Mabwəlan 6
6
Mwembá m pwɛ́sí baʼ shyǎmbɛ álí wúnján
1Á mbís ɛ púndá, ngə nsɔngí m badúbedi m bílíní ɛ pulu, ɛbámí ɛ́ nyítí á wútitîn wú baʼ bá Júda ábə́ bá bílí ɛ́ byá mbyá n Grîkə na ábə́ bá bílí ɛ byá mbyá m bɔ. Baʼ ábə́ bá bílí ɛ byá mbyá n Grîkə, bá bílí ɛ byá nána bakfwís bá bɔ bá bíliyǎ ɛ́ kwisí likaʼ lí ngáʼ lí bɔ álə́ bá bílíní ɛ kabí bakfwís bǔn tɛ́. 2Áfánikə̌, bawútú bálí-lúm dyǔm na bábɛ̂ bá shwínjí badúbedi básə́sə̌n ti bá pɔ́ŋí bɔ́ nána, “Ɛ́ sî lɔlɔ́ nána sí yɔ́si ɛbulú ɛ́ lí pɔ̌ŋ ɛyala ɛ́ Dyǔ sí búti ɛ́ dyɛ́lɛ́ misam álí káʼ ngáʼ. 3Áfánikə̌, bǎn-bá-nyǎ bá myə, a wútitîn wú nyə, nyí pwɛ̂ baʼ shyǎmbɛ ábə́ nyí bíní nána bá lwínjí na Mudî ámə́ ŋ Sáŋí na bá dí wukínju álí bə bɔ́ ɛbulú ɛ́yín á makɛ́ má bɔ. 4Á púndá ɛni, sí bə̂ nyǔ ɛ́ sə ɛ́sə́sə̌n álí káni na álí pɔ̌ŋ ndúm ɛ mbâ.” 5Baʼ básə́sə̌n bâ n wú munyɛŋgɛ á yə̌ ɛ́yə́ bawútú-bálí-lúm bǎ n byání. Áfánikə̌, bá pwɛ́sí Stífɛn. A bílí mɔʼ awə̌ a n dúbɛ́ jǐta na Mudî ámə́ ŋ Sáŋí m bílí mɔ́ ɛ dyɛ́lɛ. Bâ n pwɛ pə́, Fílipə, Prokɔ́rɔsə, Nikánɔ, Tímɔnə, Pamɛ́nasə, na Níkólasə. Níkólasə a bílí mɔʼ awə̌ a n fí á nkí n Ántiyɔkə, a bíliyǎ mɔʼ a Júda ndé a pəlání dúbɛ lí mɔ, a púshú dúbɛ lí baʼ bá Júda. 6Bá panán baʼ á bâ á wúsú wú bawútú bálí-lúm. Bawútú bálí-lúm bá kání á bɔ́ ti bá bándí bɔ́ makɛ́ á nlú. 7Áfánikə̌, ɛyala ɛ́ Dyǔ ɛ́ bílí ɛ kə á wúsú á mabú na mabú. Nsɔngí m bâ ábə́ bá dúbɛ́ á Jerúsálɛmə m bílí ɛ kɔʼ wɔ̂. Baprîsə jǐta bɔ́ pə́ bá bútí ɛ nǎn ndúm ɛ mbâ.
Bá kúbí Stífɛnə
8Sɔnsɔ́nǎn, Stífɛnə a bílí mɔʼ awə̌ lungɛ́ lí mɔ lí bílí ɛ lúfú nsimá n Dyǔ jǐta. A n wɔ́ŋ ngínya álí bwə misam mí manyáká mí nə̂n á wútitîn wú bâ. 9Ndé baʼ bafɔ́ bá bútí álí táŋ na mɔ́. Baʼ bâ bá bílí baʼ ábə́ bá fí á ndíngí m bâ ábə́ bá bílí ɛ kə ɛtî tɛ́ á ndáʼ ɛ makáni ɛyə̌ bá bə́ŋákíní ndáʼ ɛ makáni ɛ batáŋ á baʼ ábə́ bá shiyǎ pə́ batáŋ. Baʼ á bâ bá bílí baʼ bá Júda ábə́ bá fí á mikí mí Sirínə na Alɛsánda. Sɔnsɔ́nǎn baʼ bá Júda pápə́pə̌ ábə́ bá fí á pɛsi ɛ́ Silísiya, na Ésiya bá bútí ɛ táŋ na Stífɛn. 10Ndé Mudî ámə́ n Sáŋí m bə mɔ́ nyay ɛ libyɛ́ álə́ wə̌ti a m byá yǔm, mɔ ká nfɔ́ a púlyakiyǎ ɛ́ pə́lan. 11Bá pə́lání baʼ milə́m álí byá nána, “Sí mə́ ɛ wú ngə Stífɛnə ǎ lwíní Mósisə na ǎ lwí pə́ Dyǔ.” 12Nâ bâ n bwəní ka bá fə̂nj baʼ bá nkí, baʼ bá nə̂n bá nkí, na balɛ̂ bá mbéndá milə́m á líbum. Bá kúwí Stífɛnə, bá kánán mɔ́ á wúsú wú ɛ́yə́ŋgə́. 13Ti bá pánání mbúŋ ɛ matúm álí byá tɛ́ŋgɛnɛ Stífɛnə. Baʼ bâ bâ m byá nána, “Mɔʼ anín ǎ byá misam mí bî ɛtîtɛ́ tɛŋgɛnɛ tɛmpɛl ɛyə̌ ɛ́ sáŋí na tɛ́ŋgɛnɛ mabéndá ámə́ Dyǔ lí bə́kíní sə́. 14Sí wúkí mɔ́ á byábá nána Yésuwə ani, mɔ a Názárɛtə, á páŋ Tɛ́mpɛl na á pəlán bilɛm bísə́sə̌n ábə́ Mósisə a mwɛsání sə́.” 15Baʼ básə́sə̌n ábə́ bá bílí á ɛ́yə́ŋgə́ bá bílí ɛ mindí Stífɛnə pəpələ. Bǎ m mín ngə wusú wú mɔ wú bílíní ɛ nwaŋ ngə wusú wú áŋgɛl.
Currently Selected:
Mabwəlan 6: bwt
Highlight
Copy
Compare
Share
Want to have your highlights saved across all your devices? Sign up or sign in
