Mabwəlan 11
11
Píta a byábí tɛ́ŋgɛnɛ yǔm ɛ́yə́ a bwə́líní
1Bawútú bálí-lúm na badúbedi bápə́pə̂ ábə́ bá bílí á pɛsi ɛ Judéya ɛsə́sə̌n bâ n wú nána baʼ ábə́ bá shiyǎ baʼ bá Júda bɔ́ pə́ bá mə́ ɛ kasí ɛ́yala ɛ́ Dyǔ. 2Ngə Píta a timbíní mbǐ á Jerúsálɛmə, baʼ ábə́ bá bílí ɛ́ byá nána bá bwə baʼ ábə́ bá shiyǎ baʼ bá Júda wulɛ́ná bá bútí byá á mɔ́ nána, 3“Yə̌ ɛ kǐní ɛ bwə á ndáʼ ɛ baʼ ábə́ bá shiyǎ baʼ bá Júda ábə́ bá nan bwə́líyání wulɛ́ná, kə́ŋ ti ɛ dyá na bɔ́ á fǔm bufɔ́?” 4Yɔ̂ Píta a fílíní mbyá á nsu á pɔŋá bɔ́ nána, á pɔ̌ŋ bɔ́ misam mísə́sə̌n ngə mí bútíní á libutílí. A m pɔ̌ŋ bɔ́ nána, 5m bílí á nkí n Jóppa m bəká mákáni ti n kfúndí biyúŋgu. Á biyúŋgu bî, m míní yǔm ɛ́yə́ ɛ́ bílí ngə libaʼ línə̂n lí fí á líbubɛ lí shulá áshí. Lí bílí ngə bá wálí lɔ́ á mábú mánîn. Bá shuli lɔ́ á wúsú wú myə. 6Ngə n shwátíní dǐ bwǎm á líbaʼ lî átin, mi mi mín nyâm nyay na nyay. Mi mi mín nyam ɛ́ nkíyə na nyam ɛ́ ndfukú. Nyam ɛ́yə́ ɛ kanán líbum na manɔn má ndfukú. 7Ti n wúkí ngɔli ɛ́ pɔŋá mî nána, “Píta, falú áshí, búlú nyâm ɛ́yín ɛ dyá!” 8Ndé mi mi byá pə́ nána, “‘Sáŋgúwə́, n tíŋganiyǎ ɛ́ bwə nsam ngə mún. Ká bwǐn mi nan dílíyá wə́ yǔm ɛ́yə́ mbéndá ɛ byábíní nána ɛ́ sáŋiyǎ tɔ yǔm ɛ́yə́ ɛ́ sáŋiyǎ á wusú wú Dyǔ.’ 9Ngɔli ɛni ɛ byábí á mi ɛtî ɛ́bɛ̂ nána, ‘Ɛ si nǔŋ yǔm ká ɛfɔ́ ɛ́yə́ Dyǔ lí mə́ní ɛ pɔŋ nána ɛ́ sáŋí nána ɛ́ sáŋiyǎ.’ 10Ɛ́yín ɛ́ bwə́lání bitî bí lán ti bá tímbí byə̌m bísə́sə̌n bî á líbube. 11Áfâ áshí áshí, baʼ bá lán ábə́ bá fí á nkí n Kayísaríya ábə́ bâ n lúmní á mi bá pílí á ndáʼ ɛyə̌ m bílíní ɛ dyɛ. 12Mudî ámə́ ŋ Sáŋí m pɔ́ŋí mi nána síyabɔ́ sí kə̂ n si báŋ álí kə na bɔ́. Badúbedi ábán ntyǔ ábə́ bá fí á nkí n Jóppa, bɔ́ pə́ bá pɔ́ŋí mi á mbís á Kayísaríya ti sə́ básə́sə̌n sí kí á ndáʼ Kɔnɛ́lusə. 13Kɔnɛ́lusə a pɔŋí sə́ ngə a míníní áŋgɛl ɛ tyə́ á ndáʼ ɛ́ mɔ átin á pɔŋá mɔ́ nána, ‘Lúm mɔ̂ʼ á nkí n Jóppa a bə̂ŋ wə mɔʼ awə̌ dǐn lí mɔ lísə́sə̌n lí dí Sáyímɔnə Píta. 14Njí a pilí, á pɔŋ nyə́ ndúm ɛyə̌ ɛ̌ bwə Dyǔ lí shuŋgɛ́ luŋgɛ́ lí wə na lí shuŋgɛ́ túmbá lí wə.’ 15Á mbís ɛ púndá ngə butíní álí byá, Mudî ámə́ n Sáŋí n shúlí á bɔ́ mulimlim ngə mû m shulní á sə́ á bibutílí. 