Matius 6
6
Ai lo'a ti' andian pameangka' lo'a tauen?
1"Jaji maam-maamkin. Na'an pande basa maamka' dinen itiang mala pudi. Ti' to' mala pudika' poang, kosan opa'ka' dameang kole'a Ama'ka' di Surga.Mat. 23:5.
2"Jaji kenang. Daiki' nanga to' mameang jalu lo'a tau masikinen dinen, ada' datamu tauna. Ada' dinen manaba'ka' ijoloka' iparaa pameangka' dinen manyuro' tauen mamele. Awan dinen lalo tau mamis baba'a masam atena. Awan dinen basada' di ambata sao sambayangen, di ambata dalanen mainto' datamu tauna, mainto' dapudi tauna. Manjarumak tapat-tapat lo'in, kosan bapi balasanda' dinen. Mamin ira manarima' pudi. 3Daiki' pameangka' ada' datamu tauna. Arung dinen sama'a, mameang jaluka', tanganka' kayoko'en arung na'an datamu kole'a tanganka' katoen. 4Jaji ati'en awan dinen, ti' na'an datamu tau, baru' dabalas kole'a Ama'ka' yang datamuun kausa jaluun. Kenang ratina," ingka kenang i Yesus lo'da'.
Jarum do'aka' na'an pande itiang mala pudi
Lk. 11:2-4
5"Jaji kenang. Ti'ki' bado'a, ada' malola'ani basada' tau mamis baba'a masam atenaan. Daira dinen bado'a akadeng di ambata sao sambayangen. Daawa lamba' di ambata pampang dalanen mainto' datamu tauna. Manjarumak lo'in tapat-tapat, kosan bapi balasanda'. Mamin ira manarima' pudi, ingka kenang.Lk. 18:10-14.
6“Jaji daiki' ti' bado'a intamaki' lo'a kamarka'. Arung ikaput iki' mambanganka'. Inang bado'aka' lo'a Ama'ka' yang na'anen ikita. Baru'ki' dabalas kole'a Ama'ka' yang mangitaan, yang manamuun kausa jaluun. 7Ti'ki' bado'a, ada' ilola'anina basada' tau na'anen paduli lo'a Alatala. Ada' bayu' lapoang jarumka' ibalik-balikang. Daira dinen kole'a mamikir bayu'a. Apabila dabalik-baliki lapoang kenang kalo'aan, ratina baru' dadalinga, baru' dameang. 8Poangsi daiki' na'an kenang. Ratina na'anna kenang, mamin datamu kaparuluanka' kole'a Ama'ka'. Nampina ipita iki', mamin datamu,” ingka kenang i Yesus lo'da'.
9"Jaji do'aka', kenang yang maamen, O Amanam di Surga, arung ipaduli asannu, arung ianggap barese.
10"Daiko kangkamannu dinen arung ipadari di dunia di'en. Awan lalo dalola'anina panamunu inang di Surga, arung awan dinen bea ilola'anina indi'angen di duniaan.
11"Meangkam mairaso jalu kaanen.
12"Kenang bea daikam di'en amponi dosanam awan bua daikam mamponinam lo'a tau arasala'en lo'am.
13"Ada'kam iawaan lo'a jalu yang mangilalaien lo'am dinen. Panjao' lo'am dari i Pangabo, yang jalu ajau'en dinen. [Kole'a iko lalo yang mangkamen. Iko lalo yang tau bakuasaan. Iko lalo yang ipudiin sampai salaun-launna,]"
ingka kenang.
14“Kole'a daiki' ati'enki' mamponi tau yang arasala'en lo'ka', awan dinen bea damponina dinen daiki' kole'a Ama'ka'.Msm. 66:18; Mk. 11:25. 15Sabalika ti' na'an iamponi tauen, daiki'pi na'anki' bea daamponi kasala'anka' kole'a Ama'ka',” ingka kenang.
Ti'ki' bapuasa na'an pande itiang mala pudi
16“Jaji daiki' ti'ki' bapuasa, ada' lindo'ka' ipola-pola susa, awan ira tau mamis baba'a masam atenaan. Daira dinen mainto' datamu tauna, mainto' dapaduli tau. Manjarumak lo'in tapat-tapat, kosan bapi balasanda'. Mamin ira manarima' pudi.Msm. 66:18; Mk. 11:25. 17Daiki' ti' to' bapuasa, arung rapi. Arung idinyaki dinen bukka'. Arung ikusuk lindo'ka', 18mainto' na'an datamu tau bapuasaka'. Baru'ki' to' dakita kole'a Ama'ka' yang na'anen ikita iki'. Baru'ki' dabalas,” ingka kenang i Yesus lo'da'.
Kamaamanka' ada' ikapulungangen di duniaan
Ams. 30:7-9; Lk. 12:33-34; 16:13
19“Jaji mangapulungang kamaamanka', na'an pande kamaamanka' dinen ikapulungang iki' di duniaan. Kole'a indi'angen mainya' dakaan tagaren, mainya' dakaan ulas, mainya' bea darampas dakalit tauna.Yak. 5:2-3. 20Yang kamaamanka' dinen arung ikapulungang di Surga. Inang kosan tagar, kosan ulas angkaanen. Kosan tau marampas mangalit. 21Kole'a disa poang ikumpulanga iki' jaluun, tentu talola' bea ateka' lo'a dinen,” ingka kenang i Yesus lo'da'. "Ti' indi'ang di duniaan ikapulunga, indi'ang lapoang di arta duniaan ateka'. Dinen lapoang ipikirangen. Ti' inang di Surga ikapulunga, inang bea di Surga ateka'.Lk. 12:33-34.
22“Jaji mataka' di'en kusama'ang awan lalo palitana mantuarika'. Ti' maam mataka', maam bea pameleka'. Arawang kausa mantuarika'. 23Ati'en ajau' mataka', ajau' pameleka'. Araun bea mantuarika' kausana. Jaji ti' mamin araun awan dinen, ti' kosan jalu arawangen nanka', saja araun dom tetek,” ingka kenang sama' jaruma i Yesus.Lk. 11:34-36.
24“Umpamana pangkam, na'an patut dua paraampuanna yang dalola'aniin. Na'an mainya'! Ati'en yang seraan dakasaang, tentu yang seraan dakalibakangen. Ati'en yang paraampuan sera dinen dalola'aniin, tentu yang sera dapebelang. Kenang bea daiki', ti' panamuna Alatala ipakaien iki', na'an patutki' tama' lolo to lo'a duiten padari ulunna, kole'a na'an sikule' panamu duaan dinen,” ingka kenang i Yesus lo'da'.Lk. 16:13.
Ada'ki' kalangganganen
Lk. 12:22-31
25“Jaji kenang lalo jarumku' lo'in, ada'ki' kalanggangan mamikirang soal katio'anka', soal angkaan mainyum, soal parakainiin mantuarika'. Asi lo'a? Tio'ka' di'en okan soal jalu kaan poang yang pentingen. Mantuarika' di'en, okan kainen poang yang pentingen. 26Belejo gulungan burungen, okan daia masak, okan daia matam mangapulungang ase di pamoranen. Angkaanna bua, dapangkaan bua kole'a Ama'ka'. Labina lagi' daiki', tentuki' baraga lo'a gulungan burungen. 27Ai gunana kalangganganen? Kalangganganen dinen okan jalu manyuro' balangke tio'ka',” ingka kenang.
28“Kenang bapi soal kainen, ai gunana kalangganganen lo'a dinen? Belejo gulungan timbukas rimputen dabaranga. Okan dinen bakaraja, okan bea manam kainen. 29Poangsi maam jaji ayu'a. Manjarumak lo'in, Raja Salomopi di kamaamannajo dinen, kosan labi lo'a rimputen ayu'a. Kainna dinen na'an sabalu' nanna timbukas rimputen dinen maama.1Raj. 10:4-7; 2Taw. 9:3-6. 30Padahal rimputen dinen jalu sikadang poang, aso di'en tio', mina' itampeang lo'a apiin. Jaji ati'en awan dinen maama parakainina lo'a gulungan rimputen kole'a Alatala, tentu labi lagi' mainya'a parakaini lo'ka'. Daikin saja kurang jaji kaparasaya'annin,” ingka kenang.
31“Jaji ada' kalangganganen. Ai ona' kukaanen? Ai ona' kudinyumen? Ai ona' kupakaien? ingka kenang atenin. 32Awan dinen lalo tau na'anen paduli lo'a Alatala. Poangsi daiki' Ama'ka' di Surga datamu kausa mamin kaparuluanka'! 33Daiki' manyariki' tajolo jalu manyuro' adariin lo'a kangkamanna Alatala. Manyariki' tio' tapaten di arona Alatala. Ka' bea idua'anga iki' gulungan kaparuluanka'. 34Jaji ada'ki' kalangganganen lo'a soal mina'. Ti' soal mina', mina'la. Sukup mamin soal bagi aso di'en,” ingka kenang i Yesus lo'da'.Msm. 50:10-11; 73:25; Yer. 17:7-8; Plp. 4:4-8.
Currently Selected:
Matius 6: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 6
6
Ai lo'a ti' andian pameangka' lo'a tauen?
1"Jaji maam-maamkin. Na'an pande basa maamka' dinen itiang mala pudi. Ti' to' mala pudika' poang, kosan opa'ka' dameang kole'a Ama'ka' di Surga.Mat. 23:5.
2"Jaji kenang. Daiki' nanga to' mameang jalu lo'a tau masikinen dinen, ada' datamu tauna. Ada' dinen manaba'ka' ijoloka' iparaa pameangka' dinen manyuro' tauen mamele. Awan dinen lalo tau mamis baba'a masam atena. Awan dinen basada' di ambata sao sambayangen, di ambata dalanen mainto' datamu tauna, mainto' dapudi tauna. Manjarumak tapat-tapat lo'in, kosan bapi balasanda' dinen. Mamin ira manarima' pudi. 3Daiki' pameangka' ada' datamu tauna. Arung dinen sama'a, mameang jaluka', tanganka' kayoko'en arung na'an datamu kole'a tanganka' katoen. 4Jaji ati'en awan dinen, ti' na'an datamu tau, baru' dabalas kole'a Ama'ka' yang datamuun kausa jaluun. Kenang ratina," ingka kenang i Yesus lo'da'.
Jarum do'aka' na'an pande itiang mala pudi
Lk. 11:2-4
5"Jaji kenang. Ti'ki' bado'a, ada' malola'ani basada' tau mamis baba'a masam atenaan. Daira dinen bado'a akadeng di ambata sao sambayangen. Daawa lamba' di ambata pampang dalanen mainto' datamu tauna. Manjarumak lo'in tapat-tapat, kosan bapi balasanda'. Mamin ira manarima' pudi, ingka kenang.Lk. 18:10-14.
6“Jaji daiki' ti' bado'a intamaki' lo'a kamarka'. Arung ikaput iki' mambanganka'. Inang bado'aka' lo'a Ama'ka' yang na'anen ikita. Baru'ki' dabalas kole'a Ama'ka' yang mangitaan, yang manamuun kausa jaluun. 7Ti'ki' bado'a, ada' ilola'anina basada' tau na'anen paduli lo'a Alatala. Ada' bayu' lapoang jarumka' ibalik-balikang. Daira dinen kole'a mamikir bayu'a. Apabila dabalik-baliki lapoang kenang kalo'aan, ratina baru' dadalinga, baru' dameang. 8Poangsi daiki' na'an kenang. Ratina na'anna kenang, mamin datamu kaparuluanka' kole'a Ama'ka'. Nampina ipita iki', mamin datamu,” ingka kenang i Yesus lo'da'.
9"Jaji do'aka', kenang yang maamen, O Amanam di Surga, arung ipaduli asannu, arung ianggap barese.
10"Daiko kangkamannu dinen arung ipadari di dunia di'en. Awan lalo dalola'anina panamunu inang di Surga, arung awan dinen bea ilola'anina indi'angen di duniaan.
11"Meangkam mairaso jalu kaanen.
12"Kenang bea daikam di'en amponi dosanam awan bua daikam mamponinam lo'a tau arasala'en lo'am.
13"Ada'kam iawaan lo'a jalu yang mangilalaien lo'am dinen. Panjao' lo'am dari i Pangabo, yang jalu ajau'en dinen. [Kole'a iko lalo yang mangkamen. Iko lalo yang tau bakuasaan. Iko lalo yang ipudiin sampai salaun-launna,]"
ingka kenang.
14“Kole'a daiki' ati'enki' mamponi tau yang arasala'en lo'ka', awan dinen bea damponina dinen daiki' kole'a Ama'ka'.Msm. 66:18; Mk. 11:25. 15Sabalika ti' na'an iamponi tauen, daiki'pi na'anki' bea daamponi kasala'anka' kole'a Ama'ka',” ingka kenang.
Ti'ki' bapuasa na'an pande itiang mala pudi
16“Jaji daiki' ti'ki' bapuasa, ada' lindo'ka' ipola-pola susa, awan ira tau mamis baba'a masam atenaan. Daira dinen mainto' datamu tauna, mainto' dapaduli tau. Manjarumak lo'in tapat-tapat, kosan bapi balasanda'. Mamin ira manarima' pudi.Msm. 66:18; Mk. 11:25. 17Daiki' ti' to' bapuasa, arung rapi. Arung idinyaki dinen bukka'. Arung ikusuk lindo'ka', 18mainto' na'an datamu tau bapuasaka'. Baru'ki' to' dakita kole'a Ama'ka' yang na'anen ikita iki'. Baru'ki' dabalas,” ingka kenang i Yesus lo'da'.
