Mabwəlan 15
15
Bá wálí mbum á Jerúsálɛmə álí maʼ mbyá á mwembá
1Baʼ bafɔ́ bá fí á pɛsi ɛ Judéya li paʼ á Ántiyɔkə na bá bútí ɛ lɛ́fú badúbedi nána, “Nyí tíŋganiyǎ ɛ wɔ́ŋ lisungɛ ɛ́ si bá na nyí wɔ́ŋ wulɛ́ná ngə mbéndá ɛ́ Mósisə ɛ́ saní.” 2Pɔ̂lə bû Banábasə bá kwílí á ɛbámí ɛ́ nə̂n na bɔ́ tɛ́ŋgɛnɛ mbyá mún. Áfánikə̌, Pɔ̂lə bû Banábasə na ngushí ɛ́ bâ bápə́pə̂ bá kǐ á Jerúsálɛmə, bá kǐ ɛ mín bawútú bálí-lúm na milú mí mwemba tɛ́ŋgɛnɛ nsam mún. 3Baʼ bá mwémbá bá kǐ bɔ́ ɛ díki á mbuka. Bâ n túm á pɛsi ɛ Fonísiya na Samáriya bá pɔŋá bâ ngə baʼ ábə́ bá shiyǎ baʼ bá Júda bá dúbɛ́ní Dyǔ. Ɛ́yínán ɛ̂ n bwə badúbedi bá wú munyɛŋgɛ. 4Ngə Pɔ̂lə bû Banábasə bá pílíní á Jerúsálɛmə, mwembá ámə́ m bílí á wə́, bawútú-bálí-lúm, na milú mí mwémbá bâ n kásí bɔ́ ngə bakən. Pɔ̂lə bû Banábasə bá pɔ́ŋí bɔ́ yɛ̌ ɛ́yə́ Dyǔ lí mə́ní ɛ bwə tombwanɛ bɔ. 5Ndé badúbedi bafɔ́ ábə́ bá dí á ɛpipá ɛ Bafárisî bá tyə́bí á mǐn ti bá byábí nána, “Bá lɔ́lí ɛ bwə wulɛ́ná á baʼ ábə́ bá shiyǎ baʼ bá Júda ábə́ bá dúbɛ́ Yésuwə, ti bá pɔ́ŋ bɔ́ nána bá lɔ́lí ɛ nân mbéndá ɛ́ Mósisə.”
6Bawútú bálí-lúm na baʼ bá nə̂n bá búmí álí kwili á nsam mún. 7Bá mə́ní ɛ táŋ á ɛ́tfûm ɛ́ púndá, Píta á tyə́bí á mǐn ti a byábí nána, “Bǎn-bá-nyǎ bá myə, nyí bí nána ɛtfûm Dyǔ lí pwɛ́sí mi á wútitǐn wú nyə álí pɔŋ Ndúm ɛ Mbâ á Baʼ ábə́ bá shiyǎ baʼ bá Júda, álí bwə nána, bá wú na bá dúbɛ́. 8Dyǔ álə́ lí bí nlə́m m mɔtɛ́, lí mə́ ɛ lúfú nána lí mə́ ɛ bə̌ Baʼ ábə́ bá shiyǎ baʼ bá Júda wunja álí dúbɛ, ngə lí mə́ní ɛ bə bɔ́ Mudî ámə́ n Sáŋí mulimlim ngə lí bə́kíní sə́. 9Dyǔ lí lúfuwǎ ndandú tɛ́ŋgɛnɛ sə́ na bɔ́, ndé lí láksɛ́ wubî wú bɔ á ɛ́tútú nána bá dúbɛ́. 10Sɔnsɔ́nǎn, yə̌ ɛ́ bwə́lí ka nyí sa álí kəkí Dyǔ álí bwə nána bâ ábə́ bá dúbɛ́ Yésuwə bá pə́m múná ámə́ basáŋ bá sə bá nyákə́ bá sî n púlní ɛ pə́m na ámə́ ká sə́ sí púliyaní ɛ pə́m? 11Ɛ́ lɔ́liyanâ! Sí dúbɛ́ na sí mə́ ɛ wɔ́ŋ lisungɛ tombwanɛ nsimá n Sáŋgúwə́ Yésuwə, mulimlim ngə bɔ́.”
