ESODƆS 30
30
Olufii Ofiɛ Oleɔta Akyikye
1“Yɔ akesia kowoso fabla oleɔta akyikye babatoofiɛ ni olufui. 2Ta asi nwu ana akyɛkyɛ, lɛkaana dibla kɔkpaa kunwii anɛɛkpa akuɔ. Lɛblɛfɛ kafɔɔ kɔkpaa kunwii anɛɛkpa akuɔ. Lɛtaka kafɔɔ dibla nkpaa ntiɛ. Akyɛɛ ayila di asi nwu ana, faawola nya fadiki di kowoso kunwii suoto. 3Faayɔ koto sɛɛle nwaa fatĩi nya osi ku sɛlɔɔkɔ fakyisa ku akyɛɛ nwu. Faabla koto sɛɛle fatika di atokosi fakyisa. 4Bla koto sɛɛle nkɔnii nnyɔ nnyɔ fakaasa di oleɔta akyikye nwu kakyɛka ku kakyɛka di koto sɛɛle nwu atokosi kalɔ, babayɔ sewoso mankpee mantootuka nya ni. 5Yɔ akesia kowoso fawola sewoso nwu, faayɔ koto sɛɛle fatĩi sĩ. 6Faayɔ oleɔta akyikye nwu nkpo fase di dibula le niɛsɛɛ ni kanya ninii lɛlakaa nwu nkpo ku katĩita nɔɔ nwu sitũ. Nfũ kamakyakako fɔ ni.
7“Dikpeni Aron lefiɛ olufui kɔnɔkɔnɔ di oleɔta akyikye nwu suoto olesɛ biala, nse ɛɛbalolaa bakandiɛ nwu nkpo. 8Dikpeni eekple eefiɛ olufui nse ɛɛbasɔ bakandiɛ nwu nkpo ku kɔtɔɔfɔ, alɛ olufui katoofiɛ obe lele di SAATE nwu anu, di ana ya nikɔwa ni. 9Tansinfiɛ olufui bamba kuonwii di oleɔta akyikye ya mmle suoto ee ofiɛ asaaɔta ee alesaa asaaɔta. Tanyɛɛnɛ asaaɔta nta kafɔɔ faakpete nya di suoto. 10Ninwii di lɛlɛɛ kamɛ Aron abla sikpile ɔyɔɔkyɛ ɔsaabla di oleɔta akyikye akya nwu suoto. Dikpeni bɛɛbla lɛlɛɛ biala sikpile ɔyɔ ɔkyɛ wɔ mmle ku sikpile asaaɔta ntɔ diɛta ni ana ya nikɔwa nii. Dile lɛsaa le niɛbla klekle ni dilenke ni diɛta SAATE nwu.”
Koto Okũ Di Lɛkpaayo Klekle Nwu Nkpo Suoto
11Ninfɛ di SAATE nwu latɔkɔ Mose alɛ, 12“Nse fɔɔka Israel batii yi, dikpenii obiala lɛma lɛta koto kowo di nkpa nɔɔ disi ɛɛta SAATE nwu di obe wɔ bɛɛka nwɔ nii. Ni ofiɛ kpile kuonwii dilabawa ma di suoto di obe wɔ fɛɛka ma nii. 13Olele niɛtaalɛ eebu di mba batɔɔka ni kamɛ, kata koto ko bɛɛte ni ɔfã di lɛkpaayo klekle nwu nkpo kanya, di onutũ nikũ kawo ni gera afosi anyɔ. Koto ɔfã ko mmle nle asaaɔta kuɔta SAATE nwu. 14Olele niɛtaalɛ eebuo di mba bɛɛka atoofũ alɛɛ afosi anyɔ ee alenke ni, kata asaaɔta anta SAATE nwu. 15Saawɛntɛ atanta aalenkeesa koto nwu ɔfã, piitɛ kafɔɔ atanta aawakosa kasɔ nse ɔɔta asaaɔta anta SAATE nwu mindiki nkpa lee. 16Fũ nkpa odiki koto ko mmle di Israel batii nnɛɛ, faayɔ kũ fatɔɔblako ɔkpɛ di Lɛkpaayo le Mansi ni kamɛ. Dibale dinyumasaa ninta Israel batii di SAATE nwu anu, ninle didiki ninta nkpa lɛma.”
Yaa Latuo Mmle Baabla Ni Asaa Ofoto Ɔsɛfɛ
17Ninfɛ di SAATE nwu latɔkɔ Mose alɛ, 18“Yɔ lɛbɔɔsaa fabla abɔɔsaa ɔsɛfɛ ku abɔɔsaa lɛsɔse nɔɔ babatoofoto ni asaa. Yɔ Fase di Lɛkpaayo le Mansi ni ku oleɔta akyikye ntɛɛ, faakpete ntu kaamɛ. 19Alɛ Aron ku babisuɔtɔbi nɔɔ katofoto nnɛɛ ku nkpaa lɛma ku ntu nwu nkpo. 20Obe lele boobuo Lɛkpaayo le Mansi ni kamɛ, baafoto suoto, mmle okle manaakpi nii. Nse boofe kafɔɔ oleɔta akyikye katũ alɛ, bɔɔlaata asaaɔta beefiɛ ni ku ɔtɔ manta SAATE nwu yi, 21dikpenii, beefoto nnɛɛ ku nkpaa lɛma mmle okle manaakpi nii. Nle mmle dile ɔsaabla wɔ nimate dinaa ni kaloo kunta ni Aron ku banantii nɔɔ ku ana ya nikɔwa ni.”
Yaa Latuo Mmle Okle Baabla Ni Ɔfɔɔ Ɔpɛ Nnɔnyi
22Ninfɛ di SAATE nwu latɔkɔ Mose alɛ, 23“Yɔ akɔnɔkɔnɔsaa ya nikɔpɛ ni ɔkɔnɔ nwaa: faayɔ kloboo bakilo bakuɔ, olufui nwaa bakilo batiɛ ku sinamon#30.23 kowoso kowo di kule apoo nɔɔ mpɛ ni ɔkɔnɔ, mankuɔ nya omuu omumu bakilo batiɛ, 24ku kesia omumu bakilo bakuɔ, amuu faaklapoosa nya di lɛkpaayo klekle nwu nkpo lɛklapoosa kanya, ku nnɔnyi awosobi nnɔnyi abo ana. 25faayɔ nle mmle fabla ɔfɔɔ ɔpɛ nnɔnyi klekle, di nnɔnyi kɔnɔkɔnɔ blatɛ lɛkpɔtɔɔsa ni. Diele ɔfɔɔ ɔpɛ nnɔnyi kɔnɔkɔnɔ nwu. 26Faayɔ mi fapɛ Lɛkpaayo le mansi ni ɔfɔɔ, ku kanya ninii lɛlakaa nwu, 27ku opunu nwu ku asaa ya amuu mamblako ni ɔkpɛ ninwu suoto, kandiɛ ditikasaa nwu ku asaa ninya ku olufui ofiɛ oleɔta akyikye, 28ku ofiɛ asaaɔta oleɔta akyikye ku akpɛnsaa lɛnya amuu ku ɔsɛfɛ nwu ku lɛsɔse nɔɔ. 29Kleklesa nya alɛ aakple asaa ya nieklekle ni nwaa, alɛ lɛsaa lele niɛkpanko nya kamaklekle.
30“Faapɛ Aron ku babisuɔtɔbi nɔɔ ɔfɔɔ fakleklesa ma alɛ baabla mi ɔkpɛ fɛ olebatatɛ. 31Faatɔkɔ Israel batii falɛ, ‘Nle mmle dile mi ɔfɔɔ ɔpɛ nnɔnyi klekle dita ana ya nikɔwa ni. 32Tan-yɔ mi faapɛ otii bamba ɔfɔɔ, tambla nnɔnyi nwu nkpo okle kafɔɔ. Lɛsaa klekle dile, nkpo oso dikpenii feebu mi lɛsaa klekle. 33Otii lele niɛbla nnɔnyi kɔnɔkɔnɔ nwu nkpo okle ee otii lele niɛyɔ mi ɛɛpɛ otii wɔ ninanle ni oletatɛ ɔfɔɔ, dikpeni beediki nwɔ di batii nɔɔ kamɛ.’”
Yaa Latuo Mmle Okle Baabla Ni Olufii
34Ninfɛ di SAATE nwu latɔkɔ Mose alɛ, “Yɔ akɔnɔkɔnɔsaa ya di lɛpɔ lɛnya nkyɛkyɛ ni. Olufii nwaa ku kowso ntu ku adɔdi sepoo ku plɛkɛsɛ, 35faata akɔnɔkɔnɔsaa blatɛ akuɔ akpɔtɔɔsa olufui. Aakpee mba diɛkpa, diɛbla klekle. 36Faakuɔ nwo fabla mpu. Faayɔ falaase di kanya ninii lɛlakaa nwu katũ di Lɛkpaayo le Mansi ni kamɛ, di nfũ kamakyakako fɔ ni. Dibale lɛsaa klekle nwaa ninta fɔ. 37Tambla olufui kuonwii nle mmle okle faata suoto. Nyu ni lɛsaa klekle fata SAATE nwu. 38Otii lele niɛbla ni okle ɛɛta suoto alɛ okpee suoto ɔkɔnɔ, dikpenii, beediki nwɔ di batii nɔɔ kamɛ.”
Currently Selected:
ESODƆS 30: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
ESODƆS 30
30
Olufii Ofiɛ Oleɔta Akyikye
1“Yɔ akesia kowoso fabla oleɔta akyikye babatoofiɛ ni olufui. 2Ta asi nwu ana akyɛkyɛ, lɛkaana dibla kɔkpaa kunwii anɛɛkpa akuɔ. Lɛblɛfɛ kafɔɔ kɔkpaa kunwii anɛɛkpa akuɔ. Lɛtaka kafɔɔ dibla nkpaa ntiɛ. Akyɛɛ ayila di asi nwu ana, faawola nya fadiki di kowoso kunwii suoto. 3Faayɔ koto sɛɛle nwaa fatĩi nya osi ku sɛlɔɔkɔ fakyisa ku akyɛɛ nwu. Faabla koto sɛɛle fatika di atokosi fakyisa. 4Bla koto sɛɛle nkɔnii nnyɔ nnyɔ fakaasa di oleɔta akyikye nwu kakyɛka ku kakyɛka di koto sɛɛle nwu atokosi kalɔ, babayɔ sewoso mankpee mantootuka nya ni. 5Yɔ akesia kowoso fawola sewoso nwu, faayɔ koto sɛɛle fatĩi sĩ. 6Faayɔ oleɔta akyikye nwu nkpo fase di dibula le niɛsɛɛ ni kanya ninii lɛlakaa nwu nkpo ku katĩita nɔɔ nwu sitũ. Nfũ kamakyakako fɔ ni.
7“Dikpeni Aron lefiɛ olufui kɔnɔkɔnɔ di oleɔta akyikye nwu suoto olesɛ biala, nse ɛɛbalolaa bakandiɛ nwu nkpo. 8Dikpeni eekple eefiɛ olufui nse ɛɛbasɔ bakandiɛ nwu nkpo ku kɔtɔɔfɔ, alɛ olufui katoofiɛ obe lele di SAATE nwu anu, di ana ya nikɔwa ni. 9Tansinfiɛ olufui bamba kuonwii di oleɔta akyikye ya mmle suoto ee ofiɛ asaaɔta ee alesaa asaaɔta. Tanyɛɛnɛ asaaɔta nta kafɔɔ faakpete nya di suoto. 10Ninwii di lɛlɛɛ kamɛ Aron abla sikpile ɔyɔɔkyɛ ɔsaabla di oleɔta akyikye akya nwu suoto. Dikpeni bɛɛbla lɛlɛɛ biala sikpile ɔyɔ ɔkyɛ wɔ mmle ku sikpile asaaɔta ntɔ diɛta ni ana ya nikɔwa nii. Dile lɛsaa le niɛbla klekle ni dilenke ni diɛta SAATE nwu.”
Koto Okũ Di Lɛkpaayo Klekle Nwu Nkpo Suoto
11Ninfɛ di SAATE nwu latɔkɔ Mose alɛ, 12“Nse fɔɔka Israel batii yi, dikpenii obiala lɛma lɛta koto kowo di nkpa nɔɔ disi ɛɛta SAATE nwu di obe wɔ bɛɛka nwɔ nii. Ni ofiɛ kpile kuonwii dilabawa ma di suoto di obe wɔ fɛɛka ma nii. 13Olele niɛtaalɛ eebu di mba batɔɔka ni kamɛ, kata koto ko bɛɛte ni ɔfã di lɛkpaayo klekle nwu nkpo kanya, di onutũ nikũ kawo ni gera afosi anyɔ. Koto ɔfã ko mmle nle asaaɔta kuɔta SAATE nwu. 14Olele niɛtaalɛ eebuo di mba bɛɛka atoofũ alɛɛ afosi anyɔ ee alenke ni, kata asaaɔta anta SAATE nwu. 15Saawɛntɛ atanta aalenkeesa koto nwu ɔfã, piitɛ kafɔɔ atanta aawakosa kasɔ nse ɔɔta asaaɔta anta SAATE nwu mindiki nkpa lee. 16Fũ nkpa odiki koto ko mmle di Israel batii nnɛɛ, faayɔ kũ fatɔɔblako ɔkpɛ di Lɛkpaayo le Mansi ni kamɛ. Dibale dinyumasaa ninta Israel batii di SAATE nwu anu, ninle didiki ninta nkpa lɛma.”
Yaa Latuo Mmle Baabla Ni Asaa Ofoto Ɔsɛfɛ
17Ninfɛ di SAATE nwu latɔkɔ Mose alɛ, 18“Yɔ lɛbɔɔsaa fabla abɔɔsaa ɔsɛfɛ ku abɔɔsaa lɛsɔse nɔɔ babatoofoto ni asaa. Yɔ Fase di Lɛkpaayo le Mansi ni ku oleɔta akyikye ntɛɛ, faakpete ntu kaamɛ. 19Alɛ Aron ku babisuɔtɔbi nɔɔ katofoto nnɛɛ ku nkpaa lɛma ku ntu nwu nkpo. 20Obe lele boobuo Lɛkpaayo le Mansi ni kamɛ, baafoto suoto, mmle okle manaakpi nii. Nse boofe kafɔɔ oleɔta akyikye katũ alɛ, bɔɔlaata asaaɔta beefiɛ ni ku ɔtɔ manta SAATE nwu yi, 21dikpenii, beefoto nnɛɛ ku nkpaa lɛma mmle okle manaakpi nii. Nle mmle dile ɔsaabla wɔ nimate dinaa ni kaloo kunta ni Aron ku banantii nɔɔ ku ana ya nikɔwa ni.”
Yaa Latuo Mmle Okle Baabla Ni Ɔfɔɔ Ɔpɛ Nnɔnyi
22Ninfɛ di SAATE nwu latɔkɔ Mose alɛ, 23“Yɔ akɔnɔkɔnɔsaa ya nikɔpɛ ni ɔkɔnɔ nwaa: faayɔ kloboo bakilo bakuɔ, olufui nwaa bakilo batiɛ ku sinamon#30.23 kowoso kowo di kule apoo nɔɔ mpɛ ni ɔkɔnɔ, mankuɔ nya omuu omumu bakilo batiɛ, 24ku kesia omumu bakilo bakuɔ, amuu faaklapoosa nya di lɛkpaayo klekle nwu nkpo lɛklapoosa kanya, ku nnɔnyi awosobi nnɔnyi abo ana. 25faayɔ nle mmle fabla ɔfɔɔ ɔpɛ nnɔnyi klekle, di nnɔnyi kɔnɔkɔnɔ blatɛ lɛkpɔtɔɔsa ni. Diele ɔfɔɔ ɔpɛ nnɔnyi kɔnɔkɔnɔ nwu. 26Faayɔ mi fapɛ Lɛkpaayo le mansi ni ɔfɔɔ, ku kanya ninii lɛlakaa nwu, 27ku opunu nwu ku asaa ya amuu mamblako ni ɔkpɛ ninwu suoto, kandiɛ ditikasaa nwu ku asaa ninya ku olufui ofiɛ oleɔta akyikye, 28ku ofiɛ asaaɔta oleɔta akyikye ku akpɛnsaa lɛnya amuu ku ɔsɛfɛ nwu ku lɛsɔse nɔɔ. 29Kleklesa nya alɛ aakple asaa ya nieklekle ni nwaa, alɛ lɛsaa lele niɛkpanko nya kamaklekle.
30“Faapɛ Aron ku babisuɔtɔbi nɔɔ ɔfɔɔ fakleklesa ma alɛ baabla mi ɔkpɛ fɛ olebatatɛ. 31Faatɔkɔ Israel batii falɛ, ‘Nle mmle dile mi ɔfɔɔ ɔpɛ nnɔnyi klekle dita ana ya nikɔwa ni. 32Tan-yɔ mi faapɛ otii bamba ɔfɔɔ, tambla nnɔnyi nwu nkpo okle kafɔɔ. Lɛsaa klekle dile, nkpo oso dikpenii feebu mi lɛsaa klekle. 33Otii lele niɛbla nnɔnyi kɔnɔkɔnɔ nwu nkpo okle ee otii lele niɛyɔ mi ɛɛpɛ otii wɔ ninanle ni oletatɛ ɔfɔɔ, dikpeni beediki nwɔ di batii nɔɔ kamɛ.’”
Yaa Latuo Mmle Okle Baabla Ni Olufii
34Ninfɛ di SAATE nwu latɔkɔ Mose alɛ, “Yɔ akɔnɔkɔnɔsaa ya di lɛpɔ lɛnya nkyɛkyɛ ni. Olufii nwaa ku kowso ntu ku adɔdi sepoo ku plɛkɛsɛ, 35faata akɔnɔkɔnɔsaa blatɛ akuɔ akpɔtɔɔsa olufui. Aakpee mba diɛkpa, diɛbla klekle. 36Faakuɔ nwo fabla mpu. Faayɔ falaase di kanya ninii lɛlakaa nwu katũ di Lɛkpaayo le Mansi ni kamɛ, di nfũ kamakyakako fɔ ni. Dibale lɛsaa klekle nwaa ninta fɔ. 37Tambla olufui kuonwii nle mmle okle faata suoto. Nyu ni lɛsaa klekle fata SAATE nwu. 38Otii lele niɛbla ni okle ɛɛta suoto alɛ okpee suoto ɔkɔnɔ, dikpenii, beediki nwɔ di batii nɔɔ kamɛ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation