ESODƆS 22
22
Afiofa Di Asaa Okplesa Ɔta SAATE Suoto
1“Nse otii leyu nankyue ee foso eelo ee eesunsũ yi, dikpenii yu nwu nkpo lɛta banankyue banɔɔ di onwii nwu nkpo suoto ku bafoso bana di onwii nwu nkpo suoto.
2“Nse beemufũ yu oobiɛ otii leyo ambuo ku kakyɛ, bɛɛpɛ nwu lɛsaa beelo yi, otii wɔ nielo nwɔ ni diekpi lɛpɔɔ. 3Kafɔɔ nse kakũ dile fiɛ diɛwa ninkpo, ni otii wɔ nielo nwɔ ni lekpi lɛpɔɔ.
“Yu wɔ beemufũ ni dikpeni ɛɛta lɛsaa le eeyu ni koto niimu kamɛ. Nse alabafuo koto ɔta, dikpeni beesunsũ nwɔ bɛɛta sɛlanle ta kayu nɔɔ nwu oso.
4“Nse bɛɛnyako nwɔ bɔkɛɛ wɔ eeyu nii, nse nankyue ee bɔkɛɛ wɔ nintuka ni atoo ee foso ale, dikpenii ɛɛta ni koto sɛɛnyɔ kamɛ.
5“Nse otii owo lɛkpaa babɔkɛɛ nɔɔ ɛɛkyɛnko sɛfa kaweekɔ koofe nɔɔ ee nta awosobi kofe nɔɔ, eediɛ babɔkɛɛ nɔɔ bɛɛtaalɛ beebuo di otii bamba kofe beewee asaa, ni dikpenii ɛɛyɔ nwɔɔ omu nɔɔ kofe kamɛ asaa biene ee nta awosobi kofe ɛɛta eekyisa.
6“Nse otii owo lekpee ɔtɔ koofe nɔɔ, kuofiɛ kuobuo di otii bamba kofe kuofiɛ nwɔ asaa ya nin-yɛ ni ee n-ya eefee eekpee ni di akpa ee kofe kumuu, dikpenii ɔtɔ kpeetɛ nwu nkpo lɛta asaa nwu niefiɛ ni koto.
7“Nse otii owo lɛta owo nɔɔ koto ee asaa alɛ akookaa nwɔ, beeyu nya bɛɛyɔ, beemufũ yu nwu nkpo, dikpenii ɛɛta asaa nwu nkpo koto sɛɛnyɔ kamɛ. 8Kafɔɔ nse baamufũ yu nwu nkpo, ni dikpenii bɛɛkpaa leyo nwu nkpo saate bɛɛwako bakantɛ anu manwolaa kamɛ nse nnwɔɔ niɛyɔ asaa nwu nkpo. 9Nse diɛwa alɛ batii banyɔ kɔta lɛsaa lewo, dile ni nankyue ee foso ee bɔkɛɛ wɔ nintuka ni atoo ee akpeele ee lɛsaa bamba lewo yi, dikpenii batii nwu nkpo banyɔ lɛyɔ ɔlaa nwu bɛɛkyɛnko bakantɛ anu, otii wɔ di bakantɛ lebuɛ alɛ eekpi ni lɛpɔɔ, dikpeni ɛɛta asaa nwu nkpo sɛɛnyɔ kamɛ ɛɛta owo nɔɔ.
10“Nse otii owo lɛyɔ bɔkɛɛ wɔ nintuka ni atoo ee nankyue ee foso ee bɔkɛɛ bamba owo ɛɛta owo nɔɔ ose, di bɔkɛɛ nwu nkpo lekpi ee eepila ee beeyu beemufũ di otii kuonwii diɛnya, 11otii wɔ nikonyu ni bɔkɛɛ nwu nkpo kalɛɛ Yaa an-yɔ anyila ɔlaa nwu kamaa di Yaa anu alɛ aakpanko owo nɔɔ bɔkɛɛ. Ni bɔkɛɛ saate kafũ ankpee, koto ɔta kuonwii nnaa. 12Kafɔɔ nse kubio oyu eeyu bɔkɛɛ nwu nkpo, ni dikpenii, aase nwɔ anaamu anta saate nɔɔ. 13Nse bɔkɛɛ wɔ ninkpe ni kobe niemufũ nwɔ eewee kafɔɔ, ni aayɔ obule amatuo, ni koto ɔta kuonwii dilabawɛ.
