi barik minsaluan lo’a kakalanga akadeng di biring mambanganna saranak-ranakaan.
28Jaji manjarum bapi baki’ Musa, “Na, bele ikin barik. Ka’ bea itamuna ikin datugasku’ kole’a i Yahuwe. Itamuna kole’a gulungan basa kupolaan di’en okan dari panamu diri’ku’. Panamuna i Yahuwe kausa yang dasuro’ karaja lo’ku’. Jaji kenang itamuna. 29Ati’en ira di’en mate diri’a awan yang biasaan lo’a anak mantuariin, ratina okan i Yahuwe yang manugasen lo’ku’. 30Poangsi ati’en i Yahuwe mamola jalu laan-laanen di aso di’en, yang jalu na’anen kala’ dakita tau, ati’en tanganga’ baba’ tana’en laloang manalan lo’da’ sarata nanna ambata gulungan hartana, ati’en ira laloang dakubur tio’-tio’, inang barik itamuna ikin kole’a ira di’en mamin lalo mangangara’ lo’a i Yahuwe,” ingka kenang manjaruma baki’ Musa lo’da’ samuana tau bayu’en.
31Talapas poang manjaruma awan dinen, abala’ tana’en inyaungda’ 32laloang tanganga’ baba’ tana’en manalan lo’da’ saranak-ranakaan, nanna gulungan suro’anna nanna hartana. 33Alao’ ira tio’-tio’ ilalam kubura sarata nanna samuana ambata haratada’. Laloang mole’ asal barik tana’en mangaputi lo’da’. Mate kausa inang, inyap dari banuaan. 34Jaji mandalinga pasiaka dinen, arari kausa barik ambata tau Israelen, arari takut-takut. Sarata mamuko, “Mateki’! Mateki’!” ingka. “Iki’ ona’ datalanen bapi,” ingka kenang.
35Laloang minsaluan barik api dari arona i Yahuwe manampusiin lo’da’ 250’en yang manutung manyanen inang di arona i Yahuwe.
......................................
41Di aso mina’enpi barik, amumut bapi ira tau bayu’en lo’a baki’ Musa nanna baki’ Harun, “Daiko dinen mauno’ko kakaru’ lo’a anak katio’anna i Yahuwe,” ingka kenang.
42Jaji babangkulungen ira tau bayu’en to’ malawan lo’a baki’ Musa nanna baki’ Harun, laloang koengang kalena kausa barik mamele lo’a Kakalang Pasidua’ang Kalena nanna i Yahuwe, sadinga poang daaringopa kakalangen kole’a domen. Laloang paita barik kamaamanna i Yahuwe yang palin arawangen dinen.
43Jaji lamba’ barik baki’ Musa nanna baki’ Harun lo’a arona Kakalang Pasidua’ang Kalena nanna i Yahuwe. 44Jaji manjarum barik i Yahuwe lo’a baki’ Musa, 45“Panjao’ kalenin lo’a tau bayu’en di’en mainto’ sikadang kaya kutampusina,” ingka kenang. Laloang paraba’ kalena dua-duana dasunsumang lindo’a lo’a tana’en.
46Jaji manjarum barik baki’ Musa lo’a baki’ Harun, “Se’, babariarko, Harune,” ingka. “Japut bokor panutung manyannu dinen, meang manyanen nanna bara api dari kas panutungan pamindaraan. Arariko lo’a tau bayu’en itiang mawa pasikule’angen antarada’ nanna i Yahuwe. Kole’a mamin maruar arasina i Yahuwe. Mondoka lalo panyakit samparen,” ingka kenang.
47Jaji dalola’ani bua kole’a baki’ Harun awan bua jaruma baki’ Musa dinen. Arari daia akadeng itanga’ tau bayu’en. Mondok mamin panyakit samparen poangsi baki’ Harun daia manyorongang manyanen itiang mawa pasikule’angen antarada’ nanna i Yahuwe. 48Baki’ Harun daia akadeng inang maintarai tau mateen nanna tau tio’en laloang atadang barik panyakit samparen. 49Yang mateen di aso dinen andian 14,700 mantuariin. Laan bapi yang mateen de’i kole’a basana baki’ Korah malawanna lo’a i Yahuwe. 50Jaji mole’ baki’ Harun lo’a baki’ Musa inang di mambangan Kakalang Pasidua’ang Kalena nanna i Yahuwe, kole’a mamin atadang barik panyakit samparen. Na’an lagi’ mandalit.
Currently Selected:
Pangiraan Suku Israel 16: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Pangiraan Suku Israel 16
16
Baki’ Korah, baki’ Datan nanna baki’ Abiram malawan lo’a baki’ Musa
1-2Jaji inang di kasik baraa’en barik andian ira sigulungen to’ malawan lo’a panamuna baki’ Musa. Yang sigulunganen inang andian kira-kira 250 panguluan babakaan yang andianen mamin asanna. Samuana mamin datugas padari paurus lo’a ambata anak kanturunanna baki’ Israel dinen. Jaji yang malabiang kalena dinen seraan, baki’ Korah. Baki’ Korah dinen anaka baki’ Yisar, ampuna baki’ Kehat, puita baki’ Lewi. Andian bapi taluun yang tambaan, kanturunanna baki’ Ruben. Andian anaka baki’ Eliab duaan yang iasanen i Datan nanna i Abiram. Andian bea anaka baki’ Pelet yang iasanen i On. 3Jaji babangkulung ira to’ malawan lo’a baki’ Musa nanna baki’ Harun laloang manjarum lo’da’, “Daikin loloto paraa-raana kalenin! Samuaka’ sabanuaan samaki’ dalaanang padari Alatala ampunaan. Maikin baraninin kakaru’ angkatang kalenin ibona gulunganna i Yahuwe?” ingka kenang.
4Baki’ Musapi barik maminna mandalingana awan dinen laloang paraba’ kalena inang manyemba ijolona i Yahuwe. 5Jaji manjarum barik lo’a baki’ Korah nanna gulunganna, “Mina’ makapen bua i Yahuwe to’ manjarumang lo’ka’ mainto’ itamuna iki’ intain maminen padari ia ampunaan, intain yang maminen barese kalo’a. Tau dajarumangen ona’ dinen, ialalo tau yang daile’iin dinen itiang mainso’i lo’a. 6Na, iko Korah nanna ambata gulungannu yang arung ipolaan ikin kenang. 7Mina’ arungkin mala bokor panutung manyanen. Arung iapis inang bara apiin nanna manyanen, itutung ijolona arona i Yahuwe. Intain daile’iin kole’a i Yahuwe itiang imamen, dinen yang ianggapen barese. Dinen lalo yang iana ampunaan. Daikin tau Lewi lalo yang lolo to paraana kalenin!” ingka kenang manjaruma baki’ Musa lo’da’.
8Jaji manjarum bapi baki’ Musa lo’a baki’ Korah, “Na taan talinganin ikin gulungan anak kanturunanna baki’ Lewi. 9Daikin nampikin puas pan. Kapikin mamin dailel’i kole’a i Yahuwe, nampi sukup kalo’in. Maminkin daikin dalaanang lo’a suku Israel bokanen, dasuro’kin mainso’i lo’a itiang bakaraja di Kakalanga. Dasuro’kin manggulungi mawa urusanna banua Israelen di arona i Yahuwe. 10Samuanin anak kanturunanna baki’ Lewi, daawakin mainso’ lo’a. Poangsi nampikin puas. To’ iala kakaru’ ikin tugas imamen. 11Sigulungannin di’en, malawankin lo’a i Yahuwe diri’a. Intainsi lalo i Harun sampaikin amumut lo’a,” ingka kenang manjaruma baki’ Musa.
12Jaji dasuro’ mondok barik baki’ Datan nanna baki’ Abiram, anaka baki’ Eliab yang sigulunganen nanna baki’ Korah dinen. Poangsi manjarum ira, “Na’an! Na’ankam mondok! 13Ai na’an sukup kalo’u maminnu mamase’ang lo’am lalako’ di tana’ palin baraselen dinen, to’ iduno’kam poang indi’angen di kasik baraa’en? Barik awandi’en to’ bagapko lo’am. 14Kenang bapi na’anko mawa lo’am lo’a tana’ palin baraselen awan yang iasanen iko. Na’anko manawa’i lo’am tana’en atau kobonen. Ai ratina to’ isuro’kam madap, to’ ikekes tolang matana gulungannam di’en? Na’ankam to’ mondok!” ingka kenang manyautida’ lo’a baki’ Musa.
15Jaji bakaya barik arasina baki’ Musa. Jaji manjarum lo’a i Yahuwe, “Ada’ itarima’a manyanen yang datutungen ijolona aronu dinen! Ai kenang maam-maama basada’ lo’ku’? Kosan sala’ku’ lo’da’. Kapiak di’en panguluanda’, na’anak kala’ managi lo’da’ itiang manyukupi kaparuluanku’. Kaledaien dampe na’an kala’ kupita lo’da’,” ingka kenang manjaruma lo’a i Yahuwe.
16Jaji manjarum bapi baki’ Musa lo’a baki’ Korah, “Mina’ daiko nanna gulungannu arung madap lo’a i Yahuwe. Iko, sarata gulungannu, sarata i Harun arung madap kausin mina’. 17Arung iawa kausin maira mantuariin bokor panutung manyanen, arung imeang manyanna. Bokor 250 samuana yang arung iawa madapi lo’a i Yahuwe. Diri’u nanna i Harun arung mawa bea,” ingka kenang paba’ina lo’a.
18Jaji kenang lalo barik, mawa kausa bokor panutung manyanen, dameang bara api, dameang manyanen. Laloang akadeng ira nanna baki’ Musa nanna baki’ Harun inang di mambangan Kakalang Pasidua’ang Kalena nanna i Yahuwe. 19Jaji maminna akaus takapulung kole’a baki’ Korah gulunganna inang itiang malawan lo’da’ duaan, laloang paita barik kamaamanna i Yahuwe yang palin arawangen. Dakita kole’da’ samuana sabanuaan. 20Jaji manjarum barik i Yahuwe lo’a baki’ Musa nanna baki’ Harun, 21“Se’ kapi’ang kalenin daikin duaan lo’a tau banua di’en mainto’ sarata sakali kutampusida’,” ingka kenang i Yahuwe.
22Poangsi ira baki’ Musa nanna baki’ Harun laloang paraba’ kalena mangalong lo’a i Yahuwe, “O Alatala, iko lalo yang bakuasaan lo’a ate mantuariin. Mainya’ko daiko mararasi samuana, ti’ mantuari sera poang yang badosaan?” ingka kenang lo’a i Yahuwe.
23Jaji manjarum i Yahuwe barik lo’a baki’ Musa, 24“Na, ti’ kenang, manjarumko barik lo’da’ sabanuaan manyuro’ mamalin kausa babajao’ lo’a kakalanga i Korah, i Datan nanna i Abiram,” ingka kenang.
25Jaji akadeng barik baki’ Musa lamba’ lo’a baki’ Datan nanna baki’ Abiram. Dalola’ bua kole’a ambata toa-toa banuaan. 26Jaji dajarumi kausa banua dinen, “Bibitakkin. Mamalinkin panjao’ kalenin lo’a kakalanga tau lolo toen kajau’anna di’en. Ada’kin manjaputen lo’a jaluda’ mainto’ na’annin talola’ dadua’ ukum kole’a dosada’ dinen,” ingka kenang. 27Laloang mamalin kausa barik panjao’ kalena lo’a kakalanga baki’ Korah, baki’ Datan nanna baki’ Abiram. Ari baki’ Datan nanna baki’ Abirampi barik minsaluan lo’a kakalanga akadeng di biring mambanganna saranak-ranakaan.
28Jaji manjarum bapi baki’ Musa, “Na, bele ikin barik. Ka’ bea itamuna ikin datugasku’ kole’a i Yahuwe. Itamuna kole’a gulungan basa kupolaan di’en okan dari panamu diri’ku’. Panamuna i Yahuwe kausa yang dasuro’ karaja lo’ku’. Jaji kenang itamuna. 29Ati’en ira di’en mate diri’a awan yang biasaan lo’a anak mantuariin, ratina okan i Yahuwe yang manugasen lo’ku’. 30Poangsi ati’en i Yahuwe mamola jalu laan-laanen di aso di’en, yang jalu na’anen kala’ dakita tau, ati’en tanganga’ baba’ tana’en laloang manalan lo’da’ sarata nanna ambata gulungan hartana, ati’en ira laloang dakubur tio’-tio’, inang barik itamuna ikin kole’a ira di’en mamin lalo mangangara’ lo’a i Yahuwe,” ingka kenang manjaruma baki’ Musa lo’da’ samuana tau bayu’en.
31Talapas poang manjaruma awan dinen, abala’ tana’en inyaungda’ 32laloang tanganga’ baba’ tana’en manalan lo’da’ saranak-ranakaan, nanna gulungan suro’anna nanna hartana. 33Alao’ ira tio’-tio’ ilalam kubura sarata nanna samuana ambata haratada’. Laloang mole’ asal barik tana’en mangaputi lo’da’. Mate kausa inang, inyap dari banuaan. 34Jaji mandalinga pasiaka dinen, arari kausa barik ambata tau Israelen, arari takut-takut. Sarata mamuko, “Mateki’! Mateki’!” ingka. “Iki’ ona’ datalanen bapi,” ingka kenang.
35Laloang minsaluan barik api dari arona i Yahuwe manampusiin lo’da’ 250’en yang manutung manyanen inang di arona i Yahuwe.
......................................
41Di aso mina’enpi barik, amumut bapi ira tau bayu’en lo’a baki’ Musa nanna baki’ Harun, “Daiko dinen mauno’ko kakaru’ lo’a anak katio’anna i Yahuwe,” ingka kenang.
42Jaji babangkulungen ira tau bayu’en to’ malawan lo’a baki’ Musa nanna baki’ Harun, laloang koengang kalena kausa barik mamele lo’a Kakalang Pasidua’ang Kalena nanna i Yahuwe, sadinga poang daaringopa kakalangen kole’a domen. Laloang paita barik kamaamanna i Yahuwe yang palin arawangen dinen.
43Jaji lamba’ barik baki’ Musa nanna baki’ Harun lo’a arona Kakalang Pasidua’ang Kalena nanna i Yahuwe. 44Jaji manjarum barik i Yahuwe lo’a baki’ Musa, 45“Panjao’ kalenin lo’a tau bayu’en di’en mainto’ sikadang kaya kutampusina,” ingka kenang. Laloang paraba’ kalena dua-duana dasunsumang lindo’a lo’a tana’en.
46Jaji manjarum barik baki’ Musa lo’a baki’ Harun, “Se’, babariarko, Harune,” ingka. “Japut bokor panutung manyannu dinen, meang manyanen nanna bara api dari kas panutungan pamindaraan. Arariko lo’a tau bayu’en itiang mawa pasikule’angen antarada’ nanna i Yahuwe. Kole’a mamin maruar arasina i Yahuwe. Mondoka lalo panyakit samparen,” ingka kenang.
47Jaji dalola’ani bua kole’a baki’ Harun awan bua jaruma baki’ Musa dinen. Arari daia akadeng itanga’ tau bayu’en. Mondok mamin panyakit samparen poangsi baki’ Harun daia manyorongang manyanen itiang mawa pasikule’angen antarada’ nanna i Yahuwe. 48Baki’ Harun daia akadeng inang maintarai tau mateen nanna tau tio’en laloang atadang barik panyakit samparen. 49Yang mateen di aso dinen andian 14,700 mantuariin. Laan bapi yang mateen de’i kole’a basana baki’ Korah malawanna lo’a i Yahuwe. 50Jaji mole’ baki’ Harun lo’a baki’ Musa inang di mambangan Kakalang Pasidua’ang Kalena nanna i Yahuwe, kole’a mamin atadang barik panyakit samparen. Na’an lagi’ mandalit.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997