Mátyo 23
23
Maléyá tɛ́ŋgɛnɛ balɛ̂ bá mbéndá na Bafárisî
1Á mbís ɛ púndá, Yésuwə a byábí á limuti na bawútú bá mɔ nána 2“Balɛ̂ bá mbéndá na Bafárisî bɔ́ bá núŋí ɛpúlu ɛ́ Mósisə sɔnsɔ́nǎn álí lɛ́fú bâʼ. 3Áfánikə̌, nyí lɔ́lí bɔ́ ɛ wúkan, nyí bwəlá pə́ yǔm ɛ́yə́ bá pɔ́ŋní nyə́ álí bwə, kánâwə̌, nyí sí bwə̌ misam ámə́ bá bwəní á ɛ́tútú nána bá sə̌ ɛ́ bwə̌ yə̌ ɛ́yə́ bá pɔŋní bâʼ. 4Bá tfúl múná mínə̂n á baʼ álí pə́m, ndé bá sə̌ ɛ́ bán ɛ́kɛ́ álí wúnján bɔ́ álí pə́m múná mû. 5Ká yə̌ bá bwəní bá bwə nána baʼ bá mín bɔ́. Bá kɔ́lí bibuŋ bítə́kə̂n ti bá fá mijɔŋ mí bíyala bí Dyǔ á wə́ ti bá tfúlí yɔ́ á wúsú wú milú mí bɔ na á makɛ́ má bɔ.” Bá yatí sánji ɛ́tə́kə̂n ɛ́yə́ bá kəlíní á mabɔʼ má bɔ, á mikuʼ mí bɔ ámǐn. 6Bá nə́ŋí ɛ shuman á mábú má ɛdúbɛ́ á ŋgandu, na bibuŋ bí ɛdúbɛ́ á mandáʼ má mákáni má baʼ bá Ísrɛl. 7Bá nə́ŋí nána bá sámban bɔ́ á mákíti na ɛdúbɛ́ na nána baʼ bá bə̂ŋ bɔ́ “‘Á mulɛ̂.’ 8Bá lɔ́liyǎ álí bəŋ nyə́ ‘Á mulɛ̂.’ Á ɛ́tútú nána nyí wɔ́ŋí wɔ̂ mulɛ̂ nfɔ́, na nána nyí dí bǎn bá nyǎ bá mɔ. 9Nyí lɔ́liyǎ álí bə̌ŋ mɔ ká nfɔ́ áfánán á nkínshíyə̂ ‘Sáŋ.’ Á ɛ́tútú nána nyí wɔ́ŋí wɔ̂ Sáŋ nfɔ́, Sáŋ n nyə awə̌ a dí ámǐn. 10Nyí si pushú nána bá bə̂ŋ nyə́ ‘Sáŋgúwə́,’ Á ɛ́tútú nána nyí wɔ́ŋí wɔ̂ Sáŋgúwə́ nfɔ́, Ani Awə̌ bá Wɔ́kílíní. 11Awə̌ a dí mɔ a nə̂n átitîn n nyə a lɔlí ɛ bá mbwəlâ a ndutu n nyə. 12Ká njá mɔ́lə́ awə̌ a pusí nyǔ ɛ́ mɔ, Dyǔ li shulí mɔ́, na ká njá mɔ́lə́ awə̌ a shulí nyǔ ɛ́ mɔ, Dyǔ lí pusí mɔ́ ámǐn.”
Yésuwə a tɛ́ŋgɛ́ní baʼ bá ɛlangán
13Ɛbúmán na nyə́ balɛ̂ bá mbéndá na Bafárisî! Nyə́ baʼ bá ɛlaŋgán! Nyí kɔ́lí ɛkuʼ ɛ́ ndáʼ ɛ́ wúdya wú Dyǔ álí bwə nána baʼ bá si kwilí áwə́. Nyə́mə̌n nyí sə̌ ɛ kwili áwə́, na pə́ nyí sə̌ ɛ́ pushu nána baʼ ábə́ bá sa ɛ́ kwili á wə́ bá kwíli. 14“‘Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlaŋgán. Nyí lúfú nyǔ na makáni ámə́ má yábí, nyí kángán lítfu lí bakfwís. Áfánikə̌, nyí kwisí kɔ́ksɛ línə̂n.’ 15Ɛbúmán na nyə́ balɛ̂ bá mbéndá na Bafárisî! Nyə́ baʼ bá ɛ́laŋgán! Nyí kə á bíkumbu na bikumbu álí kwisí mɔʼ nfɔ́ awə̌ ǎ pəlán nlə́m m mɔ álí tim na nyə́. Ndé njí a mə́ ɛ tim na nyə́, nyí fɛnj mɔ́ á nyay ɛyə̌ mɔ́ a tiŋgání ɛ kwisí kɔ́ksɛ bitî bíbɛ̂ litúm kɔ́ksɛ lí nyə á mwǐ ámə́ n sə̌ ɛ́ dím.
16Ɛbúmán na nyə́ bidímtí ábə́ nyí bungán á wúsú! Nyí lɛ́fú nána, ‘Njí mɔ a mwí nguʼ á dǐn lí Tɛ́mpɛl ɛ́ shiyǎ ká yǔm. Ndé njí mɔ a mwí nguʼ á dǐn lí byə̌m bí gôl ábə́ bí dí á wə́ ní á bwə misam ámə́ a mwíní nguʼ álí bwə.’ 17Nyə́ baʼ bá ɛlémâ nyí dí bidímtí! Ɛ fə́ ɛ́ túmbí ɛ́yíní, gôl tɔ̌ Tɛ́mpɛl ɛyə̌ ɛ́ bwə gôl álí bá yǔm ɛ́yə́ ɛ́ sáŋí á wúsú wú Dyǔ? 18Nyí lɛ́fú pə́ nána, ‘Njí mɔ a mwí nguʼ á dǐn lí tíbili ɛ jabeya ɛ́ shiyǎ ká yǔm. Ndé njí mɔ a mwí nguʼ á dǐn lí jabeya álə́ lí dí á tíbili ɛ jabeya ámǐn, a lɔlí ɛ bwə yǔm ɛ́yə́ a mwíní nguʼ álí bwə.’ 19Nyə́ bidímtí bín! Ɛfə́ ɛ́ túmbí ɛ́yíní, jabeya tɔ̂ tíbili ɛ jabeya ɛyə̌ ɛ̌ bwə jabeya álí bá yǔm ɛ́yə́ ɛ́ sáŋí á wúsú wú Dyǔ? 20Áfánikə̌, njí mɔ a mwí nguʼ á dǐn lí tíbili ɛ jabeya, ní a mwí nguʼ á dǐn dí tíbili na á dǐn dí jabeya álə́ lí dí á tíbili ɛni ámǐn. 21Ká njá awə̌ a mwí nguʼ á dǐn lí Tɛ́mpɛl, ní a mwí nguʼ á dǐn lí Tɛmpɛl na á dǐn lí Dyǔ álə́ lí dyɛ á wə́ átin. 22Ká njá awə̌ a mwí nguʼ á dǐn lí wúdya wú Dyǔ, ní a mwí nguʼ á dǐn lí ɛbuŋ ɛ́ jániya ɛ́ Dyǔ na á dǐn lí Dyǔ álə́ lí shúmání á ɛbuŋ ɛ́yî. 23Ɛbúmán na nyə́, balɛ̂ bá mbéndá na Bafárisî, nyə́ baʼ bá ɛlaŋgán! Nyí bə̂ Dyǔ likaʼ lifɔ́ á makaʼ dyǔm má bilúŋgísán ábə́ bá bwə́lání álí kúm lídyá, ngə mint, dîll na kúmin. Ndé nyí fíliyǎ milú álí bwə mísam ámə́ mbéndá ɛ pɔŋíní nyə́ nána nyí bwə̂. Nyí shiyǎ mbálɛ á wúsú wú Dyǔ, nyí wɔ́ŋiyǎ likini lí nlə́m, na nyí dúbɛ̌ Dyǔ. Nyí lɔ́lí ɛ bwə̌ mísam mínán mísə́sə̌n ɛ́yə́ nyí mákuwaní mifɔ́. 24Nyə́ bidímtí ábə́ nyí bungan á wúsú! Nyí nǎn mísam ámə́ mí shiyǎ mí mbímbí á mbís. Nyí fúl mǎ mbindu ɛyə̌ ɛ dí á mádí ámə́ nyí mwání ámǐn ndé nyí makú mbindu ɛnə̂n á mádí átin.
25Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlangán! Nyí wǔ mbís ɛ mbwindí na ɛ́ pán, ndé madyá ámə́ má dí á wə́ átin má dí madyá ámə́ nyí shúkání baʼ, na nguŋgú ɛ́ nyə. 26Nyə́ Bafárisî, bidímtí bín! Nyí kɔ́sɛ, nyí wû tinə́ a mbwindí na ɛ́ pán, ti mbís pə́ ɛ́ sáŋ.
27Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlaŋgán! Nyə́ nyí dí ngə midim ámə́ bá wɔ́kíní pə́m. Mí mwaŋ á mbís ɛ ɛbúka ndé bifiʼ na biyɔtí bí midim mí bâʼ, mɔ́ mí lwínjí áwə́ átin. 28Mulimlim nâ nyí míndíní á masú má bâʼ ngə baʼ ábə́ bá sáŋí, ndé tinə́ n nyə a lwínjí na ɛlaŋgán na wubî.
Dyǔ lí kɔ́ksɛ́ Balɛ̂ bá mbéndá na Bafárisî
29Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlaŋgán! Nyí lúŋ midim mí mbâ á balakuwa bá múdî, nyí tambú midim mí baʼ ábə́ bá sáŋí bwǎm. 30Nyí kə, nyí byábá nána, ‘Njí ɛ́ sî m bá á púndá ɛ basáŋ bá sə bá nyákə́, ndé sí látiyǎ na bɔ́ á púndá ɛyə̌ bá búlúní balakuwa bá mudî.’ 31Áfánikə̌, ɛ́yínán ɛ́ lúfú nána nyí púshú nána nyí dí nyɔnyi ɛ baʼ ábə́ bá búlú balakuwa bá mudî. 32Nyí kə̂ á wúsú nyí mɛ́si ɛbulú ɛ́yə́ basáŋ bá nyə bá nyákə́ bá bútíní. 33Nyə́ nyɔ̌ ɛ́yín! Nyə́ bǎn bá pí-nyɔ̌ ɛ́yín! Yán nyí kaníní nána nyí púl ɛ́ bfúl á kɔ́ksɛ lí mwǐ ámə́ n sə̌ ɛ́ mɛ? 34Áfánikə̌, mi nǎn pɔ̌ŋ nyə́ nána n lúmí nyə́ balakuwa bá mudî, baʼ bá libyɛ́, na balɛ̂. Nyí búlú duŋgu lí bɔ, nyí búmí bápə́pə̂ á mbásá. Nyí shwɛ́njí duŋgu á mandáʼ má mákáni má baʼ bá Ísrɛl. Á bání pə́ nyí nán bɔ́ á míkí na mikí. 35Li búlu álə́ nyí búlúní bɔ́, lí bwə̌ Dyǔ lí kɔ́ksɛ́ nyə́, á ɛ́tútú nána makǐ má baʼ básə́sə̌n ábə́ bá sáŋí ábə́ nyí búlúní á nkínshíyə má bá á mílú mí nyə. Butya á líwá lí Ábɛlə awə̌ bâ n búlúní ngɛ̂ngɛn, kə́ŋ ta á liwá lí Zakaríya, mwǎn mú Bɛrɛ́kíya. Zakaríya awə̌ nyí búlúní á Tɛ́mpɛl átin áfǔm ábə́ bá bəní jabeya á Dyǔ. 36Á mbálɛ nǎn pɔ̌ŋ nyə́ nána, nyɔnyi ɛ́ nyə yɔ́ ɛ́ kwisí kɔ́ksɛ́ á ɛ́tútú ɛ́ máwá mánán másəsə̌n.
Yésuwə a wúkí likini á baʼ bá Jerúsálɛmə
37Wǒwó á baʼ bá Jerúsálɛmə! Nyí búlú balakuwa bá mudî bá Dyǔ, nyí búlú baʼ ábə́ Dyǔ lí lúmíní na malɛ́. M mə̌ ɛ kəki bitî na bitî jǐta álí laʼ nyə́ ngə nyǎ a kfú ǎ kfútíní bǎn bá mɔ, ndé nyí bə́kiyǎ ɛ́tə́ʼ. 38Tátíyáni, Dyǔ lí makú ndáʼ ɛ́ nyə, mɔ ká nfɔ́ a sî bá áwə́ átin. 39Á mbálɛ nǎn pɔ̌ŋ nyə́ nána, butya sɔnsɔ́nǎn, nyí sî míná pə́ mî kə́ŋ ta á púndá ɛyə̌ nyí byání nána, ‘Wunam na ani awə̌ ǎ paʼ á dǐn lí Sáŋgúwə́.’”
Currently Selected:
Mátyo 23: bwt
Highlight
Copy
Compare
Share
Want to have your highlights saved across all your devices? Sign up or sign in
Mátyo 23
23
Maléyá tɛ́ŋgɛnɛ balɛ̂ bá mbéndá na Bafárisî
1Á mbís ɛ púndá, Yésuwə a byábí á limuti na bawútú bá mɔ nána 2“Balɛ̂ bá mbéndá na Bafárisî bɔ́ bá núŋí ɛpúlu ɛ́ Mósisə sɔnsɔ́nǎn álí lɛ́fú bâʼ. 3Áfánikə̌, nyí lɔ́lí bɔ́ ɛ wúkan, nyí bwəlá pə́ yǔm ɛ́yə́ bá pɔ́ŋní nyə́ álí bwə, kánâwə̌, nyí sí bwə̌ misam ámə́ bá bwəní á ɛ́tútú nána bá sə̌ ɛ́ bwə̌ yə̌ ɛ́yə́ bá pɔŋní bâʼ. 4Bá tfúl múná mínə̂n á baʼ álí pə́m, ndé bá sə̌ ɛ́ bán ɛ́kɛ́ álí wúnján bɔ́ álí pə́m múná mû. 5Ká yə̌ bá bwəní bá bwə nána baʼ bá mín bɔ́. Bá kɔ́lí bibuŋ bítə́kə̂n ti bá fá mijɔŋ mí bíyala bí Dyǔ á wə́ ti bá tfúlí yɔ́ á wúsú wú milú mí bɔ na á makɛ́ má bɔ.” Bá yatí sánji ɛ́tə́kə̂n ɛ́yə́ bá kəlíní á mabɔʼ má bɔ, á mikuʼ mí bɔ ámǐn. 6Bá nə́ŋí ɛ shuman á mábú má ɛdúbɛ́ á ŋgandu, na bibuŋ bí ɛdúbɛ́ á mandáʼ má mákáni má baʼ bá Ísrɛl. 7Bá nə́ŋí nána bá sámban bɔ́ á mákíti na ɛdúbɛ́ na nána baʼ bá bə̂ŋ bɔ́ “‘Á mulɛ̂.’ 8Bá lɔ́liyǎ álí bəŋ nyə́ ‘Á mulɛ̂.’ Á ɛ́tútú nána nyí wɔ́ŋí wɔ̂ mulɛ̂ nfɔ́, na nána nyí dí bǎn bá nyǎ bá mɔ. 9Nyí lɔ́liyǎ álí bə̌ŋ mɔ ká nfɔ́ áfánán á nkínshíyə̂ ‘Sáŋ.’ Á ɛ́tútú nána nyí wɔ́ŋí wɔ̂ Sáŋ nfɔ́, Sáŋ n nyə awə̌ a dí ámǐn. 10Nyí si pushú nána bá bə̂ŋ nyə́ ‘Sáŋgúwə́,’ Á ɛ́tútú nána nyí wɔ́ŋí wɔ̂ Sáŋgúwə́ nfɔ́, Ani Awə̌ bá Wɔ́kílíní. 11Awə̌ a dí mɔ a nə̂n átitîn n nyə a lɔlí ɛ bá mbwəlâ a ndutu n nyə. 12Ká njá mɔ́lə́ awə̌ a pusí nyǔ ɛ́ mɔ, Dyǔ li shulí mɔ́, na ká njá mɔ́lə́ awə̌ a shulí nyǔ ɛ́ mɔ, Dyǔ lí pusí mɔ́ ámǐn.”
Yésuwə a tɛ́ŋgɛ́ní baʼ bá ɛlangán
13Ɛbúmán na nyə́ balɛ̂ bá mbéndá na Bafárisî! Nyə́ baʼ bá ɛlaŋgán! Nyí kɔ́lí ɛkuʼ ɛ́ ndáʼ ɛ́ wúdya wú Dyǔ álí bwə nána baʼ bá si kwilí áwə́. Nyə́mə̌n nyí sə̌ ɛ kwili áwə́, na pə́ nyí sə̌ ɛ́ pushu nána baʼ ábə́ bá sa ɛ́ kwili á wə́ bá kwíli. 14“‘Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlaŋgán. Nyí lúfú nyǔ na makáni ámə́ má yábí, nyí kángán lítfu lí bakfwís. Áfánikə̌, nyí kwisí kɔ́ksɛ línə̂n.’ 15Ɛbúmán na nyə́ balɛ̂ bá mbéndá na Bafárisî! Nyə́ baʼ bá ɛ́laŋgán! Nyí kə á bíkumbu na bikumbu álí kwisí mɔʼ nfɔ́ awə̌ ǎ pəlán nlə́m m mɔ álí tim na nyə́. Ndé njí a mə́ ɛ tim na nyə́, nyí fɛnj mɔ́ á nyay ɛyə̌ mɔ́ a tiŋgání ɛ kwisí kɔ́ksɛ bitî bíbɛ̂ litúm kɔ́ksɛ lí nyə á mwǐ ámə́ n sə̌ ɛ́ dím.
16Ɛbúmán na nyə́ bidímtí ábə́ nyí bungán á wúsú! Nyí lɛ́fú nána, ‘Njí mɔ a mwí nguʼ á dǐn lí Tɛ́mpɛl ɛ́ shiyǎ ká yǔm. Ndé njí mɔ a mwí nguʼ á dǐn lí byə̌m bí gôl ábə́ bí dí á wə́ ní á bwə misam ámə́ a mwíní nguʼ álí bwə.’ 17Nyə́ baʼ bá ɛlémâ nyí dí bidímtí! Ɛ fə́ ɛ́ túmbí ɛ́yíní, gôl tɔ̌ Tɛ́mpɛl ɛyə̌ ɛ́ bwə gôl álí bá yǔm ɛ́yə́ ɛ́ sáŋí á wúsú wú Dyǔ? 18Nyí lɛ́fú pə́ nána, ‘Njí mɔ a mwí nguʼ á dǐn lí tíbili ɛ jabeya ɛ́ shiyǎ ká yǔm. Ndé njí mɔ a mwí nguʼ á dǐn lí jabeya álə́ lí dí á tíbili ɛ jabeya ámǐn, a lɔlí ɛ bwə yǔm ɛ́yə́ a mwíní nguʼ álí bwə.’ 19Nyə́ bidímtí bín! Ɛfə́ ɛ́ túmbí ɛ́yíní, jabeya tɔ̂ tíbili ɛ jabeya ɛyə̌ ɛ̌ bwə jabeya álí bá yǔm ɛ́yə́ ɛ́ sáŋí á wúsú wú Dyǔ? 20Áfánikə̌, njí mɔ a mwí nguʼ á dǐn lí tíbili ɛ jabeya, ní a mwí nguʼ á dǐn dí tíbili na á dǐn dí jabeya álə́ lí dí á tíbili ɛni ámǐn. 21Ká njá awə̌ a mwí nguʼ á dǐn lí Tɛ́mpɛl, ní a mwí nguʼ á dǐn lí Tɛmpɛl na á dǐn lí Dyǔ álə́ lí dyɛ á wə́ átin. 22Ká njá awə̌ a mwí nguʼ á dǐn lí wúdya wú Dyǔ, ní a mwí nguʼ á dǐn lí ɛbuŋ ɛ́ jániya ɛ́ Dyǔ na á dǐn lí Dyǔ álə́ lí shúmání á ɛbuŋ ɛ́yî. 23Ɛbúmán na nyə́, balɛ̂ bá mbéndá na Bafárisî, nyə́ baʼ bá ɛlaŋgán! Nyí bə̂ Dyǔ likaʼ lifɔ́ á makaʼ dyǔm má bilúŋgísán ábə́ bá bwə́lání álí kúm lídyá, ngə mint, dîll na kúmin. Ndé nyí fíliyǎ milú álí bwə mísam ámə́ mbéndá ɛ pɔŋíní nyə́ nána nyí bwə̂. Nyí shiyǎ mbálɛ á wúsú wú Dyǔ, nyí wɔ́ŋiyǎ likini lí nlə́m, na nyí dúbɛ̌ Dyǔ. Nyí lɔ́lí ɛ bwə̌ mísam mínán mísə́sə̌n ɛ́yə́ nyí mákuwaní mifɔ́. 24Nyə́ bidímtí ábə́ nyí bungan á wúsú! Nyí nǎn mísam ámə́ mí shiyǎ mí mbímbí á mbís. Nyí fúl mǎ mbindu ɛyə̌ ɛ dí á mádí ámə́ nyí mwání ámǐn ndé nyí makú mbindu ɛnə̂n á mádí átin.
25Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlangán! Nyí wǔ mbís ɛ mbwindí na ɛ́ pán, ndé madyá ámə́ má dí á wə́ átin má dí madyá ámə́ nyí shúkání baʼ, na nguŋgú ɛ́ nyə. 26Nyə́ Bafárisî, bidímtí bín! Nyí kɔ́sɛ, nyí wû tinə́ a mbwindí na ɛ́ pán, ti mbís pə́ ɛ́ sáŋ.
27Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlaŋgán! Nyə́ nyí dí ngə midim ámə́ bá wɔ́kíní pə́m. Mí mwaŋ á mbís ɛ ɛbúka ndé bifiʼ na biyɔtí bí midim mí bâʼ, mɔ́ mí lwínjí áwə́ átin. 28Mulimlim nâ nyí míndíní á masú má bâʼ ngə baʼ ábə́ bá sáŋí, ndé tinə́ n nyə a lwínjí na ɛlaŋgán na wubî.
Dyǔ lí kɔ́ksɛ́ Balɛ̂ bá mbéndá na Bafárisî
29Ɛbúmán na nyə́ balɛ̂ bá mbéndá na Bafárisî, nyə́ baʼ bá ɛlaŋgán! Nyí lúŋ midim mí mbâ á balakuwa bá múdî, nyí tambú midim mí baʼ ábə́ bá sáŋí bwǎm. 30Nyí kə, nyí byábá nána, ‘Njí ɛ́ sî m bá á púndá ɛ basáŋ bá sə bá nyákə́, ndé sí látiyǎ na bɔ́ á púndá ɛyə̌ bá búlúní balakuwa bá mudî.’ 31Áfánikə̌, ɛ́yínán ɛ́ lúfú nána nyí púshú nána nyí dí nyɔnyi ɛ baʼ ábə́ bá búlú balakuwa bá mudî. 32Nyí kə̂ á wúsú nyí mɛ́si ɛbulú ɛ́yə́ basáŋ bá nyə bá nyákə́ bá bútíní. 33Nyə́ nyɔ̌ ɛ́yín! Nyə́ bǎn bá pí-nyɔ̌ ɛ́yín! Yán nyí kaníní nána nyí púl ɛ́ bfúl á kɔ́ksɛ lí mwǐ ámə́ n sə̌ ɛ́ mɛ? 34Áfánikə̌, mi nǎn pɔ̌ŋ nyə́ nána n lúmí nyə́ balakuwa bá mudî, baʼ bá libyɛ́, na balɛ̂. Nyí búlú duŋgu lí bɔ, nyí búmí bápə́pə̂ á mbásá. Nyí shwɛ́njí duŋgu á mandáʼ má mákáni má baʼ bá Ísrɛl. Á bání pə́ nyí nán bɔ́ á míkí na mikí. 35Li búlu álə́ nyí búlúní bɔ́, lí bwə̌ Dyǔ lí kɔ́ksɛ́ nyə́, á ɛ́tútú nána makǐ má baʼ básə́sə̌n ábə́ bá sáŋí ábə́ nyí búlúní á nkínshíyə má bá á mílú mí nyə. Butya á líwá lí Ábɛlə awə̌ bâ n búlúní ngɛ̂ngɛn, kə́ŋ ta á liwá lí Zakaríya, mwǎn mú Bɛrɛ́kíya. Zakaríya awə̌ nyí búlúní á Tɛ́mpɛl átin áfǔm ábə́ bá bəní jabeya á Dyǔ. 36Á mbálɛ nǎn pɔ̌ŋ nyə́ nána, nyɔnyi ɛ́ nyə yɔ́ ɛ́ kwisí kɔ́ksɛ́ á ɛ́tútú ɛ́ máwá mánán másəsə̌n.
Yésuwə a wúkí likini á baʼ bá Jerúsálɛmə
37Wǒwó á baʼ bá Jerúsálɛmə! Nyí búlú balakuwa bá mudî bá Dyǔ, nyí búlú baʼ ábə́ Dyǔ lí lúmíní na malɛ́. M mə̌ ɛ kəki bitî na bitî jǐta álí laʼ nyə́ ngə nyǎ a kfú ǎ kfútíní bǎn bá mɔ, ndé nyí bə́kiyǎ ɛ́tə́ʼ. 38Tátíyáni, Dyǔ lí makú ndáʼ ɛ́ nyə, mɔ ká nfɔ́ a sî bá áwə́ átin. 39Á mbálɛ nǎn pɔ̌ŋ nyə́ nána, butya sɔnsɔ́nǎn, nyí sî míná pə́ mî kə́ŋ ta á púndá ɛyə̌ nyí byání nána, ‘Wunam na ani awə̌ ǎ paʼ á dǐn lí Sáŋgúwə́.’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in