Mabwəlan 20
20
Pɔ̂lə a kǐ á Masɛdóniya na á Akáya
1Ngə mpungú n shúlíní, Pɔ̂lə a shwínjí baʼ básə́sə̌n ábə́ bá dúbɛ́ Yésuwə ti a dísání bɔ́ biyala álí kpútí bɔ́ milə́m. Ngə a málíní álí byábán bɔ́, a falú a kə̂ á Masɛdóniya. 2Ngə a n kəní á pɛsi ɛ mbú ɛni, á bílí baʼ ɛ pɔ̌ŋ ndúm jǐta álí kpútí bɔ́ milə́m. Yɔ̂ a pílíní á Akáya. 3A dyɛ̌ á wə́ ngɔn ɛ́lán. A bílí ɛ bunsan álí kə á ɛ́kumbu ɛ́ Síriya ti a yəmbí nána duŋgu lí baʼ bá Júda bá bílí ɛ wikí myanu álí búlú mɔ́. Áfánikə̌ a n bunsan álí túm á Masɛdóniya álí tǐm mbǐ. 4Baʼ ábə́ bâ n tǐm bí na mɔ́ bá bílí Sopáta, mwǎn mú Pírusə awə̌ a n fí á Bɛríya, Arístákusə bû Sɛ́ngúdusə ábə́ bâ n fí á nkí Tɛsalóníka. Gáyɔsə awə̌ a fí á nkí Dɛ́bɛ, Tímótiyə, na Tíkíkusə bû Trofímɔsə ábə́ bá fí á pɛsi ɛ Ésiya. 5Baʼ á bán bâ n kə á wusú bá sinjá sə́ á nkí n Tráwɔsə. 6Ngə Ŋgandu ɛ Blɛ̂t ábə́ bí Wɔ́ŋiyǎ Ɛ́fulan ɛ m məní ɛ túm, sí kwílí bwálu á nkí m Filípi, ti á mbís ɛ madû mátân, sí tání bɔ́ á Trɔ́wasə.
Pɔ̂lə á kǐ á Tráwɔsə á madinján
7Á nkwinkwin n Sátudey, sí shwínjání fǔm bufɔ́ álí dyá yǔm ɛ́ lidyá álí lúfú ɛniŋgán ɛ́ Dyǔ. Pɔ̂lə a bílí bɔ́ ɛ pɔ̌ŋ pɔ́li, a byábání bɔ́ kə́ŋ kə́ŋ kɔsi ɛ wudû á ɛ́tútú nána a n wɔ́ŋ álí kə̌ bǔn búní. 8Bâ n yǔl bitúkán jǐta á tfǔŋ ɛ ndɛ́ki ámǐn áfə́ sî n shwinjání. 9Kɔ́limɔʼ nfɔ́ awə̌ bá bílíní ɛ bə̌ŋ nána Yútíkɔsə a n shumán á wínda, wuyɔ́ wú bílíní mɔ́ ɛ nuŋ mǎ yǔm mǎ yǔm á ɛ́tútú nána wuyɔ́ wú bílíní mɔ́ á mǐ jǐta. Ngə Pɔ̂lə a m bwəní pɔ́li ɛ yâ átin, ɛ́ bwə́lí kɔ́limɔʼ wuyɔ́ wú núŋí mɔ́ bwǎm bwǎm. Yɔ̂ a pɔ́tɛ́ní á tfǔŋ ɛ ndɛ́ki ɛ́lán, a lábán áshí. Bá kǐ álí nuŋ mɔ́ bá tán a mə́ ɛ wá. 10Ndé Pɔ̂lə á shulíní áshí a ndáʼ ɛ ndɛ́ki, a nálí á nyǔ ɛ kɔ́limɔʼ ɛni, ti a səmí mɔ́. Ti a byábí á baʼ á bâ nána, “Nyí si taʼ átin, a nan wúliyǎ wə́ a dí lungɛ́.” 11Ti Pɔ̂lə a timbí mbǐ á ndáʼ ɛ ndɛ́ki, a shalí blɛ̂t ti mɔ́ na baʼ ábə́ bá dúbɛ́ Krísto bá dílí. Búwabɔ́ bá dyɛ́ bá pɔŋá pɔ́li kə́ŋ ta mushú ti a kǐ. 12Baʼ bá kǐ kɔ́limɔʼ ani ɛ díki á a ndáʼ ɛ́ mɔ ɛ́yə́ a díní luŋgɛ́. Ɛ́yínán ɛ̌ n wúkí bɔ munyɛŋgɛ jǐta.
Pɔ̂lə bá fálú á Tráwɔsə a kǐ á Milɛ́tusə
13Si bílí á wúsú, sí kwílí á stímá, sí túmbí á mbô ɛ nə̂n ɛ nə̂n sí kǐ á nkí Ásɔsə. Á fâ sî n lɔní ɛ nǔŋ Pɔ̂lə. A m byá nána sí bá á wúsú á ɛ́tútú nána mbuka m nkí átin mɔ́ á bwəlání. 14Ngə a táníní sə́ á nkí n Ásɔsə, sí pə́mbí mɔ́ á stímá ti síyabɔ́ sí kǐ á nkí m Mitílɛ́nɛ. 15Ngə sí fálúní á wə́, ngə bǔn wúyílíní, sí kǐ kə́ŋ kə́ŋ sí pílí á nsaŋ m mádí n Kíyɔsə. Byáná bǔn bú yá, bǔn bú yílí pə́ na sə́ á nsaŋ m mádí á nkí m Sámɔsə, na bǔn búní, sí pílí á nsaŋ m mádí m Milɛ́tusə. 16Pɔ̂lə a n tyɛ́sí nána sí túm á nkí m Ɛ́fɛ́sɔsə álí bwə nána sí si fə̂nj púndá á pɛsi ɛ Ésiya. A bílí ɛ sa nána a pǎʼ shám shám á Jerúsálɛmə byáná bǔn bú Pɛ́ntɛ́kɔstə bú paʼ.
Pɔ̂lə a pɔŋí milú mí mwémbá n Ɛ́fɛ́sɔsə nána bá dyɛ̂ bwǎm
17Ngə sí pílíní á nkí m Milɛ́tusə, Pɔ̂lə a lúmí ndúm á milú mí baʼ bá mwembá n Ɛ́fɛ́sɔsə nána bá pâʼ bá tán mɔ́ á Milɛ́tusə. 18Ngə bá pílíní á wə́, Pɔ̂lə a byábí á bɔ́ nána, “Nyí bí lungɛ́ lí myə ɛtfûm ɛ́yə́ m mə́ní ɛ dyɛ na nyə́ butya bǔn bú wúsuwə ábə́ n kwilíní á pɛsi ɛ Ésiya. 19M bílí ɛ bwəlí Sáŋgúwə́ na ndɛmbu ɛsə́sə̌n, m bílí ɛ kwisí ndutu na makíksan á ɛ́tútú nána baʼ bá Júda bá bílí ɛ wíkí myánu tɛ́ŋgɛnɛ mi. 20Nyə́mə̌n nyí bí nána á púndá ɛyə̌ m bílíní nyə́ ɛ pɔ̌ŋ ndúm ɛ mbâ na nǎn lɛ́fúní nyə́ á tandádâ na á mándáʼ má nyə, mi sî n shwɛlí nyə́ ká yúm ɛ́yə́ ɛ̌ wúnján nyə́. Ndé mi mi laku á nyə́, n lɛ́fú nyə́ á tandádâ na á mandáʼ má nyə. 21Mulimlim ngə mi mi bəní ndaki á baʼ bá Júda, nâ pə́ m bəní ndaki á baʼ ábə́ bá shiyǎ baʼ bá Júda nána bá máku bilɛm bí bɔ bíbî, bá tîm á Dyǔ, na bá dúbɛ Sáŋgúwə́ Yésuwə n sə. 22Sɔnsɔ́nǎn, Mudî ámə́ n Sáŋí nǎn lúfú mî nána n lɔ́lí ɛ kə á Jerúsálɛmə na m bíyǎ yə̌ ɛ́yə́ ɛ́ bwəlan mî á wə́. 23M bí wə́ nána á nkí tɛ́ ámə́ nǎn kəní, Mudî ámə́ n Sáŋí m mə́ mi bə̌ ndaki nána bibuwa na mutakaʼ bí sin mî. 24Ndé á mi, lungɛ́ li myə lí shiyǎ ká yǔm. Nǎn sa wɔ̂ álí maʼ ɛ́bulú na ndutu ɛyə̌ Sáŋgúwə́ Yésuwə a bəkíní mi álí bwə. Ɛbulú ɛ́yín ɛ́ dí álí pɔ̌ŋ Ndúm ɛ Mbâ tɛ́ŋgɛnɛ nsimá ámə́ Dyǔ lí lúfúní bǎnyûŋ.
25M mə́ ɛ dyɛ na nyə́ mɔʼ ansə́sə̌n na m bílí nyə́ ɛ pɔ̌ŋ Ndúm tɛ́ŋgɛnɛ janiya lí Dyǔ. Sɔnsɔ́nǎn, m bí nána nyə́ mɔʼ ká nfɔ́ nyí sí míná pə́ mî. 26Áfánikə̌, nǎn pɔŋ nyə́ wúyə́ na nlə́m m myə nsə́sə̌n nána njí nyə́ mɔʼ nfɔ́ a bɔ́lɔ́ní lungɛ́ lí mɔ, ní makɛ́ ma myə má shiyǎ á wə́. 27Á ɛ́tútú nána yǔm ká nfɔ́ ɛ́ shiyǎ ɛ́yə́ nǎn báŋní álí pɔŋ nyə́ tɛ́ŋgɛnɛ misam mísə́sə̌n ámə́ Dyǔ lí tyə́síní nána lí bwə. 28Nyí nǔŋ púndá na lungɛ́ lí nyə na á baʼ básə́sə̌n ábə́ Mudî ámə́ n Sáŋí m mə́ní ɛ bwə bá bá á wásé n nyə nána nyí míndi. Nyí bá ngə batátiya-bá-mílɔŋgi álí tátí baʼ bá Dyǔ. Lí mə́ ɛ bwə̌ mwembá mû m bá m mɔ á líwá álə́ Mwǎn m mɔ a wúlíní á mbásá. 29M bí nána wə̌ti m mə́ ɛ kə, baʼ bá kwili áwútitîn wú nyə mulimlim ngə ɛsɔʼ ɛ́ kwilíní á ndíngí m milɔŋgi. Bá sî timbá ɛ́yə́ bá fɛ́njiyaní mwembá n nyə. 30Púndá ɛ̌ paʼ ɛ́yə́ duŋgu lí baʼ bá nyít áwútitîn wú nyə, bá támbú mátúm álí bwə nána baʼ ábə́ bá dúbɛ́ Yésuwə bá pɔŋ bɔ́ á mbís. 31Áfánikə̌, nyí nǔŋ púndá. Nyí lɔ́lí ɛ kaní nána, m bílí nyə́ mɔʼ na mɔtɛ́ ɛ lɛ́fu á mimbvú mílán wudû na lisín, na mutakaʼ jǐta. 32Sɔnsɔ́nǎn m makú nyə́ á makɛ́ má Dyǔ álí bwə nána lɔ́mə̌n lí búti nyə́ ɛ táti. Ndúm ɛyə̌ m pɔŋíní nyə́ tɛ́ŋgɛnɛ nsimá n Dyǔ ɛ́ wúnján nyə́. N wɔ́ŋí ngínya álí kpútí nyə́, na m bə nyə́ nsimá ámə́ Dyǔ lí kɔ́ŋgɔ́ní á baʼ bá mɔ. 33Mi n sî n wɔ́ŋ nyɔ́ŋí álí nǔŋ sílva tɔ̌ gôl tɔ mabaʼ má mɔʼ ká nfɔ́. 34Nyə́mə̌n nyí bí nána makɛ́ má myə m bwəlání álí bwə̌ ɛ́bulú ti ŋ wɔ́ŋí ngáʼ álí yán yə̌ ɛ́yə́ sî baʼ bá myə sí bílíní ɛ sa. 35M mə́ nyə́ ɛ lúfú á manji másə́sə̌n nána nyí wanan álí bwə̌ ɛ́bulú ngə mi m bílíní ɛ bwə, álí bwə nána nyí wúnjan baʼ bá nyámbɛ̂, na nána nyí káni biyala ábə́ Sáŋgúwə́ Yésuwə a m byání nána, ‘Ɛ́ dí wunam álí bə̌ litúm álí kwisi.’”
36Á púndá ɛyə̌ Pɔ̂lə a málíní álí byá mísam mínán, a shumí mabɔ́ŋ áshí na bɔ́ ti bá kání. 37Ngə bá bílíní ɛ kátán Pɔ̂lə álí pɔŋ mɔ́ na a tuwakə, bá bílí ɛ ji. 38Yə̌ ɛ́yə́ ɛ̌ m bwə bɔ́ bâ n wɔ́ŋ ndutu ɛ́ bílí á ɛ́tútú ɛ́ mbyá ámə́ Pɔ̂lə a m pɔŋní bɔ́ nána bá sî míná pə́ mɔ́ ká bwín. Yɔ̂ bá kǐ mɔ́ ɛ díki á stíma.
Currently Selected:
Mabwəlan 20: bwt
Highlight
Copy
Compare
Share
Want to have your highlights saved across all your devices? Sign up or sign in
Mabwəlan 20
20
Pɔ̂lə a kǐ á Masɛdóniya na á Akáya
1Ngə mpungú n shúlíní, Pɔ̂lə a shwínjí baʼ básə́sə̌n ábə́ bá dúbɛ́ Yésuwə ti a dísání bɔ́ biyala álí kpútí bɔ́ milə́m. Ngə a málíní álí byábán bɔ́, a falú a kə̂ á Masɛdóniya. 2Ngə a n kəní á pɛsi ɛ mbú ɛni, á bílí baʼ ɛ pɔ̌ŋ ndúm jǐta álí kpútí bɔ́ milə́m. Yɔ̂ a pílíní á Akáya. 3A dyɛ̌ á wə́ ngɔn ɛ́lán. A bílí ɛ bunsan álí kə á ɛ́kumbu ɛ́ Síriya ti a yəmbí nána duŋgu lí baʼ bá Júda bá bílí ɛ wikí myanu álí búlú mɔ́. Áfánikə̌ a n bunsan álí túm á Masɛdóniya álí tǐm mbǐ. 4Baʼ ábə́ bâ n tǐm bí na mɔ́ bá bílí Sopáta, mwǎn mú Pírusə awə̌ a n fí á Bɛríya, Arístákusə bû Sɛ́ngúdusə ábə́ bâ n fí á nkí Tɛsalóníka. Gáyɔsə awə̌ a fí á nkí Dɛ́bɛ, Tímótiyə, na Tíkíkusə bû Trofímɔsə ábə́ bá fí á pɛsi ɛ Ésiya. 5Baʼ á bán bâ n kə á wusú bá sinjá sə́ á nkí n Tráwɔsə. 6Ngə Ŋgandu ɛ Blɛ̂t ábə́ bí Wɔ́ŋiyǎ Ɛ́fulan ɛ m məní ɛ túm, sí kwílí bwálu á nkí m Filípi, ti á mbís ɛ madû mátân, sí tání bɔ́ á Trɔ́wasə.
Pɔ̂lə á kǐ á Tráwɔsə á madinján
7Á nkwinkwin n Sátudey, sí shwínjání fǔm bufɔ́ álí dyá yǔm ɛ́ lidyá álí lúfú ɛniŋgán ɛ́ Dyǔ. Pɔ̂lə a bílí bɔ́ ɛ pɔ̌ŋ pɔ́li, a byábání bɔ́ kə́ŋ kə́ŋ kɔsi ɛ wudû á ɛ́tútú nána a n wɔ́ŋ álí kə̌ bǔn búní. 8Bâ n yǔl bitúkán jǐta á tfǔŋ ɛ ndɛ́ki ámǐn áfə́ sî n shwinjání. 9Kɔ́limɔʼ nfɔ́ awə̌ bá bílíní ɛ bə̌ŋ nána Yútíkɔsə a n shumán á wínda, wuyɔ́ wú bílíní mɔ́ ɛ nuŋ mǎ yǔm mǎ yǔm á ɛ́tútú nána wuyɔ́ wú bílíní mɔ́ á mǐ jǐta. Ngə Pɔ̂lə a m bwəní pɔ́li ɛ yâ átin, ɛ́ bwə́lí kɔ́limɔʼ wuyɔ́ wú núŋí mɔ́ bwǎm bwǎm. Yɔ̂ a pɔ́tɛ́ní á tfǔŋ ɛ ndɛ́ki ɛ́lán, a lábán áshí. Bá kǐ álí nuŋ mɔ́ bá tán a mə́ ɛ wá. 10Ndé Pɔ̂lə á shulíní áshí a ndáʼ ɛ ndɛ́ki, a nálí á nyǔ ɛ kɔ́limɔʼ ɛni, ti a səmí mɔ́. Ti a byábí á baʼ á bâ nána, “Nyí si taʼ átin, a nan wúliyǎ wə́ a dí lungɛ́.” 11Ti Pɔ̂lə a timbí mbǐ á ndáʼ ɛ ndɛ́ki, a shalí blɛ̂t ti mɔ́ na baʼ ábə́ bá dúbɛ́ Krísto bá dílí. Búwabɔ́ bá dyɛ́ bá pɔŋá pɔ́li kə́ŋ ta mushú ti a kǐ. 12Baʼ bá kǐ kɔ́limɔʼ ani ɛ díki á a ndáʼ ɛ́ mɔ ɛ́yə́ a díní luŋgɛ́. Ɛ́yínán ɛ̌ n wúkí bɔ munyɛŋgɛ jǐta.
Pɔ̂lə bá fálú á Tráwɔsə a kǐ á Milɛ́tusə
13Si bílí á wúsú, sí kwílí á stímá, sí túmbí á mbô ɛ nə̂n ɛ nə̂n sí kǐ á nkí Ásɔsə. Á fâ sî n lɔní ɛ nǔŋ Pɔ̂lə. A m byá nána sí bá á wúsú á ɛ́tútú nána mbuka m nkí átin mɔ́ á bwəlání. 14Ngə a táníní sə́ á nkí n Ásɔsə, sí pə́mbí mɔ́ á stímá ti síyabɔ́ sí kǐ á nkí m Mitílɛ́nɛ. 15Ngə sí fálúní á wə́, ngə bǔn wúyílíní, sí kǐ kə́ŋ kə́ŋ sí pílí á nsaŋ m mádí n Kíyɔsə. Byáná bǔn bú yá, bǔn bú yílí pə́ na sə́ á nsaŋ m mádí á nkí m Sámɔsə, na bǔn búní, sí pílí á nsaŋ m mádí m Milɛ́tusə. 16Pɔ̂lə a n tyɛ́sí nána sí túm á nkí m Ɛ́fɛ́sɔsə álí bwə nána sí si fə̂nj púndá á pɛsi ɛ Ésiya. A bílí ɛ sa nána a pǎʼ shám shám á Jerúsálɛmə byáná bǔn bú Pɛ́ntɛ́kɔstə bú paʼ.
