Matius 2
2
Mondok tauen dari timur to' manyemba lo'a i Yesus
1Jaji barik i Yesus paranakanga, daparanakang di banua Betlehem propinsi Yudea inang. Waktu nanga dinen Raja Herodes mangkama. Jaji barik andian tau mondok lo'a Yerusalem dari timur, tau yang andiannen panamuna pande mamele bintangen. 2Jaji barik manjarum, “Isasi tau yang iparanakangen dinen yang to' jaji Rajana tau Yahudiin?” Ingka kenang lo'a tauen di Yerusalem matoanina. “Daikam mondokam lo'a di'en, to' manyembakam lo'a. Kole'a andianna tandana di bintangen ikita ikam inang di Timur,” ingka kenang manjaruma lo'a tau inangen.
3Jaji datamuna rabarik jarumda' kole'a Raja Herodes, tau pande mamele bintangen, daiapi bayu' kalangganganna. Gulungan tau Yerusalemen ka' kenanga. 4Jaji dasuro' kombong barik ambata panguluan agama Yahudiin, ambata imam baraa'en nanna ambata toa adaten. Jaji mangatoani lo'da', “Ai lo'a ilalam bayana Alatalajo yang datulisangen, disasi kosanna paranakanga Kristus yang tau dabayaangen dinen?” ingka kenang lo'da'.
5Jaji manyauti barik ira, “Dinen paranakanga Kristus,” ingka kenang, “arung di banua Betlehem propinsi Yudea,” ingka kenang. “Itamuna ikam, kole'a andian bayana Alatala datulisangen kole'a panjaruma Alatala yang kenangen,
6 “Daiko banua Betlehem propinsi Yudea, to' tadongo asannu labi lo'a ambata banua bokanen di Yudea. Kole'a andian tau nannu yang tau to' mangkamen. Ialalo dinen yang to' mauluangen lo'a anak katio'anku' tau Israelen,” Mik. 5:1.
ingka kenangjo ilalam Jaruma Alatala yang datulisangen,” ingka kenang jarumda' manyautiin lo'a Raja Herodes.
7Jaji mamin akaus jarumda' tau imamen nanna toa adaten, dasuro' mondok bapi dinen tau pande mamele bintangen. Jaji manjarum bapi lo'da' sara malamun, dakatoanang lo'da' tanggala paitanajo bintang dinen. Jaji dajarumang kole'da'. Mamin dajarumang, 8dasuro' malamba'i banua Betlehem, “Paraksa ikin lo'a dinen,” ingka kenang. “Mamelekin maam-maam. Mamin itamu ikin kosanna, manjarumkin bapi lo'ku' mainto' kutamuna lamba'en lo'a dinen. Daiakpi to' manyembaak bea daiak lo'a,” ingka kenang manjaruma lo'da' tau pande mamele bintangen.
9Jaji akaus jaruma Raja Herodes dinen, tarangkat bapi ira. Andian bapi dinen bintangen lamba' ijoloda' sampai mondok lo'a kosanna nangkanak dinen laloang manaat ibona. 10Jaji sasau jaji nyawada' mamelena lo'a bintangen. 11Jaji mondok inangen barik, intama lo'a sao dinen, dakita kole'da' i Maria nanna nangkanak dinen. Laloang paraba' kalena manyemba lo'a nangkanaken. Laloang dabuka' bea dinen anak bebe'da' daruarang dinen jalu to' daunjukangen lo'a nangkanaken dinen, ambata amasen, ambata kamanyanen dinen nanna inyak muren. Msm. 72:10.
12Jaji barik mamin dinen de'i, irapi dinen mole' lo'a banuada' mamakai dalan bokanen. Kole'a de'i andian paba'ina Alatala lo'da' ilalam muina, dapase'ang dalan mansanga lo'a Raja Herodes.
I Yesus darariang lo'a Mesir
13Jaji barik maminna talalo dinen tau pande mamele bintangen dinen, andian bapi malaikata Paraampuan payoang kalena lo'a i Yusup di muina. Jaji barik manjarum, “O Yusup, asadingko. Nangkanak dinen nanna induna palinang. Arung irariang iko lo'a banua Mesir,” ingka kenang. “Kole'a Raja Herodes dinen manyari lo'a, to' mauno' lo'a,” ingka kenang. “Jaji lalako' poangkin indinang. Bele poang ona' kujarumanga lo'u manyuro' mamalin,” ingka kenang malaikata Alatala.
14Jaji barik asading i Yusup di malamen laloang daawa nangkanaken nanna induna dapalinang lo'a Mesir. 15Inang barik lalako'a ira dinen launna nampina mate Raja Herodes. Ratina kenanga, mainto' adarina bayana Paraampuanen malaloi panjaruma,
Anakku' kukalong, kusuro' maruar dari Mesir, Hos. 11:1.
ingka kenangjo panjaruma Alatala.
16Jaji barik Raja Herodes dinen datamu diri'a mamin daakal kole'a tau pandeen mamele bintangen dinen, ajau' jaji nyawana. Jaji barik dasuro' ambata tentaraan nanna gulungan sardaduun lamba' lo'a banua Betlehem nanna ambata banua sibiringanen dinen. Gulungan ambata nangkanak babakaan yang inyaunga umur duang taunen akaus dauno'. Jaji ratina kenanga, dakatoananga lo'a tau mamele bintangen dinen de'i tanggala paitana dinen bintangen, mamin kira-kira duang taun yang laloon, ingka. 17Jaji inang adarina bayana Alatala malaloi panjaruma, baki' Yeremia dinen,
18 Di banua Rama andian unyi tau madanen anangisa. Piang Rahel dinen manangisi lo'a anaka. Alibak dapamaam nyawana kole'a dinen anaka yang maminen akaus mateen, Yer. 31:15.
ingka kenangjo jaruma baki' Yeremia.0020
I Yesus daawa mole' lo'a Israel
19Jaji mamin barik mate Raja Herodes dinen, mondok bapi malaikata Paraampuanen lo'a i Yusup di banua Mesir, paitang kalena ilalam muina. 20Jaji barik manjarum malaikaten lo'a i Yusup, “O Yusup, asadingko. Na dinen nangkanaken nanna induna awa mole'en lo'a Israel. Mamin mate dinen tau to' mauno'en lo'a,” ingka kenang ilalam muina dinen i Yusup.
21Jaji barik laloang asading i Yusup. Daawa barik nangkanak dinen nanna induna mole' balik lo'a Israel. 22Jaji barik mondok lo'a Israel, to' mole' lo'a Yudea, atakut kole'a dadalingana dongona i Arkelaus mamin manyurang lo'a amana padari raja di Yudea. Jaji daawa poang, dakapi'ang lo'a daerah Galilea kole'a andian bapi paba'ina Alatala ilalam muina. 23Jaji barik lalako' di banua Nasaret. Na kenang adarina bayana yang dajarumangen malaloi panjaruma Alatala,
Daia dinen ona' to' daasan urang Nasaret,
ingka kenangjo ilalam bayana Alatala. Mk. 1:24; Lk. 2:39; Yoh. 1:45.0020
Currently Selected:
Matius 2: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 2
2
Mondok tauen dari timur to' manyemba lo'a i Yesus
1Jaji barik i Yesus paranakanga, daparanakang di banua Betlehem propinsi Yudea inang. Waktu nanga dinen Raja Herodes mangkama. Jaji barik andian tau mondok lo'a Yerusalem dari timur, tau yang andiannen panamuna pande mamele bintangen. 2Jaji barik manjarum, “Isasi tau yang iparanakangen dinen yang to' jaji Rajana tau Yahudiin?” Ingka kenang lo'a tauen di Yerusalem matoanina. “Daikam mondokam lo'a di'en, to' manyembakam lo'a. Kole'a andianna tandana di bintangen ikita ikam inang di Timur,” ingka kenang manjaruma lo'a tau inangen.
3Jaji datamuna rabarik jarumda' kole'a Raja Herodes, tau pande mamele bintangen, daiapi bayu' kalangganganna. Gulungan tau Yerusalemen ka' kenanga. 4Jaji dasuro' kombong barik ambata panguluan agama Yahudiin, ambata imam baraa'en nanna ambata toa adaten. Jaji mangatoani lo'da', “Ai lo'a ilalam bayana Alatalajo yang datulisangen, disasi kosanna paranakanga Kristus yang tau dabayaangen dinen?” ingka kenang lo'da'.
5Jaji manyauti barik ira, “Dinen paranakanga Kristus,” ingka kenang, “arung di banua Betlehem propinsi Yudea,” ingka kenang. “Itamuna ikam, kole'a andian bayana Alatala datulisangen kole'a panjaruma Alatala yang kenangen,
6 “Daiko banua Betlehem propinsi Yudea, to' tadongo asannu labi lo'a ambata banua bokanen di Yudea. Kole'a andian tau nannu yang tau to' mangkamen. Ialalo dinen yang to' mauluangen lo'a anak katio'anku' tau Israelen,” Mik. 5:1.
ingka kenangjo ilalam Jaruma Alatala yang datulisangen,” ingka kenang jarumda' manyautiin lo'a Raja Herodes.
7Jaji mamin akaus jarumda' tau imamen nanna toa adaten, dasuro' mondok bapi dinen tau pande mamele bintangen. Jaji manjarum bapi lo'da' sara malamun, dakatoanang lo'da' tanggala paitanajo bintang dinen. Jaji dajarumang kole'da'. Mamin dajarumang, 8dasuro' malamba'i banua Betlehem, “Paraksa ikin lo'a dinen,” ingka kenang. “Mamelekin maam-maam. Mamin itamu ikin kosanna, manjarumkin bapi lo'ku' mainto' kutamuna lamba'en lo'a dinen. Daiakpi to' manyembaak bea daiak lo'a,” ingka kenang manjaruma lo'da' tau pande mamele bintangen.
9Jaji akaus jaruma Raja Herodes dinen, tarangkat bapi ira. Andian bapi dinen bintangen lamba' ijoloda' sampai mondok lo'a kosanna nangkanak dinen laloang manaat ibona. 10Jaji sasau jaji nyawada' mamelena lo'a bintangen. 11Jaji mondok inangen barik, intama lo'a sao dinen, dakita kole'da' i Maria nanna nangkanak dinen. Laloang paraba' kalena manyemba lo'a nangkanaken. Laloang dabuka' bea dinen anak bebe'da' daruarang dinen jalu to' daunjukangen lo'a nangkanaken dinen, ambata amasen, ambata kamanyanen dinen nanna inyak muren. Msm. 72:10.
12Jaji barik mamin dinen de'i, irapi dinen mole' lo'a banuada' mamakai dalan bokanen. Kole'a de'i andian paba'ina Alatala lo'da' ilalam muina, dapase'ang dalan mansanga lo'a Raja Herodes.
I Yesus darariang lo'a Mesir
13Jaji barik maminna talalo dinen tau pande mamele bintangen dinen, andian bapi malaikata Paraampuan payoang kalena lo'a i Yusup di muina. Jaji barik manjarum, “O Yusup, asadingko. Nangkanak dinen nanna induna palinang. Arung irariang iko lo'a banua Mesir,” ingka kenang. “Kole'a Raja Herodes dinen manyari lo'a, to' mauno' lo'a,” ingka kenang. “Jaji lalako' poangkin indinang. Bele poang ona' kujarumanga lo'u manyuro' mamalin,” ingka kenang malaikata Alatala.
14Jaji barik asading i Yusup di malamen laloang daawa nangkanaken nanna induna dapalinang lo'a Mesir. 15Inang barik lalako'a ira dinen launna nampina mate Raja Herodes. Ratina kenanga, mainto' adarina bayana Paraampuanen malaloi panjaruma,
Anakku' kukalong, kusuro' maruar dari Mesir, Hos. 11:1.
ingka kenangjo panjaruma Alatala.
16Jaji barik Raja Herodes dinen datamu diri'a mamin daakal kole'a tau pandeen mamele bintangen dinen, ajau' jaji nyawana. Jaji barik dasuro' ambata tentaraan nanna gulungan sardaduun lamba' lo'a banua Betlehem nanna ambata banua sibiringanen dinen. Gulungan ambata nangkanak babakaan yang inyaunga umur duang taunen akaus dauno'. Jaji ratina kenanga, dakatoananga lo'a tau mamele bintangen dinen de'i tanggala paitana dinen bintangen, mamin kira-kira duang taun yang laloon, ingka. 17Jaji inang adarina bayana Alatala malaloi panjaruma, baki' Yeremia dinen,
18 Di banua Rama andian unyi tau madanen anangisa. Piang Rahel dinen manangisi lo'a anaka. Alibak dapamaam nyawana kole'a dinen anaka yang maminen akaus mateen, Yer. 31:15.
ingka kenangjo jaruma baki' Yeremia.0020
I Yesus daawa mole' lo'a Israel
19Jaji mamin barik mate Raja Herodes dinen, mondok bapi malaikata Paraampuanen lo'a i Yusup di banua Mesir, paitang kalena ilalam muina. 20Jaji barik manjarum malaikaten lo'a i Yusup, “O Yusup, asadingko. Na dinen nangkanaken nanna induna awa mole'en lo'a Israel. Mamin mate dinen tau to' mauno'en lo'a,” ingka kenang ilalam muina dinen i Yusup.
21Jaji barik laloang asading i Yusup. Daawa barik nangkanak dinen nanna induna mole' balik lo'a Israel. 22Jaji barik mondok lo'a Israel, to' mole' lo'a Yudea, atakut kole'a dadalingana dongona i Arkelaus mamin manyurang lo'a amana padari raja di Yudea. Jaji daawa poang, dakapi'ang lo'a daerah Galilea kole'a andian bapi paba'ina Alatala ilalam muina. 23Jaji barik lalako' di banua Nasaret. Na kenang adarina bayana yang dajarumangen malaloi panjaruma Alatala,
Daia dinen ona' to' daasan urang Nasaret,
ingka kenangjo ilalam bayana Alatala. Mk. 1:24; Lk. 2:39; Yoh. 1:45.0020
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997