Kyenesis 30
30
1Di obe wɔ di Rahel lanya alɛ oloolofo obi kuonwii ata ni Yakob yi, diakple nwɔ onunsɛɛ di obilɛma suoto, ni aatɔkɔ Yakob alɛ, <<Tɛɛ babi nlofo, se diele nkpo kamakpi.>>
2Ninfɛ di Yakob lanya ɔblɔ aakpeeko Rahel, ni aabuɛ alɛ, <<Ami ninle Yaa wɔ nienii fɔ ni olofofɔtɔ?>>
3Ninfɛ aatɔkɔ nwɔ alɛ, <<Nnya kpɛmblatɛ nii Bilha, tenko nwɔ aalaka lɛmɛ aalofo babi atɛɛ, alɛ ami kafɔɔ kawɛ babi diefe ni di suoto nɔɔ.>>
4Nioso aayɔ kpɛmblatɛ nɔɔ Bilha aatɔɔ fɛ ɔsɔfɔ. Ninfɛ di Yakob latenko nwɔ nɛ. 5Ninfɛ aalaka lɛmɛ aalofo obisuɔtɔbi aatɔɔ nɛ. 6Ninfɛ di Rahel labuɛ alɛ, <<Yaa lɛtɛɛ lɛbɛ, eenu mi sɛlɔ ɛɛtɛɛ obisuɔtɔbi.>> Ta nkpo oso, ni aatika nwɔ leyooto alɛ Dan nɛ.
7Rahel kpɛmblatɛ Bilha lakple aalaka lɛmɛ ni aalofo obisuɔtɔbi nyɔɔfa aata Yakob nɛ. 8Ninfɛ di Rahel labuɛ alɛ, <<Ntɔɔkpɛ kakpɛ siene ku obiloo lelenkee. <<Nioso aatika obi nwu nkpo leyooto alɛ Naftali.
9Obe wɔ di Lea lanya alɛ oloosinwɛ obi alofo nii, ni di nnwɔɔ kafɔɔ aayɔ kpɛmblatɛ nɔɔ Silpa aata Yakob fɛ ɔsɔfɔ nɔɔ nɛ. 10Ninfɛ di Lea kpɛmblatɛ nɔɔ Silpa kafɔɔ lalofo obisuɔtɔbi aata Yakob nɛ. 11Ni di Lea labuɛ alɛ, <<Disi nlɛ mi!>> Ni aatika obi nwu leyooto alɛ Gad nɛ.
12Lea kpɛmblatɛ Silpa lakple aalofo obisuɔtɔbi nyɔɔfa aata Yakob. 13Ni di Lea labuɛ alɛ, <<Nyu mmle di suoto kɔyɔɔ mi ni! Basanko malɛɛ mi suoto lɛyɔɔ.>> Nioso aatika obi nwu leyooto alɛ Aser.
14Di akpaa ofeebee yi, Ruben lakyɛ kofe ni aalaawɛ ɔfa onwii manlɛɛ ni mandrake#30.14 kule ɔfa wɔ baatii lefũ beenu alɛ kule ni kolofofa nɛ. Ni aayɔ nwu aawako ɔya Lea nɛ. Ninfɛ di Rahel lakaalɛ nwɔ alɛ, <<Lekoto tikɛɛ mandrake lɛfɔ nwu nkpo kowoɛ?>>
15Ninfɛ aatɔkɔ nwɔ alɛ, <<Ni diɛpɔ fɔ alɛ feekle mi kɔsa feefũ di nnɛɛ? Ni falɛ fookple fanfũ obi nii mandrake wɔ mmle nɛ?>>
Ninfɛ di Rahel latɔkɔ nwɔ alɛ, <<Dilɛ, ta abate di ɔkyɛ lɛfɔ miɛ kakyɛ di obi lɛfɔ mandrake nwu kanya.>>
16Nioso obe wɔ di Yakob lakye kofe aawa ni ku kɔtɔɔfɔ nwu nkpo yi, ni di Lea lakyɛ aalaakyakako nwɔ, ni aatɔkɔ nwɔ alɛ, <<Ɔkyɛ nii fabate miɛ kakyɛ, diekye lɛyɔ obi nii mandrake lɛta koto diisi lɛfɔ.>> Nioso aalaate di ɔkyɛ nɔɔ ku kakyɛ nwu nkpo.
17Yaa lanu Lea diwilɛɛ, ni aalaka lɛmɛ aalofo obisuɔtɔbi nɔɔnle aata Yakob nɛ. 18Ninfɛ di Lea labuɛ alɛ, <<Yaa ntɔɔtɛɛ koto alɛ layɔ kpɛmblatɛ nii sanko lata ɔsa nii.>> Nioso aatika obi nwu leyooto alɛ Isakar.
