Jo Roma 8
8
Kwo me i Cuny
1En omio amanni mom dok oŋolo kop oloo jo ame bedo i Kricito Yecu. 2Pien cik a Cuny me kwo a tye i Kricito Yecu doŋogonya oko i te cik me bal kede to. 3Gin ame onwoŋo cik pe twero tiyo, pien kwowa me anywalli oloko odoko agoro, Obaŋa en a doŋotimo. Ooro Wode ikome me bino i kit kom a cal i megwa ame bal obwoo, acalo gin ame oŋolo me yalo Obaŋa pi bal. Amannono oŋolo kop oloo bal a tye i kwowa me anywalli, 4me wek gin ame cik mito cobere i komwa, wan jo ame pe doŋowapo kwowa me anywalli, ento owopo yo me Cuny. 5Pien jo ame wopo kwo me anywalli, tamgi daŋ wopo kwo me anywalli; ento jo ame wapo yo me Cuny, tamgi daŋ wa po yo me Cuny.
6Tam ame wopo kwo me anywalli kela to; tam ame wopo Cuny kela kwo kede kuc. 7Tam me kwowa me anywalli i tun baŋ Obaŋa en kwor, pien pe winyo cik Obaŋa, daŋ pe twero winyo. 8Jo ame wopo kwo me anywalli mom otwero yomoro cuny Obaŋa.
9Wun mom itye wunu i kwo me anywalli, itye wunu i Cuny, ka Cuny Obaŋa bedo i yiwu. Cite ka dano moro mom tye kede Cuny a Kricito, en mom dano a Kricito. 10Ento ka Kricito tye i yiwu, komwu doŋoto pi bal, ento cunywu doŋbedo kwo, pien doŋokwanowu ni wun kitewu atir. 11#1 Kor. 3.16Doŋ ka ce Cuny ŋat a rik ocero Yecu iyi akina a jo oto bedo i yiwu, en daŋ bino miyo kwo anaka i komwu a doŋoto-ni, pi Cunye ame bedo i yiwu.
12Omegona, wan doŋotye kede banya, cite pe me kwo me anywalli, me wopo kwo me anywalli. 13Pien ka iwopo wunu kwo me anywalli, ibino to wunu; cite ka ineko wunu tic me kom oko pi Cuny, ibino bedo wunu jo akwo. 14Jo ame Cuny Obaŋa telogi, gin itino Obaŋa. 15#Mar. 14.36; Gal. 4.6#Gal. 4.5-7Rik mom igamo wunu cuny me opii me dwokowu i lworo; gin igamo wunu en cuny me bedo itino me paco, en kodi cuny a mio wan okok ni, “Aba! Papawa!” 16Cuny Acil ikome notte kede cunywa kun tuco ni, wan iti no Obaŋa. 17Aco, ka wan itino, lonyo daŋ abedo megwa, en lonyo Obaŋa ame wan obino nywako i Kricito, ka ce wan okanyo can karacel kede, me onwoŋ kwogo daŋ karacel kede.
Kwogo ame bino nen
18An atamo ni, can me kare man pe romo apora kede kwogo ame obino nyuttiwa. 19Pien ginaketa ducu tye ka kuro nyuto itino Obaŋa kede mit adwoŋ ame okato kare. 20#Age. 3.17-19Ginaketa luŋonwoŋo oketo i te twer me gin a tere mom, pe pi mittere kene, ento pi mit Obaŋa ame rik oketo i te twerrono; kun gen tye ni, 21ginaketa ikomgi ceŋŋoro obino gonyo oko i opii me bedo gin atop, me onwoŋ kuc kede kwogo ame omio itino Obaŋa. 22Wan oŋeo ni, jami ducu ame oketo aketa tye acucura onyoni kun tye ka rem karacel anaka i kare-ni. 23#2 Kor. 5.2-4Pe gin-nu keken, wan daŋ ame omiowa Cuny Acil acalo mot me ageyi, wan daŋ otye ocucura i yiwa kun okuro kare lokowa doko itino me paco, en me lakoro komwa. 24Pien rik olarowa pi bedo kede gen man. Gin ame igeno ka doŋonen oko, pwod ikobo ni igeno agena? Ŋa ame moko gennere i kom gin ame doŋoneno? 25Ento ka wan ogeno nwoŋo gin ame mom ru oneno, odio cunywa me kuro.
26I kite acellono Cuny Acil daŋ konyo gorowa. Wan mom oŋeo kwac i kite a myero, ento Cuny ikome bako doge akakarwa, kun cucura liliŋ. 27Ŋat ame ŋio cuny Jo ŋeo tam a Cuny Acil, pien en bako doge pi jo Obaŋa kun lubo mit Obaŋa.
28Wan oŋeo ni, jami ducu tio karacel pi konyo jo a maro Obaŋa, en jo ame olwoŋogi acalo en oyiko. 29Jo a yam en oŋeogi con, en omokogi con, ni myero nywak cal a Wode, me Wode bed atin kao i akina omego apol. 30Jo a yam en omokogi con, daŋ olwoŋogi; jo ame olwoŋogi, okwanogi ni kitegi atir; jo ame okwanogi ni kitegi atir, omiogi kwogo.
Mar Obaŋa a tye i Kricito
(Nen daŋ Epeco 3.14-21)
31Kara doŋobino kobo ŋo i kom kop man? Ka Obaŋa tye luŋ baŋwa, ŋa ame akworwa? 32En rik mom oweko Wode ikome, cite omie pi wan ducu. Pe doŋbino miyowa jami ducu karacel i en, kun mom twonowa? 33Kara ŋa a bino piddi jo ame Obaŋa oyero? Obaŋa en ame kwanogi ni kitegi atir. 34Ŋa a twero ŋolo kop loogi? Kricito Yecu en ame rik oto, dok akato mano, rik ocere oko. En daŋ tye i kabedo me kwogo i laŋet Obaŋa tuŋ cem, en ame abako doge pirwa. 35Kara ŋa a bino pokowa i kom mar a Kricito? Neno can bo, aŋar ŋit peko, onyo awuna, aŋar kecbo, aŋar bedo onoro, onyo ginnoro arac a twero poto i komwa, ya aŋar ŋit pala? 36#Jab. 44.22Acalo rik ocoo ni,
“Piri obedo ka nekowa ceŋ iyul;
okwanowa bala romi me aneka.”
37Ento magu luŋwan otye ka loyo atek pi ŋat a ceŋ omarowa. 38Pien an aŋeo gira atira ni, kadi to, kadi kwo, kadi omalaika, kadi oloc, kadi gin a tye koni, kadi gin a mito bino, kadi teko, 39kadi gin a tye malo, kadi gin a tye piny, kadi gigi mogo me ginaketa luŋ, mom bino bedo i twer me pokowa i kom mar Obaŋa a tye i Kricito Yecu Rwotwa.
Currently Selected:
Jo Roma 8: La79
Highlight
Copy
Compare
Share
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
Jo Roma 8
8
Kwo me i Cuny
1En omio amanni mom dok oŋolo kop oloo jo ame bedo i Kricito Yecu. 2Pien cik a Cuny me kwo a tye i Kricito Yecu doŋogonya oko i te cik me bal kede to. 3Gin ame onwoŋo cik pe twero tiyo, pien kwowa me anywalli oloko odoko agoro, Obaŋa en a doŋotimo. Ooro Wode ikome me bino i kit kom a cal i megwa ame bal obwoo, acalo gin ame oŋolo me yalo Obaŋa pi bal. Amannono oŋolo kop oloo bal a tye i kwowa me anywalli, 4me wek gin ame cik mito cobere i komwa, wan jo ame pe doŋowapo kwowa me anywalli, ento owopo yo me Cuny. 5Pien jo ame wopo kwo me anywalli, tamgi daŋ wopo kwo me anywalli; ento jo ame wapo yo me Cuny, tamgi daŋ wa po yo me Cuny.
6Tam ame wopo kwo me anywalli kela to; tam ame wopo Cuny kela kwo kede kuc. 7Tam me kwowa me anywalli i tun baŋ Obaŋa en kwor, pien pe winyo cik Obaŋa, daŋ pe twero winyo. 8Jo ame wopo kwo me anywalli mom otwero yomoro cuny Obaŋa.
9Wun mom itye wunu i kwo me anywalli, itye wunu i Cuny, ka Cuny Obaŋa bedo i yiwu. Cite ka dano moro mom tye kede Cuny a Kricito, en mom dano a Kricito. 10Ento ka Kricito tye i yiwu, komwu doŋoto pi bal, ento cunywu doŋbedo kwo, pien doŋokwanowu ni wun kitewu atir. 11#1 Kor. 3.16Doŋ ka ce Cuny ŋat a rik ocero Yecu iyi akina a jo oto bedo i yiwu, en daŋ bino miyo kwo anaka i komwu a doŋoto-ni, pi Cunye ame bedo i yiwu.
12Omegona, wan doŋotye kede banya, cite pe me kwo me anywalli, me wopo kwo me anywalli. 13Pien ka iwopo wunu kwo me anywalli, ibino to wunu; cite ka ineko wunu tic me kom oko pi Cuny, ibino bedo wunu jo akwo. 14Jo ame Cuny Obaŋa telogi, gin itino Obaŋa. 15#Mar. 14.36; Gal. 4.6#Gal. 4.5-7Rik mom igamo wunu cuny me opii me dwokowu i lworo; gin igamo wunu en cuny me bedo itino me paco, en kodi cuny a mio wan okok ni, “Aba! Papawa!” 16Cuny Acil ikome notte kede cunywa kun tuco ni, wan iti no Obaŋa. 17Aco, ka wan itino, lonyo daŋ abedo megwa, en lonyo Obaŋa ame wan obino nywako i Kricito, ka ce wan okanyo can karacel kede, me onwoŋ kwogo daŋ karacel kede.
Kwogo ame bino nen
18An atamo ni, can me kare man pe romo apora kede kwogo ame obino nyuttiwa. 19Pien ginaketa ducu tye ka kuro nyuto itino Obaŋa kede mit adwoŋ ame okato kare. 20#Age. 3.17-19Ginaketa luŋonwoŋo oketo i te twer me gin a tere mom, pe pi mittere kene, ento pi mit Obaŋa ame rik oketo i te twerrono; kun gen tye ni, 21ginaketa ikomgi ceŋŋoro obino gonyo oko i opii me bedo gin atop, me onwoŋ kuc kede kwogo ame omio itino Obaŋa. 22Wan oŋeo ni, jami ducu ame oketo aketa tye acucura onyoni kun tye ka rem karacel anaka i kare-ni. 23#2 Kor. 5.2-4Pe gin-nu keken, wan daŋ ame omiowa Cuny Acil acalo mot me ageyi, wan daŋ otye ocucura i yiwa kun okuro kare lokowa doko itino me paco, en me lakoro komwa. 24Pien rik olarowa pi bedo kede gen man. Gin ame igeno ka doŋonen oko, pwod ikobo ni igeno agena? Ŋa ame moko gennere i kom gin ame doŋoneno? 25Ento ka wan ogeno nwoŋo gin ame mom ru oneno, odio cunywa me kuro.
26I kite acellono Cuny Acil daŋ konyo gorowa. Wan mom oŋeo kwac i kite a myero, ento Cuny ikome bako doge akakarwa, kun cucura liliŋ. 27Ŋat ame ŋio cuny Jo ŋeo tam a Cuny Acil, pien en bako doge pi jo Obaŋa kun lubo mit Obaŋa.
28Wan oŋeo ni, jami ducu tio karacel pi konyo jo a maro Obaŋa, en jo ame olwoŋogi acalo en oyiko. 29Jo a yam en oŋeogi con, en omokogi con, ni myero nywak cal a Wode, me Wode bed atin kao i akina omego apol. 30Jo a yam en omokogi con, daŋ olwoŋogi; jo ame olwoŋogi, okwanogi ni kitegi atir; jo ame okwanogi ni kitegi atir, omiogi kwogo.
Mar Obaŋa a tye i Kricito
(Nen daŋ Epeco 3.14-21)
31Kara doŋobino kobo ŋo i kom kop man? Ka Obaŋa tye luŋ baŋwa, ŋa ame akworwa? 32En rik mom oweko Wode ikome, cite omie pi wan ducu. Pe doŋbino miyowa jami ducu karacel i en, kun mom twonowa? 33Kara ŋa a bino piddi jo ame Obaŋa oyero? Obaŋa en ame kwanogi ni kitegi atir. 34Ŋa a twero ŋolo kop loogi? Kricito Yecu en ame rik oto, dok akato mano, rik ocere oko. En daŋ tye i kabedo me kwogo i laŋet Obaŋa tuŋ cem, en ame abako doge pirwa. 35Kara ŋa a bino pokowa i kom mar a Kricito? Neno can bo, aŋar ŋit peko, onyo awuna, aŋar kecbo, aŋar bedo onoro, onyo ginnoro arac a twero poto i komwa, ya aŋar ŋit pala? 36#Jab. 44.22Acalo rik ocoo ni,
“Piri obedo ka nekowa ceŋ iyul;
okwanowa bala romi me aneka.”
37Ento magu luŋwan otye ka loyo atek pi ŋat a ceŋ omarowa. 38Pien an aŋeo gira atira ni, kadi to, kadi kwo, kadi omalaika, kadi oloc, kadi gin a tye koni, kadi gin a mito bino, kadi teko, 39kadi gin a tye malo, kadi gin a tye piny, kadi gigi mogo me ginaketa luŋ, mom bino bedo i twer me pokowa i kom mar Obaŋa a tye i Kricito Yecu Rwotwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lango New Testament © Bible Society of Uganda, 1979.