Mátyo 15
15
Lilɛ́fu lí baʼ bá nyákə́
1Á púndá ɛni, duŋgu lí Bafárisî na balɛ̂ bá mbéndá ábə́ bá fí a Jerúsálɛmə bá pílí á Yésuwə, ti bá kɔ́ndɛ́ mɔ́ nána, 2“Á ɛ́tútú ɛ́yə́ bawútú bá wə bá səní ɛ kɔŋgɔ́ lílɛ́fu álə́ basáŋ bá sə bá nyákə́ bá mwísání sə́? Bá sə̌ ɛ́ wǔ makɛ́ má bɔ á nyaɛ ɛyə̌ bá lɔ́líní ɛ wu ka bá dyá lídyá.” 3Yésuwə a pushú bɔ́ nána, “Á ɛ́tútú yə̌ nyí səní ɛ kɔŋgɔ́ mbéndá ɛ Dyǔ, ndé nyí nǎn yə̌ ɛ́yə́ nyí lúfúní? 4Dyǔ lí byábí nána, ‘Bə̌ sáŋ ŋ wə na nyǎ ŋ wə ɛdúbɛ́.’ A byábí pə́ nána, ‘Ká njá awə̌ a byábí yǔm ɛ́bî tɛ́ŋgɛnɛ sáŋ tɔ̌ nyǎ bá lɔ́lí mɔ́ ɛ búlu.’ 5Ndé nyí lɛ́fú nána njí mɔ a wɔ́ŋí yǔm ɛ́yə́ a tiŋgání ɛ bwəlan álí wúnján sáŋ tɔ̌ nyǎ, ndé a byábí nána, ‘ɛ́yínán ɛ́ dí ɛ́ Dyǔ’, 6ɛ shiyǎ lítísan álí wúnján sáŋ tɔ̌ nyǎ m mɔ na ɛdúbɛ́. Njí mɔ a bwəlí nâni, ní nyí núŋiyǎ ɛ́yala ɛ́ Dyǔ ngə yǔm á ɛ́tútú nána nyí nǎn yə̌ ɛ́yə́ nyí lɛ́fúní. 7Nyə́ baʼ bá ɛlaŋgá! Nlakuwa-a-mudî Aysáya a n tɛ́ŋgɛn á púndá ɛyə̌ a byábíní biyala ábə́ Dyǔ lí lúmání mɔ́ tɛ́ŋgɛnɛ nyə́ nána,
8‘Baʼ ábánán bá bə mî ɛdúbɛ́ ɛ́ nsu ngɛ̂n, ndé milə́m mí bɔ mí shiyǎ na mi.
9Ɛdúbɛ́ ɛ́yə́ bá bəní mi ɛ́ shiyǎ ká yǔm, á ɛ́tútú nána bá lɛ́fú mambéndá má bǎnyûŋ ngə má dí mambéndá má Dyǔ.’”