Kamaamanka' ada' ikapulungangen di duniaan
Ams. 30:7-9; Lk. 12:33-34; 16:13
19“Jaji mangapulungang kamaamanka', na'an pande kamaamanka' dinen ikapulungang iki' di duniaan. Kole'a indi'angen mainya' dakaan tagaren, mainya' dakaan ulas, mainya' bea darampas dakalit tauna.Yak. 5:2-3. 20Yang kamaamanka' dinen arung ikapulungang di Surga. Inang kosan tagar, kosan ulas angkaanen. Kosan tau marampas mangalit. 21Kole'a disa poang ikumpulanga iki' jaluun, tentu talola' bea ateka' lo'a dinen,” ingka kenang i Yesus lo'da'. "Ti' indi'ang di duniaan ikapulunga, indi'ang lapoang di arta duniaan ateka'. Dinen lapoang ipikirangen. Ti' inang di Surga ikapulunga, inang bea di Surga ateka'.Lk. 12:33-34.
22“Jaji mataka' di'en kusama'ang awan lalo palitana mantuarika'. Ti' maam mataka', maam bea pameleka'. Arawang kausa mantuarika'. 23Ati'en ajau' mataka', ajau' pameleka'. Araun bea mantuarika' kausana. Jaji ti' mamin araun awan dinen, ti' kosan jalu arawangen nanka', saja araun dom tetek,” ingka kenang sama' jaruma i Yesus.Lk. 11:34-36.
24“Umpamana pangkam, na'an patut dua paraampuanna yang dalola'aniin. Na'an mainya'! Ati'en yang seraan dakasaang, tentu yang seraan dakalibakangen. Ati'en yang paraampuan sera dinen dalola'aniin, tentu yang sera dapebelang. Kenang bea daiki', ti' panamuna Alatala ipakaien iki', na'an patutki' tama' lolo to lo'a duiten padari ulunna, kole'a na'an sikule' panamu duaan dinen,” ingka kenang i Yesus lo'da'.Lk. 16:13.
Ada'ki' kalangganganen
Lk. 12:22-31
25“Jaji kenang lalo jarumku' lo'in, ada'ki' kalanggangan mamikirang soal katio'anka', soal angkaan mainyum, soal parakainiin mantuarika'. Asi lo'a? Tio'ka' di'en okan soal jalu kaan poang yang pentingen. Mantuarika' di'en, okan kainen poang yang pentingen. 26Belejo gulungan burungen, okan daia masak, okan daia matam mangapulungang ase di pamoranen. Angkaanna bua, dapangkaan bua kole'a Ama'ka'. Labina lagi' daiki', tentuki' baraga lo'a gulungan burungen. 27Ai gunana kalangganganen? Kalangganganen dinen okan jalu manyuro' balangke tio'ka',” ingka kenang.
28“Kenang bapi soal kainen, ai gunana kalangganganen lo'a dinen? Belejo gulungan timbukas rimputen dabaranga. Okan dinen bakaraja, okan bea manam kainen. 29Poangsi maam jaji ayu'a. Manjarumak lo'in, Raja Salomopi di kamaamannajo dinen, kosan labi lo'a rimputen ayu'a. Kainna dinen na'an sabalu' nanna timbukas rimputen dinen maama.1Raj. 10:4-7; 2Taw. 9:3-6. 30Padahal rimputen dinen jalu sikadang poang, aso di'en tio', mina' itampeang lo'a apiin. Jaji ati'en awan dinen maama parakainina lo'a gulungan rimputen kole'a Alatala, tentu labi lagi' mainya'a parakaini lo'ka'. Daikin saja kurang jaji kaparasaya'annin,” ingka kenang.
31“Jaji ada' kalangganganen. Ai ona' kukaanen? Ai ona' kudinyumen? Ai ona' kupakaien? ingka kenang atenin. 32Awan dinen lalo tau na'anen paduli lo'a Alatala. Poangsi daiki' Ama'ka' di Surga datamu kausa mamin kaparuluanka'! 33Daiki' manyariki' tajolo jalu manyuro' adariin lo'a kangkamanna Alatala. Manyariki' tio' tapaten di arona Alatala. Ka' bea idua'anga iki' gulungan kaparuluanka'. 34Jaji ada'ki' kalangganganen lo'a soal mina'. Ti' soal mina', mina'la. Sukup mamin soal bagi aso di'en,” ingka kenang i Yesus lo'da'.Msm. 50:10-11; 73:25; Yer. 17:7-8; Plp. 4:4-8.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997