Matius 25
25
Tau mangamasangen inyak palitaan dala sama' jarum
1“Jaji dinen ona' adarina kangkaman Surga awan lalo di'en. Jaji andian sera babaka yang iantanten arainye. Andian anak babainye sapulo' yang mawa palitaan, to' tamba manyialo lo'a babakaan yang iantat arainyeen dinen.Lk. 12:35. 2Jaji anak babainyeen dinen, andian lima yang rabor-raboren, andian lima yang datamuun pasitimbangang jalu maamen nanna jalu ajau'en. 3Yang rabor-raboren dinen mawa palita poang, na'an daawaang inyaka. 4Ira yang maamen pikiranna mawa palitaan, mawa bea inyaken. 5Barik dinen balaun jaji babaka dinen yang iantat arainyeen na'an mondok. Barik ira sapulo'en talalap tindo'.
6“Jaji barik dinen tanga' malamen mamuko tauen, Mondok! Mondok! Mondok babaka yang iantat arainyeen! Se' manyialoki' lo'a, ingka tauen.
7“Jaji barik samuana asading ira anak babainyeen sapulo'en dinen, to' pamaam palitada'. 8Jaji manjarum yang rabor-raboren lo'a arakawanna, Meangkam inyak palitaan. To' masam palitanam, ingka kenang.
9“Barik dasauti kole'a kawanna, Kosan jalu pande itawa'. Ungka'en ona' na'an sumanam, ingka. Malakin poang lo'a tau mamet inyaken, ingka kenang.
10“Jaji barik lamba' ira limaan dinen to' mala inyak. Imundina dinen barik, mondok bua babaka yang iantat arainyeen dinen. Laloang ira limaan yang maminen bakamas dinen, intama nanna babaka dinen lo'a rami-ramiin. Mambanganenpi dinen laloang ikaput.
11“Ada'a launna barik, mondok bea ira limaan, anak babainyeen dinen, Bae'angkam bae'ang, Ama'e, ingka.
12“Jaji dasauti dinen kole'a babakaan yang iantat arainyeen de'i, Manjarumak lo'in tapat-tapat. Na'ankin kukilala, ingka kenang.Lk. 13:25.
13“Na, kenang lalo,” ingka kenang i Yesus. “Jagai kalenin, kole'a na'an itamu asona, na'an itamu jam bayana. Ialalo arungkin bajaga-jaga,” ingka kenang manjaruma i Yesus lo'da'.
Tau yang dameang tugas dala sama' jarum
Lk. 19:11-27
14Jaji manjarum bapi i Yesus lo'da', “Awan di'en bapi kangkaman Surga, awan lalo tau to' tarangkat lamba' bajao'en. Jaji to' tarangkata dinen, dakombongang suro'anna, dasuro' tuntuani jaluna. 15Bayu'a jalu dasuro'angen lo'da' dinen, bele pandena, bele panamuna suro'anna. Yang seraan dinen dameang duit lima juta. Yang kaduaan dinen dameang duit dua juta. Yang kataluun dameang duit sajuta. Maminna dinen tarangkat dinen toa saoen, lamba'.
16“Jaji barik, yang dameang lima juta dinen laloang lamba'. Dapaguna duita dinen, dapolaang bungana. Yang lima jutaan dinen mole' sapulo' juta. 17Yang dameangen duit dua jutaan, awan dinen bapi, dapaguna bea. Jaji yang dua jutaan dinen mole' ampat juta. 18Poangsi yang dameangen sajuta dinen, na'an kenang. Dakaliang dinen duita paraampuanna.
19“Jaji balaun barik, mole' dinen paraampuanna. Jaji dapariksa barik tanggung jawapda' dinen. 20Yang dameangen duit lima jutaan dinen mondok lo'a mawa bungana, Paraampuane, duitu yang lima jutaan, mole' barik sapulo' juta. Di' lalo ambata mole'a, ingka kenang.
21“Jaji manjarum barik dinen paraampuanna, Maam. Iko lalo suro'an yang dapaten iparasaya'iin. Yang tau dapaten kuparasaya'i nanna jalu kakapiten, lo'a dinen kusuro'ang bapi jalu bayu'en. Se' tambako maramiang dinen sasauna nyawaku', ingka kenang.
22“Jaji mondok bapi dinen yang dameangen duit dua juta, Paraampuane, duitu dinen yang dua jutaan, mole' barik ampat juta. Di' lalo ambata mole'a, ingka kenang.
23“Jaji manjarum barik dinen paraampuanna, Maam. Iko lalo suro'an yang dapaten iparasaya'i. Yang tau dapaten kuparasaya'i nanna jalu kakapiten, lo'a dinen kusuro'ang bapi jalu bayu'en. Se' tambako maramiang sasauna nyawaku', ingka kenang.
24“Jaji mondok bapi dinen yang dameangen duit sajuta, Paraampuane, ingka, kutamuko tau bakarasko. Pande-pandeko mamaki tolang tau itiang paranak duitu. Okanpi iko yang manaro'en, iko bua yang malaan. Okanpi iko yang mamborangen banyia'en, iko bua yang matamen mala asela. 25Jaji atakutak, ingka kenang. Jaji barik duitu dinen kukaliang, kulamun. Na, di'en lalo duitu, ingka kenang.
26“Jaji manjarum paraampuanna, Ajau' jajiko dinen. Palibakanko. Asi memen? Itamu iko jalu na'anen kutanam pande kukatam. Itamu iko di kosanna na'anen kuambori banyia' pande kuala asela, ingka kenang. 27Ai memen na'annu mamolaang bungana? Di mole'ku' barik pande duitku' mole' lo'ku' nanna bungana, ingka kenang arasina.
28“Jaji manjarum paraampuanna lo'a suro'anna bokanen, Duita sajuta dinen, ala ikin. Meang lo'a tau dinen de'i yang andianen sapulo' jutaan. 29Kole'a lo'ka' yang andianen mamin jalu datawa'iin lo'ka', ti' ipaguna to' datambai bapi. Mainto' labian daiki'. Poangsi tau yang angkosanen jalu ijaput, anu kakapitenpi ti' na'an dapaguna to' dala bua ona', ingka kenang.Mat. 13:12; Mk. 4:25; Lk. 8:18. 30Jaji suro'anku' yang na'anen baguna dinen, tampeang poang insaluan. Inang ona' to' manyanyarawang anangisa, dapasikokotang isina lasana susana inang,” ingka kenang. Mat. 8:12; 22:13; Lk. 13:28.
Tau tapaten to' dapasilaanang lo'a tau na'anen tapat
31Jaji manjarum i Yesus lo'da', “Daiak di'en Anak Mantuariin, to' mondokak nanna kamaamanku' padari rajaan, nanna ambata malaikatku' ibiringku'. Jaji to' adudukak barik di ale' kasan mangkamku' lo'a tauen.Mat. 16:27; 19:28. 32Inang barik ona' gulungan anak mantuariin kira tatak banuaan to' ikapulungang kausana di aroku'. Yang tau tapaten nanna yang na'anen to' ipasitawa'ang dua rabarik, awan lalo tauen yang panuntuaniin dinen pasitawa'ang kambingen nanna dombaan. 33Yang dombaan de'i, to' itaro' di katoku'. Yang kambingen dinen to' itaro' di kayoko'ku'.
34“Barik dinen to' manjarumak di'en Rajaan lo'a tauen yang di katoku'en dinen, Ikin yang tau dapamaamen kole'a Ama'ku', se' lo'di'kin. Manarima'kin barik kamaamannin yang maminen dakamasang itiang daikin, yang jalu dakamasangen memen di akata duniaan di waktu dapanyunyuaanga, uka' ona' lo'da'. 35Kole'a ijoloon dinen di mase'a bantangku', ipangkaanak ikin. Di akaringa nyawaku'jo, ipainyumi danumak ikin. Kapiak tau asingen, isialoiak bua ikin.Yes. 58:1-14. 36Di kosannajo kainku' dinen, iparakainiak ikin. Di apadisku', ituntuaniak ikin. Di sao ukumanenku', iparameniak ikin, uka' ona' lo'da'.
37“Jaji to' manjarum bapi ona' dinen tau tapaten, Nanga indesi sidua'ka' Paraampuane? Mase'a batangu yang ipangkaannu ikam, akaringa nyawanu yang ipainyuminu ikam, nanga indesijo? 38Mondoku dinen awan tau asingen yang isialoon ikam dinen, nanga indesijo? Kosanna kainnu yang iparakaininu ikam, 39padisu yang ituntuaniin ikam, nanga indesijo? Daapisu di sao ukumanen, iparameninu ikam, nanga indesijo? Na'ankam manamu Paraampuane, ingka ona' dinen tau tapaten lo'ku'.
40“Jaji kusauti lo'da', Manjarumak di'en lo'in, okanpi lo'ku' manggulunginin dinen, jalu ianuun ikin lo'a arasairunku', lo'ku' bua dini. Kapi jalu ai ianuun, kapi sairunen yang palin akeke'en pangkata yang igulungiin ikin, sama bua awan ianuun ikin lo'ku', uka' kenang manyautiin.
41“Yang lo'a tau di kayokoku'en dinen, Babajao'kin lo'ku'! Ikin lalo tau maminen dakutukiin. Inangkin poang kosannin, di api yang na'anen mainya' imasami, di Banua Apiin yang dakamasaangen lo'a i Pangabo nanna ambata gulungan suro'anna.Yes. 14:12-15; Yeh. 28:11-19; Ep. 6:12; 2Ptr. 2:4; Yud. 6; JD. 20:10. 42Kole'a ijoloon di mase'a batangku' na'anak ipangkaan ikin. Di akaringa nyawaku'jo, na'anak ipainyumi ikin danum. 43Di mondokku' lo'in awan tau asingenak, na'anak isialoi ikin. Di kosanjo kainku', na'anak iparakaini ikin. Di apadisku' na'anak ituntuani ikin. Di sao ukumanenku'jo dinen, na'anak iparameni ikin, uka' kenang.
44“Barik daira dinenpi to' manyauti, Nanga indesijo sidua'ka', Paraampuane? Nanga inde dinen mase'a batangu, akaringa nyawanu? Nanga inde mondoku lo'am, nanga indesijo kosanna kainnu, apadisu? Nanga inde daapisu di sao ukumanen yang na'anen igulungi ikam? ingka kenang daira dinen.
45“Okan. Manjarumak tapat-tapat lo'in, uka'. Arasairunku' dinen, kapisi yang tau palin akeke'an pangkata, ti' na'an igulungi ikin, sama bua awan diri'ku' na'anen igulungi, uka' kenang.
46“Jaji yang tau na'anen tapat dinen isuro' barik dinen lo'a ukuman yang salaun-launnaan. Yang tau tapaten dinen isuro' tio' salaun-launna,” ingka kenang i Yesus lo'da'.Dan. 12:2.
Currently Selected:
Matius 25: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 25
25
Tau mangamasangen inyak palitaan dala sama' jarum
1“Jaji dinen ona' adarina kangkaman Surga awan lalo di'en. Jaji andian sera babaka yang iantanten arainye. Andian anak babainye sapulo' yang mawa palitaan, to' tamba manyialo lo'a babakaan yang iantat arainyeen dinen.Lk. 12:35. 2Jaji anak babainyeen dinen, andian lima yang rabor-raboren, andian lima yang datamuun pasitimbangang jalu maamen nanna jalu ajau'en. 3Yang rabor-raboren dinen mawa palita poang, na'an daawaang inyaka. 4Ira yang maamen pikiranna mawa palitaan, mawa bea inyaken. 5Barik dinen balaun jaji babaka dinen yang iantat arainyeen na'an mondok. Barik ira sapulo'en talalap tindo'.
6“Jaji barik dinen tanga' malamen mamuko tauen, Mondok! Mondok! Mondok babaka yang iantat arainyeen! Se' manyialoki' lo'a, ingka tauen.
7“Jaji barik samuana asading ira anak babainyeen sapulo'en dinen, to' pamaam palitada'. 8Jaji manjarum yang rabor-raboren lo'a arakawanna, Meangkam inyak palitaan. To' masam palitanam, ingka kenang.
9“Barik dasauti kole'a kawanna, Kosan jalu pande itawa'. Ungka'en ona' na'an sumanam, ingka. Malakin poang lo'a tau mamet inyaken, ingka kenang.
10“Jaji barik lamba' ira limaan dinen to' mala inyak. Imundina dinen barik, mondok bua babaka yang iantat arainyeen dinen. Laloang ira limaan yang maminen bakamas dinen, intama nanna babaka dinen lo'a rami-ramiin. Mambanganenpi dinen laloang ikaput.
11“Ada'a launna barik, mondok bea ira limaan, anak babainyeen dinen, Bae'angkam bae'ang, Ama'e, ingka.
12“Jaji dasauti dinen kole'a babakaan yang iantat arainyeen de'i, Manjarumak lo'in tapat-tapat. Na'ankin kukilala, ingka kenang.Lk. 13:25.
13“Na, kenang lalo,” ingka kenang i Yesus. “Jagai kalenin, kole'a na'an itamu asona, na'an itamu jam bayana. Ialalo arungkin bajaga-jaga,” ingka kenang manjaruma i Yesus lo'da'.
Tau yang dameang tugas dala sama' jarum
Lk. 19:11-27
14Jaji manjarum bapi i Yesus lo'da', “Awan di'en bapi kangkaman Surga, awan lalo tau to' tarangkat lamba' bajao'en. Jaji to' tarangkata dinen, dakombongang suro'anna, dasuro' tuntuani jaluna. 15Bayu'a jalu dasuro'angen lo'da' dinen, bele pandena, bele panamuna suro'anna. Yang seraan dinen dameang duit lima juta. Yang kaduaan dinen dameang duit dua juta. Yang kataluun dameang duit sajuta. Maminna dinen tarangkat dinen toa saoen, lamba'.
16“Jaji barik, yang dameang lima juta dinen laloang lamba'. Dapaguna duita dinen, dapolaang bungana. Yang lima jutaan dinen mole' sapulo' juta. 17Yang dameangen duit dua jutaan, awan dinen bapi, dapaguna bea. Jaji yang dua jutaan dinen mole' ampat juta. 18Poangsi yang dameangen sajuta dinen, na'an kenang. Dakaliang dinen duita paraampuanna.
19“Jaji balaun barik, mole' dinen paraampuanna. Jaji dapariksa barik tanggung jawapda' dinen. 20Yang dameangen duit lima jutaan dinen mondok lo'a mawa bungana, Paraampuane, duitu yang lima jutaan, mole' barik sapulo' juta. Di' lalo ambata mole'a, ingka kenang.
21“Jaji manjarum barik dinen paraampuanna, Maam. Iko lalo suro'an yang dapaten iparasaya'iin. Yang tau dapaten kuparasaya'i nanna jalu kakapiten, lo'a dinen kusuro'ang bapi jalu bayu'en. Se' tambako maramiang dinen sasauna nyawaku', ingka kenang.
22“Jaji mondok bapi dinen yang dameangen duit dua juta, Paraampuane, duitu dinen yang dua jutaan, mole' barik ampat juta. Di' lalo ambata mole'a, ingka kenang.
23“Jaji manjarum barik dinen paraampuanna, Maam. Iko lalo suro'an yang dapaten iparasaya'i. Yang tau dapaten kuparasaya'i nanna jalu kakapiten, lo'a dinen kusuro'ang bapi jalu bayu'en. Se' tambako maramiang sasauna nyawaku', ingka kenang.
24“Jaji mondok bapi dinen yang dameangen duit sajuta, Paraampuane, ingka, kutamuko tau bakarasko. Pande-pandeko mamaki tolang tau itiang paranak duitu. Okanpi iko yang manaro'en, iko bua yang malaan. Okanpi iko yang mamborangen banyia'en, iko bua yang matamen mala asela. 25Jaji atakutak, ingka kenang. Jaji barik duitu dinen kukaliang, kulamun. Na, di'en lalo duitu, ingka kenang.
26“Jaji manjarum paraampuanna, Ajau' jajiko dinen. Palibakanko. Asi memen? Itamu iko jalu na'anen kutanam pande kukatam. Itamu iko di kosanna na'anen kuambori banyia' pande kuala asela, ingka kenang. 27Ai memen na'annu mamolaang bungana? Di mole'ku' barik pande duitku' mole' lo'ku' nanna bungana, ingka kenang arasina.
28“Jaji manjarum paraampuanna lo'a suro'anna bokanen, Duita sajuta dinen, ala ikin. Meang lo'a tau dinen de'i yang andianen sapulo' jutaan. 29Kole'a lo'ka' yang andianen mamin jalu datawa'iin lo'ka', ti' ipaguna to' datambai bapi. Mainto' labian daiki'. Poangsi tau yang angkosanen jalu ijaput, anu kakapitenpi ti' na'an dapaguna to' dala bua ona', ingka kenang.Mat. 13:12; Mk. 4:25; Lk. 8:18. 30Jaji suro'anku' yang na'anen baguna dinen, tampeang poang insaluan. Inang ona' to' manyanyarawang anangisa, dapasikokotang isina lasana susana inang,” ingka kenang. Mat. 8:12; 22:13; Lk. 13:28.
