Mabwəlan 3
3
Píta a pwisí mɔʼ a mayɔ́mbɔ́ awə̌ a bílí libyə́ŋ
1Bǔn bufɔ́, Píta na Jɔnə́ bá kí á Tɛ́mpɛl á púndá ɛ makáni. Púndá ɛ bílí ngə̂ŋ ɛ́lán ɛ lísín. 2Mɔʼ a bílí á nsu-ndáʼ mú ɛ́búka ɛ́ tɛ́mpɛl. Bá bílí ɛ bəŋ nsu-ndáʼ mú nána ɛlɔ́kɔ́ ɛ́ nsu-ndáʼ. Mɔʼ anínán a yátání libyə́ŋ. Bá bílí mɔ́ ɛ pə́m bǔn tɛ́ bá fá mɔ́ á nsu-ndáʼ ɛ́ wúkâʼ bû, álí bwə nána á yɔ́mbákí ngáʼ á baʼ ábə́ bá kə á Tɛ́mpɛl. 3Ngə a míníní Píta na Jɔnə́ ɛ́yə́ bá pɛ́pɛ́ní ɛ kwili átin, a n yɔ́m bɔ́ jabeya. 4Píta na Jɔnə́ bá tátí mɔ́ á mǐs átin. Ti Píta a byábí á mɔ́ nána, “Tátí sə́!” 5Áfánikə̌, a tátí bɔ́ na jɔŋgɛlɛ nána á kwisí yǔm á bɔ́. 6Ndé Píta a byábí á mɔ́ nána, “N wɔ́ŋiyǎ ngáʼ ká pɔ́, ndé yə̌ ɛ́yə́ n wɔ́ŋíní m bə wə. Á dǐn lí Yésu Krísto a Názarɛtə, tyə́ á mǐn, kə̂!” 7Ti Píti a wálí ɛkɛ́ ɛ́ mbâ ɛ́ mɔʼ ani, a wúnján mɔ́ álí tyə́. Á fâ áshí áshí mbɛ́nji ɛ makwi na mashwɛ má makwi má mɔʼ ani má kwísí ngínya. 8Mɔʼ ani a pyə́mí, a tyə́bí ámǐn, ti a bútí ɛ yə́ŋ. A kwilí á Tɛ́mpɛl na Píta na Jɔnə́. A bílí ɛ yə́ŋ á pyə́má na ǎ kɛsíyá Dyǔ. 9Baʼ básə́sə̌n ábə́ bá bílí á wə́ bá míní mɔ́ ngə a bílíní ɛ yə́ŋ, ǎ kɛsiyǎ Dyǔ. 10Bá yə́mbí nána mɔ́ á bílí mɔʼ ani awə̌ a bílí ɛ shuman á nsu-ndáʼ mú ɛ́lɔ́kɔ́ ɛ́ nsú-ndáʼ ɛ́ Tɛ́mpɛl á yɔ́mbá ngáʼ. Baʼ bílí manyáká bá pámblan á yə̌ ɛ́yə́ ɛ bwə́lání mɔ ani.
Ndúm ɛyə̌ Píta a pɔŋíní á Tɛ́mpɛl
11Ngə mɔʼ ani a n tfúlání Píta na Jɔnə́ á nyǔ, baʼ básə́sə̌n bá bílí manyáká ti bá kǐ mifílí álí paʼ bɔ́ ɛ tán á fǔm ábə́ bá bəŋní libɛpɛ́ lí Solómɔnə. 12Ngə Píta a míníní baʼ bán, a byábí á bɔ́ nána, “Baʼ bá Ísrɛl, yán nsam múnán n nyákíní nyə́? Yə̌ nyí kwfaní sə́ ngəwukína á ngínya ɛ́ sə tɔ lityə́ lí sîm lí sə á wusú wú Dyǔ lɔ́ lí bwə́lí ka mɔ anín a bútí ɛ kə. 13Dyǔ lí Ábrahâmə, Áyízikə na Jekɔ̂bə, Dyǔ lí basáŋ bá sə bá nyákə́, lɔ́ lí bə́kí mbwalâ a ndutu lí mɔ Yésu Krísto ɛdúbɛ́. Nyí bə́kí mɔ́ á mákɛ́ má baʼ bá janiya na bá búlu mɔ́, na nyí yáŋí mɔ́ á wusú wú Páyíletə ká ngə Páyíletə a məní ɛ mɛsi nána mú makú mɔ́. 14A bílí mɔʼ awə̌ a sáŋí na awə̌ a tyə́bí sîm á wusú wú Dyǔ, ndé nyî n yaŋní mɔ́. Ndé nyî n kɔndɛ Páyíletə nána a máku nyə́ mɔʼ awə̌ ǎ búlú bâʼ. 15Nyí bwə́lí bá búlú mɔʼ awə̌ ǎ bə̌ bâʼ bá wɔ́ŋ luŋgɛ́ lí mbálɛ, ndé Dyǔ lí púmú mɔ́ á liwá. Sə́mə̌n pə́ sí dí mbúŋ á nsam mún. 16Ngínya ɛ dǐn lí Yésu Krísto yɔ́ ɛ pwisí mɔʼ a libyə́ŋ anín. Mɔʼ anín awə̌ nyí mín ní na awə̌ nyí bíní a mə́ ɛ pwǐ tombwanɛ dúbɛ́ á dǐn lí Yésuwə. Dúbɛ álə́ lí paʼ tombwanɛ Yésuwə, lí mə́ mɔ́ ɛ pwisí bwǎm bwǎm ngə nyə́ mɔʼ ansə́sə̌n nyí mín ní. 17Bǎn bá nyǎ bá myə, m bí nána yə̌ ɛ́yə́ nyə́ na bajaniya nyî n bwəní á Yésuwə ɛ́ bílí á ɛ́tútú nána nyí sî m bî. 18Ndé ká ngə nyî n bwəní nâ, Dyǔ lɔ́mə̌n lɔ́ lî n bwə nána yə̌ ɛ́yə́ lî n məní ɛ tyə́sí tombwanɛ balaku bá mudî bá mɔ básə́sə̌n ɛ́ bwəlan. Lî n mə̌ ɛ́ byá tombwanɛ bɔ́ nána, Ani awə̌ lî n Wɔ́kílíní á taʼ. 19Nyí máku wubî wú nyə na nyí tîm á Dyǔ, álí bwə nána lí laksɛ́ wubî wú nyə. Ɛ́yínán ɛ́ bwə Sáŋgúwə́ á bə̂ púndá ɛ likɔmbɛ. 20Ti lí lúm Yésuwə awə̌ lí mə́ní ɛ lwɛnji awə̌ lí mə́ní ɛ kɔ́sɛ́ ɛ pwəʼ a nyə́. 21Yésuwə a lɔlí ɛ dikɛ á nkínmínyə́ kə́ŋ ta á púndá ɛyə̌ Dyǔ lí bwə misam mísə́sə̌n mí tim ɛ́ bá mí kɔ́nə́. Nâ Dyǔ lî m məní ɛ fá likaʼ ɛtfûm tombwanɛ balakuwa-bá-mudî bá mɔ ábə́ bá sáŋí nána lí bwə. 22Mósisə a byábí nána, ‘Sáŋgúwə́ Dyǔ lí nyə lí lúm nyə́ nlakuwa a mudî mulimlim ngə lí lúmíní mi, á nyí á wútitǐn wú nyə. Nyí lɔ́lí ɛ wúkán yǔm ɛ́sə́sə̌n ɛ́yə́ ǎ pɔŋní nyə́. 23Ká njá awə̌ a wúkaniyǎ nlakuwa a mudî ani, Dyǔ lí fúl mɔ́ á wutítîn wú baʼ bá mɔ. 24Á mbálɛ, balaku bá mudî básə́sə̌n libuti á Sámuwɛlə kə́ŋ ta á bání ábə́ bá pílí á mbís ɛ́ mɔ, bâ m mə̌ ɛ́ byá ɛtfûm tɛ́ŋgɛnɛ misam ámə́ mí bwəlan á mádû mán.’ 25Yə̌ ɛ́yə́ Dyǔ lî m byání tombwanɛ balakuwa-bá-mudî ɛ́ bílí tɛ́ŋgɛnɛ nyə́. Nyə́ pə́ nyí wɔ́ŋí nguʼ ɛyə̌ Dyǔ lí bwə́líní na basáŋ bá nyə bá nyákə́. Dyǔ lî n byá á Ábrahâmə nána, ‘N namsɛ́ baʼ básə́sə̌n á nkínshíyə tombwanɛ nja n wə.’ 26Sɔnsɔ́nǎn, Dyǔ lí pwɛ́sí Mbwəlâ a ndutu m mɔ ti a kɔ́sɛ́ mɔ́ ɛ lúm á nyə́, álí namsɛ́ nyə́ ngə lí bwə́líní nána nyí pə́lan á mabwəlan má nyə má bî.”
Currently Selected:
Mabwəlan 3: bwt
Highlight
Copy
Compare
Share
Want to have your highlights saved across all your devices? Sign up or sign in
Mabwəlan 3
3
Píta a pwisí mɔʼ a mayɔ́mbɔ́ awə̌ a bílí libyə́ŋ
1Bǔn bufɔ́, Píta na Jɔnə́ bá kí á Tɛ́mpɛl á púndá ɛ makáni. Púndá ɛ bílí ngə̂ŋ ɛ́lán ɛ lísín. 2Mɔʼ a bílí á nsu-ndáʼ mú ɛ́búka ɛ́ tɛ́mpɛl. Bá bílí ɛ bəŋ nsu-ndáʼ mú nána ɛlɔ́kɔ́ ɛ́ nsu-ndáʼ. Mɔʼ anínán a yátání libyə́ŋ. Bá bílí mɔ́ ɛ pə́m bǔn tɛ́ bá fá mɔ́ á nsu-ndáʼ ɛ́ wúkâʼ bû, álí bwə nána á yɔ́mbákí ngáʼ á baʼ ábə́ bá kə á Tɛ́mpɛl. 3Ngə a míníní Píta na Jɔnə́ ɛ́yə́ bá pɛ́pɛ́ní ɛ kwili átin, a n yɔ́m bɔ́ jabeya. 4Píta na Jɔnə́ bá tátí mɔ́ á mǐs átin. Ti Píta a byábí á mɔ́ nána, “Tátí sə́!” 5Áfánikə̌, a tátí bɔ́ na jɔŋgɛlɛ nána á kwisí yǔm á bɔ́. 6Ndé Píta a byábí á mɔ́ nána, “N wɔ́ŋiyǎ ngáʼ ká pɔ́, ndé yə̌ ɛ́yə́ n wɔ́ŋíní m bə wə. Á dǐn lí Yésu Krísto a Názarɛtə, tyə́ á mǐn, kə̂!” 7Ti Píti a wálí ɛkɛ́ ɛ́ mbâ ɛ́ mɔʼ ani, a wúnján mɔ́ álí tyə́. Á fâ áshí áshí mbɛ́nji ɛ makwi na mashwɛ má makwi má mɔʼ ani má kwísí ngínya. 8Mɔʼ ani a pyə́mí, a tyə́bí ámǐn, ti a bútí ɛ yə́ŋ. A kwilí á Tɛ́mpɛl na Píta na Jɔnə́. A bílí ɛ yə́ŋ á pyə́má na ǎ kɛsíyá Dyǔ. 9Baʼ básə́sə̌n ábə́ bá bílí á wə́ bá míní mɔ́ ngə a bílíní ɛ yə́ŋ, ǎ kɛsiyǎ Dyǔ. 10Bá yə́mbí nána mɔ́ á bílí mɔʼ ani awə̌ a bílí ɛ shuman á nsu-ndáʼ mú ɛ́lɔ́kɔ́ ɛ́ nsú-ndáʼ ɛ́ Tɛ́mpɛl á yɔ́mbá ngáʼ. Baʼ bílí manyáká bá pámblan á yə̌ ɛ́yə́ ɛ bwə́lání mɔ ani.
Ndúm ɛyə̌ Píta a pɔŋíní á Tɛ́mpɛl
11Ngə mɔʼ ani a n tfúlání Píta na Jɔnə́ á nyǔ, baʼ básə́sə̌n bá bílí manyáká ti bá kǐ mifílí álí paʼ bɔ́ ɛ tán á fǔm ábə́ bá bəŋní libɛpɛ́ lí Solómɔnə. 12Ngə Píta a míníní baʼ bán, a byábí á bɔ́ nána, “Baʼ bá Ísrɛl, yán nsam múnán n nyákíní nyə́? Yə̌ nyí kwfaní sə́ ngəwukína á ngínya ɛ́ sə tɔ lityə́ lí sîm lí sə á wusú wú Dyǔ lɔ́ lí bwə́lí ka mɔ anín a bútí ɛ kə. 13Dyǔ lí Ábrahâmə, Áyízikə na Jekɔ̂bə, Dyǔ lí basáŋ bá sə bá nyákə́, lɔ́ lí bə́kí mbwalâ a ndutu lí mɔ Yésu Krísto ɛdúbɛ́. Nyí bə́kí mɔ́ á mákɛ́ má baʼ bá janiya na bá búlu mɔ́, na nyí yáŋí mɔ́ á wusú wú Páyíletə ká ngə Páyíletə a məní ɛ mɛsi nána mú makú mɔ́. 