ESODƆS 1
1
Israel Batii Dibuo Di Egipte Kasɔ Suoto
1Nnya Israel babisuɔtɔbi ayooto ninle n-ya mmle nɛ, mba niakyɛ ni Egipte ku Yakob, obiala lɛma ku leyo nɔɔ batii. 2Ruben, Simeon, Lewi ku Yuda 3Isaka, Sebulon ku Benyamin; 4Dan ku Naftali; Gad ku Aser 5Yakob banantii bamuu lɛpɔ labla afosi akuɛnsĩ; Kafɔɔ Yosef nnwɔɔ aawɛ di Egipte kofokofoko.
6Di obe owo kamaa Yosef ku babilɛma suɔtɔbi bamuu ku kɔna nwu kumuu labakpi, 7kafɔɔ Israel batii labalofo baakpɛ osie kanya baayii kasɔ nwu nkpo suoto.
8Ninfɛ di ɔka fɔle wɔ ninan-ye ni lɛsalɛsaa di Yosef suoto labakyako sɛka ole di Egipte kasɔ suoto nɛ. 9Ninfɛ aatɔkɔ batii nɔɔ alɛ <<Binyu lo, Israel batii ba mmle ntɔɔpɔ balenke wo. 10Bita bumiɛ osuku wɔ suoto buafe mumbla ma alɛ blaasinkpɛ ni. Nse diele nkpo kaakpɛ lɛwa, babakyakaa di balo loo suoto mankpɛko wo mandie di kasɔ ka mmle suoto mansifi.>>
11Nioso Egipte batii lata balanle basaate layila ma kaanya baatɔɔbla ma amumu ku sɛkpɛ siene ɔbla. Ni baatofo asaa kakookaakɔ sekpoo se manlɛɛ ni Pitom ku Ramses baata Farao nɛ. 12Nu baatɔɔbla ma amumu nkpo ku sɛkpɛ siene, mia nfɛ baakple baatɔɔpɔ, baatɔɔkpɛ nɛ. Nioso Egipte batii lakyako Israel batii ɔyɛkɛ. 13Nioso Egipte batii ditanya Israel batii nyaami baata ma baabla sɛpkɛ amumu kanya. 14Baata nkpa osie latuudi ma ta sɛkpɛ siene ɔbla oso. Baata ma baanwɔtɔ kɔtɛ baabla atɛnkudi. Baata ma kafɔɔ baabla afe lɛma sɛkpɛ ate, ate batanya ma ni nyaami saa.
15Egipte Ɔka latɔkɔ Hebri basanko banyɔ banwii manlɛɛ ni Sifra ku Pua ba ninlofosa ni basanko alɛ, 16<<Nnse biolofosa Hebri basanko biɛnya bilɛ obi nwu nkpo osuɔtɔbi ale yi, bielo nwɔ. Kafɔɔ nse ɔsankobi ale yi, biɛtɔɔ asiɛ nkpa.>> 17Kafɔɔ di basanko nwu nkpo ninlofosa ni batii nyɛkɛ ni Yaa oso, baasĩ ɔlaa nwu nkpo di Egipte ɔka nwu latɔkɔ ma ni ɔbla, baadiɛ babisuɔtɔbi nwu latoosiɛ nkpa. 18Nkpo oso Egipte ɔka nwu lalɛɛ basanko nwu nkpo ninlofosa ni batii aakaalɛ ma alɛ, <<Be oso biɛbla nkpo? Biɛta babisuɔtɔbi nwu nkpo kosiɛ nkpa?>>
19Ni di basanko nwu nkpo ninlofosa ni basanko latɔkɔ Farao alɛ, <<Hebri basanko diete fɛ Egipte basanko, fiɛ bubakyɛ bulɛ buɔlalofosa ma nii, batoolofo kofokofoko diekye bakpe osie.>>
20Nioso Yaa lawii basanko nwu nkpo ninlofosa ni basanko lɛyɔɔ, ni di batii nwu labapɔ osie kanya nɛ. 21Ta di basanko nwu nkpo ninlofosa ni batii nyɛkɛ ni Yaa oso yi, Yaa lata ma baawɛ mma bamu banantii lɛma.
22Nioso Farao lakpee batii nɔɔ bamuu kufiofa ko mmle alɛ, <<Obisuɔtɔbi lele di Hebri batii lelofo yi, bafuki nwɔ bakpee di okle wɔ bɔɔlɛɛ ni Nile kamɛ, kafɔɔ bita ɔsankobi biala asiɛ nkpa.>>
Currently Selected:
ESODƆS 1: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
ESODƆS 1
1
Israel Batii Dibuo Di Egipte Kasɔ Suoto
1Nnya Israel babisuɔtɔbi ayooto ninle n-ya mmle nɛ, mba niakyɛ ni Egipte ku Yakob, obiala lɛma ku leyo nɔɔ batii. 2Ruben, Simeon, Lewi ku Yuda 3Isaka, Sebulon ku Benyamin; 4Dan ku Naftali; Gad ku Aser 5Yakob banantii bamuu lɛpɔ labla afosi akuɛnsĩ; Kafɔɔ Yosef nnwɔɔ aawɛ di Egipte kofokofoko.
6Di obe owo kamaa Yosef ku babilɛma suɔtɔbi bamuu ku kɔna nwu kumuu labakpi, 7kafɔɔ Israel batii labalofo baakpɛ osie kanya baayii kasɔ nwu nkpo suoto.
8Ninfɛ di ɔka fɔle wɔ ninan-ye ni lɛsalɛsaa di Yosef suoto labakyako sɛka ole di Egipte kasɔ suoto nɛ. 9Ninfɛ aatɔkɔ batii nɔɔ alɛ <<Binyu lo, Israel batii ba mmle ntɔɔpɔ balenke wo. 10Bita bumiɛ osuku wɔ suoto buafe mumbla ma alɛ blaasinkpɛ ni. Nse diele nkpo kaakpɛ lɛwa, babakyakaa di balo loo suoto mankpɛko wo mandie di kasɔ ka mmle suoto mansifi.>>
11Nioso Egipte batii lata balanle basaate layila ma kaanya baatɔɔbla ma amumu ku sɛkpɛ siene ɔbla. Ni baatofo asaa kakookaakɔ sekpoo se manlɛɛ ni Pitom ku Ramses baata Farao nɛ. 12Nu baatɔɔbla ma amumu nkpo ku sɛkpɛ siene, mia nfɛ baakple baatɔɔpɔ, baatɔɔkpɛ nɛ. Nioso Egipte batii lakyako Israel batii ɔyɛkɛ. 13Nioso Egipte batii ditanya Israel batii nyaami baata ma baabla sɛpkɛ amumu kanya. 14Baata nkpa osie latuudi ma ta sɛkpɛ siene ɔbla oso. Baata ma baanwɔtɔ kɔtɛ baabla atɛnkudi. Baata ma kafɔɔ baabla afe lɛma sɛkpɛ ate, ate batanya ma ni nyaami saa.
15Egipte Ɔka latɔkɔ Hebri basanko banyɔ banwii manlɛɛ ni Sifra ku Pua ba ninlofosa ni basanko alɛ, 16<<Nnse biolofosa Hebri basanko biɛnya bilɛ obi nwu nkpo osuɔtɔbi ale yi, bielo nwɔ. Kafɔɔ nse ɔsankobi ale yi, biɛtɔɔ asiɛ nkpa.>> 17Kafɔɔ di basanko nwu nkpo ninlofosa ni batii nyɛkɛ ni Yaa oso, baasĩ ɔlaa nwu nkpo di Egipte ɔka nwu latɔkɔ ma ni ɔbla, baadiɛ babisuɔtɔbi nwu latoosiɛ nkpa. 18Nkpo oso Egipte ɔka nwu lalɛɛ basanko nwu nkpo ninlofosa ni batii aakaalɛ ma alɛ, <<Be oso biɛbla nkpo? Biɛta babisuɔtɔbi nwu nkpo kosiɛ nkpa?>>
19Ni di basanko nwu nkpo ninlofosa ni basanko latɔkɔ Farao alɛ, <<Hebri basanko diete fɛ Egipte basanko, fiɛ bubakyɛ bulɛ buɔlalofosa ma nii, batoolofo kofokofoko diekye bakpe osie.>>
20Nioso Yaa lawii basanko nwu nkpo ninlofosa ni basanko lɛyɔɔ, ni di batii nwu labapɔ osie kanya nɛ. 21Ta di basanko nwu nkpo ninlofosa ni batii nyɛkɛ ni Yaa oso yi, Yaa lata ma baawɛ mma bamu banantii lɛma.
22Nioso Farao lakpee batii nɔɔ bamuu kufiofa ko mmle alɛ, <<Obisuɔtɔbi lele di Hebri batii lelofo yi, bafuki nwɔ bakpee di okle wɔ bɔɔlɛɛ ni Nile kamɛ, kafɔɔ bita ɔsankobi biala asiɛ nkpa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation