Matius 8
8
I Yesus pamaam tau akudungen
Mk. 1:40-45; Lk. 5:12-16
1Jaji barik tador i Yesus dari ukit dinen, bayu' tapat dinen tau malola'en lo'a. 2Andian bea tau sidua'en nanna, tau akudungen yang malingkututen di arona i Yesus. Jaji barik manjarum, “O Paraampuane, kamase'i iak. Kutamuko, ikule' iko bua mamarese lo'ku' ati'enko mainya' to' mangamase'i lo'ku',” ingka kenang.
3Jaji barik datanggeang tanganna i Yesus, dajaputang lo'a tau dinen de'i, “Mainya'ak. Maamko barik, bareseko,” ingka kenang manjaruma i Yesus. Sikadang kaya rabarik inyapa kudunga tau dinen, padari maam. Barese barik. 4I Yesuspi barik manjarum lo'a tau dinen, “Parandamko daiko, ada' ijarumanga lo'a tauen. Lamba'ko' laloang lo'a imamen. Suro' pariksa kalenu lo'da' mainto' datamunu maminna maam padisu. Laloang mawako pamindara pamareseen awan yang daparintangenjo kole'a baki' Musa, mainto' daparasaya'inu barik kole'a tauen maminna maam padisu,” ingka kenang i Yesus lo'a tau dapamaamen kudunga.Im. 14:1-32.
Tatakau i Yesus lo'a uluan tentaraan kole'a maama parasaya'a
Lk. 7:1-10; Yoh. 4:46-53
5Jaji barik i Yesus lamba' intama banua Kapernaum. Jaji mondok inang, andian uluan tentaraan yang tau mangapala'iin lo'a tentaraan saratus. Daia mondok pasidua'ang kalena nanna Yesus suro' gulungi kalena. 6Jaji manjarum uluan tentaraan dinen, “O Paraampuane, andian suro'anku' alenga' di saoen. Balasa padisa, na'an lagi' dapat pakaji' mantuarina. Okan gampang sensarana,” ingka kenang tau dinen lo'a i Yesus.
7Jaji barik dasauti kole'a i Yesus, “O'. Bele lamba'ku' pamaam lo'a,” ingka kenang.
8Poangsi manjarum tentaraan lo'a, “O Paraampuane, na'an patut iko kusuro' lamba'en intamaan lo'a saoku'. Indi'ang poangko mamarintanu pamaamen lo'a. Tentu dapat iparinta iko manyuro' maam. 9Kole'a soal mamarintaangen mamin kutamu. Kole'a daiakpi di'en andian bea tau bakuasaan iboku', andian bea kuasaku' ibona gulungan tentaraku'. Ti'enak mamarinta lo'a seraan kusuro' lo'a dinen, lo'a dinen daia. Ti'enak mamarinta bapi lo'a seraan kusuro' lo'a di'en, lo'a di'en bapi daia. Kenang bua lo'a gulungan suro'anku'. Ti' kusuro' bakaraja, bakaraja daia. Na, daikopi dinen baraa pangkatu. Tentu dapat iparinta iko manyuro' maama padisa suro'anku',” ingka kenang manjaruma uluan tentaraan lo'a i Yesus.
10Jaji barik dadalinga gulungan jaruma dinen kole'a i Yesus, tatakau daia. Jaji manjarum lo'a tau malola'en lo'a, “Sampai maama parasaya'a tau dinen! Manjarumak tapat-tapat lo'in, kapisi sama iki' tau Israelen, na'anak kala' sidua' nanna tau yang sabangonen parasaya'a nanna mantuari dinen,” ingka kenang. 11“Manjarumak lo'in, ona' bayu' tau bokan to' mondok yang okanen urang Israel. Dari timur dari barat mondoka, yang tamba inang barik angkaan rami-rami di kangkamanna Alatala nanna baki' Abraham, baki' Isak nanna baki' Yakub.Im. 13:29. 12Poangsi dinen ambata urang Israelen, yang tau patuten tamba angkaan inang, na'an to' adari angkaan. Daira dinen ona' to' datampeang insaluan lo'a jalu araunen. Inang ona' manyanyarawang anangisa, dapasikokotang isina lasana susana,” ingka kenang i Yesus lo'a ambata tau malola'en. Mat. 22:13; 25:30; Lk. 13:28.
13Jaji barik manjarum i Yesus lo'a uluan tentaraan, “Jaji mole'ko poang. Maam. Awan lalo parasaya'u dinen,” ingka kenang. Jaji barik jam dinen lalo maama padisa suro'anna.
I Yesus pamaami bayu' tau apadisen
Mk. 1:29-34; Lk. 4:38-41
14Jaji barik i Yesus lamba' lo'a saona i Petrus. Jaji mondok di saona i Petrus, dakita matoana i Petrus yang babainyeen, alenga' daia. Akangkar, na'an dakule'. 15Jaji i Yesus barik manjaput lo'a tanganna, laloang maam kangkara. Maminna maam dinen matoana i Simon, daiapi laloang manyorongi jalu kaan lo'da' dinen.
16Jaji barik malam asoon, bayu' tau dasarung jalu ajau'en yang daawaan lo'a i Yesus. Jaji manjarum poang i Yesus lo'da', daruru jalu ajau'en nanna jarum baba'a. Dapamaam bea gulungan tau apadisen. 17Jaji nanga dapamaama dinen gulungan pamadis tauen, inang lalo adarina bayana baki' Yesayajo, panjaruma Alatala dinen,
Datanggung ambata panyakitka', daamben gulungan padiska', Yes. 53:4.
ingka kenangjo ilalam Jaruma Alatala yang datulisangen.Yoh. 5:17.
Okan maunda malola'ka' lo'a i Yesus
Lk. 9:57-62
18Jaji barik dakita dinen bayu'a tau babangkulungen ibiringa, manjarum barik i Yesus lo'a palola'a manyuro' manarear di danoon. 19Jaji barik mondok tau seraan, toa adaten manjarum lo'a i Yesus, “O Pa' Guru, daiak di'en to' malola'ak lo'u. Disa poang lamba'u, malola'ak lo'u,” ingka kenang.
20Jaji barik manjarum i Yesus, “Ai lo'u malola'en lo'ku'? Ti' asu toanen, burungen, andian kausa saranga. Poangsi daiak di'en Anak Mantuariin, kosan dampe lenga'anku',” ingka kenang manjaruma i Yesus lo'a.
21Jaji andian bapi tau malola'en lo'a i Yesus yang jarumangen kalena, “Paraampuane, to' malola'ak lo'u. Poangsi manuntuaniakpi lo'a ama'ku'. Ti' mamin ikaliang, malola'ak lo'u barik,” ingka kenang manjaruma.
22Poangsi dasauti kole'a i Yesus, “Bele koranga dakalianga kole'da' tau nampiin ikatio'. Tau mateen poang mangaliangen lo'a tau mateen,” ingka kenang. “Daiko tambako poang nanku',” ingka kenang manjaruma i Yesus rabarik lo'a.
Sariuten dasuro' tadang kole'a i Yesus
Mk. 4:35-41; Lk. 8:22-25
23Jaji i Yesuspi barik mauwat di parauen, tamba bea palola'a. 24Jaji mamarauda' dinen, sadinga poang mondoka sariuten di danoon. Parauda' dinen to' akaram kole'a galombang danumen yang manyeokiin lo'a parauda'. I Yesus dinen tindo' poang. 25Jaji barik dasading i Yesus dinen kole'da', “O Paraampuane, gulungikam! Mateki' di'i!” ingka kenang ambata palola'a dinen.
26Jaji barik asading i Yesus manjarum lo'da', “Asi atakutin kenang mamaam? Na'an jajikin parasaya'!” ingka kenang lo'da'. Jaji barik akadeng daia marada'i barik lo'a gulungan sariuten dinen, marada'i lo'a galombang danumen, laloang maam barik, bauling.
27Jaji barik tatakau dinen ira, “Mantuari balu' asi yang kenang mamaamen dapadulina kole'a sariuten, kole'a galombangen?” ingka kenang ira.