14“Nse otii owo lɛnyanyi bɔkɛɛ di owo nɔɔ nfũ, eepila ee eekpi di obe wɔ di saate nnaa ni ninfa, dikpeni ɛɛta koto. 15Kafɔɔ nse bɔkɛɛ saate nkpe ninfa, nyanyitɛ nwu ninta koto kukunwii. Nse bɔkɛɛ nwu koto bɛɛta alɛ alaabla ɔkpɛ, di koto ko bɛɛta ni kanya oso kutooloo.
Afiofa Ya Baayɔ Manklee ni Batii
16“Nse osuɔtɔ owo lɛkyɔnkyɔ kakpeleebitɛ ka ninanye ni osuɔtɔ, manadikaalɛ nwɔ disi bata ni kɔyɔ, eetenko nwɔ yi, dikpenii ɛɛta disi asaa eekple nwɔ ɔsɔfɔ. 17Nse ote dietũna alɛ ayɔ nwɔ, dikpenii ɛɛta disi asaa nwu nkpo kafɔɔ.
18“Bitanta ɔsanko sɛɛ lasiɛ nkpa.
19“Otii lele nietenko bɔkɛɛ, dikpenii beelo nwɔ.
20“Otii lele niɛta ole ɛɛta afiɔ lele, ninanle SAATE nwu ɛɛta kamaa, dikpenii beelo nwɔ.
21“Bitambla ɔfɔɔ amumu ee disi osie, diekye aye kafɔɔ bitoyile bafɔɔ di Egipte kasɔ suoto.
22“Bitambla bakpisɔfɔ ee bakuɛbi amumu. 23Nse biɛbla ma amumu, beewi bɛɛlɛɛ mi, nwaako kamatũna nta ma. 24Ni ɔblɔ nii kamataka ye di suoto, kamalo ye ku kapamii; basɔfɔ lee kamakple bakpisɔfɔ, babi lee kafɔɔ kamakple bakuɛbi.
25“Nse biɛfɛnsa koto biɛta batii nii ba ninle ni bapiitɛ basi ye ni kaamɛ yi, bitambla fɛ koto bafɛnsatɛ biafũ ma nfantimu. 26Nse feefũ owo lɛfɔ dibula fɛɛtɛ di koto nwu nkpo kanya yi, kplesa fakyɛnko nwɔ fiɛ kuufĩ kumɛɛ. 27Diekye dibula nwu nkpo ninle lɛsaa le ninkpe nwɔ abayɔ antĩi suoto nɛ. Nse feefũ ni lɛmɛnle abayɔ antĩi suoto? Nse eewi kaku ɛɛlɛɛ mi, kamanu ntɔɔ, diekye nyaami nyatɛ nle.
28“Tankakatɛ lɛlaale di Yaa suoto ee faakpaani okpoo lee batunletɛ kuonwii.
29“Bitansĩ kofe lee kamɛ alesaa biene ɔyɔ ɔtɛɛ ku nnɔnyi lee ku nta biene lee.
“Dikpeni biɛyɔ babi lee suɔtɔbi kasale biɛtɛɛ.
30Dikpeni biɛyɔ banankyue lee abi kasale ku bafoso ku batie biɛtɛɛ. Nse beelofo babɔkɛɛ nwu nkpo, biɛta ma bawɛ di baya lɛma nfũ ayi akuɛnsĩ, kafɔɔ biɛkpaa ma biwakoe di dii nɛnle suoto.
31“Dikpe nii biele mi batii klekle. Nkpo oso bitanle bɔkɛɛ sina se di bɔkɛɛ wɔ ninkpe ni kobe lɛbɛbɛɛ nii. Biyɔ bita baweewee.