Pɔ̂lə a pɔŋí milú mí mwémbá n Ɛ́fɛ́sɔsə nána bá dyɛ̂ bwǎm
17Ngə sí pílíní á nkí m Milɛ́tusə, Pɔ̂lə a lúmí ndúm á milú mí baʼ bá mwembá n Ɛ́fɛ́sɔsə nána bá pâʼ bá tán mɔ́ á Milɛ́tusə. 18Ngə bá pílíní á wə́, Pɔ̂lə a byábí á bɔ́ nána, “Nyí bí lungɛ́ lí myə ɛtfûm ɛ́yə́ m mə́ní ɛ dyɛ na nyə́ butya bǔn bú wúsuwə ábə́ n kwilíní á pɛsi ɛ Ésiya. 19M bílí ɛ bwəlí Sáŋgúwə́ na ndɛmbu ɛsə́sə̌n, m bílí ɛ kwisí ndutu na makíksan á ɛ́tútú nána baʼ bá Júda bá bílí ɛ wíkí myánu tɛ́ŋgɛnɛ mi. 20Nyə́mə̌n nyí bí nána á púndá ɛyə̌ m bílíní nyə́ ɛ pɔ̌ŋ ndúm ɛ mbâ na nǎn lɛ́fúní nyə́ á tandádâ na á mándáʼ má nyə, mi sî n shwɛlí nyə́ ká yúm ɛ́yə́ ɛ̌ wúnján nyə́. Ndé mi mi laku á nyə́, n lɛ́fú nyə́ á tandádâ na á mandáʼ má nyə. 21Mulimlim ngə mi mi bəní ndaki á baʼ bá Júda, nâ pə́ m bəní ndaki á baʼ ábə́ bá shiyǎ baʼ bá Júda nána bá máku bilɛm bí bɔ bíbî, bá tîm á Dyǔ, na bá dúbɛ Sáŋgúwə́ Yésuwə n sə. 22Sɔnsɔ́nǎn, Mudî ámə́ n Sáŋí nǎn lúfú mî nána n lɔ́lí ɛ kə á Jerúsálɛmə na m bíyǎ yə̌ ɛ́yə́ ɛ́ bwəlan mî á wə́. 23M bí wə́ nána á nkí tɛ́ ámə́ nǎn kəní, Mudî ámə́ n Sáŋí m mə́ mi bə̌ ndaki nána bibuwa na mutakaʼ bí sin mî. 24Ndé á mi, lungɛ́ li myə lí shiyǎ ká yǔm. Nǎn sa wɔ̂ álí maʼ ɛ́bulú na ndutu ɛyə̌ Sáŋgúwə́ Yésuwə a bəkíní mi álí bwə. Ɛbulú ɛ́yín ɛ́ dí álí pɔ̌ŋ Ndúm ɛ Mbâ tɛ́ŋgɛnɛ nsimá ámə́ Dyǔ lí lúfúní bǎnyûŋ.
25M mə́ ɛ dyɛ na nyə́ mɔʼ ansə́sə̌n na m bílí nyə́ ɛ pɔ̌ŋ Ndúm tɛ́ŋgɛnɛ janiya lí Dyǔ. Sɔnsɔ́nǎn, m bí nána nyə́ mɔʼ ká nfɔ́ nyí sí míná pə́ mî. 26Áfánikə̌, nǎn pɔŋ nyə́ wúyə́ na nlə́m m myə nsə́sə̌n nána njí nyə́ mɔʼ nfɔ́ a bɔ́lɔ́ní lungɛ́ lí mɔ, ní makɛ́ ma myə má shiyǎ á wə́. 27Á ɛ́tútú nána yǔm ká nfɔ́ ɛ́ shiyǎ ɛ́yə́ nǎn báŋní álí pɔŋ nyə́ tɛ́ŋgɛnɛ misam mísə́sə̌n ámə́ Dyǔ lí tyə́síní nána lí bwə. 28Nyí nǔŋ púndá na lungɛ́ lí nyə na á baʼ básə́sə̌n ábə́ Mudî ámə́ n Sáŋí m mə́ní ɛ bwə bá bá á wásé n nyə nána nyí míndi. Nyí bá ngə batátiya-bá-mílɔŋgi álí tátí baʼ bá Dyǔ. Lí mə́ ɛ bwə̌ mwembá mû m bá m mɔ á líwá álə́ Mwǎn m mɔ a wúlíní á mbásá. 29M bí nána wə̌ti m mə́ ɛ kə, baʼ bá kwili áwútitîn wú nyə mulimlim ngə ɛsɔʼ ɛ́ kwilíní á ndíngí m milɔŋgi. Bá sî timbá ɛ́yə́ bá fɛ́njiyaní mwembá n nyə. 30Púndá ɛ̌ paʼ ɛ́yə́ duŋgu lí baʼ bá nyít áwútitîn wú nyə, bá támbú mátúm álí bwə nána baʼ ábə́ bá dúbɛ́ Yésuwə bá pɔŋ bɔ́ á mbís. 31Áfánikə̌, nyí nǔŋ púndá. Nyí lɔ́lí ɛ kaní nána, m bílí nyə́ mɔʼ na mɔtɛ́ ɛ lɛ́fu á mimbvú mílán wudû na lisín, na mutakaʼ jǐta. 32Sɔnsɔ́nǎn m makú nyə́ á makɛ́ má Dyǔ álí bwə nána lɔ́mə̌n lí búti nyə́ ɛ táti. Ndúm ɛyə̌ m pɔŋíní nyə́ tɛ́ŋgɛnɛ nsimá n Dyǔ ɛ́ wúnján nyə́. N wɔ́ŋí ngínya álí kpútí nyə́, na m bə nyə́ nsimá ámə́ Dyǔ lí kɔ́ŋgɔ́ní á baʼ bá mɔ. 33Mi n sî n wɔ́ŋ nyɔ́ŋí álí nǔŋ sílva tɔ̌ gôl tɔ mabaʼ má mɔʼ ká nfɔ́. 34Nyə́mə̌n nyí bí nána makɛ́ má myə m bwəlání álí bwə̌ ɛ́bulú ti ŋ wɔ́ŋí ngáʼ álí yán yə̌ ɛ́yə́ sî baʼ bá myə sí bílíní ɛ sa. 35M mə́ nyə́ ɛ lúfú á manji másə́sə̌n nána nyí wanan álí bwə̌ ɛ́bulú ngə mi m bílíní ɛ bwə, álí bwə nána nyí wúnjan baʼ bá nyámbɛ̂, na nána nyí káni biyala ábə́ Sáŋgúwə́ Yésuwə a m byání nána, ‘Ɛ́ dí wunam álí bə̌ litúm álí kwisi.’”
36Á púndá ɛyə̌ Pɔ̂lə a málíní álí byá mísam mínán, a shumí mabɔ́ŋ áshí na bɔ́ ti bá kání. 37Ngə bá bílíní ɛ kátán Pɔ̂lə álí pɔŋ mɔ́ na a tuwakə, bá bílí ɛ ji. 38Yə̌ ɛ́yə́ ɛ̌ m bwə bɔ́ bâ n wɔ́ŋ ndutu ɛ́ bílí á ɛ́tútú ɛ́ mbyá ámə́ Pɔ̂lə a m pɔŋní bɔ́ nána bá sî míná pə́ mɔ́ ká bwín. Yɔ̂ bá kǐ mɔ́ ɛ díki á stíma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in