I Yesus maruru jalu ajau'en dari tau Gadara
Mk. 5:1-20; Lk. 8:26-39
28Jaji barik mondok i Yesus tarear lo'a biring kabang sabala', lo'a daerah banua Gadara. Mondok inang, andian mantuariin dua yang maruar di gulungan kuburen, mondok sidua' nanna i Yesus. Tau duaan dinen dasarung jalu ajau'en, saja garang. Sampai tau lamba'en to' malaloi inang, kosan baraniin. 29Jaji mamuko ira duaan dinen, “O daiko Anaka Alatala, ai poang urusannu nannam? Ai mondoku lo'a di'en, to' parinsa'iko lo'am yang nampiin ada'a bayana to' iparinsa'inam?” ingka kenang lo'a i Yesus.
30Jaji andian bea sakawan bawi, bayu' yang manyari kaan inang, bawi piara. Na'an bea bajao' lo'da'. 31Jaji manjarum dinen jalu ajau'en lo'a i Yesus mamita tapat, “Lo'a dinkam poang painsaluanen ati'enko to' maruru lo'am, lo'a kawan bawiin dinen,” ingka kenang jalu ajau'en.
32Jaji daparuarang bua kole'a i Yesus. Jaji maruar barik jalu ajau'en dinen manyarung lo'a bawiin. Bawiinpi dinen tapiar-piar barik ararina maro lo'a kabangen, laloang poang tagoleng, akaus mate alamas di danoon. 33Jaji barik gulungan tau maruangi bawi dinen arari manjarumang lo'a tau di banuaan, mawa jarum lo'a jalu adariin lo'a tau dasarung jalu ajau'en dinen. 34Jaji mondok kausa barik tauen dari banuaan to' sidua' nanna i Yesus. Mamin ira mangita lo'a i Yesus, manjarum ira mamita tapat lo'a to' manyuro' mamalin lo'a i Yesus, manyuro' marantang daerahda' dinen.
Currently Selected:
Matius 8: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 8
8
I Yesus pamaam tau akudungen
Mk. 1:40-45; Lk. 5:12-16
1Jaji barik tador i Yesus dari ukit dinen, bayu' tapat dinen tau malola'en lo'a. 2Andian bea tau sidua'en nanna, tau akudungen yang malingkututen di arona i Yesus. Jaji barik manjarum, “O Paraampuane, kamase'i iak. Kutamuko, ikule' iko bua mamarese lo'ku' ati'enko mainya' to' mangamase'i lo'ku',” ingka kenang.
3Jaji barik datanggeang tanganna i Yesus, dajaputang lo'a tau dinen de'i, “Mainya'ak. Maamko barik, bareseko,” ingka kenang manjaruma i Yesus. Sikadang kaya rabarik inyapa kudunga tau dinen, padari maam. Barese barik. 4I Yesuspi barik manjarum lo'a tau dinen, “Parandamko daiko, ada' ijarumanga lo'a tauen. Lamba'ko' laloang lo'a imamen. Suro' pariksa kalenu lo'da' mainto' datamunu maminna maam padisu. Laloang mawako pamindara pamareseen awan yang daparintangenjo kole'a baki' Musa, mainto' daparasaya'inu barik kole'a tauen maminna maam padisu,” ingka kenang i Yesus lo'a tau dapamaamen kudunga.Im. 14:1-32.
Tatakau i Yesus lo'a uluan tentaraan kole'a maama parasaya'a
Lk. 7:1-10; Yoh. 4:46-53
5Jaji barik i Yesus lamba' intama banua Kapernaum. Jaji mondok inang, andian uluan tentaraan yang tau mangapala'iin lo'a tentaraan saratus. Daia mondok pasidua'ang kalena nanna Yesus suro' gulungi kalena. 6Jaji manjarum uluan tentaraan dinen, “O Paraampuane, andian suro'anku' alenga' di saoen. Balasa padisa, na'an lagi' dapat pakaji' mantuarina. Okan gampang sensarana,” ingka kenang tau dinen lo'a i Yesus.