Currently Selected:
ESODƆS 22: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
ESODƆS 22
22
Afiofa Di Asaa Okplesa Ɔta SAATE Suoto
1“Nse otii leyu nankyue ee foso eelo ee eesunsũ yi, dikpenii yu nwu nkpo lɛta banankyue banɔɔ di onwii nwu nkpo suoto ku bafoso bana di onwii nwu nkpo suoto.
2“Nse beemufũ yu oobiɛ otii leyo ambuo ku kakyɛ, bɛɛpɛ nwu lɛsaa beelo yi, otii wɔ nielo nwɔ ni diekpi lɛpɔɔ. 3Kafɔɔ nse kakũ dile fiɛ diɛwa ninkpo, ni otii wɔ nielo nwɔ ni lekpi lɛpɔɔ.
“Yu wɔ beemufũ ni dikpeni ɛɛta lɛsaa le eeyu ni koto niimu kamɛ. Nse alabafuo koto ɔta, dikpeni beesunsũ nwɔ bɛɛta sɛlanle ta kayu nɔɔ nwu oso.
4“Nse bɛɛnyako nwɔ bɔkɛɛ wɔ eeyu nii, nse nankyue ee bɔkɛɛ wɔ nintuka ni atoo ee foso ale, dikpenii ɛɛta ni koto sɛɛnyɔ kamɛ.
5“Nse otii owo lɛkpaa babɔkɛɛ nɔɔ ɛɛkyɛnko sɛfa kaweekɔ koofe nɔɔ ee nta awosobi kofe nɔɔ, eediɛ babɔkɛɛ nɔɔ bɛɛtaalɛ beebuo di otii bamba kofe beewee asaa, ni dikpenii ɛɛyɔ nwɔɔ omu nɔɔ kofe kamɛ asaa biene ee nta awosobi kofe ɛɛta eekyisa.
6“Nse otii owo lekpee ɔtɔ koofe nɔɔ, kuofiɛ kuobuo di otii bamba kofe kuofiɛ nwɔ asaa ya nin-yɛ ni ee n-ya eefee eekpee ni di akpa ee kofe kumuu, dikpenii ɔtɔ kpeetɛ nwu nkpo lɛta asaa nwu niefiɛ ni koto.
7“Nse otii owo lɛta owo nɔɔ koto ee asaa alɛ akookaa nwɔ, beeyu nya bɛɛyɔ, beemufũ yu nwu nkpo, dikpenii ɛɛta asaa nwu nkpo koto sɛɛnyɔ kamɛ. 8Kafɔɔ nse baamufũ yu nwu nkpo, ni dikpenii bɛɛkpaa leyo nwu nkpo saate bɛɛwako bakantɛ anu manwolaa kamɛ nse nnwɔɔ niɛyɔ asaa nwu nkpo. 9Nse diɛwa alɛ batii banyɔ kɔta lɛsaa lewo, dile ni nankyue ee foso ee bɔkɛɛ wɔ nintuka ni atoo ee akpeele ee lɛsaa bamba lewo yi, dikpenii batii nwu nkpo banyɔ lɛyɔ ɔlaa nwu bɛɛkyɛnko bakantɛ anu, otii wɔ di bakantɛ lebuɛ alɛ eekpi ni lɛpɔɔ, dikpeni ɛɛta asaa nwu nkpo sɛɛnyɔ kamɛ ɛɛta owo nɔɔ.
10“Nse otii owo lɛyɔ bɔkɛɛ wɔ nintuka ni atoo ee nankyue ee foso ee bɔkɛɛ bamba owo ɛɛta owo nɔɔ ose, di bɔkɛɛ nwu nkpo lekpi ee eepila ee beeyu beemufũ di otii kuonwii diɛnya, 11otii wɔ nikonyu ni bɔkɛɛ nwu nkpo kalɛɛ Yaa an-yɔ anyila ɔlaa nwu kamaa di Yaa anu alɛ aakpanko owo nɔɔ bɔkɛɛ. Ni bɔkɛɛ saate kafũ ankpee, koto ɔta kuonwii nnaa. 12Kafɔɔ nse kubio oyu eeyu bɔkɛɛ nwu nkpo, ni dikpenii, aase nwɔ anaamu anta saate nɔɔ. 13Nse bɔkɛɛ wɔ ninkpe ni kobe niemufũ nwɔ eewee kafɔɔ, ni aayɔ obule amatuo, ni koto ɔta kuonwii dilabawɛ.
14“Nse otii owo lɛnyanyi bɔkɛɛ di owo nɔɔ nfũ, eepila ee eekpi di obe wɔ di saate nnaa ni ninfa, dikpeni ɛɛta koto. 15Kafɔɔ nse bɔkɛɛ saate nkpe ninfa, nyanyitɛ nwu ninta koto kukunwii. Nse bɔkɛɛ nwu koto bɛɛta alɛ alaabla ɔkpɛ, di koto ko bɛɛta ni kanya oso kutooloo.
Afiofa Ya Baayɔ Manklee ni Batii
16“Nse osuɔtɔ owo lɛkyɔnkyɔ kakpeleebitɛ ka ninanye ni osuɔtɔ, manadikaalɛ nwɔ disi bata ni kɔyɔ, eetenko nwɔ yi, dikpenii ɛɛta disi asaa eekple nwɔ ɔsɔfɔ. 17Nse ote dietũna alɛ ayɔ nwɔ, dikpenii ɛɛta disi asaa nwu nkpo kafɔɔ.
18“Bitanta ɔsanko sɛɛ lasiɛ nkpa.
19“Otii lele nietenko bɔkɛɛ, dikpenii beelo nwɔ.
20“Otii lele niɛta ole ɛɛta afiɔ lele, ninanle SAATE nwu ɛɛta kamaa, dikpenii beelo nwɔ.
21“Bitambla ɔfɔɔ amumu ee disi osie, diekye aye kafɔɔ bitoyile bafɔɔ di Egipte kasɔ suoto.
22“Bitambla bakpisɔfɔ ee bakuɛbi amumu. 23Nse biɛbla ma amumu, beewi bɛɛlɛɛ mi, nwaako kamatũna nta ma. 24Ni ɔblɔ nii kamataka ye di suoto, kamalo ye ku kapamii; basɔfɔ lee kamakple bakpisɔfɔ, babi lee kafɔɔ kamakple bakuɛbi.
25“Nse biɛfɛnsa koto biɛta batii nii ba ninle ni bapiitɛ basi ye ni kaamɛ yi, bitambla fɛ koto bafɛnsatɛ biafũ ma nfantimu. 26Nse feefũ owo lɛfɔ dibula fɛɛtɛ di koto nwu nkpo kanya yi, kplesa fakyɛnko nwɔ fiɛ kuufĩ kumɛɛ. 27Diekye dibula nwu nkpo ninle lɛsaa le ninkpe nwɔ abayɔ antĩi suoto nɛ. Nse feefũ ni lɛmɛnle abayɔ antĩi suoto? Nse eewi kaku ɛɛlɛɛ mi, kamanu ntɔɔ, diekye nyaami nyatɛ nle.
28“Tankakatɛ lɛlaale di Yaa suoto ee faakpaani okpoo lee batunletɛ kuonwii.
29“Bitansĩ kofe lee kamɛ alesaa biene ɔyɔ ɔtɛɛ ku nnɔnyi lee ku nta biene lee.
“Dikpeni biɛyɔ babi lee suɔtɔbi kasale biɛtɛɛ.
30Dikpeni biɛyɔ banankyue lee abi kasale ku bafoso ku batie biɛtɛɛ. Nse beelofo babɔkɛɛ nwu nkpo, biɛta ma bawɛ di baya lɛma nfũ ayi akuɛnsĩ, kafɔɔ biɛkpaa ma biwakoe di dii nɛnle suoto.
31“Dikpe nii biele mi batii klekle. Nkpo oso bitanle bɔkɛɛ sina se di bɔkɛɛ wɔ ninkpe ni kobe lɛbɛbɛɛ nii. Biyɔ bita baweewee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation