Matius 4
4
I Yesus dakilalai
Mk. 1:12-13; Lk. 4:1-13
1Jaji barik i Yesus dauluang kole'a Sumangat Bareseen, daawa lo'a kosan yang ateengen. To' dakilalai inang kole'a i Pangabo.Ibr. 2:18; 4:15. 2Jaji barik mondok di kosan ateengen, ampat pulo' aso, ampat pulo' malam bapuasana, na'an angkaan. Jaji mase' batanga. 3Jaji barik mondok i Pangabo lo'a i Yesus, “Ti'ko tapat-tapat Anaka Alatala,” ingka kenang, “suba gulungan batu di'en panyunyuangjo pola rotiin,” ingka kenang manjaruma i Pangabo lo'a i Yesus.
4Jaji barik dasauti kole'a i Yesus, “Na'an pande. Kole'a andian mamin ilalam Jaruma Alatala yang datulisangen,
Okan roti poang yang pandeen mangatio' lo'ka'. Yang matio'en lo'ka', ialalo gulungan jaruma Alatala, Ul. 8:3.
ingka kenang jaruma Alatala,” ingka kenang i Yesus lo'a i Pangabo.
5Maminna dinen barik i Yesus daawa kole'a i Pangabo lo'a Yerusalem, banua yang bareseen. Jaji dasuro' akadeng di saona Alatala, inang di tompok yang palin balangkeen ibo. 6Jaji barik manjarum i Pangabo mangilalaien lo'a, “Na, ti'enko tapat-tapat Anaka Alatala, suba maningkado'ko dari indi'angen lo'a tana'en. Kole'a andian bayana ilalam Jaruma Alatala yang datulisangen,
Daia to' manyuro' lo'a malaikata maruangi lo'u. To' dasialoiko nanna tanganna mainto' na'anna dampe tadua' kakinu lo'a batuun, Msm. 91:11-12.
Na, kenang jaruma Alatala,” ingka kenang i Pangabo lo'a i Yesus.
7Jaji barik i Yesus manyauti lo'a i Pangabo, “Na'anak pande kenang. Kole'a andian bea ilalam buku' Jaruma Alatala yang datulisangen,
Ada' mangilalaien lo'a Paraampuanka' Alatala, Ul. 6:16.
ingka kenangjo jaruma Alatala,” ingka kenang i Yesus lo'a i Pangabo.
8Jaji barik i Yesus daawa bapi lo'a ukit yang balangkeen. Dapayoang lo'a ambata kangkamanna duniaan nanna ambata kamaamanna. 9“Na di'en,” ingka “samuana di'en daiko kausana ampunaan. Kudunjukang lo'u asal malingkututko di'en ijoloku' manyembako lo'ku',” ingka kenang manjaruma i Pangabo lo'a i Yesus.
10Jaji dabalas barik kole'a i Yesus, dasauti, “Babajao'ko lo'ku' iko Pangabo. Kole'a andian ilalam Jaruma Alatala yang datulisangen,
Arungki' manyemba lo'a Paraampuanka' Alatala. Kosan jalu pande isemba bokan. Ia poang yang pandeen ipaduli iki', Ul. 6:13.
ingka kenangjo di Jaruma Alatala,” ingka kenang i Yesus lo'a i Pangabo.
11Jaji barik maminna dinen, i Yesuspi dinen darantang unjang kole'a i Pangabo. Laloang mondok gulungan malaikaten dari Surga, manggulungi lo'a i Yesus.
I Yesus mulakatang karajana di banua Galilea
Mk. 1:14-15; Lk. 4:14-15
12Jaji nanga dinen i Yohanes Pambaptis daapis di sao ukumanen. Jaji barik datamuna kole'a i Yesus i Yohanes daapisa di sao ukumanen, daiapi mamalin mole' lo'a propinsi Galilea.Mat. 14:3; Mk. 6:17; Lk. 3:19-20. 13Daia na'an lalako' di banua Nasaret. Dalamba'i banua Kapernaum, lalako' indinang maro urang Sebulon nanna Naptali.Yoh. 2:12. 14Jaji ratina i Yesus lalako'a indinangen, manyuro' adari lo'a bayana baki' Yesaya panjaruma Alatala dinen. Unyi bayana kenang,
15 Ambata tau okanen Yahudiin yang lalako'en di daerah urang Sebulon nanna urang Naptali dinen, mamin maita barik jalu arawangen. Inang kosanda' di biringa dalan mansangen lo'a danoon isualina sunge Yordan, di propinsi Galilea dinen. 16Launna di'en lalako'a ira dinen, lalako' di jalu araunen. Darauni kole'a ukum kamateanen yang to' dalao'iin lo'da'. Rabarik awandi'en, mamin barik dapaitang lo'da' jalu palin arawangen dinen. Mamin ira darawangi, Yes. 8:23—9:1 .
ingka kenangjo i Yesaya. Kenang ratina i Yesus lalako'a nanna tau dinen.
