Mabwəlan 5
5
Ananíyasə na Safíra
1Mɔʼ a bílí awə̌ bá bə́ŋákíní Ananíyasə na mwalân m mɔ Safíra. Bɔ́ pə́ bá súmbí dungu lí lítfuʼ lí bɔ. 2Ndé a shwɛlí likaʼ lí ngáʼ ti a bəkí líní á bawútú-bálí-lúm. Mwalân m mɔ a m bî kfûn ɛnín. 3Píta a kɔndɛ́ mɔ́ nána, “Ananíyasə, yə̌ ɛ́ bwə́lí ka ɛ mákú Sátan a kwílí wə̂ á nlə́m? Tátí a bwəlí wə ɛ pɔŋí matúm a Mudî ámə́ ŋ Sáŋí, ngə ɛ kɔngɔ́ní likaʼ lí ngáʼ álə́ ɛ súmbíní litfuʼ lí wə. 4Byáná ɛ̌ súm libú lí ndɔʼ lî lí bílí lí wə. Ɛ mə́ní lɔ́ ɛ súm ngáʼ ɛni ɛ bílí ɛ́ wə. Yə̌ ɛ́ bwə́lí ka ɛ fá á nlə́m nána ɛ́ bwə ɛ́bú ɛ́ nsam ngə mún? Ɛ pɔ́ŋiyǎ mátúm á mɔnyuŋ ndé á Dyǔ!” 5Ngə Ananíyasə a wúkíní nâ, a kfúndí áshí ti a wúlí. Baʼ básə́sə̌n ábə́ bá wúkí yə̌ ɛ́yə́ ɛ́ bwə́lání, bá wúkí bɔŋ jǐta. 6Kɔ́líbâʼ bâ m pa á wə́, bá núŋí ngvúʼ m mɔ, bá pílání mɔ́, bá kə̂ bá wúshi.
7Háwa ɛ́lán ɛ́ túmbíní, mwalân mú Ananíyasə a pilí. A n sî m bí yə̌ ɛ́yə́ ɛ̂ m mə̌ ɛ́ bwəlan. 8Píta a kɔndɛ́ mɔ́ nána, “Pɔŋ mî, ngáʼ ɛsə́sə̌n ɛyə̌ nyî njúm n wə nyí kwísíní á ndɔʼ ɛyə̌ nyí súmbíní yɔ́ ɛnín?” Safíra a pushú mɔ́ nána, “Îŋ ɛ́sə́sə̌n yɔ́ ɛnín.” 9Ti Píta a pɔŋí mɔ́ nána, “Yə̌ ɛ́ bwə́lí ka nyí njúm m wə nyí kíksɛ́ Mudî n Sáŋgúwə́? Kɔ́líbâʼ ábə́ bá kǐ álí wushí njúm m wə bá dí á ɛkuʼ, na bá kanan pə́ ngvúʼ m wə á wə́ sɔnsɔ́nǎn.” 10Mulimlim n púndá, mwalân ani a kfúndí áshí á wúsú wú Píta, ti a wúlí. Kɔ́libâʼ a bâ bá kwílí á ndáʼ átin, bá tánní mɔ́ ɛ́yə́ a mə́ní ɛ wá. Áfánikə̌, bá nyítí na ngvúʼ m mɔ á ɛ́bú ti bá wúshí mɔ́ bɛbɛ na njúm m mɔ. 11Lilaʼ lí baʼ bá Dyǔ básə́sə̌n na baʼ bápə́pə̂ ábə́ bá wúkí nsam mû bá wúkí bɔŋ jǐta.
Bawútú bálí-lúm bá bwə́lí misam mí manyáká jǐta
12Bawútú bálí-lúm bá bwə́lí biyəmblan na misam mí manyáká jǐta átitîn wú bâ. Badúbedi básə́sə̌n bá bílí ɛ tánan ɛtîtɛ́ ngə mɔʼ nfɔ́ á Libɛbɛ́ lí Sólómonə á tɛ́mpɛl. 13Ká ngə baʼ bâ n byání misam mí mbâ tɛ́ŋgɛnɛ bɔ́, bá bílí wə̂ ɛ́ báŋ álí latán bɔ́. 14Ndé baʼ jǐta bumân na balân ábə́ bâ n dúbɛ́ Sáŋgúwə́ Yésuwə, bá bílí ɛ latan bɔ́, na nsɔŋgí m bâ ábə́ bá dúbɛ́ m bílí ɛ́ pulu á mǐn. 15Misam ámə́ bawútú bálí-lúm bá bílíní ɛ bwə, mî m bwə baʼ bá pə́mbá baʼ bá nyambɛ̂ bá díká bɔ́ á nsaŋ m mbuka á mati na á ngushú. Bá bílí ɛ bwə nâni na likani nána ngə Píta á túmní ká ɛdidim ɛ́ mɔ ɛ́ tíŋgání bɔ́ ɛ kfún á nyǔ ti bá pwí. 16Limuti lî n fí pə́ ká á míkí bɛbɛ na Jerúsálɛmə. Bá pánání baʼ bá nyambɛ̂ bá bɔ básə́sə̌n na baʼ ábə́ mudî m mbî m bílíní bɔ́ ɛ taki. Bawútú-bálí-lúm bá pwísí bɔ́ básə́sə̌n.
Bá fílí bawútú bálí-lúm á bibuwa
17Á púndá ɛni, prísə a n nə̂n a nə̂n na baʼ bá mɔ bá ɛpipá ɛ́ Sádusî, bá wúkí bawútú bálí-lúm ngɔngí jǐta ti bá púshú álí bwə bɔ́ nsam. 18Bá kúbí bawútú bálí-lúm ti bá kɔ́lí bɔ́ á bibuwa ábə́ bí dí á nkí átin. 19Ndé wudû bû, áŋgɛl ɛ́ Sáŋgúwə́ ɛ́ dfǔl bikuʼ bí bibuwa, ti a fúlí bɔ́. Ti áŋgɛl ɛ pɔŋí bɔ́ nána, 20“Nyí kə̂ á tɛ́mpɛl, nyí pɔ̂ŋ baʼ básə́sə̌n ndúm ɛsə́sə̌n ɛ́yə́ ɛ́ dí tɛ́ŋgɛnɛ lungɛ́ lí kɔ́nə́ lín.” 21Bawútú bálí-lúm bá wúkání áŋgɛl ɛni. Ngə bǔn bú yílíní, bá kwílí á tɛ́mpɛl, bá bútí álí lɛ́fú bâ.
Á púndá ɛni Prísə a n nə̂n a n nə̂n na baʼ bá ɛ́pipá ɛ́ mɔ, bâ n bə̌ŋ mbum n nkí m mə́ m pánání bajaniya básə́sə̌n bá Júda fǔm bufɔ́. Á mbum mû mɔ́ bá lúmíní ndúm á bibuwa nána bá panan bawútú-bálí-lúm á bâ. 22Ndé ngə sója ɛ pílíní á bibuwa, bá tániyǎ bawútú bálí-lúm á wə́ átin. Áfánikə̌, bá tímbí, bá pɔ́ŋ bâ bá mbum nána, 23“Ngə sí pílíní á bibuwa, sí tání ngə bá kɔ́líní wǔm másə́sə̌n. Baʼ ábə́ bá tátí bibuwa bɔ́ básə́sə̌n bá bílí á fǔm ábə́ mɔtɛ́ ǎ tátíní ɛkuʼ ɛ́ wúkâʼ. Ndé ngə sí dfúní ɛkuʼ, sí tániyǎ mɔ̂ʼ átin.” 24Ngə nlú n pólisə ɛ tɛ́mpɛl na prísə a n nə̂n a n nə̂n bá wúkíní nâni, bâ n nyáʼ, ti bá kɔ́ndɛ́ nána, “Yán ɛ́yínán ɛ́ díní?” 25Ti mɔʼ nfɔ́ a pilí, ti a pɔ́ŋ bɔ́ nána, “Tátíyání! Bá ábə́ nyí kɔ́líní á bibuwa bá dí á tɛ́mpɛl bá lɛ́fú bâ.” 26Ti mɔʼ nə̂n a pólísə a nyítí na baʼ bá mɔ, ti bá kí ɛ kúʼ bawútú-bálí-lúm, ti bá pánání bɔ́. Bá sî n bwəlan mataʼ álí kú bɔ́ á ɛ́tútú nána bá bílí ɛ báŋ nána baʼ ábə́ bá bílí á wə́ bá dfúm bɔ́ malɛ́. 27Bá kwílí na bawútú bálí-lúm á ndáʼ átin, bá bwə́lí bɔ́ bá tyə́ á wusú wú ɛ́yə́ŋgə́. Ti prísə a n nə̂n a n nə̂n a butí bɔ́ ɛ káyisi á pɔŋá bɔ́ nána, 28“Sí bə́kí nyə́ ndaki nána nyí si kanán pə́ lilɛ́fu lí mɔʼ anín á wúsú. Sɔnsɔ́nǎn nyí míndi yə̌ ɛ́yə́ nyí mə́ní ɛ bwə. Nyí mə́ ɛ bwə baʼ básə́sə̌n á Jerúsálɛmə bá mə́ ɛ wú ndúm ɛnín. Na nyí sa álí bwə ngəwukína sə́ sí búlú mɔ́.” 29Píta na bawútú bálí-lúm bání bá púshú mɔ́ nána, “Sí lɔ́lí ɛ wúkán Dyǔ suká mɔnyuŋ. 30Nyí mə́ní ɛ búmí Yésuwə á mbásá ti nyí búlú mɔ́, Dyǔ lí basáŋ bá sə lí púmú mɔ́ á líwá. 31Dyǔ lí púsí ti lí díkí mɔ́ á pɛsi ɛ ɛkɛ́ ɛ́ mbâ ngə Ndyɛlɛdi na Musungedi. Lí bwə́lí nâni álí lúfú baʼ bá Ísrɛl nji álí makú wubî wú bɔ ti Dyǔ lí laksɛ́ bɔ́. 32Sí dí mbúŋ á misam mín. Mudî ámə́ ŋ Sáŋí pə́ n dí sə́ mbúŋ. Mɔ́ n dí jabeya álə́ Dyǔ lí bəní baʼ ábə́ bá wúkán mɔ́.”
Maléyá má Gamáliel
33Ngə baʼ bá ɛ́yə́ŋgə́ bá wúkíní mbyá mún, bá kfwí á nyə ɛyə̌ bá pɛ́pɛ́ní ɛ búlú bawútú bálí-lúm bâ. 34Ndé mɔʼ nfɔ́ á ɛ́yə́ŋgə́ á wútitǐn wú bɔ, awə̌ bá bílíní ɛ bəŋ Gamáliel a n tyə́ á mǐn. Mɔʼ anín a bílí Fárisî na mulɛ̂ a mbéndá awə̌ baʼ básə́sə̌n bá bílíní ɛ bə̂ ɛ́dúbɛ́. A m byá nána bá nyítan bawútú bálí-lúm bâ á ɛ́bú. 35Ti a pɔŋí ɛyə́ŋgə́ nána, “Baʼ bá Ísrɛl, nyí nǔŋ púndá na yə̌ ɛ́yə́ nyí saní ɛ bwə na bumân bán. 36Ɛ́ nan dyɛ́ wə́ ɛ́yə́ mɔʼ awə̌ bá bə́ŋákíní Theudas awə̌ a m bíyan, na a bílí ɛ kfum ɛ́kɛ́ á ngingi na mú n dí mɔʼ. Baʼ ábə́ bá pɔ́ŋákí mɔ́ á mbí bá bílí ká bikúlí bínîn. Ndé á lishú lí púndá bá búlú mɔ́, baʼ bá mɔ bá páŋtílí, ti ɛpipá ɛ́ mɔ ɛ́ gbɛ́. 37Á mbís ɛ púndá, Júdasə mɔʼ a Gálilî mɔ́ pə́ a m pâ á púndá ɛ ɛláŋgú. A bwəlí bâ jǐta pə́ bá pɔ́ŋí mɔ́ á mbís ndé álí shú lí púndá bâ m búlú mɔ́, ti baʼ bá mɔ bá páŋtílí. 38Áfánikə̌, á mukáʼ mún nân bə nyə́ maléyá nána nyí máku baʼ á bán. Nyí máku bɔ́ bá kə̂. Njí mwanu m bɔ na ɛbulú ɛ́ bɔ ɛ́ fí á bǎnyûŋ, ɛ́ sî tombwáníyá. 39Ndé njí ɛ́ fí á Dyǔ, nyí tíŋgániyǎ bɔ́ ɛ bwə ká yúm. Ndé á shúkán, nyí yəm nána nyí tɛ́ŋgɛ́n wɔ̂ Dyǔ.”
Ɛyə́ŋgə́ ɛ nání maléyá má Gamáliel. 40Bá bə́ŋí bawútú bálí-lúm átin, bá shwɛ́njí bɔ́ bwǎm, ti bá pɔ́ŋí bɔ́ ndaki nána bá si byá pə́ á dǐn lí Yésuwə ti bá mákú bɔ́. 41Ngə bawútú-bálí-lúm bá nyítíní á ɛ́yə́ŋgə́, bá wúkí munyɛŋgɛ, á ɛ́tútú nána Dyǔ lí míní bɔ́ ngə bá ábə́ bá kúkí álí kwísí wúsɔ́n á dǐn lí Yésuwə. 42Bǔntɛ́, bá bílí ɛ kə á tɛ́mpɛl na á mandáʼ má bâʼ, bá bá wɔ̌ ɛ́ lɛ́fu na álí byá ndúm ɛ mbâ tɛ́ŋgɛnɛ Yésuwə, Ani awə̌ bá Wɔ́kílíní.
Currently Selected:
Mabwəlan 5: bwt
Highlight
Copy
Compare
Share
Want to have your highlights saved across all your devices? Sign up or sign in
Mabwəlan 5
5
Ananíyasə na Safíra
1Mɔʼ a bílí awə̌ bá bə́ŋákíní Ananíyasə na mwalân m mɔ Safíra. Bɔ́ pə́ bá súmbí dungu lí lítfuʼ lí bɔ. 2Ndé a shwɛlí likaʼ lí ngáʼ ti a bəkí líní á bawútú-bálí-lúm. Mwalân m mɔ a m bî kfûn ɛnín. 3Píta a kɔndɛ́ mɔ́ nána, “Ananíyasə, yə̌ ɛ́ bwə́lí ka ɛ mákú Sátan a kwílí wə̂ á nlə́m? Tátí a bwəlí wə ɛ pɔŋí matúm a Mudî ámə́ ŋ Sáŋí, ngə ɛ kɔngɔ́ní likaʼ lí ngáʼ álə́ ɛ súmbíní litfuʼ lí wə. 4Byáná ɛ̌ súm libú lí ndɔʼ lî lí bílí lí wə. Ɛ mə́ní lɔ́ ɛ súm ngáʼ ɛni ɛ bílí ɛ́ wə. Yə̌ ɛ́ bwə́lí ka ɛ fá á nlə́m nána ɛ́ bwə ɛ́bú ɛ́ nsam ngə mún? Ɛ pɔ́ŋiyǎ mátúm á mɔnyuŋ ndé á Dyǔ!” 5Ngə Ananíyasə a wúkíní nâ, a kfúndí áshí ti a wúlí. Baʼ básə́sə̌n ábə́ bá wúkí yə̌ ɛ́yə́ ɛ́ bwə́lání, bá wúkí bɔŋ jǐta. 6Kɔ́líbâʼ bâ m pa á wə́, bá núŋí ngvúʼ m mɔ, bá pílání mɔ́, bá kə̂ bá wúshi.
7Háwa ɛ́lán ɛ́ túmbíní, mwalân mú Ananíyasə a pilí. A n sî m bí yə̌ ɛ́yə́ ɛ̂ m mə̌ ɛ́ bwəlan. 8Píta a kɔndɛ́ mɔ́ nána, “Pɔŋ mî, ngáʼ ɛsə́sə̌n ɛyə̌ nyî njúm n wə nyí kwísíní á ndɔʼ ɛyə̌ nyí súmbíní yɔ́ ɛnín?” Safíra a pushú mɔ́ nána, “Îŋ ɛ́sə́sə̌n yɔ́ ɛnín.” 9Ti Píta a pɔŋí mɔ́ nána, “Yə̌ ɛ́ bwə́lí ka nyí njúm m wə nyí kíksɛ́ Mudî n Sáŋgúwə́? Kɔ́líbâʼ ábə́ bá kǐ álí wushí njúm m wə bá dí á ɛkuʼ, na bá kanan pə́ ngvúʼ m wə á wə́ sɔnsɔ́nǎn.” 10Mulimlim n púndá, mwalân ani a kfúndí áshí á wúsú wú Píta, ti a wúlí. Kɔ́libâʼ a bâ bá kwílí á ndáʼ átin, bá tánní mɔ́ ɛ́yə́ a mə́ní ɛ wá. Áfánikə̌, bá nyítí na ngvúʼ m mɔ á ɛ́bú ti bá wúshí mɔ́ bɛbɛ na njúm m mɔ. 11Lilaʼ lí baʼ bá Dyǔ básə́sə̌n na baʼ bápə́pə̂ ábə́ bá wúkí nsam mû bá wúkí bɔŋ jǐta.
Bawútú bálí-lúm bá bwə́lí misam mí manyáká jǐta
12Bawútú bálí-lúm bá bwə́lí biyəmblan na misam mí manyáká jǐta átitîn wú bâ. Badúbedi básə́sə̌n bá bílí ɛ tánan ɛtîtɛ́ ngə mɔʼ nfɔ́ á Libɛbɛ́ lí Sólómonə á tɛ́mpɛl. 13Ká ngə baʼ bâ n byání misam mí mbâ tɛ́ŋgɛnɛ bɔ́, bá bílí wə̂ ɛ́ báŋ álí latán bɔ́. 14Ndé baʼ jǐta bumân na balân ábə́ bâ n dúbɛ́ Sáŋgúwə́ Yésuwə, bá bílí ɛ latan bɔ́, na nsɔŋgí m bâ ábə́ bá dúbɛ́ m bílí ɛ́ pulu á mǐn. 15Misam ámə́ bawútú bálí-lúm bá bílíní ɛ bwə, mî m bwə baʼ bá pə́mbá baʼ bá nyambɛ̂ bá díká bɔ́ á nsaŋ m mbuka á mati na á ngushú. Bá bílí ɛ bwə nâni na likani nána ngə Píta á túmní ká ɛdidim ɛ́ mɔ ɛ́ tíŋgání bɔ́ ɛ kfún á nyǔ ti bá pwí. 16Limuti lî n fí pə́ ká á míkí bɛbɛ na Jerúsálɛmə. Bá pánání baʼ bá nyambɛ̂ bá bɔ básə́sə̌n na baʼ ábə́ mudî m mbî m bílíní bɔ́ ɛ taki. Bawútú-bálí-lúm bá pwísí bɔ́ básə́sə̌n.
Bá fílí bawútú bálí-lúm á bibuwa
17Á púndá ɛni, prísə a n nə̂n a nə̂n na baʼ bá mɔ bá ɛpipá ɛ́ Sádusî, bá wúkí bawútú bálí-lúm ngɔngí jǐta ti bá púshú álí bwə bɔ́ nsam. 18Bá kúbí bawútú bálí-lúm ti bá kɔ́lí bɔ́ á bibuwa ábə́ bí dí á nkí átin. 19Ndé wudû bû, áŋgɛl ɛ́ Sáŋgúwə́ ɛ́ dfǔl bikuʼ bí bibuwa, ti a fúlí bɔ́. Ti áŋgɛl ɛ pɔŋí bɔ́ nána, 20“Nyí kə̂ á tɛ́mpɛl, nyí pɔ̂ŋ baʼ básə́sə̌n ndúm ɛsə́sə̌n ɛ́yə́ ɛ́ dí tɛ́ŋgɛnɛ lungɛ́ lí kɔ́nə́ lín.” 21Bawútú bálí-lúm bá wúkání áŋgɛl ɛni. Ngə bǔn bú yílíní, bá kwílí á tɛ́mpɛl, bá bútí álí lɛ́fú bâ.
Á púndá ɛni Prísə a n nə̂n a n nə̂n na baʼ bá ɛ́pipá ɛ́ mɔ, bâ n bə̌ŋ mbum n nkí m mə́ m pánání bajaniya básə́sə̌n bá Júda fǔm bufɔ́. Á mbum mû mɔ́ bá lúmíní ndúm á bibuwa nána bá panan bawútú-bálí-lúm á bâ. 22Ndé ngə sója ɛ pílíní á bibuwa, bá tániyǎ bawútú bálí-lúm á wə́ átin. Áfánikə̌, bá tímbí, bá pɔ́ŋ bâ bá mbum nána, 23“Ngə sí pílíní á bibuwa, sí tání ngə bá kɔ́líní wǔm másə́sə̌n. Baʼ ábə́ bá tátí bibuwa bɔ́ básə́sə̌n bá bílí á fǔm ábə́ mɔtɛ́ ǎ tátíní ɛkuʼ ɛ́ wúkâʼ. Ndé ngə sí dfúní ɛkuʼ, sí tániyǎ mɔ̂ʼ átin.” 24Ngə nlú n pólisə ɛ tɛ́mpɛl na prísə a n nə̂n a n nə̂n bá wúkíní nâni, bâ n nyáʼ, ti bá kɔ́ndɛ́ nána, “Yán ɛ́yínán ɛ́ díní?” 25Ti mɔʼ nfɔ́ a pilí, ti a pɔ́ŋ bɔ́ nána, “Tátíyání! Bá ábə́ nyí kɔ́líní á bibuwa bá dí á tɛ́mpɛl bá lɛ́fú bâ.” 26Ti mɔʼ nə̂n a pólísə a nyítí na baʼ bá mɔ, ti bá kí ɛ kúʼ bawútú-bálí-lúm, ti bá pánání bɔ́. Bá sî n bwəlan mataʼ álí kú bɔ́ á ɛ́tútú nána bá bílí ɛ báŋ nána baʼ ábə́ bá bílí á wə́ bá dfúm bɔ́ malɛ́. 27Bá kwílí na bawútú bálí-lúm á ndáʼ átin, bá bwə́lí bɔ́ bá tyə́ á wusú wú ɛ́yə́ŋgə́. Ti prísə a n nə̂n a n nə̂n a butí bɔ́ ɛ káyisi á pɔŋá bɔ́ nána, 28“Sí bə́kí nyə́ ndaki nána nyí si kanán pə́ lilɛ́fu lí mɔʼ anín á wúsú. Sɔnsɔ́nǎn nyí míndi yə̌ ɛ́yə́ nyí mə́ní ɛ bwə. Nyí mə́ ɛ bwə baʼ básə́sə̌n á Jerúsálɛmə bá mə́ ɛ wú ndúm ɛnín. Na nyí sa álí bwə ngəwukína sə́ sí búlú mɔ́.” 29Píta na bawútú bálí-lúm bání bá púshú mɔ́ nána, “Sí lɔ́lí ɛ wúkán Dyǔ suká mɔnyuŋ. 30Nyí mə́ní ɛ búmí Yésuwə á mbásá ti nyí búlú mɔ́, Dyǔ lí basáŋ bá sə lí púmú mɔ́ á líwá. 31Dyǔ lí púsí ti lí díkí mɔ́ á pɛsi ɛ ɛkɛ́ ɛ́ mbâ ngə Ndyɛlɛdi na Musungedi. Lí bwə́lí nâni álí lúfú baʼ bá Ísrɛl nji álí makú wubî wú bɔ ti Dyǔ lí laksɛ́ bɔ́. 32Sí dí mbúŋ á misam mín. Mudî ámə́ ŋ Sáŋí pə́ n dí sə́ mbúŋ. Mɔ́ n dí jabeya álə́ Dyǔ lí bəní baʼ ábə́ bá wúkán mɔ́.”