19Lea lakple aalaka lɛmɛ ni aalofo obisuɔtɔbi kuɔnle aata Yakob nɛ. 20Ni di Lea labuɛ alɛ, <<Yaa lɛtɛɛ lɛkyɛsaa le niefũ ni kɔya. Nunua ɔsa nii nfɛ mafũ mi ku dibu, diekye ntoolofo obisuɔtɔbi kuɔnle lɛtɔɔ.>> Nioso aatika obi nwu leyooto alɛ Sebulun.
21Di obe owo sɛmaa aalofo obisankobi ni aatika nwɔ leyooto alɛ Dina nɛ.
22Ninfɛ di Yaa lanya Rahel nyaami, aanu nwɔ diwilɛɛ, ni aafukuti nwɔ olofofɔtɔ nɛ. 23Ninfɛ aalaka lɛmɛ, aalofo obisuɔtɔbi ni aabuɛ alɛ, <<Yaa ntootekete mi sinunsɔ di suoto.>> 24Ni aabuɛ alɛ, <<Saate akyakaa mi osuɔtɔbi bamba,>> ni aatika nwɔ leyooto alɛ Yosef nɛ.
Yakob Babɔkɛɛ Labakpɛ Osie Kanya.
25Di Rahel lalofo Yosef aaloo ni sɛmaa, ni di Yakob latɔkɔ Laban alɛ, <<Diki mi osuku ninkple nsifi okpoo loo. 26Faadiɛkoe basɔfɔ nii ku babi nii ba oso labla ɔkpɛ lata fɔ ni, ninsifi.
27Ni di Laban labuɛ alɛ, <<Nse faale mi sibualɛ, lekoto ni faasiɛ. Diekye ntɔɔnya nlɛ, Saate ntoole mi sibualɛ ta afɔ oso.>> 28Ni aakple aabuɛ aakyakaa alɛ, <<Afɔ buɛ, koto lele fabafũ yi, kamata nta fɔ.>>
29Ninfɛ di Yakob latɔkɔ nwɔ alɛ, <<Faye mmle okle ntɔɔbla ɔkpɛ lɛta fɔ nii, ku mmle okle di bafoso lɛfɔ ntɔɔkpɛ ni di nnɛɛ nii kamɛ. 30Bafoso kɛɛkɛɛ ko niawɛ fɔ fiɛ lawa, kafɔɔ batɔɔkpɛ osie kanya. Kakɔ lele lakyɛ Saate nwu lawii fɔ lɛyɔɔ. Ni nunua mɔ, ɔmɛmbe di amii kamabla lɛsaa lewo nta suoto ku babi nii?>>
31Ninfɛ di Laban lakaalɛ nwɔ alɛ, <<Obe lɛsaa nimbla nta fɔ?>>
Ninfɛ di Yakob latɔkɔ nwɔ alɛ, <<Noofũ fɔ lɛsalɛsaa. Kafɔɔ lɛsaa ninwii ko komiɛ nlɛ fabla fatɛɛ, tɛɛ naatoonyu bafoso lɛfɔ nintɔɔkpa ma: 32Tɛɛ naakyi babɔkɛɛ lɛfɔ bamuu kamɛ nindiki foso biala niɛpɛpɛɛ ni ee mba niɛkpakpana ni, foso biala niɛwɔfɔ ku tie biala niɛpɛpɛɛ ni ku mba niɛkpakpana ni. Mma nimale mi letota nɛ. 33Ni di kayi kamaa yi, fabafuo otofo nse lale onukwale lata fɔ. Ni obe lele nse fɛɛbanyu letota le fɛɛtɛɛ nii, tie lele fɛɛnyakoe, anampɛpɛɛ ee aakpakpana ee foso lele ninanwɔfɔ, ni faatofo falɛ oyu leyu.>>
34Ninfɛ di Laban labuɛ alɛ, <<Letũna fɛ mmle fatoobuɛ nii.>> 35Di dii nwu nkpo kale Laban ladiki ntiekpaa be mmuu niapɛpɛɛ ni ku mba niakpakpana ni ku batie sanko ba bamuu niapɛpɛɛ ni ku (bamuu ba di asaa fututu lakaa ni di suoto) ku bafoso wɛɛfɛɛ bamuu, ni aayɔ aata babisuɔtɔbi nɔɔ alɛ atɔɔkpa ma nɛ. 36Ninfɛ aatɔɔ aabla di Yakob suoto di ayi atiɛ osuku ɔkyɛ nɛ. Ni di Yakob lakple aatoonyu Laban babɔkɛɛ bule nɛ. 37Ninfɛ di Yakob labudi ewosola kɔɔnle etiɛ sɛla ninle ni lɛnyanyambii, lɛkpati, ku kɔnyaa. Ninfɛ aafifiɛ sewosola nwu apoo awo aapusa nɛ. 38Ninfɛ aalaayɔ sewosola nwu nkpo aafifiɛ ni apoo aalaase di babɔkɛɛ nwu nkpo ntu ninyinsaa anu nɛ. Aayɔ aalaase ninfa diekye nse babɔkɛɛ nwu nkpo lɛwa ntu onyi, manyie bawo. 39Nse booyie bawo di sewosola nwu nkpo beefifiɛ ni anu yi, manlofo babi ba niɛpɛpɛɛ ni ku mba niɛkpakpana nii. 40Bafoso ba di Yakob latoonyu aatɔɔta ni Laban bawo lakpakpana. Nioso nse nfɛ booyie bawo yi, annyu alɛ bɛɛyɔ anu bɛɛkyɔɔ mba niɛkpakpana ni ku bawɛɛfɛɛ nwu nkpo. Nkpo di Yakob labla aawɛ bafoso dikudi aata suoto nɛ. Ni aatoodiki ma di Laban bale kamɛ nɛ. 41Obe lele di babɔkɛɛ ba ninkpe ni osie koyie bawo yi, Yakob n-yɔ sewosola nwu beefifiɛ ni apoo awo aanaase di ntu ninyinsaa nwu anu, alɛ nse boolofo yi, baalofo babi di sewosola nwu letembi kanya. 42Kafɔɔ nse babɔkɛɛ ba ninaa ni osie koyie bawo yi, ɔlabayɔ sewosola nwu nkpo aalaase di ntu ninyinsaa nwu anu, alɛ babɔkɛɛ nwu ninaa ni osie kakple Laban bale kafɔɔ mba ninkpe ni osie nkple Yakob bale. 43Di osuku wɔ mmle suoto, ni di Yakob labakple saawɛntɛ kplɛ nɛ. Aawɛ babɔkɛɛ kpinwu, balanle, babɔkɛɛ ba nintuka ni atoo ku kapubapɔnkɔ.
Currently Selected:
Kyenesis 30: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
Kyenesis 30
30
1Di obe wɔ di Rahel lanya alɛ oloolofo obi kuonwii ata ni Yakob yi, diakple nwɔ onunsɛɛ di obilɛma suoto, ni aatɔkɔ Yakob alɛ, <<Tɛɛ babi nlofo, se diele nkpo kamakpi.>>
2Ninfɛ di Yakob lanya ɔblɔ aakpeeko Rahel, ni aabuɛ alɛ, <<Ami ninle Yaa wɔ nienii fɔ ni olofofɔtɔ?>>
3Ninfɛ aatɔkɔ nwɔ alɛ, <<Nnya kpɛmblatɛ nii Bilha, tenko nwɔ aalaka lɛmɛ aalofo babi atɛɛ, alɛ ami kafɔɔ kawɛ babi diefe ni di suoto nɔɔ.>>
4Nioso aayɔ kpɛmblatɛ nɔɔ Bilha aatɔɔ fɛ ɔsɔfɔ. Ninfɛ di Yakob latenko nwɔ nɛ. 5Ninfɛ aalaka lɛmɛ aalofo obisuɔtɔbi aatɔɔ nɛ. 6Ninfɛ di Rahel labuɛ alɛ, <<Yaa lɛtɛɛ lɛbɛ, eenu mi sɛlɔ ɛɛtɛɛ obisuɔtɔbi.>> Ta nkpo oso, ni aatika nwɔ leyooto alɛ Dan nɛ.
7Rahel kpɛmblatɛ Bilha lakple aalaka lɛmɛ ni aalofo obisuɔtɔbi nyɔɔfa aata Yakob nɛ. 8Ninfɛ di Rahel labuɛ alɛ, <<Ntɔɔkpɛ kakpɛ siene ku obiloo lelenkee. <<Nioso aatika obi nwu nkpo leyooto alɛ Naftali.
9Obe wɔ di Lea lanya alɛ oloosinwɛ obi alofo nii, ni di nnwɔɔ kafɔɔ aayɔ kpɛmblatɛ nɔɔ Silpa aata Yakob fɛ ɔsɔfɔ nɔɔ nɛ. 10Ninfɛ di Lea kpɛmblatɛ nɔɔ Silpa kafɔɔ lalofo obisuɔtɔbi aata Yakob nɛ. 11Ni di Lea labuɛ alɛ, <<Disi nlɛ mi!>> Ni aatika obi nwu leyooto alɛ Gad nɛ.
12Lea kpɛmblatɛ Silpa lakple aalofo obisuɔtɔbi nyɔɔfa aata Yakob. 13Ni di Lea labuɛ alɛ, <<Nyu mmle di suoto kɔyɔɔ mi ni! Basanko malɛɛ mi suoto lɛyɔɔ.>> Nioso aatika obi nwu leyooto alɛ Aser.
14Di akpaa ofeebee yi, Ruben lakyɛ kofe ni aalaawɛ ɔfa onwii manlɛɛ ni mandrake#30.14 kule ɔfa wɔ baatii lefũ beenu alɛ kule ni kolofofa nɛ. Ni aayɔ nwu aawako ɔya Lea nɛ. Ninfɛ di Rahel lakaalɛ nwɔ alɛ, <<Lekoto tikɛɛ mandrake lɛfɔ nwu nkpo kowoɛ?>>
15Ninfɛ aatɔkɔ nwɔ alɛ, <<Ni diɛpɔ fɔ alɛ feekle mi kɔsa feefũ di nnɛɛ? Ni falɛ fookple fanfũ obi nii mandrake wɔ mmle nɛ?>>
Ninfɛ di Rahel latɔkɔ nwɔ alɛ, <<Dilɛ, ta abate di ɔkyɛ lɛfɔ miɛ kakyɛ di obi lɛfɔ mandrake nwu kanya.>>
16Nioso obe wɔ di Yakob lakye kofe aawa ni ku kɔtɔɔfɔ nwu nkpo yi, ni di Lea lakyɛ aalaakyakako nwɔ, ni aatɔkɔ nwɔ alɛ, <<Ɔkyɛ nii fabate miɛ kakyɛ, diekye lɛyɔ obi nii mandrake lɛta koto diisi lɛfɔ.>> Nioso aalaate di ɔkyɛ nɔɔ ku kakyɛ nwu nkpo.
17Yaa lanu Lea diwilɛɛ, ni aalaka lɛmɛ aalofo obisuɔtɔbi nɔɔnle aata Yakob nɛ. 18Ninfɛ di Lea labuɛ alɛ, <<Yaa ntɔɔtɛɛ koto alɛ layɔ kpɛmblatɛ nii sanko lata ɔsa nii.>> Nioso aatika obi nwu leyooto alɛ Isakar.
19Lea lakple aalaka lɛmɛ ni aalofo obisuɔtɔbi kuɔnle aata Yakob nɛ. 20Ni di Lea labuɛ alɛ, <<Yaa lɛtɛɛ lɛkyɛsaa le niefũ ni kɔya. Nunua ɔsa nii nfɛ mafũ mi ku dibu, diekye ntoolofo obisuɔtɔbi kuɔnle lɛtɔɔ.>> Nioso aatika obi nwu leyooto alɛ Sebulun.
21Di obe owo sɛmaa aalofo obisankobi ni aatika nwɔ leyooto alɛ Dina nɛ.
22Ninfɛ di Yaa lanya Rahel nyaami, aanu nwɔ diwilɛɛ, ni aafukuti nwɔ olofofɔtɔ nɛ. 23Ninfɛ aalaka lɛmɛ, aalofo obisuɔtɔbi ni aabuɛ alɛ, <<Yaa ntootekete mi sinunsɔ di suoto.>> 24Ni aabuɛ alɛ, <<Saate akyakaa mi osuɔtɔbi bamba,>> ni aatika nwɔ leyooto alɛ Yosef nɛ.
Yakob Babɔkɛɛ Labakpɛ Osie Kanya.
25Di Rahel lalofo Yosef aaloo ni sɛmaa, ni di Yakob latɔkɔ Laban alɛ, <<Diki mi osuku ninkple nsifi okpoo loo. 26Faadiɛkoe basɔfɔ nii ku babi nii ba oso labla ɔkpɛ lata fɔ ni, ninsifi.
27Ni di Laban labuɛ alɛ, <<Nse faale mi sibualɛ, lekoto ni faasiɛ. Diekye ntɔɔnya nlɛ, Saate ntoole mi sibualɛ ta afɔ oso.>> 28Ni aakple aabuɛ aakyakaa alɛ, <<Afɔ buɛ, koto lele fabafũ yi, kamata nta fɔ.>>
29Ninfɛ di Yakob latɔkɔ nwɔ alɛ, <<Faye mmle okle ntɔɔbla ɔkpɛ lɛta fɔ nii, ku mmle okle di bafoso lɛfɔ ntɔɔkpɛ ni di nnɛɛ nii kamɛ. 30Bafoso kɛɛkɛɛ ko niawɛ fɔ fiɛ lawa, kafɔɔ batɔɔkpɛ osie kanya. Kakɔ lele lakyɛ Saate nwu lawii fɔ lɛyɔɔ. Ni nunua mɔ, ɔmɛmbe di amii kamabla lɛsaa lewo nta suoto ku babi nii?>>
31Ninfɛ di Laban lakaalɛ nwɔ alɛ, <<Obe lɛsaa nimbla nta fɔ?>>
Ninfɛ di Yakob latɔkɔ nwɔ alɛ, <<Noofũ fɔ lɛsalɛsaa. Kafɔɔ lɛsaa ninwii ko komiɛ nlɛ fabla fatɛɛ, tɛɛ naatoonyu bafoso lɛfɔ nintɔɔkpa ma: 32Tɛɛ naakyi babɔkɛɛ lɛfɔ bamuu kamɛ nindiki foso biala niɛpɛpɛɛ ni ee mba niɛkpakpana ni, foso biala niɛwɔfɔ ku tie biala niɛpɛpɛɛ ni ku mba niɛkpakpana ni. Mma nimale mi letota nɛ. 33Ni di kayi kamaa yi, fabafuo otofo nse lale onukwale lata fɔ. Ni obe lele nse fɛɛbanyu letota le fɛɛtɛɛ nii, tie lele fɛɛnyakoe, anampɛpɛɛ ee aakpakpana ee foso lele ninanwɔfɔ, ni faatofo falɛ oyu leyu.>>
34Ninfɛ di Laban labuɛ alɛ, <<Letũna fɛ mmle fatoobuɛ nii.>> 35Di dii nwu nkpo kale Laban ladiki ntiekpaa be mmuu niapɛpɛɛ ni ku mba niakpakpana ni ku batie sanko ba bamuu niapɛpɛɛ ni ku (bamuu ba di asaa fututu lakaa ni di suoto) ku bafoso wɛɛfɛɛ bamuu, ni aayɔ aata babisuɔtɔbi nɔɔ alɛ atɔɔkpa ma nɛ. 36Ninfɛ aatɔɔ aabla di Yakob suoto di ayi atiɛ osuku ɔkyɛ nɛ. Ni di Yakob lakple aatoonyu Laban babɔkɛɛ bule nɛ. 37Ninfɛ di Yakob labudi ewosola kɔɔnle etiɛ sɛla ninle ni lɛnyanyambii, lɛkpati, ku kɔnyaa. Ninfɛ aafifiɛ sewosola nwu apoo awo aapusa nɛ. 38Ninfɛ aalaayɔ sewosola nwu nkpo aafifiɛ ni apoo aalaase di babɔkɛɛ nwu nkpo ntu ninyinsaa anu nɛ. Aayɔ aalaase ninfa diekye nse babɔkɛɛ nwu nkpo lɛwa ntu onyi, manyie bawo. 39Nse booyie bawo di sewosola nwu nkpo beefifiɛ ni anu yi, manlofo babi ba niɛpɛpɛɛ ni ku mba niɛkpakpana nii. 40Bafoso ba di Yakob latoonyu aatɔɔta ni Laban bawo lakpakpana. Nioso nse nfɛ booyie bawo yi, annyu alɛ bɛɛyɔ anu bɛɛkyɔɔ mba niɛkpakpana ni ku bawɛɛfɛɛ nwu nkpo. Nkpo di Yakob labla aawɛ bafoso dikudi aata suoto nɛ. Ni aatoodiki ma di Laban bale kamɛ nɛ. 41Obe lele di babɔkɛɛ ba ninkpe ni osie koyie bawo yi, Yakob n-yɔ sewosola nwu beefifiɛ ni apoo awo aanaase di ntu ninyinsaa nwu anu, alɛ nse boolofo yi, baalofo babi di sewosola nwu letembi kanya. 42Kafɔɔ nse babɔkɛɛ ba ninaa ni osie koyie bawo yi, ɔlabayɔ sewosola nwu nkpo aalaase di ntu ninyinsaa nwu anu, alɛ babɔkɛɛ nwu ninaa ni osie kakple Laban bale kafɔɔ mba ninkpe ni osie nkple Yakob bale. 43Di osuku wɔ mmle suoto, ni di Yakob labakple saawɛntɛ kplɛ nɛ. Aawɛ babɔkɛɛ kpinwu, balanle, babɔkɛɛ ba nintuka ni atoo ku kapubapɔnkɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation