Mátyo 13
13
Ŋganú ɛ mɔ awə̌ ǎ wún mbuta
1Mulimlim m bún, Yésuwə a falú á ndáʼ, a kǐ ɛ shuman á nsaŋ m mbô ɛ Gálilî, álí lɛ́fú bâʼ. 2Baʼ ábə́ bâ n kámbú mɔ́ bâ n bwi átin jǐta. Ɛ́yî ɛ́ bwə́lí Yésuwə a kwílí á bwálu, a shúmán áshí álí lɛ́fú bɔ́. Baʼ bâ básə́sə̌n bá tyə́bí á nsaŋ m mbô álí wúkán mɔ́. 3A bwəlání ŋganú álí lɛ́fú bɔ́ misam jǐta. A pɔŋí bɔ́ ŋganú nána, “Mɔ nfɔ́ a bílí awə̌ a kǐ álí sǔ mbuta ɛ́ ngvwi. 4Ngə a bílíní ɛ sǔ mbuta ɛni, duŋgu lí kfúndí á nji, ti manɔn má pílí má sɔ́mí yɔ́ bam. 5Duŋgu lí kfúndí á málɛ́ átin áfə́ ndɔʼ ɛ búliyaní ɛ bá. Mbuta ɛni, ɛ pámí ɛ kə́ ngə ndɔʼ ɛ búliyaní ɛ bá áwə́. 6Ndé ngə dúlu lí ngínya lí nyítíní, lí wɔ́kí byə̌m bísə́sə̌n ti bí wúlí, á ɛ́tútú nána, mikaŋgá mí bɔ mí sî ŋ kwili á ndɔʼ bwǎm. 7Duŋgu lípə́pə̂ lí kfúndí áfə́ mídfvúngú mí bílíní. Á púndá ɛyə̌ mbuta ɛ́ kɔ́lí, mídfvúngú mí káŋí mbuta álí kɔʼ. 8Ndé duŋgu lí mbuta lí kfúndí á ndɔʼ ɛ mbâ. Mbuta ɛ́yî ɛ́ kə́kí ti ɛ yɛ́. Duŋgu lí bilɔŋ bifɔ́ bí wɔ́ŋí mbvum mbúki, duŋgu mûm ntyǔ, duŋgu líní ká mûm málán.” 9Ti Yésuwə a mɛsí nána “Ká njá awə̌ a wɔ́ŋí matwî a wú.”
Yándá álə́ Yésuwə á bwəlání ŋganú
10Á mbís ɛ púndá bawútú bá pílí á Yésuwə bá kɔ́ndɛ́ mɔ́ nána, “Yán wə ɛ̌ bwəlaní ŋgánu álí lɛ́fú bâ?” 11Yésuwə a pushú bɔ́ nána, “Dyǔ lí bə́kí nyə́ wunja álí bí kfûn ɛ wudya wú Dyǔ, ndé wunja wû, wú bə́kaniyǎ baʼ bápə́pə̂. 12Ká njá awə̌ a wɔ́ŋí sɔ́ntan lí kfûn ɛ wudya wú Dyǔ, Dyǔ lí bán pə́ mɔ́ sɔ́ntan lî, ngə ǎ wɔ́ŋní jǐta. Ndé ká njá awə̌ a wɔ́ŋiyǎ, Dyǔ lí nuŋán mɔ́ ká mâ sɔ́ntan álə́ a wɔ́ŋíní. 13Yándá álə́ mi nǎn bwəlání ŋganú álí lɛ́fú bâʼ, lí dí wə nána, bá mín ndé bá sɛ̌ ɛ́ yəm, bá wú ndé bá sɛ̌ ɛ́ sɔ́ntan. 14Ɛ́yî ɛ́ lwínjí biyala ábə́ Dyǔ lí lúmání nlakuwa-a-mudî Ayzáya nána,
‘Nyí wúkan, nyí wúkan, ndé nyí sî sɔ́ntáníyá,
Nyí táti, nyí táti, ndé nyí sî yəmbá.
15Nǎn byá nâ á ɛ́tútú nána baʼ á bâ bá tíŋganiyǎ pə́ ɛ lɛ́fú ká yǔm.
Bá nyíŋí bɔ́ matwî, bá kɔ́lí bɔ́ mǐ. Bá sî wúká, bá sî míná ká yǔm.
Ní bá mín ti bá yə́mbí.
Ní bá wú na matwǐ má bɔ, ti milə́m mí bɔ mí sɔ́ntání.
Njí bá bwə́lí nâni, ní bá tim á mi, ti m pwisí bɔ́.’”