Tau tapaten to' dapasilaanang lo'a tau na'anen tapat
31Jaji manjarum i Yesus lo'da', “Daiak di'en Anak Mantuariin, to' mondokak nanna kamaamanku' padari rajaan, nanna ambata malaikatku' ibiringku'. Jaji to' adudukak barik di ale' kasan mangkamku' lo'a tauen.Mat. 16:27; 19:28. 32Inang barik ona' gulungan anak mantuariin kira tatak banuaan to' ikapulungang kausana di aroku'. Yang tau tapaten nanna yang na'anen to' ipasitawa'ang dua rabarik, awan lalo tauen yang panuntuaniin dinen pasitawa'ang kambingen nanna dombaan. 33Yang dombaan de'i, to' itaro' di katoku'. Yang kambingen dinen to' itaro' di kayoko'ku'.
34“Barik dinen to' manjarumak di'en Rajaan lo'a tauen yang di katoku'en dinen, Ikin yang tau dapamaamen kole'a Ama'ku', se' lo'di'kin. Manarima'kin barik kamaamannin yang maminen dakamasang itiang daikin, yang jalu dakamasangen memen di akata duniaan di waktu dapanyunyuaanga, uka' ona' lo'da'. 35Kole'a ijoloon dinen di mase'a bantangku', ipangkaanak ikin. Di akaringa nyawaku'jo, ipainyumi danumak ikin. Kapiak tau asingen, isialoiak bua ikin.Yes. 58:1-14. 36Di kosannajo kainku' dinen, iparakainiak ikin. Di apadisku', ituntuaniak ikin. Di sao ukumanenku', iparameniak ikin, uka' ona' lo'da'.
37“Jaji to' manjarum bapi ona' dinen tau tapaten, Nanga indesi sidua'ka' Paraampuane? Mase'a batangu yang ipangkaannu ikam, akaringa nyawanu yang ipainyuminu ikam, nanga indesijo? 38Mondoku dinen awan tau asingen yang isialoon ikam dinen, nanga indesijo? Kosanna kainnu yang iparakaininu ikam, 39padisu yang ituntuaniin ikam, nanga indesijo? Daapisu di sao ukumanen, iparameninu ikam, nanga indesijo? Na'ankam manamu Paraampuane, ingka ona' dinen tau tapaten lo'ku'.
40“Jaji kusauti lo'da', Manjarumak di'en lo'in, okanpi lo'ku' manggulunginin dinen, jalu ianuun ikin lo'a arasairunku', lo'ku' bua dini. Kapi jalu ai ianuun, kapi sairunen yang palin akeke'en pangkata yang igulungiin ikin, sama bua awan ianuun ikin lo'ku', uka' kenang manyautiin.
41“Yang lo'a tau di kayokoku'en dinen, Babajao'kin lo'ku'! Ikin lalo tau maminen dakutukiin. Inangkin poang kosannin, di api yang na'anen mainya' imasami, di Banua Apiin yang dakamasaangen lo'a i Pangabo nanna ambata gulungan suro'anna.Yes. 14:12-15; Yeh. 28:11-19; Ep. 6:12; 2Ptr. 2:4; Yud. 6; JD. 20:10. 42Kole'a ijoloon di mase'a batangku' na'anak ipangkaan ikin. Di akaringa nyawaku'jo, na'anak ipainyumi ikin danum. 43Di mondokku' lo'in awan tau asingenak, na'anak isialoi ikin. Di kosanjo kainku', na'anak iparakaini ikin. Di apadisku' na'anak ituntuani ikin. Di sao ukumanenku'jo dinen, na'anak iparameni ikin, uka' kenang.
44“Barik daira dinenpi to' manyauti, Nanga indesijo sidua'ka', Paraampuane? Nanga inde dinen mase'a batangu, akaringa nyawanu? Nanga inde mondoku lo'am, nanga indesijo kosanna kainnu, apadisu? Nanga inde daapisu di sao ukumanen yang na'anen igulungi ikam? ingka kenang daira dinen.
45“Okan. Manjarumak tapat-tapat lo'in, uka'. Arasairunku' dinen, kapisi yang tau palin akeke'an pangkata, ti' na'an igulungi ikin, sama bua awan diri'ku' na'anen igulungi, uka' kenang.
46“Jaji yang tau na'anen tapat dinen isuro' barik dinen lo'a ukuman yang salaun-launnaan. Yang tau tapaten dinen isuro' tio' salaun-launna,” ingka kenang i Yesus lo'da'.Dan. 12:2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997