Rômə 5
5
Sí mə́ ɛ bá mɔʼ nfɔ́ na Dyǔ
1Áfánikə̌, á dúbɛ álə́ sí wɔ́ŋíní lí mə́ ɛ bwə Dyǔ lí núŋíní sə́ ngə baʼ ábə́ bá tyə́bí sîm á wusú wú mɔ, sí dí á musaŋgu na Dyǔ. Sáŋgúwə́ Yésu Krísto mɔ́ a bwəlí ka sí bá musaŋgu na Dyǔ. 2Yésuwə mɔ́ a dfulí sɛ́ nji álí wɔ́ŋ dúbɛ álí bwə nána sí kwísi nsimá n Dyǔ. Áfánikə̌, sí wú munyɛŋgɛ jǐta á ɛ́tútú nána sí mə́ ɛ bán milə́m mí sə nána sí kwísí wulɔʼ wú Dyǔ. 3Sí wú pə́ munyɛŋgɛ á ɛ́tútú ɛ́ mutakaʼ ámə́ sí kwisíní á ɛ́tútú nána mutaka mû nán panan sɛ́ liwɛnsan. 4Liwɛnsan lí bwə́lí sí mə́ ɛ wɔ́ŋ ɛləm ɛ́yə́ Dyǔ lí kfúfwání. Ngə bá kfúfwání sɛ́ á wusú wú Dyǔ, yɔ̂ ɛ́ bwə́lí ka sí wɔ́ŋ libán lí nlə́m nána Dyǔ lí bwə yǔm ɛ́yə́ lí pɔ́ŋíní na lí bwə á sə́. 5Libán lí nlə́m lí sɛ̌ sə́ ɛ kfúndi á ɛ́tútú nána Dyǔ lí mə́ sə́ ɛ lúfú ngə lí nə́ŋíní sə́ na mbálɛ ngə lí bwə́lí ɛniŋgán ɛ́ mɔ ɛ́ kwílí á milə́m mí sə. A bwəlí na ngə a bəkíní sɛ́ mudî ámə́ n sáŋí.
6Á ɛtî ɛyə̌ sí sî wɔ́ŋní ngínya álí wúnján sɛ́mə̌n yɔ̂ Krísto a wúlíní á sə́, bá bwə bá wubî, á púndá ɛyə̌ Dyǔ lî n tyə́síní. 7Ɛ́ kámbí mɔʼ álí wá á mɔʼ awə̌ a tyə́bí sîm á wusú wú Dyǔ. Ká ngə mɔʼ a tíŋgání a wá á nlú m mɔʼ a mbâ. 8Ndé Dyǔ lí mə́ sɛ́ ɛ lúfú nána a nə́ŋí sɛ́ á ɛ́tútú nána lí bwə́lí Krísto a wúlí á milú mí sɛ á púndá ɛyə̌ sí bílíní wɔ̂ baʼ bá bî,. 9Bá kfúfúwání sə́ á wusú wú Dyǔ á ɛ́tútú ɛ́ makǐ má Yésuwə ámə́ a suwíní á milú mí sɛ. Njí makǐ ámə́ má súwání á milú mí sɛ má bwə́lí sɛ́ sí tyə́bí sîm á wusú wú Dyǔ, ɛ́yínán ɛ́ sɛ̌ sə́ ɛ lúfú nána Krísto á shuŋgɛ́ sɛ́ litúm á ɛniŋgán ɛ́ Dyǔ? 10Sí bílí baʼ bá ɛkfwɛyí bá Dyǔ, á líwá álə́ Mwǎn m mɔ a wúlíní, sí mə́ ɛ bá nsu nfɔ́ na Dyǔ. Ngə sí díní nsu nfɔ́ na Dyǔ ngə Mwǎn m mɔ a díní luŋgɛ́ á shuŋgɛ́ sə́. 11Suká ɛ́yî wɔ̂, ndé sí wú munyɛŋgɛ á ɛ́tútú nána Dyǔ lí mə́ sə́ ɛ bwə sí bá baʼ bá mɔ á Sáŋgúwə́ n sɛ Yésu Krísto, awə̌ a bwəlí sí bá mɔʼ nfɔ́ na Dyǔ.
Mpəlán ámə́ n dí átítin a Yésuwə na Ádamə
12Wubî wú kwílí á nkínshíyə á mɔʼ nfɔ́. Á ɛ́tútú ɛ́ wubî wú mɔ, liwá lí pílí á mɔʼ ansə́sə̌n á nkínshíyə. Áfánikə̌ mɔʼ ansə́sə̌n á wá ɛ́tútú nána mɔʼ ansə́sə̌n a bwəlí wubî. 13Á mbálɛ, byáná Dyǔ lí bə̂ mbéndá, wubî wú mə̌ kwili á nkínshíyə. Ndé, ká áfə́ mbéndá ɛ shiyaní mɔʼ ká nfɔ́ a tíŋganiyǎ ɛ́ byá nána mɔʼ a kfúndí mbéndá. 14Ndé kánâwə̌ butya á púndá ɛ́ Ádamə álí paʼ á púndá ɛ́ Mósisə, á púndá ɛyə̌ Dyǔ lí bə́kíní mbéndá, liwá lî n janiya bǎnyûŋ básə́sə̌n. Baʼ bá bílí ɛ wá ká ngə bá sî n kfún ní mbéndá ɛ Dyǔ mulimlim ngə Ádamə a n kfún ní mbéndá.
Ádamə a bílí ɛyəmblan ɛ́ mɔʼ awə̌ a n lɔʼ ɛ́ paʼ, awə̌ a dí Yésu Krísto. 15Ndé, Ádamə na Yésuwə bá shiyǎ mulimlim á ɛ́tútú nána jabeya álə́ Dyǔ lí bə́kíní baʼ ngɛ́ŋgɛ̂n álə́ Yésu Krísto a panání, ɛ shiyǎ mulimlim ngə yǔm ɛ́ bî ɛ́yə́ wubî wú Ádamə wú pánání. Ɛ́ dí mbálɛ nána baʼ jǐta bá wúlí á ɛ́tútú wubî ɛ́yə́ mɔʼ nfɔ́ a bwəlíní. Ndé nsimá n Dyǔ n kɔ́lí litúm wubî á bû. Baʼ jǐta bá mə́ ɛ kwisí nsimá n Dyǔ ngɛ́ŋgɛ̂n á nya ɛyə̌ ɛ kɔlí, á mbís ɛ mɔʼ nfɔ́, Yésu Krísto. 16Na jabeya lí Dyǔ pə́ lí shiyǎ mulimlim ngə yǔm ɛ́yə́ wubî ábə́ Ádamə a bwəlíní wú pánání. Wubî bû wufɔ́ ábə́ Ádamə a bwəlíní wú bwə́lí mɔʼ ansə́sə̌n a kfúndí muká á wusú wú Dyǔ. Ndé jabeya ɛ́ lî lí mə́ ɛ bwə Dyǔ lí núŋí baʼ ngə bá ábə́ bá tyə́bí sîm á wuwsú wú mɔ ká ngə baʼ bá bwəní wubî ká njá púndá. 17Ɛ́ dí mbálɛ nána á wúbî wú mɔʼ nfɔ́ Ádamə ámə́ a bwəlíní, ɛ́ bwə́lí baʼ básə́sə̌n bá kwílí á janiya ɛ́ líwá. Ndé yǔm ɛ́yə́ mɔʼ aníní nfɔ́, Yésu Krísto a bwəlíní, ɛ́ wɔ́ŋí ngínya litúm. Ɛ́yín ɛ́ bwə́ baʼ básə́sə̌n ábə́ bá mə́ ɛ kwisí wulɔʼ wúnə̂n wú Dyǔ, bá tyə́ sîm á wusú wú mɔ, bá kwisí luŋgɛ́ álə́ lí sɛ̌ ɛ́ mɛ, na bá wɔ́ŋ wúnja á mísam mísə́sə̌n. 18Áfánikə̌, wubî bû wufɔ́ ábə́ Ádamə a bwəlíní wú bwə́lí Dyǔ lí kfúndí baʼ básə́sə̌n mukaʼ. Á mulimlim nâ pə́ nsam m mbâ nfɔ́ ámə́ Yésuwə a bwə́líní m bwə́lí baʼ básə́sə̌n bá tyə́ sîm á wusú wú Dyǔ, ti bá kwísí luŋgɛ́. 19Ngə mɔʼ nfɔ́, Ádamə, a sî n wúkán Dyǔ, ɛ̂ m bwə baʼ básə́sə̌n bá bá baʼ bábî. Á mulimlim, ngə mɔʼ nfɔ́, Krísto, a wúkání Dyǔ, a bwəlí baʼ jǐta bá tyə́bí sîm á wusú wú Dyǔ. 20Dyǔ lí pánání mbéndá álí bwə nána wubî wú kə̂ á wusú. Ndé, ká áfə́ wubî wú kəní á wúsú, nsimá n Dyǔ n kə á wúsú litúm nâ. 21Áfánikə̌, ngə wubî wû wɔ́ŋíní ngínya álí panan liwá, nâ pə́ nsimá n Dyǔ n wɔ́ŋíní ngínya jǐta álí bwə bâ bá tyə́ sîm á wusú wú Dyǔ, bá kwisí luŋgɛ́ álə́ lí sɛ̌ ɛ́ mɛ á Sáŋgúwə́ n sɛ Yésu Krísto.
Currently Selected:
Rômə 5: bwt
Highlight
Copy
Compare
Share
Want to have your highlights saved across all your devices? Sign up or sign in
Rômə 5
5
Sí mə́ ɛ bá mɔʼ nfɔ́ na Dyǔ
1Áfánikə̌, á dúbɛ álə́ sí wɔ́ŋíní lí mə́ ɛ bwə Dyǔ lí núŋíní sə́ ngə baʼ ábə́ bá tyə́bí sîm á wusú wú mɔ, sí dí á musaŋgu na Dyǔ. Sáŋgúwə́ Yésu Krísto mɔ́ a bwəlí ka sí bá musaŋgu na Dyǔ. 2Yésuwə mɔ́ a dfulí sɛ́ nji álí wɔ́ŋ dúbɛ álí bwə nána sí kwísi nsimá n Dyǔ. Áfánikə̌, sí wú munyɛŋgɛ jǐta á ɛ́tútú nána sí mə́ ɛ bán milə́m mí sə nána sí kwísí wulɔʼ wú Dyǔ. 3Sí wú pə́ munyɛŋgɛ á ɛ́tútú ɛ́ mutakaʼ ámə́ sí kwisíní á ɛ́tútú nána mutaka mû nán panan sɛ́ liwɛnsan. 4Liwɛnsan lí bwə́lí sí mə́ ɛ wɔ́ŋ ɛləm ɛ́yə́ Dyǔ lí kfúfwání. Ngə bá kfúfwání sɛ́ á wusú wú Dyǔ, yɔ̂ ɛ́ bwə́lí ka sí wɔ́ŋ libán lí nlə́m nána Dyǔ lí bwə yǔm ɛ́yə́ lí pɔ́ŋíní na lí bwə á sə́. 5Libán lí nlə́m lí sɛ̌ sə́ ɛ kfúndi á ɛ́tútú nána Dyǔ lí mə́ sə́ ɛ lúfú ngə lí nə́ŋíní sə́ na mbálɛ ngə lí bwə́lí ɛniŋgán ɛ́ mɔ ɛ́ kwílí á milə́m mí sə. A bwəlí na ngə a bəkíní sɛ́ mudî ámə́ n sáŋí.
6Á ɛtî ɛyə̌ sí sî wɔ́ŋní ngínya álí wúnján sɛ́mə̌n yɔ̂ Krísto a wúlíní á sə́, bá bwə bá wubî, á púndá ɛyə̌ Dyǔ lî n tyə́síní. 7Ɛ́ kámbí mɔʼ álí wá á mɔʼ awə̌ a tyə́bí sîm á wusú wú Dyǔ. Ká ngə mɔʼ a tíŋgání a wá á nlú m mɔʼ a mbâ. 8Ndé Dyǔ lí mə́ sɛ́ ɛ lúfú nána a nə́ŋí sɛ́ á ɛ́tútú nána lí bwə́lí Krísto a wúlí á milú mí sɛ á púndá ɛyə̌ sí bílíní wɔ̂ baʼ bá bî,. 9Bá kfúfúwání sə́ á wusú wú Dyǔ á ɛ́tútú ɛ́ makǐ má Yésuwə ámə́ a suwíní á milú mí sɛ. Njí makǐ ámə́ má súwání á milú mí sɛ má bwə́lí sɛ́ sí tyə́bí sîm á wusú wú Dyǔ, ɛ́yínán ɛ́ sɛ̌ sə́ ɛ lúfú nána Krísto á shuŋgɛ́ sɛ́ litúm á ɛniŋgán ɛ́ Dyǔ? 10Sí bílí baʼ bá ɛkfwɛyí bá Dyǔ, á líwá álə́ Mwǎn m mɔ a wúlíní, sí mə́ ɛ bá nsu nfɔ́ na Dyǔ. Ngə sí díní nsu nfɔ́ na Dyǔ ngə Mwǎn m mɔ a díní luŋgɛ́ á shuŋgɛ́ sə́. 11Suká ɛ́yî wɔ̂, ndé sí wú munyɛŋgɛ á ɛ́tútú nána Dyǔ lí mə́ sə́ ɛ bwə sí bá baʼ bá mɔ á Sáŋgúwə́ n sɛ Yésu Krísto, awə̌ a bwəlí sí bá mɔʼ nfɔ́ na Dyǔ.
Mpəlán ámə́ n dí átítin a Yésuwə na Ádamə
12Wubî wú kwílí á nkínshíyə á mɔʼ nfɔ́. Á ɛ́tútú ɛ́ wubî wú mɔ, liwá lí pílí á mɔʼ ansə́sə̌n á nkínshíyə. Áfánikə̌ mɔʼ ansə́sə̌n á wá ɛ́tútú nána mɔʼ ansə́sə̌n a bwəlí wubî. 13Á mbálɛ, byáná Dyǔ lí bə̂ mbéndá, wubî wú mə̌ kwili á nkínshíyə. Ndé, ká áfə́ mbéndá ɛ shiyaní mɔʼ ká nfɔ́ a tíŋganiyǎ ɛ́ byá nána mɔʼ a kfúndí mbéndá. 14Ndé kánâwə̌ butya á púndá ɛ́ Ádamə álí paʼ á púndá ɛ́ Mósisə, á púndá ɛyə̌ Dyǔ lí bə́kíní mbéndá, liwá lî n janiya bǎnyûŋ básə́sə̌n. Baʼ bá bílí ɛ wá ká ngə bá sî n kfún ní mbéndá ɛ Dyǔ mulimlim ngə Ádamə a n kfún ní mbéndá.
Ádamə a bílí ɛyəmblan ɛ́ mɔʼ awə̌ a n lɔʼ ɛ́ paʼ, awə̌ a dí Yésu Krísto. 15Ndé, Ádamə na Yésuwə bá shiyǎ mulimlim á ɛ́tútú nána jabeya álə́ Dyǔ lí bə́kíní baʼ ngɛ́ŋgɛ̂n álə́ Yésu Krísto a panání, ɛ shiyǎ mulimlim ngə yǔm ɛ́ bî ɛ́yə́ wubî wú Ádamə wú pánání. Ɛ́ dí mbálɛ nána baʼ jǐta bá wúlí á ɛ́tútú wubî ɛ́yə́ mɔʼ nfɔ́ a bwəlíní. Ndé nsimá n Dyǔ n kɔ́lí litúm wubî á bû. Baʼ jǐta bá mə́ ɛ kwisí nsimá n Dyǔ ngɛ́ŋgɛ̂n á nya ɛyə̌ ɛ kɔlí, á mbís ɛ mɔʼ nfɔ́, Yésu Krísto. 16Na jabeya lí Dyǔ pə́ lí shiyǎ mulimlim ngə yǔm ɛ́yə́ wubî ábə́ Ádamə a bwəlíní wú pánání. Wubî bû wufɔ́ ábə́ Ádamə a bwəlíní wú bwə́lí mɔʼ ansə́sə̌n a kfúndí muká á wusú wú Dyǔ. Ndé jabeya ɛ́ lî lí mə́ ɛ bwə Dyǔ lí núŋí baʼ ngə bá ábə́ bá tyə́bí sîm á wuwsú wú mɔ ká ngə baʼ bá bwəní wubî ká njá púndá. 17Ɛ́ dí mbálɛ nána á wúbî wú mɔʼ nfɔ́ Ádamə ámə́ a bwəlíní, ɛ́ bwə́lí baʼ básə́sə̌n bá kwílí á janiya ɛ́ líwá. Ndé yǔm ɛ́yə́ mɔʼ aníní nfɔ́, Yésu Krísto a bwəlíní, ɛ́ wɔ́ŋí ngínya litúm. Ɛ́yín ɛ́ bwə́ baʼ básə́sə̌n ábə́ bá mə́ ɛ kwisí wulɔʼ wúnə̂n wú Dyǔ, bá tyə́ sîm á wusú wú mɔ, bá kwisí luŋgɛ́ álə́ lí sɛ̌ ɛ́ mɛ, na bá wɔ́ŋ wúnja á mísam mísə́sə̌n. 18Áfánikə̌, wubî bû wufɔ́ ábə́ Ádamə a bwəlíní wú bwə́lí Dyǔ lí kfúndí baʼ básə́sə̌n mukaʼ. Á mulimlim nâ pə́ nsam m mbâ nfɔ́ ámə́ Yésuwə a bwə́líní m bwə́lí baʼ básə́sə̌n bá tyə́ sîm á wusú wú Dyǔ, ti bá kwísí luŋgɛ́. 19Ngə mɔʼ nfɔ́, Ádamə, a sî n wúkán Dyǔ, ɛ̂ m bwə baʼ básə́sə̌n bá bá baʼ bábî. Á mulimlim, ngə mɔʼ nfɔ́, Krísto, a wúkání Dyǔ, a bwəlí baʼ jǐta bá tyə́bí sîm á wusú wú Dyǔ. 20Dyǔ lí pánání mbéndá álí bwə nána wubî wú kə̂ á wusú. Ndé, ká áfə́ wubî wú kəní á wúsú, nsimá n Dyǔ n kə á wúsú litúm nâ. 21Áfánikə̌, ngə wubî wû wɔ́ŋíní ngínya álí panan liwá, nâ pə́ nsimá n Dyǔ n wɔ́ŋíní ngínya jǐta álí bwə bâ bá tyə́ sîm á wusú wú Dyǔ, bá kwisí luŋgɛ́ álə́ lí sɛ̌ ɛ́ mɛ á Sáŋgúwə́ n sɛ Yésu Krísto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in