16Ti Yésuwə a bándí álí pɔ̌ŋ bawútú bá mɔ nána, “Wunam na nyə́ á ɛ́tútú nána nyí mín misam ámə́ nyí mín ní, nyí wúká pə́ misam ámə́ nyí wúní. 17Á mbálɛ nǎn pɔŋ nyə́ nána, balakuwa-bá-mudî na baʼ bá Dyǔ jǐta bá wánání álí mín mísam ámə́ nyí mín ní na álí wú misam ámə́ nyí wúní, ndé bá míniyǎ, bá wúkiyǎ ka pə́.
Yésuwə a panjí ŋganú ɛ mɔʼ awə̌ ǎ sǔ mbuta
18Sɔnsɔ́nǎn kə̌ nyí sɔ́ntan yándá lí ŋganú ɛ nsuwâ-a-mbuta. 19Njí mɔ a wúkí ɛyala tɛ́ŋgɛnɛ wudya wú Dyǔ, ka a si sɔ́ntán yɔ́, Sátan ǎ paʼ yɔ́ ɛ fúl á nlə́m m mɔ. Ɛbú ɛ́ baʼ ɛ́yî, ɛ́ dí ngə mbuta ɛyə̌ ɛ́ kfúndí á nji ámǐn. 20Mbuta ɛyə̌ ɛ kfúndí á malɛ́ átin, ɛ́ lúfú baʼ ábə́ bá kásí ɛyala ɛ́ Dyǔ na munyɛŋgɛ jǐta ngə bá wúkíní yɔ́ áfâ áshí áshí. 21Ndé ɛyala ɛ́yî ɛ́ kwíliyǎ bɔ́ á mílə́m. Bá dúbɛ́ yɔ́ á mǎ púndá, ndé wə̌ti ndutu na mutaka m pílí á ɛ́tútú ɛ́ ɛ́yala ɛ́yî, bá pámí wə́ ɛ́ dfvǔl nyǔ ɛ́ bɔ á mbís. 22Mbuta ɛyə̌ ɛ kfúndí á mídfvúngú átin, ɛ́ lúfú baʼ ábə́ bá wú ɛ́yala ɛ́ Dyǔ, ndé á shú, mutakaʼ mú nkínshíyə na sə́m ɛli wɔ́ŋ wúdi ɛ̌ tfúl bɔ́ milə́m á libum. Ɛ́yî ɛ́ bwə bɔ́ bá sə̌ ɛ́ púl ɛ́ bwə mísam mí mbâ. 23Mbuta ɛyə̌ ɛ kfúndí á ndɔ́ʼ ɛ mbâ ɛ̌ lúfú baʼ ábə́ wə̌ti bá wúkí ɛyala ɛ́ Dyǔ, bá sɔ́ntán yɔ́. Baʼ á bâ bá bwə̂ misam mí mbâ ngə bilɔŋ bí ngvwi ábə́ bí wɔ́ŋí mbvum mbúki, mûm ntyǔ na mûm málán.”
Ŋganú ɛ kaʼ-a-susum
24Yésuwə a pɔŋí pə́ limuti lî ŋganú ɛpə́pə̂ nána, “Wudya wú Dyǔ wú dí ngə mɔʼ awə̌ a wúní mbuta ɛ mbâ á ndfukú ɛ́ mɔ átin, 25wudû wufɔ́ ɛ́yə́ baʼ bá mə́ní ɛ nali, mɔʼ a ɛkfwɛyí a kwilí á ndfukú ɛ ngvwi ɛni, ti a wúní mbuta ɛ kaʼ-a-susum. 26Á púndá ɛyə̌ ngvwi ɛni ɛ butíní ɛ kɔʼ, yɔ́ baʼ bá míníní nána kaʼ-a-susum yɔ́ pə́ ɛ̌ kɔʼ áwə́ átin. 27Babwəla bá ndutu bá nwɔ́ŋ-a-ndukú ani, bá pílí á mɔ́ bá kɔ́ndɛ́ mɔ́ nána, ‘A Sísə́ ɛ wúní mbuta ɛ ngvi ɛ mbâ. Áfə́ kaʼ-a-susum ɛ fíní átin?’ 28Yɔ̂ a pushúní bɔ́ nána, ‘Mɔʼ a ɛkfwɛyí m myə nfɔ́ mɔ́ a pílí ɛ́ wún kaʼ-a-susum ɛni.’ Babwəla bá ndutu bâ bá kɔ́ndɛ́ mɔ́ nána, ‘Sí tíŋgání ɛ wubí kaʼ-a-susum ɛni?’ 29A pushú pə́ bɔ́ nána Ǎ yě. Nyí si wubí yɔ́, á ɛ́tútú nána, wə̌ti nyí kə́kí ɛ wubi, nyí wubi yɔ́ na ngvwi. 30Nyí máku ngvwi na kaʼ-a-susum bá kɔ́lɔ fǔm bufɔ́ kə́ŋ ta á púndá ɛli páʼ. Á púndá ɛni, yɔ̂ m pɔŋní baʼ ábə́ bá páʼ nána, bá kɔ́sɛ ɛ wubí kaʼ-a-susum, bá lâʼ yɔ́ fǔm bufɔ́, ti bá wɔ́kí. Á mbís ɛ púndá yɔ́ bá pání ngvwi, ti bá fílí á ɛ́táʼ.”
