Mabwəlan 26
26
Pɔ̂lə a kásí mukáʼ m mɔʼ á wusú wú kə̂ŋ Ágrípa
1Kə̂ŋ Ágrípa a byábí a Pɔ̂lə nána, “M bəkí wə wunja álí byá.” Áfánikə̌, Pɔ̂lə a pəpí ɛkɛ́ ti a butí ɛ káyisi. A m byá nána, 2“Ǎ kə̂ŋ Ágrípa, munyɛŋgɛ n dí mî átin á ɛ́tútú nána n tyə́bí á wúsú wú wə wúyɛ́ álí fúl mbaʼ á nlú m myə tɛ́ŋgɛnɛ misam ámə́ baʼ bá Júda bá byábíní nána m bwəlí. 3Nǎn byá nâ á ɛ́tútú nána wə ɛ dí mɔʼ awə̌ a sɔ́ntání bilɛm bí baʼ bá Júda na fǔm ábə́ pénda ɛ̌ fíní bɔ́. Áfánikə̌, nǎn yɔ́m ɛ lâm nyǔ, ɛ wúkan mi. 4Baʼ bá Júda básə́sə̌n bá bí luŋgɛ́ lí myə butya mwǎn ndɛm á púndá ɛyə̌ m bílíní á Jerúsálɛmə 5Bá mə́ mi ɛ bî ɛtfûm. Wə̌ti bá nə́ŋí, ní bɔ́mə̌n bá tíŋgání mi ɛ tyɛ́ mbúŋ nána, butya á bibutílí, m bílí mɔʼ a awə̌ a n kpúʼ a ɛ́pipá ɛ́ sɛ ɛ́yə́ ɛ́ nǎn mísam mí Dyǔ bwǎm bwǎm. Nǎn bwə ngə mɔʼ a ɛpipá ɛ́ Fárisî a lɔ́líní ɛ bwə. 6Sɔnsɔ́nǎn njí n tyə́bí á fán á mukaʼ wúyə́, ní ɛ́ dí á ɛ́tútú nána n bándí nlə́m álə́ n wɔ́ŋíní nána, Dyǔ lí bwə yǔm ɛ́yə́ lî n fání likaʼ nána lí bwə á basáŋ bá sə bá nyákə́. 7Likaʼ á lín lí dí mulimlim mú likaʼ álə́ matúmbá dyǔm na mábɛ̂ mâ m bán ní nlə́m nána bá kwisi ngə bá bwəlíní Dyǔ lisín na wudû. Ǎ kə̂ŋ, libán lí nlə́m lín lɔ́ lí bwə́lí ka baʼ bá Júda bá byá mísam mí bî tɛ́ŋgɛnɛ mi. 8Yán ɛ́ kámbíní á nyə́ baʼ bá Júda álí dúbɛ́ nána Dyǔ lí pumú bâ ábə́ bá mə́ ɛ wá. 9Mimə̌n mi mi kaní nána n lɔlí ɛ sa nji ɛsə́sə̌n ɛyə̌ n tiŋgání ɛ bwəlan álí fɛ̌nj dǐn lí Yésuwə, mɔʼ a Názárɛtə. 10Nsam mún mɔ̂ m bílíní ɛ bwə á Jerúsálɛmə. Mi mi kwisí wúnja á baprîsə bá nə̂n na mi mi kɔ́ʼ baʼ bá Dyǔ jǐta á bibuwa. Á púndá ɛyə̌ wə̌ti bâ n túmbí mbakú nána bá lɔ́lí ɛ wá, mi pə́ mi mi pushu. 11Bitî jǐta mi mi bwə nána bá kɔ́ksɛ bɔ́ á mandáʼ má makáni másə́sə̌n na m bílí ɛ sa nána bá byá nsam m bî tɛ́ŋgɛnɛ Yésuwə. Ɛkfwíya ɛ́ bílíní mi á nlə́m á ɛ́tútú bɔ́ á nyay ɛyə̌ m bílíní ɛ kə á míkí mí bikumbu bípə́pə̂ álí takí bɔ́.
Pɔ̂lə a byábí ngə a timbíní á Yésuwə
12Yándá lín lɔ́ lí bwə́lí ka n kə á Damáskɔsə na wunja na ndaki ɛyə̌ baprîsə bánə̂n bá bə́kíní mi. 13Ǎ kə̂ŋ, á wə́ á mbuka bɛbɛ kɔsi ɛ lisín yɔ̂ m míníní mwɛ́nɛ m mə́ m mwáŋí litúm dúlu, m fí á mǐn, m kámbú síya baʼ ábə́ sî n wungɛ. 14Sə́ mɔʼ ansə́sə̌n sî n kfúnd áshí. Yɔ̂ m wúkíní ngɔli ɛ́ byábáníyá mî á mbyá m Híbru nána, ‘Sɔ̂lə, Sɔ̂lə, yə̌ ɛ̌ takíní mi? Njum ɛyə̌ ɛ̌ wanání mi ɛ́ dí ngə mwǎn ǎ kfwakí libî lí nyǎ m mɔ. Ǎ bwə mɔ́mə̌n wubî.’ 15Yɔ̂ n kɔndɛ́ní mɔ́ nána, ‘Sáŋgúwə́, njá wə ɛ díní?’ Sáŋgúwə́ a pushú mî nána, ‘Miyə́ n dí Yésuwə awə̌ ɛ̌ takíní.’ 16Sɔnsɔ́nǎn, falú áshí, tyə́ ámǐn. N pilí á wə təlí álí pwəʼ wə̂ ngə mɔʼ mbwəlâ m myə. Wə̌ ɛ̌ pɔ̌ŋ bâ bápə́pə̂ yə̌ ɛ́yə́ ɛ míníní wúyə́ na nsam ámə́ n lúfúní wə á púndá ɛyə̌ ɛ dí á wúsú. 17N shuŋgɛ́ lúŋgɛ́ lí wə á mákɛ́ má baʼ bá Ísrɛl na á mákɛ́ má baʼ ábə́ bá shiyǎ baʼ bá Júda ábə́ n lúmní wə á bɔ́. 18Wə̂ ɛ̌ pú bɔ́ mǐs álí bwə nána bá nyít á ɛ́fínjan. Bá kwisí mwɛ́nɛ, na bá nyít á wásə́ ɛ janiya lí Sátan ti bá tîm á janiya lí Dyǔ. Ɛ́yî ɛ bwə bá kwísí lilaksɛ lí wubî wú bɔ, na bá bá fǔm bufɔ́ na baʼ ábə́ Dyǔ lí mə́ní ɛ sáŋi á ɛ́tútú nána bá wɔ́ŋí dúbɛ á mi.
Pɔ̂lə a byábí yə̌ ɛ́yə́ ɛ́ bwə́lí ka baʼ bá Júda bá káyísí mɔ́
19Áfánikə̌, kə̂ŋ Ágrípa, biyúŋgu ábə́ mi mi mín ní ámə́ m fí á nkínmínyə́, mi sî nyísan álí nan byɔ́. 20Butya á púndá ɛni, m bútí álí pɔ̌ŋ Ndúm ɛ Mbâ. Mi mi butí á nkí n Damáskɔsə, n kə̂ á Jerúsálɛmə, ti n timbí á pɛsi ɛsə́sə̌n á Ísrɛl na á mábú má baʼ ábə́ bá shiyǎ baʼ bá Júda. M bílí bɔ́ ɛ pɔŋ nána bá máku wubî wú bɔ bá tîm á Dyǔ na bá búti ɛ bwə mísam ámə́ mí lúfú nána bá mə́ ɛ maku wúbî wú bɔ. 21Ngə m bílíní ɛ pɔ̌ŋ ndúm ɛnín, yɔ̂ ɛ́ bwə́lí ka baʼ bá Júda bá kúʼ mî á púndá ɛyə̌ m bílíní á Tɛ́mpɛl, bá pɛ́pɛ́ mî ɛ búlu. 22Ndé kə́ŋ ta sɔnsɔ́nǎn, Dyǔ lɔ́ lí mə́ mi ɛ wúnjan. Áfánikə̌, n tyə́bí á fán álí pɔ̌ŋ nyə́ mbálɛ, ká á baʼ ábə́ bá dí baʼ bá mbímbí tɔ̌ ɛ́ baʼ ábə́ bá shiyǎ baʼ bá mbímbí. Misam ámə́ nǎn byání, mí dí mulimlim mú nsam ámə́ balakuwa-bá-múdî na Mósisə bâ m byá nána mí bwəlan. 23Bâ m byá nána Ani-awə̌-Bá-Wɔ́kílíní a lɔlí ɛ kwisí mutakaʼ na a dí ani awə̌ a kɔ́sɛ́ ɛ pumu. Á pɔ̌ŋ baʼ nána mwɛnɛ nǎn mwáŋ sɔnsɔ́nǎn á baʼ bá Júda na baʼ ábə́ bá shiyǎ baʼ bá Júda.”
24Nyai ɛyə̌ Pɔ̂lə a n káyísíní, ɛ̂ m bwə Fɛ́stusə a kándí mɔ́ nána, Pɔ̂lə, ɛ̌ búmu yə? Jókwa lí wə lí nə̂n lí sa wə̂ ɛ búmu yə? 25Pɔ̂lə a m pushú nána, Kə̂ŋ a ɛdúbɛ́, n sə̌ ɛ́ búmu. Yǔm ɛ́yə́ nǎn byání ɛ dí mbálɛ na nǎn byá yɔ́ na libyɛ́. 26M panji misam mínán mísə́sə̌n á wə kə̂ŋ á ɛ́tútú nána m bí nána ɛ sɔ́ntání misam mínán. M bí nána ɛ sɔ́ntání yǔm tɛ́ ɛ́yə́ ɛ́ bwə́lání á ɛ́tútú nána, yǔm ɛ́yə́ ɛ́ bwə́lání, ɛ́ bwə́liyaní á másɔmɔ́n. 27Ǎ kə̂ŋ Ágrípa, ɛ dúbɛ́ misam ámə́ balaku bá mudî bá tílíní áshí? Mi bí nána ɛ dúbɛ́ mɔ́. 28Ágrípa a pushú Pɔ̂lə nána, Á mǎ púndá ɛnín wɔ̂ ɛ̌ kaní nána ɛ tiŋgání ɛ bwə mî n tîm álí dúbɛ́ Krísto? 29Pɔ̂lə a m pushu nána, Ká á ɛ́shú ɛ́ púndá tɔ̌ á ɛyatí ɛ́ púndá, nǎn kání á Dyǔ nána, wə na mɔʼ ansə́sə̌n awə̌ ǎ wú mî, a bá ngə n díní. Ndé n sə̌ ɛ́ kání nána bá fá nyə́ mgbɔ́kɔbí ngə bá mə́ní mi ɛ fá.
30Yɔ̂ kə̂ŋ, gɔvɔnɔ Fɛ́stusə, mwǎn nyǎ a mumân a kə̂ŋ, Bɛ́nisə na baʼ básə́sə̌n ábə́ bá bílí á wə́ bá tyə́bíní álí kə. 31Ngə bá nyítíní álí kə yɔ́ bá byábí nána, mɔʼ anínán a nan bwə́líyá ká yǔm ɛ́yə́ bá tíŋgání ɛ byá nána bá búlu mɔ́ tɔ̌ bá fá mɔ́ á bibuwa. 32Yɔ̂ Ágrípa a pɔŋíní Fɛ́stusə nána, m púlákí ɛ makú mɔʼ anín njí a n sî n byá nána Káyísa mɔ́ a lɔ́lí mɔ́ ɛ káyisi.
Currently Selected:
Mabwəlan 26: bwt
Highlight
Copy
Compare
Share
Want to have your highlights saved across all your devices? Sign up or sign in
Mabwəlan 26
26
Pɔ̂lə a kásí mukáʼ m mɔʼ á wusú wú kə̂ŋ Ágrípa
1Kə̂ŋ Ágrípa a byábí a Pɔ̂lə nána, “M bəkí wə wunja álí byá.” Áfánikə̌, Pɔ̂lə a pəpí ɛkɛ́ ti a butí ɛ káyisi. A m byá nána, 2“Ǎ kə̂ŋ Ágrípa, munyɛŋgɛ n dí mî átin á ɛ́tútú nána n tyə́bí á wúsú wú wə wúyɛ́ álí fúl mbaʼ á nlú m myə tɛ́ŋgɛnɛ misam ámə́ baʼ bá Júda bá byábíní nána m bwəlí. 3Nǎn byá nâ á ɛ́tútú nána wə ɛ dí mɔʼ awə̌ a sɔ́ntání bilɛm bí baʼ bá Júda na fǔm ábə́ pénda ɛ̌ fíní bɔ́. Áfánikə̌, nǎn yɔ́m ɛ lâm nyǔ, ɛ wúkan mi. 4Baʼ bá Júda básə́sə̌n bá bí luŋgɛ́ lí myə butya mwǎn ndɛm á púndá ɛyə̌ m bílíní á Jerúsálɛmə 5Bá mə́ mi ɛ bî ɛtfûm. Wə̌ti bá nə́ŋí, ní bɔ́mə̌n bá tíŋgání mi ɛ tyɛ́ mbúŋ nána, butya á bibutílí, m bílí mɔʼ a awə̌ a n kpúʼ a ɛ́pipá ɛ́ sɛ ɛ́yə́ ɛ́ nǎn mísam mí Dyǔ bwǎm bwǎm. Nǎn bwə ngə mɔʼ a ɛpipá ɛ́ Fárisî a lɔ́líní ɛ bwə. 6Sɔnsɔ́nǎn njí n tyə́bí á fán á mukaʼ wúyə́, ní ɛ́ dí á ɛ́tútú nána n bándí nlə́m álə́ n wɔ́ŋíní nána, Dyǔ lí bwə yǔm ɛ́yə́ lî n fání likaʼ nána lí bwə á basáŋ bá sə bá nyákə́. 7Likaʼ á lín lí dí mulimlim mú likaʼ álə́ matúmbá dyǔm na mábɛ̂ mâ m bán ní nlə́m nána bá kwisi ngə bá bwəlíní Dyǔ lisín na wudû. Ǎ kə̂ŋ, libán lí nlə́m lín lɔ́ lí bwə́lí ka baʼ bá Júda bá byá mísam mí bî tɛ́ŋgɛnɛ mi. 8Yán ɛ́ kámbíní á nyə́ baʼ bá Júda álí dúbɛ́ nána Dyǔ lí pumú bâ ábə́ bá mə́ ɛ wá. 9Mimə̌n mi mi kaní nána n lɔlí ɛ sa nji ɛsə́sə̌n ɛyə̌ n tiŋgání ɛ bwəlan álí fɛ̌nj dǐn lí Yésuwə, mɔʼ a Názárɛtə. 10Nsam mún mɔ̂ m bílíní ɛ bwə á Jerúsálɛmə. Mi mi kwisí wúnja á baprîsə bá nə̂n na mi mi kɔ́ʼ baʼ bá Dyǔ jǐta á bibuwa. Á púndá ɛyə̌ wə̌ti bâ n túmbí mbakú nána bá lɔ́lí ɛ wá, mi pə́ mi mi pushu. 11Bitî jǐta mi mi bwə nána bá kɔ́ksɛ bɔ́ á mandáʼ má makáni másə́sə̌n na m bílí ɛ sa nána bá byá nsam m bî tɛ́ŋgɛnɛ Yésuwə. Ɛkfwíya ɛ́ bílíní mi á nlə́m á ɛ́tútú bɔ́ á nyay ɛyə̌ m bílíní ɛ kə á míkí mí bikumbu bípə́pə̂ álí takí bɔ́.
Pɔ̂lə a byábí ngə a timbíní á Yésuwə
12Yándá lín lɔ́ lí bwə́lí ka n kə á Damáskɔsə na wunja na ndaki ɛyə̌ baprîsə bánə̂n bá bə́kíní mi. 13Ǎ kə̂ŋ, á wə́ á mbuka bɛbɛ kɔsi ɛ lisín yɔ̂ m míníní mwɛ́nɛ m mə́ m mwáŋí litúm dúlu, m fí á mǐn, m kámbú síya baʼ ábə́ sî n wungɛ. 14Sə́ mɔʼ ansə́sə̌n sî n kfúnd áshí. Yɔ̂ m wúkíní ngɔli ɛ́ byábáníyá mî á mbyá m Híbru nána, ‘Sɔ̂lə, Sɔ̂lə, yə̌ ɛ̌ takíní mi? Njum ɛyə̌ ɛ̌ wanání mi ɛ́ dí ngə mwǎn ǎ kfwakí libî lí nyǎ m mɔ. Ǎ bwə mɔ́mə̌n wubî.’ 15Yɔ̂ n kɔndɛ́ní mɔ́ nána, ‘Sáŋgúwə́, njá wə ɛ díní?’ Sáŋgúwə́ a pushú mî nána, ‘Miyə́ n dí Yésuwə awə̌ ɛ̌ takíní.’ 16Sɔnsɔ́nǎn, falú áshí, tyə́ ámǐn. N pilí á wə təlí álí pwəʼ wə̂ ngə mɔʼ mbwəlâ m myə. Wə̌ ɛ̌ pɔ̌ŋ bâ bápə́pə̂ yə̌ ɛ́yə́ ɛ míníní wúyə́ na nsam ámə́ n lúfúní wə á púndá ɛyə̌ ɛ dí á wúsú. 17N shuŋgɛ́ lúŋgɛ́ lí wə á mákɛ́ má baʼ bá Ísrɛl na á mákɛ́ má baʼ ábə́ bá shiyǎ baʼ bá Júda ábə́ n lúmní wə á bɔ́. 18Wə̂ ɛ̌ pú bɔ́ mǐs álí bwə nána bá nyít á ɛ́fínjan. Bá kwisí mwɛ́nɛ, na bá nyít á wásə́ ɛ janiya lí Sátan ti bá tîm á janiya lí Dyǔ. Ɛ́yî ɛ bwə bá kwísí lilaksɛ lí wubî wú bɔ, na bá bá fǔm bufɔ́ na baʼ ábə́ Dyǔ lí mə́ní ɛ sáŋi á ɛ́tútú nána bá wɔ́ŋí dúbɛ á mi.
Pɔ̂lə a byábí yə̌ ɛ́yə́ ɛ́ bwə́lí ka baʼ bá Júda bá káyísí mɔ́
19Áfánikə̌, kə̂ŋ Ágrípa, biyúŋgu ábə́ mi mi mín ní ámə́ m fí á nkínmínyə́, mi sî nyísan álí nan byɔ́. 20Butya á púndá ɛni, m bútí álí pɔ̌ŋ Ndúm ɛ Mbâ. Mi mi butí á nkí n Damáskɔsə, n kə̂ á Jerúsálɛmə, ti n timbí á pɛsi ɛsə́sə̌n á Ísrɛl na á mábú má baʼ ábə́ bá shiyǎ baʼ bá Júda. M bílí bɔ́ ɛ pɔŋ nána bá máku wubî wú bɔ bá tîm á Dyǔ na bá búti ɛ bwə mísam ámə́ mí lúfú nána bá mə́ ɛ maku wúbî wú bɔ. 21Ngə m bílíní ɛ pɔ̌ŋ ndúm ɛnín, yɔ̂ ɛ́ bwə́lí ka baʼ bá Júda bá kúʼ mî á púndá ɛyə̌ m bílíní á Tɛ́mpɛl, bá pɛ́pɛ́ mî ɛ búlu. 22Ndé kə́ŋ ta sɔnsɔ́nǎn, Dyǔ lɔ́ lí mə́ mi ɛ wúnjan. Áfánikə̌, n tyə́bí á fán álí pɔ̌ŋ nyə́ mbálɛ, ká á baʼ ábə́ bá dí baʼ bá mbímbí tɔ̌ ɛ́ baʼ ábə́ bá shiyǎ baʼ bá mbímbí. Misam ámə́ nǎn byání, mí dí mulimlim mú nsam ámə́ balakuwa-bá-múdî na Mósisə bâ m byá nána mí bwəlan. 23Bâ m byá nána Ani-awə̌-Bá-Wɔ́kílíní a lɔlí ɛ kwisí mutakaʼ na a dí ani awə̌ a kɔ́sɛ́ ɛ pumu. Á pɔ̌ŋ baʼ nána mwɛnɛ nǎn mwáŋ sɔnsɔ́nǎn á baʼ bá Júda na baʼ ábə́ bá shiyǎ baʼ bá Júda.”
24Nyai ɛyə̌ Pɔ̂lə a n káyísíní, ɛ̂ m bwə Fɛ́stusə a kándí mɔ́ nána, Pɔ̂lə, ɛ̌ búmu yə? Jókwa lí wə lí nə̂n lí sa wə̂ ɛ búmu yə? 25Pɔ̂lə a m pushú nána, Kə̂ŋ a ɛdúbɛ́, n sə̌ ɛ́ búmu. Yǔm ɛ́yə́ nǎn byání ɛ dí mbálɛ na nǎn byá yɔ́ na libyɛ́. 26M panji misam mínán mísə́sə̌n á wə kə̂ŋ á ɛ́tútú nána m bí nána ɛ sɔ́ntání misam mínán. M bí nána ɛ sɔ́ntání yǔm tɛ́ ɛ́yə́ ɛ́ bwə́lání á ɛ́tútú nána, yǔm ɛ́yə́ ɛ́ bwə́lání, ɛ́ bwə́liyaní á másɔmɔ́n. 27Ǎ kə̂ŋ Ágrípa, ɛ dúbɛ́ misam ámə́ balaku bá mudî bá tílíní áshí? Mi bí nána ɛ dúbɛ́ mɔ́. 28Ágrípa a pushú Pɔ̂lə nána, Á mǎ púndá ɛnín wɔ̂ ɛ̌ kaní nána ɛ tiŋgání ɛ bwə mî n tîm álí dúbɛ́ Krísto? 29Pɔ̂lə a m pushu nána, Ká á ɛ́shú ɛ́ púndá tɔ̌ á ɛyatí ɛ́ púndá, nǎn kání á Dyǔ nána, wə na mɔʼ ansə́sə̌n awə̌ ǎ wú mî, a bá ngə n díní. Ndé n sə̌ ɛ́ kání nána bá fá nyə́ mgbɔ́kɔbí ngə bá mə́ní mi ɛ fá.
30Yɔ̂ kə̂ŋ, gɔvɔnɔ Fɛ́stusə, mwǎn nyǎ a mumân a kə̂ŋ, Bɛ́nisə na baʼ básə́sə̌n ábə́ bá bílí á wə́ bá tyə́bíní álí kə. 31Ngə bá nyítíní álí kə yɔ́ bá byábí nána, mɔʼ anínán a nan bwə́líyá ká yǔm ɛ́yə́ bá tíŋgání ɛ byá nána bá búlu mɔ́ tɔ̌ bá fá mɔ́ á bibuwa. 32Yɔ̂ Ágrípa a pɔŋíní Fɛ́stusə nána, m púlákí ɛ makú mɔʼ anín njí a n sî n byá nána Káyísa mɔ́ a lɔ́lí mɔ́ ɛ káyisi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in