Byə̌m ábə́ bí bwə mɔ̂ʼ ka a si sáŋ á wusú wú Dyǔ
10Ti Yésuwə a bəŋí limuti, a pɔŋí bɔ́ nána, “Nyí wúkan, nyí sɔ́ntan mi! 11Suká yǔm ɛ́yə́ ɛ́ kwilí mɔ̂ʼ á nsu yɔ̂ ɛ́ bwə mɔ́ ka a si sáŋ á wusú wú Dyǔ, ndé yə̌ ɛ́yə́ ɛ́ fí mɔ́ á nsu yɔ̂ ɛ́ bwə mɔ́ ka a si sáŋ.” 12Ngə a byábíní nâ, yɔ̂ bawútú bá Yésuwə bá pílíní mɔ́ á nsaŋ n nyǔ ti bá kɔ́ndɛ́ mɔ́ nána, “Ɛ bí nána yə̌ ɛ́yə́ ɛ byábíní ɛ́ kfwísí ɛyɔʼ ɛ́ Bafárisî?” 13Yésuwə a púshú bɔ́ nána, “Sáŋ m myə awə̌ a dí ámǐn á gvub bwə̌ tɛ́ ábə́ a wúniyaní” 14Nyí si takí nyǔ á ɛ́tútú ɛ́ bɔ. Bɔ́ bá dí bidímtí ábə́ bí lúfú bidímtí bápə́pə̂ nji. Njí ɛdímtí ɛ́ lúfú ɛdímtí ɛ́pə́pə̌ nji, bɔ́ babɛ̂ bá kfún á ɛ́júká. 15Ti Píta a byábí nána, “Tfúkú sə́ ŋganú ɛnín.” 16Yɔ̂ Yésuwə a pushúní bɔ́ nána, “Ká nyə́ pə́ nyí nan sɔ́ntáníyǎ wə́ kə́ŋ ta sɔnsɔ́nǎn? 17Nyí sə̌ ɛ́ mín nána, yǔm tɛ́ ɛ́yə́ mɔ a dílíní, ɛ́ kwilí mɔ́ á nsu, ɛ kə á líbum átin, ti ɛ́ nyítí mɔ á nyǔ. 18Ndé byə̌m ábə́ mɔ ǎ byání, bí fí mɔ́ kə́ŋ ta á nlə́m átin. Ɛbú ɛ́ byə̌m bî, bɔ́ bí bwə mɔ̂ʼ a si sáŋ á wusú wú Dyǔ. 19Á ɛ́tútú nána á nlə́m mɔ́ myanu míbî mí fíní ámə́ mí bwə mɔ̂ʼ a bwə́ mísam míbî ngə álí búlú mɔ̂ʼ, álí bwə ndúmán, na álí bwə misam míbî mípə́pə̂ ngə álí jíb, álí tyə́ mbúŋ ɛ matúm, álí kanán minən. 20Misam mínán mɔ́ mí bwə ka mɔ a si sáŋ á wusú wú Dyǔ. Ndé suká álí dyá lidyá ɛ́yə́ a wúwaní makɛ́ ngə bá saní, yɔ́ ɛ́ bwə mɔ̂ a si sáŋ á wusú wú Dyǔ.”
Dúbɛ li mwalân a Kánan
21Ngə Yésuwə a malíní álí byá misam mínán mísə́sə̌n, a makú fǔm bû ti a kǐ á pɛsi ɛ mbú ɛyə̌ ɛ wútání mikí mí Táya na Sídɔnə. 22Mwalân nfɔ́ awə̌ a fí a Kánan a bílí ɛ dyɛ á pɛsi ɛ mbú ɛni. A pilí á Yésuwə ti a byábí nána, “A Sísə́, mwǎn mú nja n Devídə, wú mî likini! Mwǎn m myə a mwalân a wɔ́ŋí mudî mbî á nyǔ ɛ́ mɔ átin, ǎ taʼ jǐta.” 23Ndé Yésuwə a kwɛ́siyǎ ká yǔm. Bawútú bá Yésuwə bá pílí ti bá yɔ́mbí mɔ́ nána, “Pɔ̌ŋ Mwalân ani a kə̂ á ɛ́tútú nána, ǎ pɔ̌ŋ sə́ á mbís na ntɔkɔku.” 24Yɔ́ Yésuwə a pushúní náná, “Baʼ bá Ísrɛl ábə́ bá dí ngə milɔngi ámə́ mí gbɛ́, á bɔ́ Dyǔ lí lúmíní mi álí wúnján bɔ́.” 25Ngə mwalân ani a wúkíní nâ, a kfúndí á mákwi má Yésuwə ti a yɔ́mbí mɔ́ nána, “A Sísə́, wúnján mî.” 26Yésuwə a pushú mɔ́ nána, “Ɛ́ tɛ́ŋgɛ́niyǎ álí nǔŋ lidyá lí bǎn ɛ shwá lɔ́ á mbwá.” 27Mwalân ani a pushú Yésuwə nána, “Sísə́ ɛ́ dí mbálɛ, ndé ká mbwá ɛ́ dyá mipupu ámə́ mí kfún áshí á tíbili ɛ́ Sísə́.” 28Ti Yésuwə a pushú mɔ́ nána, “Ɛ dí mwalân awə̌ a wɔ́ŋí dúbɛ línə̂n! Yə̌ ɛ́yə́ ɛ̌ saní ɛ́ bwəlan.” Á mulimlim m púndá mwǎn a mwalân mú mwalân ani a pwǐ.
Yésuwə a pwisí baʼ jǐta
29Á mbís ɛ púndá Yésuwə a makú fǔm bû a túmbí álí wútán mbô ɛ Gálilî. A pulú á wukul ámǐn ti a shumání áshí. 30Limuti lí nə̂n lí pílí á mɔ́. Bá bílí ɛ panán bilə́ŋkə́, bidímtí, bibə́ŋtí, bibúbú na baʼ bá mikfulu bápə́pə̂ jǐta. Bá díkí bɔ́ áshí á wusú wú Yésuwə, ti a pwisí bɔ́. 31Limuti lî lí bílí manyáká ngə bá míníní ngə baʼ ábə́ bá bíliyǎ ɛ́ byá bá byábí. Baʼ ábə́ bá bílí mbɛ́ŋtí bá tyə́bí ámǐn bwǎm, baʼ ábə́ bá bílí bilə́ŋkə́ bá púlí pə́ ɛ kə bwǎm. Ábə́ bá bílí bidímtí bá púlí pə́ ɛ mín. Bá bílí ɛ kɛsí Dyǔ lí baʼ bá Ísrɛl.
Yésuwə a dísí baʼ jǐta
32Ngə Yésuwə a malíní álí bwə misam mî mísə́sə̌n, a bəŋí bawútú bá mɔ ti a pɔŋí bɔ́ nána, “Mi nǎn wú baʼ bánán likini á ɛ́tútú nána bá mə́ ɛ bá na mi ɛ́tɛ̂n madû málán, sɔnsɔ́nǎn bá wɔ́ŋiyǎ ká yǔm ɛ́ lídyá. Njí n lúmí bɔ́ á mandáʼ má bɔ na njɛ á mábum má bɔ, duŋgu lí bɔ lí pumban á nji.” 33Yɔ̂ bawútú bá mɔ bá kɔ́ndɛ́ní mɔ́ nána, “Áfə́ sí tíŋgání ɛ kwisí ɛkfúna lidyá áfánán á ɛsínj álí dísí limuti lín?” 34Yésuwə á kɔ́ndɛ́ bɔ́ nána, “Mibúŋgá mí blɛ̂t mítín nyí wɔ́ŋíní?” Ti bá púshú mɔ́ nána, “Mibúŋgá mí blɛ̂t shyǎmbɛ na bǎn bá midim mí shwî mítə́kə̂n.” 35Ti Yésuwə a pɔŋí limuti lî nána bá shúman áshí. 36Ti a nuŋí mibúŋgá ɛ́ mî shyǎmbɛ na shwî ɛ́yî, a bəkí Dyǔ masákan, a kabí mɔ́, ti a bəkí bɔ́ á bawútú bá mɔ, ti bɔ́ pə́ bá kábí á limuti lî. 37Baʼ básə́sə̌n bá dílí, bá kúʼ. Ti bawútú bá shwínjí bidfúŋ shyǎmbɛ álə́ lî m bukɛ. 38Nsɔŋgí m bâʼ ábə́ bá dílí bá bílí bikúlí bínîn. Nsɔŋgí m bâʼ mû m bílí bumân bɔ́ na bɔ́, balân na bǎn bá bíliyǎ á ɛ́láŋgú. 39Ti Yésuwə a pɔŋí limuti lî nána bá shwíya á mandaʼ má bɔ. Ti a kwilí á bwálu átin, a kǐ á pɛsi ɛ mbú ɛ Mágádan.