Ŋganú ɛ mbvum ɛyə̌ ɛ kɔ́ŋí litúm mbvum ɛ́yíní ɛ́sə́sə̌n
31Yésuwə a pɔŋí limuti lî ŋganú ɛpə́pə̌ nána, “Wudya wú Dyǔ wú dí ngə mɔ awə̌ a nuŋí mbvum ɛ́yə́ ɛ kɔ́ŋí jǐta ti a wúní á ndfukú ɛ́ mɔ. 32Njí ɛ nuŋí ɛláŋsán na mbvum ɛ́pə́pə̌, mbvum ɛni ɛ kɔ́ŋí litúm mbvum ɛ́yíní ɛ́sə́sə̌n. Ndé njí ɛ kɔlí, ɛ̌ kɔʼ litúm bǎn bá mə̌ básə́sə̌n. Ti manɔn má pílí má lúŋí mandfúŋ má bɔ á mílâ mí mɔ.”
Ŋganú ɛ ɛfulan
33Yésuwə a pɔŋí pə́ bɔ́ ŋganú ɛpə́pə̌ nána, “Wudya wú nkímínyə́ wú dí ngə ɛfulan ɛ́yə́ mwalân nfɔ́ a puŋgúní na kúmbu ɛ́ mpupú n ngvwi ɛ́lán kə́ŋkə́ŋ n fûl.”
Yándá álə́ Yésuwə a bwəlání ŋganú
34Yésuwə a bílí ɛ bwəlán ŋganú álí lɛ́fú baʼ. A bíliyǎ ɛ́ lɛ́fú yǔm ká ɛ́fɔ́ a si bwəlán ŋganú. 35A bwəlí nâni álí lwínjí bíyala ábə́ nlakuwa a mudî a byábíní nána,
“N bwəlán ŋganú njí nân byábán bâʼ. N lɛ́fú bɔ́ misam ámə́ bá bíyaní butya á púndá ɛyə̌ nkínshíyə m bútíní.”
Yésuwə a tfúkú ŋganú ɛ kaʼ-a-susum
36Ngə Yésuwə a makúní limuti lî, a kǐ á ndáʼ átin. Bawútú bá mɔ bá pílí á mɔ́ bá byábí nána, “Tfúkú sə́ yándá lí ŋganú ɛ kaʼ-a-susum.” 37Yésuwə a pushú bɔ́ nána, “Mɔ awə̌ a wúní mbuta ɛ mbâ a dí Mwǎn a Mɔnyuŋ. 38Ndfukú ɛ dí nkínshíyə. Mbutaʼ ɛ mbâ ɛ́ dí ngə baʼ ábə́ bá dí á wásé ɛ wudya wú Dyǔ. Kaʼ-a-susum a dí ngə baʼ bá Sátan. 39Mɔ a ɛkfwɛyí awə̌ a wúní kaʼ-a-susum á ndfukú ɛ́ nwɔ́ŋ-a-ndfukú ani, mɔ́ a dí Sátan. Á púndá ɛyə̌ bá pání ngvwi ɛni yɔ̂ ɛ dí lishu lí nkínshíyə. Baʼ ábə́ bá páʼ ngvwi bɔ́ bá dí bá áŋgɛl. 40Ngə bá laní kaʼ-a-susum álí wɔki, nâ pə́ ɛ́ bání mulimlim na baʼ bá Sátan á púndá ɛ lishúl lí nkínshíyə. 41Mwǎn a Mɔnyuŋ á lúm áŋgɛl ɛ́ mɔ álí fúl bâʼ ábə́ bá bwə bání bá bwəlá wubî na baʼ bá bî bápə́pə̂ básə́sə̌n. 42Bá shwá bɔ́ á mwǐ ámə́ n sə̌ ɛ́ dím. Áwə́ bá jiní, bá dyá pə́ masuŋ. 43Á púndá ɛni, baʼ ábə́ bá bwə́lí ngə Dyǔ lí saní bá nwaŋaki ngə dúlu á wudya wú Sáŋ m bɔ. Ká njá awə̌ a wɔ́ŋí matwî, a wú.”
Ŋganú ɛ wudi ábə́ bá shwɛ́líní
44Yésuwə a bándí ŋganú ɛpə́pə̌ nána, wudya wú Dyǔ wú dí ngə wudi ábə́ bá kɔ́ŋgɔ́ní a ndfukú átin. Ngə mɔ nfɔ́ a dibíní bɔ́, a kfútí bɔ́. Munyɛŋgɛ ámə́ m bílí mɔ́ á nlə́m, m bwə́lí mɔ́ a kǐ ɛ súm byə̌m bí mɔ bísə́sə̌n ábə́ a ŋ wɔ́ŋí álí kə̌ ɛ́ yǎn ndfukú ɛni.
Ŋganú ɛ lilɛ́ lí mbímbí
45“Bá tíŋgání pə́ ɛ nǔŋ ɛláŋsán ɛ́ wudya wú Dyǔ na mɔ a nyungá awə̌ a bílí ɛ sa malɛ́ má mbímbí ámə́ má kpútí nkfun jǐta álí yan. 46Ngə a míníní lilɛ́ álə́ lí lɔ́lí nyǔ jǐta, álə́ bá súmní, a kǐ ɛ súm byə̌m bí mɔ bísə́sə̌n ábə́ a wɔ́ŋíní ti a yandí lilɛ́ lî.”
Ŋganú ɛ mbúnjá
47Yésuwə a pɔŋí ŋganú ɛpə́pə̌ nána, “Wudya wú Dyǔ wú dí ngə mbúnjá ɛyə̌ baluwa-bá-shwî bá shwání á mádí ti bá kúwí nyai ɛ́ shwî ɛ́sə́sə̌n. 48Ngə mbúnjá ɛ lwínjíní, bá dfúlí yɔ́ á nsaŋ m madí, bá shúmání áshí álí mɔ̌n shwî ɛ́ mbâ ɛ́yə́ ɛ lɔ́lí álí dyá, bá fá á míluŋgá átin. Ɛ́yə́ ɛ́ shyǎ ɛ́ mbâ álí dyá bá púmbí yɔ́. 49Áfánikə̌, ŋganú ɛnín ɛ́ lúfú ngə lishúl lí nkínshíyə lí bání. Dyǔ lí lúm áŋgɛl ɛ́ mɔ álí fúl baʼ bábî átitîn ɛ baʼ ábə́ bá tyə́bí sîm á wusú wú Dyǔ 50Ti bá shwá bɔ́ á mwǐ ámə́ n sə̌ ɛ́ dím. Áwə́ bá jiní, bá dyá pə́ masuŋ.
Lilɛ́fú lí kɔ́nə́ na lítfubə́
51Yésuwə a kɔndɛ́ bawútú bá mɔ nána, Nyí sɔ́ntání misam mín?” Bá pushú mɔ́ nána, “Iŋ.” 52Áfánikə̌, Yésuwə a pɔŋí bɔ́ nána “Mulɛ̂ a mbéndá tɛ́ awə̌ ǎ wúkú tɛ́ŋgɛnɛ wudya wú Dyǔ, a dí ngə nwɔ́ŋ-a-ndáʼ awə̌ ǎ fúl byə̌m bí mɔ bí kɔ́nə́ na bítfubə́ áfə́ á kɔŋgɔ́ní byə̌m.”
Baʼ bá Názárɛtə bá kásiyǎ Yésuwə
53Ngə Yésuwə a málíní álí lɛ́fú na ŋganú, a falú á fǔm bû. 54Ti a kǐ á nkí m mɔ. Áwə́ a bílí ɛ lɛ́fú á ndáʼ ɛ makáni ɛ́ baʼ bá Ísrɛl. Baʼ ábə́ bá bílí mɔ́ ɛ wúkan bá bílí manyáka. Bá bílí ɛ kɔndɛ nána, “Áfə́ a kwisíní ɛbú ɛ́ libyɛ́ lín?”. “Yán ǎ bwəní álí bwə manyáká mán másə́sə̌n? 55Nga mwǎn mú kápínta a díní? Nga Meríyə́ mɔ́ a yɛ́ mɔ̂? Nga bǎn bá nyǎ bá mɔ Jémsə, Josɛ́fə, Símɔnə na Júdasə? 56Nga bǎn-bá-nyǎ bá mɔ bá balân bá dyɛ áfánán á nkǐ na sə̂? Áfə́ a kwisíní ɛbú ɛ́ libyɛ́ ɛ́yínán? Áfə́ a kwisíní ɛbú ɛ́ ngínya ɛ́yín ɛ́yə́ ǎ bwəlání misam mí mányáka?.” 57Áfánikə̌, bá kfwɛ́ Yésuwə. Ti a pɔŋí bɔ́ nána, “Nlakuwa-a-mudî a wɔ́ŋí ɛdúbɛ́ á wǔm másə́sə̌n ɛ́sitúm á nkí m mɔ na á litúmbá lí mɔ.” 58Ngə bá dúbɛniyaní mɔ́ a bwə́liyǎ misam mí mányáká jǐta áfâ.
Currently Selected:
Mátyo 13: bwt
Highlight
Copy
Compare
Share
Want to have your highlights saved across all your devices? Sign up or sign in
Mátyo 13
13
Ŋganú ɛ mɔ awə̌ ǎ wún mbuta
1Mulimlim m bún, Yésuwə a falú á ndáʼ, a kǐ ɛ shuman á nsaŋ m mbô ɛ Gálilî, álí lɛ́fú bâʼ. 2Baʼ ábə́ bâ n kámbú mɔ́ bâ n bwi átin jǐta. Ɛ́yî ɛ́ bwə́lí Yésuwə a kwílí á bwálu, a shúmán áshí álí lɛ́fú bɔ́. Baʼ bâ básə́sə̌n bá tyə́bí á nsaŋ m mbô álí wúkán mɔ́. 3A bwəlání ŋganú álí lɛ́fú bɔ́ misam jǐta. A pɔŋí bɔ́ ŋganú nána, “Mɔ nfɔ́ a bílí awə̌ a kǐ álí sǔ mbuta ɛ́ ngvwi. 4Ngə a bílíní ɛ sǔ mbuta ɛni, duŋgu lí kfúndí á nji, ti manɔn má pílí má sɔ́mí yɔ́ bam. 5Duŋgu lí kfúndí á málɛ́ átin áfə́ ndɔʼ ɛ búliyaní ɛ bá. Mbuta ɛni, ɛ pámí ɛ kə́ ngə ndɔʼ ɛ búliyaní ɛ bá áwə́. 6Ndé ngə dúlu lí ngínya lí nyítíní, lí wɔ́kí byə̌m bísə́sə̌n ti bí wúlí, á ɛ́tútú nána, mikaŋgá mí bɔ mí sî ŋ kwili á ndɔʼ bwǎm. 7Duŋgu lípə́pə̂ lí kfúndí áfə́ mídfvúngú mí bílíní. Á púndá ɛyə̌ mbuta ɛ́ kɔ́lí, mídfvúngú mí káŋí mbuta álí kɔʼ. 8Ndé duŋgu lí mbuta lí kfúndí á ndɔʼ ɛ mbâ. Mbuta ɛ́yî ɛ́ kə́kí ti ɛ yɛ́. Duŋgu lí bilɔŋ bifɔ́ bí wɔ́ŋí mbvum mbúki, duŋgu mûm ntyǔ, duŋgu líní ká mûm málán.” 9Ti Yésuwə a mɛsí nána “Ká njá awə̌ a wɔ́ŋí matwî a wú.”
Yándá álə́ Yésuwə á bwəlání ŋganú
10Á mbís ɛ púndá bawútú bá pílí á Yésuwə bá kɔ́ndɛ́ mɔ́ nána, “Yán wə ɛ̌ bwəlaní ŋgánu álí lɛ́fú bâ?” 11Yésuwə a pushú bɔ́ nána, “Dyǔ lí bə́kí nyə́ wunja álí bí kfûn ɛ wudya wú Dyǔ, ndé wunja wû, wú bə́kaniyǎ baʼ bápə́pə̂. 12Ká njá awə̌ a wɔ́ŋí sɔ́ntan lí kfûn ɛ wudya wú Dyǔ, Dyǔ lí bán pə́ mɔ́ sɔ́ntan lî, ngə ǎ wɔ́ŋní jǐta. Ndé ká njá awə̌ a wɔ́ŋiyǎ, Dyǔ lí nuŋán mɔ́ ká mâ sɔ́ntan álə́ a wɔ́ŋíní. 13Yándá álə́ mi nǎn bwəlání ŋganú álí lɛ́fú bâʼ, lí dí wə nána, bá mín ndé bá sɛ̌ ɛ́ yəm, bá wú ndé bá sɛ̌ ɛ́ sɔ́ntan. 14Ɛ́yî ɛ́ lwínjí biyala ábə́ Dyǔ lí lúmání nlakuwa-a-mudî Ayzáya nána,
‘Nyí wúkan, nyí wúkan, ndé nyí sî sɔ́ntáníyá,
Nyí táti, nyí táti, ndé nyí sî yəmbá.
15Nǎn byá nâ á ɛ́tútú nána baʼ á bâ bá tíŋganiyǎ pə́ ɛ lɛ́fú ká yǔm.
Bá nyíŋí bɔ́ matwî, bá kɔ́lí bɔ́ mǐ. Bá sî wúká, bá sî míná ká yǔm.
Ní bá mín ti bá yə́mbí.
Ní bá wú na matwǐ má bɔ, ti milə́m mí bɔ mí sɔ́ntání.
Njí bá bwə́lí nâni, ní bá tim á mi, ti m pwisí bɔ́.’”
16Ti Yésuwə a bándí álí pɔ̌ŋ bawútú bá mɔ nána, “Wunam na nyə́ á ɛ́tútú nána nyí mín misam ámə́ nyí mín ní, nyí wúká pə́ misam ámə́ nyí wúní. 17Á mbálɛ nǎn pɔŋ nyə́ nána, balakuwa-bá-mudî na baʼ bá Dyǔ jǐta bá wánání álí mín mísam ámə́ nyí mín ní na álí wú misam ámə́ nyí wúní, ndé bá míniyǎ, bá wúkiyǎ ka pə́.
Yésuwə a panjí ŋganú ɛ mɔʼ awə̌ ǎ sǔ mbuta
18Sɔnsɔ́nǎn kə̌ nyí sɔ́ntan yándá lí ŋganú ɛ nsuwâ-a-mbuta. 19Njí mɔ a wúkí ɛyala tɛ́ŋgɛnɛ wudya wú Dyǔ, ka a si sɔ́ntán yɔ́, Sátan ǎ paʼ yɔ́ ɛ fúl á nlə́m m mɔ. Ɛbú ɛ́ baʼ ɛ́yî, ɛ́ dí ngə mbuta ɛyə̌ ɛ́ kfúndí á nji ámǐn. 20Mbuta ɛyə̌ ɛ kfúndí á malɛ́ átin, ɛ́ lúfú baʼ ábə́ bá kásí ɛyala ɛ́ Dyǔ na munyɛŋgɛ jǐta ngə bá wúkíní yɔ́ áfâ áshí áshí. 21Ndé ɛyala ɛ́yî ɛ́ kwíliyǎ bɔ́ á mílə́m. Bá dúbɛ́ yɔ́ á mǎ púndá, ndé wə̌ti ndutu na mutaka m pílí á ɛ́tútú ɛ́ ɛ́yala ɛ́yî, bá pámí wə́ ɛ́ dfvǔl nyǔ ɛ́ bɔ á mbís. 22Mbuta ɛyə̌ ɛ kfúndí á mídfvúngú átin, ɛ́ lúfú baʼ ábə́ bá wú ɛ́yala ɛ́ Dyǔ, ndé á shú, mutakaʼ mú nkínshíyə na sə́m ɛli wɔ́ŋ wúdi ɛ̌ tfúl bɔ́ milə́m á libum. Ɛ́yî ɛ́ bwə bɔ́ bá sə̌ ɛ́ púl ɛ́ bwə mísam mí mbâ. 23Mbuta ɛyə̌ ɛ kfúndí á ndɔ́ʼ ɛ mbâ ɛ̌ lúfú baʼ ábə́ wə̌ti bá wúkí ɛyala ɛ́ Dyǔ, bá sɔ́ntán yɔ́. Baʼ á bâ bá bwə̂ misam mí mbâ ngə bilɔŋ bí ngvwi ábə́ bí wɔ́ŋí mbvum mbúki, mûm ntyǔ na mûm málán.”
Ŋganú ɛ kaʼ-a-susum
24Yésuwə a pɔŋí pə́ limuti lî ŋganú ɛpə́pə̂ nána, “Wudya wú Dyǔ wú dí ngə mɔʼ awə̌ a wúní mbuta ɛ mbâ á ndfukú ɛ́ mɔ átin, 25wudû wufɔ́ ɛ́yə́ baʼ bá mə́ní ɛ nali, mɔʼ a ɛkfwɛyí a kwilí á ndfukú ɛ ngvwi ɛni, ti a wúní mbuta ɛ kaʼ-a-susum. 26Á púndá ɛyə̌ ngvwi ɛni ɛ butíní ɛ kɔʼ, yɔ́ baʼ bá míníní nána kaʼ-a-susum yɔ́ pə́ ɛ̌ kɔʼ áwə́ átin. 27Babwəla bá ndutu bá nwɔ́ŋ-a-ndukú ani, bá pílí á mɔ́ bá kɔ́ndɛ́ mɔ́ nána, ‘A Sísə́ ɛ wúní mbuta ɛ ngvi ɛ mbâ. Áfə́ kaʼ-a-susum ɛ fíní átin?’ 28Yɔ̂ a pushúní bɔ́ nána, ‘Mɔʼ a ɛkfwɛyí m myə nfɔ́ mɔ́ a pílí ɛ́ wún kaʼ-a-susum ɛni.’ Babwəla bá ndutu bâ bá kɔ́ndɛ́ mɔ́ nána, ‘Sí tíŋgání ɛ wubí kaʼ-a-susum ɛni?’ 29A pushú pə́ bɔ́ nána Ǎ yě. Nyí si wubí yɔ́, á ɛ́tútú nána, wə̌ti nyí kə́kí ɛ wubi, nyí wubi yɔ́ na ngvwi. 30Nyí máku ngvwi na kaʼ-a-susum bá kɔ́lɔ fǔm bufɔ́ kə́ŋ ta á púndá ɛli páʼ. Á púndá ɛni, yɔ̂ m pɔŋní baʼ ábə́ bá páʼ nána, bá kɔ́sɛ ɛ wubí kaʼ-a-susum, bá lâʼ yɔ́ fǔm bufɔ́, ti bá wɔ́kí. Á mbís ɛ púndá yɔ́ bá pání ngvwi, ti bá fílí á ɛ́táʼ.”
Ŋganú ɛ mbvum ɛyə̌ ɛ kɔ́ŋí litúm mbvum ɛ́yíní ɛ́sə́sə̌n
31Yésuwə a pɔŋí limuti lî ŋganú ɛpə́pə̌ nána, “Wudya wú Dyǔ wú dí ngə mɔ awə̌ a nuŋí mbvum ɛ́yə́ ɛ kɔ́ŋí jǐta ti a wúní á ndfukú ɛ́ mɔ. 32Njí ɛ nuŋí ɛláŋsán na mbvum ɛ́pə́pə̌, mbvum ɛni ɛ kɔ́ŋí litúm mbvum ɛ́yíní ɛ́sə́sə̌n. Ndé njí ɛ kɔlí, ɛ̌ kɔʼ litúm bǎn bá mə̌ básə́sə̌n. Ti manɔn má pílí má lúŋí mandfúŋ má bɔ á mílâ mí mɔ.”
Ŋganú ɛ ɛfulan
33Yésuwə a pɔŋí pə́ bɔ́ ŋganú ɛpə́pə̌ nána, “Wudya wú nkímínyə́ wú dí ngə ɛfulan ɛ́yə́ mwalân nfɔ́ a puŋgúní na kúmbu ɛ́ mpupú n ngvwi ɛ́lán kə́ŋkə́ŋ n fûl.”
Yándá álə́ Yésuwə a bwəlání ŋganú
34Yésuwə a bílí ɛ bwəlán ŋganú álí lɛ́fú baʼ. A bíliyǎ ɛ́ lɛ́fú yǔm ká ɛ́fɔ́ a si bwəlán ŋganú. 35A bwəlí nâni álí lwínjí bíyala ábə́ nlakuwa a mudî a byábíní nána,
“N bwəlán ŋganú njí nân byábán bâʼ. N lɛ́fú bɔ́ misam ámə́ bá bíyaní butya á púndá ɛyə̌ nkínshíyə m bútíní.”
Yésuwə a tfúkú ŋganú ɛ kaʼ-a-susum
36Ngə Yésuwə a makúní limuti lî, a kǐ á ndáʼ átin. Bawútú bá mɔ bá pílí á mɔ́ bá byábí nána, “Tfúkú sə́ yándá lí ŋganú ɛ kaʼ-a-susum.” 37Yésuwə a pushú bɔ́ nána, “Mɔ awə̌ a wúní mbuta ɛ mbâ a dí Mwǎn a Mɔnyuŋ. 38Ndfukú ɛ dí nkínshíyə. Mbutaʼ ɛ mbâ ɛ́ dí ngə baʼ ábə́ bá dí á wásé ɛ wudya wú Dyǔ. Kaʼ-a-susum a dí ngə baʼ bá Sátan. 39Mɔ a ɛkfwɛyí awə̌ a wúní kaʼ-a-susum á ndfukú ɛ́ nwɔ́ŋ-a-ndfukú ani, mɔ́ a dí Sátan. Á púndá ɛyə̌ bá pání ngvwi ɛni yɔ̂ ɛ dí lishu lí nkínshíyə. Baʼ ábə́ bá páʼ ngvwi bɔ́ bá dí bá áŋgɛl. 40Ngə bá laní kaʼ-a-susum álí wɔki, nâ pə́ ɛ́ bání mulimlim na baʼ bá Sátan á púndá ɛ lishúl lí nkínshíyə. 41Mwǎn a Mɔnyuŋ á lúm áŋgɛl ɛ́ mɔ álí fúl bâʼ ábə́ bá bwə bání bá bwəlá wubî na baʼ bá bî bápə́pə̂ básə́sə̌n. 42Bá shwá bɔ́ á mwǐ ámə́ n sə̌ ɛ́ dím. Áwə́ bá jiní, bá dyá pə́ masuŋ. 43Á púndá ɛni, baʼ ábə́ bá bwə́lí ngə Dyǔ lí saní bá nwaŋaki ngə dúlu á wudya wú Sáŋ m bɔ. Ká njá awə̌ a wɔ́ŋí matwî, a wú.”
Ŋganú ɛ wudi ábə́ bá shwɛ́líní
44Yésuwə a bándí ŋganú ɛpə́pə̌ nána, wudya wú Dyǔ wú dí ngə wudi ábə́ bá kɔ́ŋgɔ́ní a ndfukú átin. Ngə mɔ nfɔ́ a dibíní bɔ́, a kfútí bɔ́. Munyɛŋgɛ ámə́ m bílí mɔ́ á nlə́m, m bwə́lí mɔ́ a kǐ ɛ súm byə̌m bí mɔ bísə́sə̌n ábə́ a ŋ wɔ́ŋí álí kə̌ ɛ́ yǎn ndfukú ɛni.
Ŋganú ɛ lilɛ́ lí mbímbí
45“Bá tíŋgání pə́ ɛ nǔŋ ɛláŋsán ɛ́ wudya wú Dyǔ na mɔ a nyungá awə̌ a bílí ɛ sa malɛ́ má mbímbí ámə́ má kpútí nkfun jǐta álí yan. 46Ngə a míníní lilɛ́ álə́ lí lɔ́lí nyǔ jǐta, álə́ bá súmní, a kǐ ɛ súm byə̌m bí mɔ bísə́sə̌n ábə́ a wɔ́ŋíní ti a yandí lilɛ́ lî.”
Ŋganú ɛ mbúnjá
47Yésuwə a pɔŋí ŋganú ɛpə́pə̌ nána, “Wudya wú Dyǔ wú dí ngə mbúnjá ɛyə̌ baluwa-bá-shwî bá shwání á mádí ti bá kúwí nyai ɛ́ shwî ɛ́sə́sə̌n. 48Ngə mbúnjá ɛ lwínjíní, bá dfúlí yɔ́ á nsaŋ m madí, bá shúmání áshí álí mɔ̌n shwî ɛ́ mbâ ɛ́yə́ ɛ lɔ́lí álí dyá, bá fá á míluŋgá átin. Ɛ́yə́ ɛ́ shyǎ ɛ́ mbâ álí dyá bá púmbí yɔ́. 49Áfánikə̌, ŋganú ɛnín ɛ́ lúfú ngə lishúl lí nkínshíyə lí bání. Dyǔ lí lúm áŋgɛl ɛ́ mɔ álí fúl baʼ bábî átitîn ɛ baʼ ábə́ bá tyə́bí sîm á wusú wú Dyǔ 50Ti bá shwá bɔ́ á mwǐ ámə́ n sə̌ ɛ́ dím. Áwə́ bá jiní, bá dyá pə́ masuŋ.
Lilɛ́fú lí kɔ́nə́ na lítfubə́
51Yésuwə a kɔndɛ́ bawútú bá mɔ nána, Nyí sɔ́ntání misam mín?” Bá pushú mɔ́ nána, “Iŋ.” 52Áfánikə̌, Yésuwə a pɔŋí bɔ́ nána “Mulɛ̂ a mbéndá tɛ́ awə̌ ǎ wúkú tɛ́ŋgɛnɛ wudya wú Dyǔ, a dí ngə nwɔ́ŋ-a-ndáʼ awə̌ ǎ fúl byə̌m bí mɔ bí kɔ́nə́ na bítfubə́ áfə́ á kɔŋgɔ́ní byə̌m.”
Baʼ bá Názárɛtə bá kásiyǎ Yésuwə
53Ngə Yésuwə a málíní álí lɛ́fú na ŋganú, a falú á fǔm bû. 54Ti a kǐ á nkí m mɔ. Áwə́ a bílí ɛ lɛ́fú á ndáʼ ɛ makáni ɛ́ baʼ bá Ísrɛl. Baʼ ábə́ bá bílí mɔ́ ɛ wúkan bá bílí manyáka. Bá bílí ɛ kɔndɛ nána, “Áfə́ a kwisíní ɛbú ɛ́ libyɛ́ lín?”. “Yán ǎ bwəní álí bwə manyáká mán másə́sə̌n? 55Nga mwǎn mú kápínta a díní? Nga Meríyə́ mɔ́ a yɛ́ mɔ̂? Nga bǎn bá nyǎ bá mɔ Jémsə, Josɛ́fə, Símɔnə na Júdasə? 56Nga bǎn-bá-nyǎ bá mɔ bá balân bá dyɛ áfánán á nkǐ na sə̂? Áfə́ a kwisíní ɛbú ɛ́ libyɛ́ ɛ́yínán? Áfə́ a kwisíní ɛbú ɛ́ ngínya ɛ́yín ɛ́yə́ ǎ bwəlání misam mí mányáka?.” 57Áfánikə̌, bá kfwɛ́ Yésuwə. Ti a pɔŋí bɔ́ nána, “Nlakuwa-a-mudî a wɔ́ŋí ɛdúbɛ́ á wǔm másə́sə̌n ɛ́sitúm á nkí m mɔ na á litúmbá lí mɔ.” 58Ngə bá dúbɛniyaní mɔ́ a bwə́liyǎ misam mí mányáká jǐta áfâ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in