12Mɔʼ ansə́sə̌n bâ n bán mátwî bá wúká Pɔ̂lə bû Banábasə. Pɔ̂lə bû Banábasə bá bílí bɔ́ ɛ pɔ̌ŋ misam mí mányáká mísə́sə̌n na ɛyəmblan ɛ́yə́ Dyǔ lî n bwəní tombwanɛ bɔ́ áwútitîn wú Baʼ ábə́ bá shiyǎ baʼ bá Júda. 13Ngə bá mɛ́síní álí byá, Jémsə a byábí nána, “Bǎn-bá-nyǎ bá myə, nyí wúkan mi. 14Sáymɔnə a mə́ nyə́ ɛ panji ngə Dyǔ lí kɔ́sɛ́ní ɛ lúfú wulɔʼ wú nlə́m wú mɔ á Baʼ ábə́ bá shiyǎ baʼ bá Júda ngə lí núŋíní á wútitin wú bɔ baʼ álí bá bá mɔ. 15Ɛ́yínán ɛ́ bwə́lí biyala bí balaku bá mudî bí lwínjí. Ɛ́ tílání nána,
16‘Mi Sáŋgúwə́ nǎn byá nána, wə̌ti ɛ́yínán ɛ́ mə́ ɛ túm, m paʼ pə́,
n lúŋ pə́ ndáʼ ɛ́ Devídə ɛyə̌ ɛ́ m mə̌ ɛ́ páŋti.
N lúŋ pə́ yǔm tɛ́ ɛ́yə́ ɛ̌ m mə̌ ɛ́ páŋti na n bwə yɔ́ ngə ɛ́ bílíní.
17Áfánikə̌, bǎnyûŋ á nkínshíyə bá paʼ á mi,
M mə́ ɛ pwə̌ Baʼ ábə́ bá shiyǎ baʼ bá Júda álí bá baʼ bá myə. Mi Sáŋgúwə́ miyə́ nǎn byá.
18Miyə́ m bwəlí ká misam mínán mísə́sə̌n mí bíyan ɛ́tfûm.’”
19Jémsə a kanání mbyá á wúsú nána, “Ɛ́ dí likani lí myə, sí si takí Baʼ ábə́ bá shiyǎ baʼ bá Júda ábə́ bá tímbí á Dyǔ. 20Yə̌ ɛ́yə́ sí lɔ́líní ɛ bwə ɛ́ dí álí tîl kâti á bɔ́ nána, bá si dyá lídyá ká lífɔ́ álə́ bá bə́kíní madyǔ mápə́pə̌ ngə jabeya, á ɛ́tútú nána madyá mâ má sáŋiyǎ, bá si bə̌ nyǔ ɛ́ bɔ á misam mí ɛkɛ́ ɛ́ shíyə̌, na bá si dyá nyâm ɛ́yə́ bá lɛ́niyaní líbɔʼ, na bá sí dyá mákǐ. 21Sí bí nána, bá bílí ɛ láŋ mbéndá ɛ́ Mósisə ɛtfûm á mandáʼ má mákáni á Bǔn bú líkɔ́mbɛ tɛ́. Bá mə́ ɛ byá biyala bí mɔ á nkí tɛ́.”
Bá tílí Baʼ ábə́ bá shiyǎ baʼ bá Júda kâti
22Ti bawútú bálí-lúm na milú mí mwémbá na baʼ básə́sə̌n bá mwembá bá míní nána ɛ́ lɔ́lí álí pwɛ bâ á wútitin wú bɔ́, bá lúmí bɔ́ á Ántiyɔkə na Pɔ̂lə bû Banábasə. Bâ n pwɛʼ Júdasə awə̌ bá bə́ŋákíní Basábasə bû Sáyílasə, bɔ́ bábɛ̂ ábə́ bá bílí milú áwútitîn wú badúbedi. 23Kâti ɛyə̌ bâ n lúmání na bɔ́ á Ántiyɔkə, ɛ bílí nána, “Sɛ́, bawútú-bálí-lúm na milú mí mwémbá, bǎn bá nyǎ-bá-nyə, sí lúm nyə́ masambán. Nyə́ ábə́ nyí dí bǎn-bá-nyǎ bá sə ábə́ bá shiyǎ baʼ bá Júda. Nyə́ ábə́ nyí dyɛ á Ántiyɔkə na á pɛsi ɛ Síriya na Silísiya. 24Sí mə́ ɛ wú nána duŋgu lí bâ ábə́ bá fí á ndíngí n sə bâ m paʼ á nyə́, bá mpúngú nyə́ milú na yə̌ ɛ́yə́ bá bílíní ɛ byá. Ndé nyí bî nána sí sî n bə bɔ́ wunja álí bwə nâni. 25Áfánikə̌, sí mə́ ɛ bum ti sí pwɛ̌ dungu lí bâ álí lúm á nyə́. Bá kəʼ na Pɔ̂lə bû Banábasə ábə́ sí nə́ŋíní jǐta. 26Bɔ́ bábɛ̂ bá mə́ ɛ bə lungɛ́ lí bɔ álí bwəlí Sáŋgúwə́ n sə Yésu Krísto ɛ́yə́ bá səní ɛ báŋ líwá. 27Sɔnsɔ́nǎn, sí lúmíní nyə́ Júdasə bû Sáyílasə, ábə́ bɔ́mə̌n bá pɔŋ nyə́ mulimlim nsam ámə́ sí tílíní nyə́. 28Mudî ámə́ ŋ Sáŋí m mə́ sə́ ɛ dyɛ́lɛ nána sí si takí nyə́ á misam mípə́pə̂ ɛ́sitúm misam mínán ámə́ mí dí mí mbímbí: 29nyí si dyá ká lídyá álə́ bá bə́kíní á madyǔ mápə́pə̌, nyí si dyáká makǐ, nyí si dyá ɛtfushí ɛ́ nyâm, na nyí si bwə̂ misam mí ɛkɛ́shíyə. Njí nyí bwə́liyǎ mísam mín ní ɛ́ lɔʼ. Sí mínán pə́.”
30Ngə bá málíní álí til kâti ɛni, bá kǐ baʼ bâ ɛ díki á mbuka ti bá kí á Ántiyɔkə. Ngə bá pílíní á wə́, bá látí ndíŋgí m badúbedi básə́sə̌n ti bá bə́kí bɔ́ kâti ɛni. 31Ngə baʼ bâ bá láŋíní kâti ɛni, bá lwínjí na munyɛŋgɛ na ndúm ɛ makpâ ɛyə̌ ɛ́ bílí á wə́ átin. 32Júdasə bû Sáyílasə, bá bílí balakuwa-bá-mudî, bá byábání bɔ́ kə́ŋ kə́ŋ bá pyɛ́tí bɔ́ milə́m á líbúm ti bá bándí bɔ́ makpâ á mbís. 33Bá dyɛ́ áwə́ á mǎ púndá. Bá tímbí mbís na musaŋgu na badúbedi ábə́ bá díkí bɔ́ ti bá tím á baʼ ábə́ bâ n lúm bɔ́. 34[Ndé Sáyílasə a m maʼ á nlə́m m mɔ nána mún dikɛ á wə́] 35Pɔ̂lə bû Banábasə bá dyɛ́ á mǎ púndá á Ántiyɔkə. Bá bílí ɛ lɛ́fu ɛ́yala ɛ́ Dyǔ ná baʼ bápə́pə̂ jǐta.
Pɔlə bû Banábasə bá kábání
36Á mǎ ɛ́tfûm ɛ́ púndá yɔ̂ Pɔ̂lə a pɔŋíní Banábasə nána, “Sí tîm mbí, sí kə̂ sí kpə́mi bǎn-bá-nyǎ bá sə bá Krísto á nkí tɛ́ ámə́ sí pɔ́ŋíní ndúm ɛ Sáŋgúwə́, na sí sáʼ ngə misam mí kə na bɔ́.” 37Banábasə a pɛpɛ́ ɛ kanán Jɔn Mâkə na mɔ́, 38ndé Pɔ̂lə a m mín nána ɛ́ tɛ́ŋgɛniyǎ, á ɛ́tútú nána Jɔnə́ Mâkə a n kɔ́sɛ́ bɔ́ ɛ maku á mbuka ɛ́yə́ bá sî n məní ɛ panán ɛ́bulú á shúʼ. Ndé Jɔn Mâkə a n makú bɔ́ á nkí m Pamfíliya ti a timbí mbǐ. 39Ɛbámí ɛ́ bílí áwútitîn wú bɔ kə́ŋ bá kábání. Banábasə a núŋí Mâkə bá túmbí madí á mǐn bá kí á ɛ́kumbu ɛ́ Sáyíprɔsə. 40Pɔ̂lə mɔ́ pə́ a m pwɛ̌ʼ Sáyílasə. Bǎn-bá-nyǎ bá Krísto bǎ m bə bɔ́ makáni nána nsimá n Sáŋgúwə́ n dyɛ́lɛ bɔ́. 41Pɔ̂lə a túmbí bû Sáyílasə á pɛsi ɛ Síriya na Sílísiya á bəká makpâ á mwembá.
Currently Selected:
Mabwəlan 15: bwt
Highlight
Copy
Compare
Share
Want to have your highlights saved across all your devices? Sign up or sign in
Mabwəlan 15
15
Bá wálí mbum á Jerúsálɛmə álí maʼ mbyá á mwembá
1Baʼ bafɔ́ bá fí á pɛsi ɛ Judéya li paʼ á Ántiyɔkə na bá bútí ɛ lɛ́fú badúbedi nána, “Nyí tíŋganiyǎ ɛ wɔ́ŋ lisungɛ ɛ́ si bá na nyí wɔ́ŋ wulɛ́ná ngə mbéndá ɛ́ Mósisə ɛ́ saní.” 2Pɔ̂lə bû Banábasə bá kwílí á ɛbámí ɛ́ nə̂n na bɔ́ tɛ́ŋgɛnɛ mbyá mún. Áfánikə̌, Pɔ̂lə bû Banábasə na ngushí ɛ́ bâ bápə́pə̂ bá kǐ á Jerúsálɛmə, bá kǐ ɛ mín bawútú bálí-lúm na milú mí mwemba tɛ́ŋgɛnɛ nsam mún. 3Baʼ bá mwémbá bá kǐ bɔ́ ɛ díki á mbuka. Bâ n túm á pɛsi ɛ Fonísiya na Samáriya bá pɔŋá bâ ngə baʼ ábə́ bá shiyǎ baʼ bá Júda bá dúbɛ́ní Dyǔ. Ɛ́yínán ɛ̂ n bwə badúbedi bá wú munyɛŋgɛ. 4Ngə Pɔ̂lə bû Banábasə bá pílíní á Jerúsálɛmə, mwembá ámə́ m bílí á wə́, bawútú-bálí-lúm, na milú mí mwémbá bâ n kásí bɔ́ ngə bakən. Pɔ̂lə bû Banábasə bá pɔ́ŋí bɔ́ yɛ̌ ɛ́yə́ Dyǔ lí mə́ní ɛ bwə tombwanɛ bɔ. 5Ndé badúbedi bafɔ́ ábə́ bá dí á ɛpipá ɛ Bafárisî bá tyə́bí á mǐn ti bá byábí nána, “Bá lɔ́lí ɛ bwə wulɛ́ná á baʼ ábə́ bá shiyǎ baʼ bá Júda ábə́ bá dúbɛ́ Yésuwə, ti bá pɔ́ŋ bɔ́ nána bá lɔ́lí ɛ nân mbéndá ɛ́ Mósisə.”
6Bawútú bálí-lúm na baʼ bá nə̂n bá búmí álí kwili á nsam mún. 7Bá mə́ní ɛ táŋ á ɛ́tfûm ɛ́ púndá, Píta á tyə́bí á mǐn ti a byábí nána, “Bǎn-bá-nyǎ bá myə, nyí bí nána ɛtfûm Dyǔ lí pwɛ́sí mi á wútitǐn wú nyə álí pɔŋ Ndúm ɛ Mbâ á Baʼ ábə́ bá shiyǎ baʼ bá Júda, álí bwə nána, bá wú na bá dúbɛ́. 8Dyǔ álə́ lí bí nlə́m m mɔtɛ́, lí mə́ ɛ lúfú nána lí mə́ ɛ bə̌ Baʼ ábə́ bá shiyǎ baʼ bá Júda wunja álí dúbɛ, ngə lí mə́ní ɛ bə bɔ́ Mudî ámə́ n Sáŋí mulimlim ngə lí bə́kíní sə́. 9Dyǔ lí lúfuwǎ ndandú tɛ́ŋgɛnɛ sə́ na bɔ́, ndé lí láksɛ́ wubî wú bɔ á ɛ́tútú nána bá dúbɛ́. 10Sɔnsɔ́nǎn, yə̌ ɛ́ bwə́lí ka nyí sa álí kəkí Dyǔ álí bwə nána bâ ábə́ bá dúbɛ́ Yésuwə bá pə́m múná ámə́ basáŋ bá sə bá nyákə́ bá sî n púlní ɛ pə́m na ámə́ ká sə́ sí púliyaní ɛ pə́m? 11Ɛ́ lɔ́liyanâ! Sí dúbɛ́ na sí mə́ ɛ wɔ́ŋ lisungɛ tombwanɛ nsimá n Sáŋgúwə́ Yésuwə, mulimlim ngə bɔ́.”
12Mɔʼ ansə́sə̌n bâ n bán mátwî bá wúká Pɔ̂lə bû Banábasə. Pɔ̂lə bû Banábasə bá bílí bɔ́ ɛ pɔ̌ŋ misam mí mányáká mísə́sə̌n na ɛyəmblan ɛ́yə́ Dyǔ lî n bwəní tombwanɛ bɔ́ áwútitîn wú Baʼ ábə́ bá shiyǎ baʼ bá Júda. 13Ngə bá mɛ́síní álí byá, Jémsə a byábí nána, “Bǎn-bá-nyǎ bá myə, nyí wúkan mi. 14Sáymɔnə a mə́ nyə́ ɛ panji ngə Dyǔ lí kɔ́sɛ́ní ɛ lúfú wulɔʼ wú nlə́m wú mɔ á Baʼ ábə́ bá shiyǎ baʼ bá Júda ngə lí núŋíní á wútitin wú bɔ baʼ álí bá bá mɔ. 15Ɛ́yínán ɛ́ bwə́lí biyala bí balaku bá mudî bí lwínjí. Ɛ́ tílání nána,
16‘Mi Sáŋgúwə́ nǎn byá nána, wə̌ti ɛ́yínán ɛ́ mə́ ɛ túm, m paʼ pə́,
n lúŋ pə́ ndáʼ ɛ́ Devídə ɛyə̌ ɛ́ m mə̌ ɛ́ páŋti.
N lúŋ pə́ yǔm tɛ́ ɛ́yə́ ɛ̌ m mə̌ ɛ́ páŋti na n bwə yɔ́ ngə ɛ́ bílíní.
17Áfánikə̌, bǎnyûŋ á nkínshíyə bá paʼ á mi,
M mə́ ɛ pwə̌ Baʼ ábə́ bá shiyǎ baʼ bá Júda álí bá baʼ bá myə. Mi Sáŋgúwə́ miyə́ nǎn byá.
18Miyə́ m bwəlí ká misam mínán mísə́sə̌n mí bíyan ɛ́tfûm.’”
19Jémsə a kanání mbyá á wúsú nána, “Ɛ́ dí likani lí myə, sí si takí Baʼ ábə́ bá shiyǎ baʼ bá Júda ábə́ bá tímbí á Dyǔ. 20Yə̌ ɛ́yə́ sí lɔ́líní ɛ bwə ɛ́ dí álí tîl kâti á bɔ́ nána, bá si dyá lídyá ká lífɔ́ álə́ bá bə́kíní madyǔ mápə́pə̌ ngə jabeya, á ɛ́tútú nána madyá mâ má sáŋiyǎ, bá si bə̌ nyǔ ɛ́ bɔ á misam mí ɛkɛ́ ɛ́ shíyə̌, na bá si dyá nyâm ɛ́yə́ bá lɛ́niyaní líbɔʼ, na bá sí dyá mákǐ. 21Sí bí nána, bá bílí ɛ láŋ mbéndá ɛ́ Mósisə ɛtfûm á mandáʼ má mákáni á Bǔn bú líkɔ́mbɛ tɛ́. Bá mə́ ɛ byá biyala bí mɔ á nkí tɛ́.”
Bá tílí Baʼ ábə́ bá shiyǎ baʼ bá Júda kâti
22Ti bawútú bálí-lúm na milú mí mwémbá na baʼ básə́sə̌n bá mwembá bá míní nána ɛ́ lɔ́lí álí pwɛ bâ á wútitin wú bɔ́, bá lúmí bɔ́ á Ántiyɔkə na Pɔ̂lə bû Banábasə. Bâ n pwɛʼ Júdasə awə̌ bá bə́ŋákíní Basábasə bû Sáyílasə, bɔ́ bábɛ̂ ábə́ bá bílí milú áwútitîn wú badúbedi. 23Kâti ɛyə̌ bâ n lúmání na bɔ́ á Ántiyɔkə, ɛ bílí nána, “Sɛ́, bawútú-bálí-lúm na milú mí mwémbá, bǎn bá nyǎ-bá-nyə, sí lúm nyə́ masambán. Nyə́ ábə́ nyí dí bǎn-bá-nyǎ bá sə ábə́ bá shiyǎ baʼ bá Júda. Nyə́ ábə́ nyí dyɛ á Ántiyɔkə na á pɛsi ɛ Síriya na Silísiya. 24Sí mə́ ɛ wú nána duŋgu lí bâ ábə́ bá fí á ndíngí n sə bâ m paʼ á nyə́, bá mpúngú nyə́ milú na yə̌ ɛ́yə́ bá bílíní ɛ byá. Ndé nyí bî nána sí sî n bə bɔ́ wunja álí bwə nâni. 25Áfánikə̌, sí mə́ ɛ bum ti sí pwɛ̌ dungu lí bâ álí lúm á nyə́. Bá kəʼ na Pɔ̂lə bû Banábasə ábə́ sí nə́ŋíní jǐta. 26Bɔ́ bábɛ̂ bá mə́ ɛ bə lungɛ́ lí bɔ álí bwəlí Sáŋgúwə́ n sə Yésu Krísto ɛ́yə́ bá səní ɛ báŋ líwá. 27Sɔnsɔ́nǎn, sí lúmíní nyə́ Júdasə bû Sáyílasə, ábə́ bɔ́mə̌n bá pɔŋ nyə́ mulimlim nsam ámə́ sí tílíní nyə́. 28Mudî ámə́ ŋ Sáŋí m mə́ sə́ ɛ dyɛ́lɛ nána sí si takí nyə́ á misam mípə́pə̂ ɛ́sitúm misam mínán ámə́ mí dí mí mbímbí: 29nyí si dyá ká lídyá álə́ bá bə́kíní á madyǔ mápə́pə̌, nyí si dyáká makǐ, nyí si dyá ɛtfushí ɛ́ nyâm, na nyí si bwə̂ misam mí ɛkɛ́shíyə. Njí nyí bwə́liyǎ mísam mín ní ɛ́ lɔʼ. Sí mínán pə́.”
30Ngə bá málíní álí til kâti ɛni, bá kǐ baʼ bâ ɛ díki á mbuka ti bá kí á Ántiyɔkə. Ngə bá pílíní á wə́, bá látí ndíŋgí m badúbedi básə́sə̌n ti bá bə́kí bɔ́ kâti ɛni. 31Ngə baʼ bâ bá láŋíní kâti ɛni, bá lwínjí na munyɛŋgɛ na ndúm ɛ makpâ ɛyə̌ ɛ́ bílí á wə́ átin. 32Júdasə bû Sáyílasə, bá bílí balakuwa-bá-mudî, bá byábání bɔ́ kə́ŋ kə́ŋ bá pyɛ́tí bɔ́ milə́m á líbúm ti bá bándí bɔ́ makpâ á mbís. 33Bá dyɛ́ áwə́ á mǎ púndá. Bá tímbí mbís na musaŋgu na badúbedi ábə́ bá díkí bɔ́ ti bá tím á baʼ ábə́ bâ n lúm bɔ́. 34[Ndé Sáyílasə a m maʼ á nlə́m m mɔ nána mún dikɛ á wə́] 35Pɔ̂lə bû Banábasə bá dyɛ́ á mǎ púndá á Ántiyɔkə. Bá bílí ɛ lɛ́fu ɛ́yala ɛ́ Dyǔ ná baʼ bápə́pə̂ jǐta.
Pɔlə bû Banábasə bá kábání
36Á mǎ ɛ́tfûm ɛ́ púndá yɔ̂ Pɔ̂lə a pɔŋíní Banábasə nána, “Sí tîm mbí, sí kə̂ sí kpə́mi bǎn-bá-nyǎ bá sə bá Krísto á nkí tɛ́ ámə́ sí pɔ́ŋíní ndúm ɛ Sáŋgúwə́, na sí sáʼ ngə misam mí kə na bɔ́.” 37Banábasə a pɛpɛ́ ɛ kanán Jɔn Mâkə na mɔ́, 38ndé Pɔ̂lə a m mín nána ɛ́ tɛ́ŋgɛniyǎ, á ɛ́tútú nána Jɔnə́ Mâkə a n kɔ́sɛ́ bɔ́ ɛ maku á mbuka ɛ́yə́ bá sî n məní ɛ panán ɛ́bulú á shúʼ. Ndé Jɔn Mâkə a n makú bɔ́ á nkí m Pamfíliya ti a timbí mbǐ. 39Ɛbámí ɛ́ bílí áwútitîn wú bɔ kə́ŋ bá kábání. Banábasə a núŋí Mâkə bá túmbí madí á mǐn bá kí á ɛ́kumbu ɛ́ Sáyíprɔsə. 40Pɔ̂lə mɔ́ pə́ a m pwɛ̌ʼ Sáyílasə. Bǎn-bá-nyǎ bá Krísto bǎ m bə bɔ́ makáni nána nsimá n Sáŋgúwə́ n dyɛ́lɛ bɔ́. 41Pɔ̂lə a túmbí bû Sáyílasə á pɛsi ɛ Síriya na Sílísiya á bəká makpâ á mwembá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in