7Jaji barik dasauti kole'a i Yesus, “O'. Bele lamba'ku' pamaam lo'a,” ingka kenang.
8Poangsi manjarum tentaraan lo'a, “O Paraampuane, na'an patut iko kusuro' lamba'en intamaan lo'a saoku'. Indi'ang poangko mamarintanu pamaamen lo'a. Tentu dapat iparinta iko manyuro' maam. 9Kole'a soal mamarintaangen mamin kutamu. Kole'a daiakpi di'en andian bea tau bakuasaan iboku', andian bea kuasaku' ibona gulungan tentaraku'. Ti'enak mamarinta lo'a seraan kusuro' lo'a dinen, lo'a dinen daia. Ti'enak mamarinta bapi lo'a seraan kusuro' lo'a di'en, lo'a di'en bapi daia. Kenang bua lo'a gulungan suro'anku'. Ti' kusuro' bakaraja, bakaraja daia. Na, daikopi dinen baraa pangkatu. Tentu dapat iparinta iko manyuro' maama padisa suro'anku',” ingka kenang manjaruma uluan tentaraan lo'a i Yesus.
10Jaji barik dadalinga gulungan jaruma dinen kole'a i Yesus, tatakau daia. Jaji manjarum lo'a tau malola'en lo'a, “Sampai maama parasaya'a tau dinen! Manjarumak tapat-tapat lo'in, kapisi sama iki' tau Israelen, na'anak kala' sidua' nanna tau yang sabangonen parasaya'a nanna mantuari dinen,” ingka kenang. 11“Manjarumak lo'in, ona' bayu' tau bokan to' mondok yang okanen urang Israel. Dari timur dari barat mondoka, yang tamba inang barik angkaan rami-rami di kangkamanna Alatala nanna baki' Abraham, baki' Isak nanna baki' Yakub.Im. 13:29. 12Poangsi dinen ambata urang Israelen, yang tau patuten tamba angkaan inang, na'an to' adari angkaan. Daira dinen ona' to' datampeang insaluan lo'a jalu araunen. Inang ona' manyanyarawang anangisa, dapasikokotang isina lasana susana,” ingka kenang i Yesus lo'a ambata tau malola'en. Mat. 22:13; 25:30; Lk. 13:28.
13Jaji barik manjarum i Yesus lo'a uluan tentaraan, “Jaji mole'ko poang. Maam. Awan lalo parasaya'u dinen,” ingka kenang. Jaji barik jam dinen lalo maama padisa suro'anna.
I Yesus pamaami bayu' tau apadisen
Mk. 1:29-34; Lk. 4:38-41
14Jaji barik i Yesus lamba' lo'a saona i Petrus. Jaji mondok di saona i Petrus, dakita matoana i Petrus yang babainyeen, alenga' daia. Akangkar, na'an dakule'. 15Jaji i Yesus barik manjaput lo'a tanganna, laloang maam kangkara. Maminna maam dinen matoana i Simon, daiapi laloang manyorongi jalu kaan lo'da' dinen.
16Jaji barik malam asoon, bayu' tau dasarung jalu ajau'en yang daawaan lo'a i Yesus. Jaji manjarum poang i Yesus lo'da', daruru jalu ajau'en nanna jarum baba'a. Dapamaam bea gulungan tau apadisen. 17Jaji nanga dapamaama dinen gulungan pamadis tauen, inang lalo adarina bayana baki' Yesayajo, panjaruma Alatala dinen,
Datanggung ambata panyakitka', daamben gulungan padiska', Yes. 53:4.
ingka kenangjo ilalam Jaruma Alatala yang datulisangen.Yoh. 5:17.
Okan maunda malola'ka' lo'a i Yesus
Lk. 9:57-62
18Jaji barik dakita dinen bayu'a tau babangkulungen ibiringa, manjarum barik i Yesus lo'a palola'a manyuro' manarear di danoon. 19Jaji barik mondok tau seraan, toa adaten manjarum lo'a i Yesus, “O Pa' Guru, daiak di'en to' malola'ak lo'u. Disa poang lamba'u, malola'ak lo'u,” ingka kenang.
20Jaji barik manjarum i Yesus, “Ai lo'u malola'en lo'ku'? Ti' asu toanen, burungen, andian kausa saranga. Poangsi daiak di'en Anak Mantuariin, kosan dampe lenga'anku',” ingka kenang manjaruma i Yesus lo'a.
21Jaji andian bapi tau malola'en lo'a i Yesus yang jarumangen kalena, “Paraampuane, to' malola'ak lo'u. Poangsi manuntuaniakpi lo'a ama'ku'. Ti' mamin ikaliang, malola'ak lo'u barik,” ingka kenang manjaruma.
22Poangsi dasauti kole'a i Yesus, “Bele koranga dakalianga kole'da' tau nampiin ikatio'. Tau mateen poang mangaliangen lo'a tau mateen,” ingka kenang. “Daiko tambako poang nanku',” ingka kenang manjaruma i Yesus rabarik lo'a.
Sariuten dasuro' tadang kole'a i Yesus
Mk. 4:35-41; Lk. 8:22-25
23Jaji i Yesuspi barik mauwat di parauen, tamba bea palola'a. 24Jaji mamarauda' dinen, sadinga poang mondoka sariuten di danoon. Parauda' dinen to' akaram kole'a galombang danumen yang manyeokiin lo'a parauda'. I Yesus dinen tindo' poang. 25Jaji barik dasading i Yesus dinen kole'da', “O Paraampuane, gulungikam! Mateki' di'i!” ingka kenang ambata palola'a dinen.
26Jaji barik asading i Yesus manjarum lo'da', “Asi atakutin kenang mamaam? Na'an jajikin parasaya'!” ingka kenang lo'da'. Jaji barik akadeng daia marada'i barik lo'a gulungan sariuten dinen, marada'i lo'a galombang danumen, laloang maam barik, bauling.
27Jaji barik tatakau dinen ira, “Mantuari balu' asi yang kenang mamaamen dapadulina kole'a sariuten, kole'a galombangen?” ingka kenang ira.
I Yesus maruru jalu ajau'en dari tau Gadara
Mk. 5:1-20; Lk. 8:26-39
28Jaji barik mondok i Yesus tarear lo'a biring kabang sabala', lo'a daerah banua Gadara. Mondok inang, andian mantuariin dua yang maruar di gulungan kuburen, mondok sidua' nanna i Yesus. Tau duaan dinen dasarung jalu ajau'en, saja garang. Sampai tau lamba'en to' malaloi inang, kosan baraniin. 29Jaji mamuko ira duaan dinen, “O daiko Anaka Alatala, ai poang urusannu nannam? Ai mondoku lo'a di'en, to' parinsa'iko lo'am yang nampiin ada'a bayana to' iparinsa'inam?” ingka kenang lo'a i Yesus.
30Jaji andian bea sakawan bawi, bayu' yang manyari kaan inang, bawi piara. Na'an bea bajao' lo'da'. 31Jaji manjarum dinen jalu ajau'en lo'a i Yesus mamita tapat, “Lo'a dinkam poang painsaluanen ati'enko to' maruru lo'am, lo'a kawan bawiin dinen,” ingka kenang jalu ajau'en.
32Jaji daparuarang bua kole'a i Yesus. Jaji maruar barik jalu ajau'en dinen manyarung lo'a bawiin. Bawiinpi dinen tapiar-piar barik ararina maro lo'a kabangen, laloang poang tagoleng, akaus mate alamas di danoon. 33Jaji barik gulungan tau maruangi bawi dinen arari manjarumang lo'a tau di banuaan, mawa jarum lo'a jalu adariin lo'a tau dasarung jalu ajau'en dinen. 34Jaji mondok kausa barik tauen dari banuaan to' sidua' nanna i Yesus. Mamin ira mangita lo'a i Yesus, manjarum ira mamita tapat lo'a to' manyuro' mamalin lo'a i Yesus, manyuro' marantang daerahda' dinen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997