14A bílí mɔʼ awə̌ a sáŋí na awə̌ a tyə́bí sîm á wusú wú Dyǔ, ndé nyî n yaŋní mɔ́. Ndé nyî n kɔndɛ Páyíletə nána a máku nyə́ mɔʼ awə̌ ǎ búlú bâʼ. 15Nyí bwə́lí bá búlú mɔʼ awə̌ ǎ bə̌ bâʼ bá wɔ́ŋ luŋgɛ́ lí mbálɛ, ndé Dyǔ lí púmú mɔ́ á liwá. Sə́mə̌n pə́ sí dí mbúŋ á nsam mún. 16Ngínya ɛ dǐn lí Yésu Krísto yɔ́ ɛ pwisí mɔʼ a libyə́ŋ anín. Mɔʼ anín awə̌ nyí mín ní na awə̌ nyí bíní a mə́ ɛ pwǐ tombwanɛ dúbɛ́ á dǐn lí Yésuwə. Dúbɛ álə́ lí paʼ tombwanɛ Yésuwə, lí mə́ mɔ́ ɛ pwisí bwǎm bwǎm ngə nyə́ mɔʼ ansə́sə̌n nyí mín ní. 17Bǎn bá nyǎ bá myə, m bí nána yə̌ ɛ́yə́ nyə́ na bajaniya nyî n bwəní á Yésuwə ɛ́ bílí á ɛ́tútú nána nyí sî m bî. 18Ndé ká ngə nyî n bwəní nâ, Dyǔ lɔ́mə̌n lɔ́ lî n bwə nána yə̌ ɛ́yə́ lî n məní ɛ tyə́sí tombwanɛ balaku bá mudî bá mɔ básə́sə̌n ɛ́ bwəlan. Lî n mə̌ ɛ́ byá tombwanɛ bɔ́ nána, Ani awə̌ lî n Wɔ́kílíní á taʼ. 19Nyí máku wubî wú nyə na nyí tîm á Dyǔ, álí bwə nána lí laksɛ́ wubî wú nyə. Ɛ́yínán ɛ́ bwə Sáŋgúwə́ á bə̂ púndá ɛ likɔmbɛ. 20Ti lí lúm Yésuwə awə̌ lí mə́ní ɛ lwɛnji awə̌ lí mə́ní ɛ kɔ́sɛ́ ɛ pwəʼ a nyə́. 21Yésuwə a lɔlí ɛ dikɛ á nkínmínyə́ kə́ŋ ta á púndá ɛyə̌ Dyǔ lí bwə misam mísə́sə̌n mí tim ɛ́ bá mí kɔ́nə́. Nâ Dyǔ lî m məní ɛ fá likaʼ ɛtfûm tombwanɛ balakuwa-bá-mudî bá mɔ ábə́ bá sáŋí nána lí bwə. 22Mósisə a byábí nána, ‘Sáŋgúwə́ Dyǔ lí nyə lí lúm nyə́ nlakuwa a mudî mulimlim ngə lí lúmíní mi, á nyí á wútitǐn wú nyə. Nyí lɔ́lí ɛ wúkán yǔm ɛ́sə́sə̌n ɛ́yə́ ǎ pɔŋní nyə́. 23Ká njá awə̌ a wúkaniyǎ nlakuwa a mudî ani, Dyǔ lí fúl mɔ́ á wutítîn wú baʼ bá mɔ. 24Á mbálɛ, balaku bá mudî básə́sə̌n libuti á Sámuwɛlə kə́ŋ ta á bání ábə́ bá pílí á mbís ɛ́ mɔ, bâ m mə̌ ɛ́ byá ɛtfûm tɛ́ŋgɛnɛ misam ámə́ mí bwəlan á mádû mán.’ 25Yə̌ ɛ́yə́ Dyǔ lî m byání tombwanɛ balakuwa-bá-mudî ɛ́ bílí tɛ́ŋgɛnɛ nyə́. Nyə́ pə́ nyí wɔ́ŋí nguʼ ɛyə̌ Dyǔ lí bwə́líní na basáŋ bá nyə bá nyákə́. Dyǔ lî n byá á Ábrahâmə nána, ‘N namsɛ́ baʼ básə́sə̌n á nkínshíyə tombwanɛ nja n wə.’ 26Sɔnsɔ́nǎn, Dyǔ lí pwɛ́sí Mbwəlâ a ndutu m mɔ ti a kɔ́sɛ́ mɔ́ ɛ lúm á nyə́, álí namsɛ́ nyə́ ngə lí bwə́líní nána nyí pə́lan á mabwəlan má nyə má bî.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in