Currently Selected:
Mátyo 15: bwt
Highlight
Copy
Compare
Share
Want to have your highlights saved across all your devices? Sign up or sign in
Mátyo 15
15
Lilɛ́fu lí baʼ bá nyákə́
1Á púndá ɛni, duŋgu lí Bafárisî na balɛ̂ bá mbéndá ábə́ bá fí a Jerúsálɛmə bá pílí á Yésuwə, ti bá kɔ́ndɛ́ mɔ́ nána, 2“Á ɛ́tútú ɛ́yə́ bawútú bá wə bá səní ɛ kɔŋgɔ́ lílɛ́fu álə́ basáŋ bá sə bá nyákə́ bá mwísání sə́? Bá sə̌ ɛ́ wǔ makɛ́ má bɔ á nyaɛ ɛyə̌ bá lɔ́líní ɛ wu ka bá dyá lídyá.” 3Yésuwə a pushú bɔ́ nána, “Á ɛ́tútú yə̌ nyí səní ɛ kɔŋgɔ́ mbéndá ɛ Dyǔ, ndé nyí nǎn yə̌ ɛ́yə́ nyí lúfúní? 4Dyǔ lí byábí nána, ‘Bə̌ sáŋ ŋ wə na nyǎ ŋ wə ɛdúbɛ́.’ A byábí pə́ nána, ‘Ká njá awə̌ a byábí yǔm ɛ́bî tɛ́ŋgɛnɛ sáŋ tɔ̌ nyǎ bá lɔ́lí mɔ́ ɛ búlu.’ 5Ndé nyí lɛ́fú nána njí mɔ a wɔ́ŋí yǔm ɛ́yə́ a tiŋgání ɛ bwəlan álí wúnján sáŋ tɔ̌ nyǎ, ndé a byábí nána, ‘ɛ́yínán ɛ́ dí ɛ́ Dyǔ’, 6ɛ shiyǎ lítísan álí wúnján sáŋ tɔ̌ nyǎ m mɔ na ɛdúbɛ́. Njí mɔ a bwəlí nâni, ní nyí núŋiyǎ ɛ́yala ɛ́ Dyǔ ngə yǔm á ɛ́tútú nána nyí nǎn yə̌ ɛ́yə́ nyí lɛ́fúní. 7Nyə́ baʼ bá ɛlaŋgá! Nlakuwa-a-mudî Aysáya a n tɛ́ŋgɛn á púndá ɛyə̌ a byábíní biyala ábə́ Dyǔ lí lúmání mɔ́ tɛ́ŋgɛnɛ nyə́ nána,
8‘Baʼ ábánán bá bə mî ɛdúbɛ́ ɛ́ nsu ngɛ̂n, ndé milə́m mí bɔ mí shiyǎ na mi.
9Ɛdúbɛ́ ɛ́yə́ bá bəní mi ɛ́ shiyǎ ká yǔm, á ɛ́tútú nána bá lɛ́fú mambéndá má bǎnyûŋ ngə má dí mambéndá má Dyǔ.’”
Byə̌m ábə́ bí bwə mɔ̂ʼ ka a si sáŋ á wusú wú Dyǔ
10Ti Yésuwə a bəŋí limuti, a pɔŋí bɔ́ nána, “Nyí wúkan, nyí sɔ́ntan mi! 11Suká yǔm ɛ́yə́ ɛ́ kwilí mɔ̂ʼ á nsu yɔ̂ ɛ́ bwə mɔ́ ka a si sáŋ á wusú wú Dyǔ, ndé yə̌ ɛ́yə́ ɛ́ fí mɔ́ á nsu yɔ̂ ɛ́ bwə mɔ́ ka a si sáŋ.” 12Ngə a byábíní nâ, yɔ̂ bawútú bá Yésuwə bá pílíní mɔ́ á nsaŋ n nyǔ ti bá kɔ́ndɛ́ mɔ́ nána, “Ɛ bí nána yə̌ ɛ́yə́ ɛ byábíní ɛ́ kfwísí ɛyɔʼ ɛ́ Bafárisî?” 13Yésuwə a púshú bɔ́ nána, “Sáŋ m myə awə̌ a dí ámǐn á gvub bwə̌ tɛ́ ábə́ a wúniyaní” 14Nyí si takí nyǔ á ɛ́tútú ɛ́ bɔ. Bɔ́ bá dí bidímtí ábə́ bí lúfú bidímtí bápə́pə̂ nji. Njí ɛdímtí ɛ́ lúfú ɛdímtí ɛ́pə́pə̌ nji, bɔ́ babɛ̂ bá kfún á ɛ́júká. 15Ti Píta a byábí nána, “Tfúkú sə́ ŋganú ɛnín.” 16Yɔ̂ Yésuwə a pushúní bɔ́ nána, “Ká nyə́ pə́ nyí nan sɔ́ntáníyǎ wə́ kə́ŋ ta sɔnsɔ́nǎn? 17Nyí sə̌ ɛ́ mín nána, yǔm tɛ́ ɛ́yə́ mɔ a dílíní, ɛ́ kwilí mɔ́ á nsu, ɛ kə á líbum átin, ti ɛ́ nyítí mɔ á nyǔ. 18Ndé byə̌m ábə́ mɔ ǎ byání, bí fí mɔ́ kə́ŋ ta á nlə́m átin. Ɛbú ɛ́ byə̌m bî, bɔ́ bí bwə mɔ̂ʼ a si sáŋ á wusú wú Dyǔ. 19Á ɛ́tútú nána á nlə́m mɔ́ myanu míbî mí fíní ámə́ mí bwə mɔ̂ʼ a bwə́ mísam míbî ngə álí búlú mɔ̂ʼ, álí bwə ndúmán, na álí bwə misam míbî mípə́pə̂ ngə álí jíb, álí tyə́ mbúŋ ɛ matúm, álí kanán minən. 20Misam mínán mɔ́ mí bwə ka mɔ a si sáŋ á wusú wú Dyǔ. Ndé suká álí dyá lidyá ɛ́yə́ a wúwaní makɛ́ ngə bá saní, yɔ́ ɛ́ bwə mɔ̂ a si sáŋ á wusú wú Dyǔ.”
Dúbɛ li mwalân a Kánan
21Ngə Yésuwə a malíní álí byá misam mínán mísə́sə̌n, a makú fǔm bû ti a kǐ á pɛsi ɛ mbú ɛyə̌ ɛ wútání mikí mí Táya na Sídɔnə. 22Mwalân nfɔ́ awə̌ a fí a Kánan a bílí ɛ dyɛ á pɛsi ɛ mbú ɛni. A pilí á Yésuwə ti a byábí nána, “A Sísə́, mwǎn mú nja n Devídə, wú mî likini! Mwǎn m myə a mwalân a wɔ́ŋí mudî mbî á nyǔ ɛ́ mɔ átin, ǎ taʼ jǐta.” 23Ndé Yésuwə a kwɛ́siyǎ ká yǔm. Bawútú bá Yésuwə bá pílí ti bá yɔ́mbí mɔ́ nána, “Pɔ̌ŋ Mwalân ani a kə̂ á ɛ́tútú nána, ǎ pɔ̌ŋ sə́ á mbís na ntɔkɔku.” 24Yɔ́ Yésuwə a pushúní náná, “Baʼ bá Ísrɛl ábə́ bá dí ngə milɔngi ámə́ mí gbɛ́, á bɔ́ Dyǔ lí lúmíní mi álí wúnján bɔ́.” 25Ngə mwalân ani a wúkíní nâ, a kfúndí á mákwi má Yésuwə ti a yɔ́mbí mɔ́ nána, “A Sísə́, wúnján mî.” 26Yésuwə a pushú mɔ́ nána, “Ɛ́ tɛ́ŋgɛ́niyǎ álí nǔŋ lidyá lí bǎn ɛ shwá lɔ́ á mbwá.” 27Mwalân ani a pushú Yésuwə nána, “Sísə́ ɛ́ dí mbálɛ, ndé ká mbwá ɛ́ dyá mipupu ámə́ mí kfún áshí á tíbili ɛ́ Sísə́.” 28Ti Yésuwə a pushú mɔ́ nána, “Ɛ dí mwalân awə̌ a wɔ́ŋí dúbɛ línə̂n! Yə̌ ɛ́yə́ ɛ̌ saní ɛ́ bwəlan.” Á mulimlim m púndá mwǎn a mwalân mú mwalân ani a pwǐ.
Yésuwə a pwisí baʼ jǐta
29Á mbís ɛ púndá Yésuwə a makú fǔm bû a túmbí álí wútán mbô ɛ Gálilî. A pulú á wukul ámǐn ti a shumání áshí. 30Limuti lí nə̂n lí pílí á mɔ́. Bá bílí ɛ panán bilə́ŋkə́, bidímtí, bibə́ŋtí, bibúbú na baʼ bá mikfulu bápə́pə̂ jǐta. Bá díkí bɔ́ áshí á wusú wú Yésuwə, ti a pwisí bɔ́. 31Limuti lî lí bílí manyáká ngə bá míníní ngə baʼ ábə́ bá bíliyǎ ɛ́ byá bá byábí. Baʼ ábə́ bá bílí mbɛ́ŋtí bá tyə́bí ámǐn bwǎm, baʼ ábə́ bá bílí bilə́ŋkə́ bá púlí pə́ ɛ kə bwǎm. Ábə́ bá bílí bidímtí bá púlí pə́ ɛ mín. Bá bílí ɛ kɛsí Dyǔ lí baʼ bá Ísrɛl.
Yésuwə a dísí baʼ jǐta
32Ngə Yésuwə a malíní álí bwə misam mî mísə́sə̌n, a bəŋí bawútú bá mɔ ti a pɔŋí bɔ́ nána, “Mi nǎn wú baʼ bánán likini á ɛ́tútú nána bá mə́ ɛ bá na mi ɛ́tɛ̂n madû málán, sɔnsɔ́nǎn bá wɔ́ŋiyǎ ká yǔm ɛ́ lídyá. Njí n lúmí bɔ́ á mandáʼ má bɔ na njɛ á mábum má bɔ, duŋgu lí bɔ lí pumban á nji.” 33Yɔ̂ bawútú bá mɔ bá kɔ́ndɛ́ní mɔ́ nána, “Áfə́ sí tíŋgání ɛ kwisí ɛkfúna lidyá áfánán á ɛsínj álí dísí limuti lín?” 34Yésuwə á kɔ́ndɛ́ bɔ́ nána, “Mibúŋgá mí blɛ̂t mítín nyí wɔ́ŋíní?” Ti bá púshú mɔ́ nána, “Mibúŋgá mí blɛ̂t shyǎmbɛ na bǎn bá midim mí shwî mítə́kə̂n.” 35Ti Yésuwə a pɔŋí limuti lî nána bá shúman áshí. 36Ti a nuŋí mibúŋgá ɛ́ mî shyǎmbɛ na shwî ɛ́yî, a bəkí Dyǔ masákan, a kabí mɔ́, ti a bəkí bɔ́ á bawútú bá mɔ, ti bɔ́ pə́ bá kábí á limuti lî. 37Baʼ básə́sə̌n bá dílí, bá kúʼ. Ti bawútú bá shwínjí bidfúŋ shyǎmbɛ álə́ lî m bukɛ. 38Nsɔŋgí m bâʼ ábə́ bá dílí bá bílí bikúlí bínîn. Nsɔŋgí m bâʼ mû m bílí bumân bɔ́ na bɔ́, balân na bǎn bá bíliyǎ á ɛ́láŋgú. 39Ti Yésuwə a pɔŋí limuti lî nána bá shwíya á mandaʼ má bɔ. Ti a kwilí á bwálu átin, a kǐ á pɛsi ɛ mbú ɛ Mágádan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in