Maléyá má Gamáliel
33Ngə baʼ bá ɛ́yə́ŋgə́ bá wúkíní mbyá mún, bá kfwí á nyə ɛyə̌ bá pɛ́pɛ́ní ɛ búlú bawútú bálí-lúm bâ. 34Ndé mɔʼ nfɔ́ á ɛ́yə́ŋgə́ á wútitǐn wú bɔ, awə̌ bá bílíní ɛ bəŋ Gamáliel a n tyə́ á mǐn. Mɔʼ anín a bílí Fárisî na mulɛ̂ a mbéndá awə̌ baʼ básə́sə̌n bá bílíní ɛ bə̂ ɛ́dúbɛ́. A m byá nána bá nyítan bawútú bálí-lúm bâ á ɛ́bú. 35Ti a pɔŋí ɛyə́ŋgə́ nána, “Baʼ bá Ísrɛl, nyí nǔŋ púndá na yə̌ ɛ́yə́ nyí saní ɛ bwə na bumân bán. 36Ɛ́ nan dyɛ́ wə́ ɛ́yə́ mɔʼ awə̌ bá bə́ŋákíní Theudas awə̌ a m bíyan, na a bílí ɛ kfum ɛ́kɛ́ á ngingi na mú n dí mɔʼ. Baʼ ábə́ bá pɔ́ŋákí mɔ́ á mbí bá bílí ká bikúlí bínîn. Ndé á lishú lí púndá bá búlú mɔ́, baʼ bá mɔ bá páŋtílí, ti ɛpipá ɛ́ mɔ ɛ́ gbɛ́. 37Á mbís ɛ púndá, Júdasə mɔʼ a Gálilî mɔ́ pə́ a m pâ á púndá ɛ ɛláŋgú. A bwəlí bâ jǐta pə́ bá pɔ́ŋí mɔ́ á mbís ndé álí shú lí púndá bâ m búlú mɔ́, ti baʼ bá mɔ bá páŋtílí. 38Áfánikə̌, á mukáʼ mún nân bə nyə́ maléyá nána nyí máku baʼ á bán. Nyí máku bɔ́ bá kə̂. Njí mwanu m bɔ na ɛbulú ɛ́ bɔ ɛ́ fí á bǎnyûŋ, ɛ́ sî tombwáníyá. 39Ndé njí ɛ́ fí á Dyǔ, nyí tíŋgániyǎ bɔ́ ɛ bwə ká yúm. Ndé á shúkán, nyí yəm nána nyí tɛ́ŋgɛ́n wɔ̂ Dyǔ.”
Ɛyə́ŋgə́ ɛ nání maléyá má Gamáliel. 40Bá bə́ŋí bawútú bálí-lúm átin, bá shwɛ́njí bɔ́ bwǎm, ti bá pɔ́ŋí bɔ́ ndaki nána bá si byá pə́ á dǐn lí Yésuwə ti bá mákú bɔ́. 41Ngə bawútú-bálí-lúm bá nyítíní á ɛ́yə́ŋgə́, bá wúkí munyɛŋgɛ, á ɛ́tútú nána Dyǔ lí míní bɔ́ ngə bá ábə́ bá kúkí álí kwísí wúsɔ́n á dǐn lí Yésuwə. 42Bǔntɛ́, bá bílí ɛ kə á tɛ́mpɛl na á mandáʼ má bâʼ, bá bá wɔ̌ ɛ́ lɛ́fu na álí byá ndúm ɛ mbâ tɛ́ŋgɛnɛ Yésuwə, Ani awə̌ bá Wɔ́kílíní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in