17Jaji talakat nanga dinen barik i Yesus manjarum lo'a tauen, “Arung idunjang ikin pikirannin yang sala'en, kole'a mamin mainso' bayana Surga to' mangkama lo'ka',” ingka kenang manjaruma i Yesus lo'a tauen.Mat. 3:2.
Ira ampaten dakalong kole'a i Yesus
Mk. 1:16-20; Lk. 5:1-11
18Jaji barik i Yesus dinen lamba' di biring danoon, dakita barik andian ira dua pariin. Jaji asanna ira dinen, ari Simon yang iasanen bea i Petrus, nanna i Andreas, arina i Simon dinen. Jaji karajada' duaan, manjala lauk ira. Kole'a dinen lalo katio'anda', panyari lauk. 19Jaji barik manjarum i Yesus lo'da', “Daikin malola'kin lo'ku'. To' kuawakin panjala anak mantuariin rabarik,” ingka kenang i Yesus manjaruma lo'da' duaan dinen. 20Jaji sikadang kayana rabarik darantang jalana dinen. Jaji malola' barik lo'a i Yesus.
21Jaji barik lamba' bapi i Yesus, dakita bapi ira dua pariin anaka i Sebedeus, ialalo ari Yakobus nanna i Yohanes, arina dinen. Karajada' dinen, ira dinen pamaami pukata inang di parauen nanna amana. Jaji dakalong bapi dinen ira, dasuro' malola'. 22Laloang darantang parauna nanna amana, malola' bapi lo'a i Yesus ira dinen dua pariin.
I Yesus majar sarata pamaam tau apadisen
Lk. 6:17-19
23Jaji barik i Yesus lamba' kuliling-kuliling di Galilea majar di gulungan sao sambayangen. Dajarumang lo'a tauen dongo maamen lo'a bayana dinen, baya Alatala to' mangkama lo'ka' awan rajaan. Bayu' bea pamadisa tauen dapamaamen kole'a i Yesus.Mat. 9:35; Mk. 1:39. 24Jaji tadongo barik asanna i Yesus sasara gulungan banua Siria.
Jaji tadongo dinen i Yesus, bayu' dinen tau apadisen yang daawa lo'a, dapamaam. Bayu' baranana pamadisa tau dapamaamen dinen, yang tau dasarung jalu ajau'en, yang tau babalueanen, yang tau tamateen mantuarina. 25Bayu' bua tau malola'en lo'a i Yesus yang tau Galilea, tau banua Sapulo'en, tau Yerusalem, ambata tau Yudea nanna tau isulina sunge Yordan.
Currently Selected:
Matius 4: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 4
4
I Yesus dakilalai
Mk. 1:12-13; Lk. 4:1-13
1Jaji barik i Yesus dauluang kole'a Sumangat Bareseen, daawa lo'a kosan yang ateengen. To' dakilalai inang kole'a i Pangabo.Ibr. 2:18; 4:15. 2Jaji barik mondok di kosan ateengen, ampat pulo' aso, ampat pulo' malam bapuasana, na'an angkaan. Jaji mase' batanga. 3Jaji barik mondok i Pangabo lo'a i Yesus, “Ti'ko tapat-tapat Anaka Alatala,” ingka kenang, “suba gulungan batu di'en panyunyuangjo pola rotiin,” ingka kenang manjaruma i Pangabo lo'a i Yesus.
4Jaji barik dasauti kole'a i Yesus, “Na'an pande. Kole'a andian mamin ilalam Jaruma Alatala yang datulisangen,
Okan roti poang yang pandeen mangatio' lo'ka'. Yang matio'en lo'ka', ialalo gulungan jaruma Alatala, Ul. 8:3.
ingka kenang jaruma Alatala,” ingka kenang i Yesus lo'a i Pangabo.
5Maminna dinen barik i Yesus daawa kole'a i Pangabo lo'a Yerusalem, banua yang bareseen. Jaji dasuro' akadeng di saona Alatala, inang di tompok yang palin balangkeen ibo. 6Jaji barik manjarum i Pangabo mangilalaien lo'a, “Na, ti'enko tapat-tapat Anaka Alatala, suba maningkado'ko dari indi'angen lo'a tana'en. Kole'a andian bayana ilalam Jaruma Alatala yang datulisangen,
Daia to' manyuro' lo'a malaikata maruangi lo'u. To' dasialoiko nanna tanganna mainto' na'anna dampe tadua' kakinu lo'a batuun, Msm. 91:11-12.
Na, kenang jaruma Alatala,” ingka kenang i Pangabo lo'a i Yesus.
7Jaji barik i Yesus manyauti lo'a i Pangabo, “Na'anak pande kenang. Kole'a andian bea ilalam buku' Jaruma Alatala yang datulisangen,
Ada' mangilalaien lo'a Paraampuanka' Alatala, Ul. 6:16.
ingka kenangjo jaruma Alatala,” ingka kenang i Yesus lo'a i Pangabo.
8Jaji barik i Yesus daawa bapi lo'a ukit yang balangkeen. Dapayoang lo'a ambata kangkamanna duniaan nanna ambata kamaamanna. 9“Na di'en,” ingka “samuana di'en daiko kausana ampunaan. Kudunjukang lo'u asal malingkututko di'en ijoloku' manyembako lo'ku',” ingka kenang manjaruma i Pangabo lo'a i Yesus.
10Jaji dabalas barik kole'a i Yesus, dasauti, “Babajao'ko lo'ku' iko Pangabo. Kole'a andian ilalam Jaruma Alatala yang datulisangen,
Arungki' manyemba lo'a Paraampuanka' Alatala. Kosan jalu pande isemba bokan. Ia poang yang pandeen ipaduli iki', Ul. 6:13.
ingka kenangjo di Jaruma Alatala,” ingka kenang i Yesus lo'a i Pangabo.
11Jaji barik maminna dinen, i Yesuspi dinen darantang unjang kole'a i Pangabo. Laloang mondok gulungan malaikaten dari Surga, manggulungi lo'a i Yesus.
I Yesus mulakatang karajana di banua Galilea
Mk. 1:14-15; Lk. 4:14-15
12Jaji nanga dinen i Yohanes Pambaptis daapis di sao ukumanen. Jaji barik datamuna kole'a i Yesus i Yohanes daapisa di sao ukumanen, daiapi mamalin mole' lo'a propinsi Galilea.Mat. 14:3; Mk. 6:17; Lk. 3:19-20. 13Daia na'an lalako' di banua Nasaret. Dalamba'i banua Kapernaum, lalako' indinang maro urang Sebulon nanna Naptali.Yoh. 2:12. 14Jaji ratina i Yesus lalako'a indinangen, manyuro' adari lo'a bayana baki' Yesaya panjaruma Alatala dinen. Unyi bayana kenang,
15 Ambata tau okanen Yahudiin yang lalako'en di daerah urang Sebulon nanna urang Naptali dinen, mamin maita barik jalu arawangen. Inang kosanda' di biringa dalan mansangen lo'a danoon isualina sunge Yordan, di propinsi Galilea dinen. 16Launna di'en lalako'a ira dinen, lalako' di jalu araunen. Darauni kole'a ukum kamateanen yang to' dalao'iin lo'da'. Rabarik awandi'en, mamin barik dapaitang lo'da' jalu palin arawangen dinen. Mamin ira darawangi, Yes. 8:23—9:1 .
ingka kenangjo i Yesaya. Kenang ratina i Yesus lalako'a nanna tau dinen.
17Jaji talakat nanga dinen barik i Yesus manjarum lo'a tauen, “Arung idunjang ikin pikirannin yang sala'en, kole'a mamin mainso' bayana Surga to' mangkama lo'ka',” ingka kenang manjaruma i Yesus lo'a tauen.Mat. 3:2.
Ira ampaten dakalong kole'a i Yesus
Mk. 1:16-20; Lk. 5:1-11
18Jaji barik i Yesus dinen lamba' di biring danoon, dakita barik andian ira dua pariin. Jaji asanna ira dinen, ari Simon yang iasanen bea i Petrus, nanna i Andreas, arina i Simon dinen. Jaji karajada' duaan, manjala lauk ira. Kole'a dinen lalo katio'anda', panyari lauk. 19Jaji barik manjarum i Yesus lo'da', “Daikin malola'kin lo'ku'. To' kuawakin panjala anak mantuariin rabarik,” ingka kenang i Yesus manjaruma lo'da' duaan dinen. 20Jaji sikadang kayana rabarik darantang jalana dinen. Jaji malola' barik lo'a i Yesus.
21Jaji barik lamba' bapi i Yesus, dakita bapi ira dua pariin anaka i Sebedeus, ialalo ari Yakobus nanna i Yohanes, arina dinen. Karajada' dinen, ira dinen pamaami pukata inang di parauen nanna amana. Jaji dakalong bapi dinen ira, dasuro' malola'. 22Laloang darantang parauna nanna amana, malola' bapi lo'a i Yesus ira dinen dua pariin.
I Yesus majar sarata pamaam tau apadisen
Lk. 6:17-19
23Jaji barik i Yesus lamba' kuliling-kuliling di Galilea majar di gulungan sao sambayangen. Dajarumang lo'a tauen dongo maamen lo'a bayana dinen, baya Alatala to' mangkama lo'ka' awan rajaan. Bayu' bea pamadisa tauen dapamaamen kole'a i Yesus.Mat. 9:35; Mk. 1:39. 24Jaji tadongo barik asanna i Yesus sasara gulungan banua Siria.
Jaji tadongo dinen i Yesus, bayu' dinen tau apadisen yang daawa lo'a, dapamaam. Bayu' baranana pamadisa tau dapamaamen dinen, yang tau dasarung jalu ajau'en, yang tau babalueanen, yang tau tamateen mantuarina. 25Bayu' bua tau malola'en lo'a i Yesus yang tau Galilea, tau banua Sapulo'en, tau Yerusalem, ambata tau Yudea nanna tau isulina sunge Yordan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997