16Ti n kaní yə̌ ɛ́yə́ Sáŋgúwə́ a m byání. Á m byá nána, ‘Jɔnə́ a bílí ɛ dumsɛ́ bâ na madí ndé bá dumsɛ́ nyə́ na Mudî ámə́ n Sáŋí.’ 17Ɛ́ dí mbálɛ nána Dyǔ lí bə́kí Baʼ ábə́ bá shiyǎ baʼ bá Júda mulimlim n jabeya ngə lí bəní sə́ á púndá ɛyə̌ sí dúbɛ́ní Sáŋgúwə́ Yésu Krísto. Áfánikə̌, mi n dí njá álí ɛ́ tɛ́ŋgɛ́n ɛ́bulú ɛ́ Dyǔ? 18Ngə bá wúkíní yə̌ ɛ́yə́ Píta a byábíní, bá mákú álí tɛ́ŋgɛ́n mɔ́ ti bá bútí ɛ kɛsí Dyǔ. Bá bílí ɛ byá nána, Á mbálɛ, ɛ́yínán ɛ́ lúfú nána Dyǔ lí mə́ ɛ bə̂ baʼ ábə́ bá shiyǎ baʼ bá Júda álí makú wúbî wú bɔ álí tim á Dyǔ na álí kwisí luŋgɛ́ álə́ lí sə̌ ɛ́ mɛ.”
Mwembá m bútí á nkí n Ántiyɔkə
19Sɔnsɔ́nǎn, bá mə́ní ɛ búlú Stífɛnə, baʼ ábə́ bâ m páŋili á ɛ́tútú ɛ́ mútakaʼ ámə́ bá bílíní ɛ kwisi, duŋgu lî n kə kə́ŋ ta á nkí n Fonísiya, duŋgu bá kǐ á Sáyíprɔsə ti bání bá kǐ á Ántiyɔkə. Ngə bá bílíní ɛ kə, bá bílí ɛ pɔ̌ŋ ndúm ɛ́ mbâ wɔ̂ á baʼ bá Júda. 20Ndé badúbedi bápə́pə̂ ábə́ bá fí á mikí mí Sáyíprɔsə na Sirínə, bâ n kə á Ántiyɔkə ti bá bútí álí pɔ̌ŋ Ndúm ɛ Mbâ tɛ́ŋgɛnɛ Sáŋgúwə́ Yésuwə á baʼ bá Grîkə pə́. 21Ngínya ɛ́ Sáŋgúwə́ ɛ bílí átinə́ m bɔ́. Baʼ jǐta bâ n dúbɛ ti bá tímbí á Sáŋgúwə́. 22Nkala mû, m paʼ á mátwî má baʼ bá mwembá á Jerúsálɛmə. Áfánikə̌ bâ n lúm Banábasə á Ántiyɔkə álí mín bɔ́. 23Á púndá ɛyə̌ Banábasə a pilíní á wə́, ti a míní ngə Dyǔ lí mə́ní baʼ ɛ namsɛ́ a n wú munyɛŋgɛ ti a bəkí bɔ́ maléyá nána bá bwə́li Dyǔ na nlə́m nfɔ́. 24Banábasə á bílí mɔʼ a mbâ, a n lwínj na Mudî ámə́ ŋ Sáŋí na dúbɛ lí mɔ lî n kpúʼ jǐta, bâ jǐta bâ n dúbɛ́. 25Ti Banábasə a kǐ á nkí n Tásusə álí sa Sɔ̂lə. 26Á púndá ɛyə̌ á míníní mɔ́, a kanání mɔ́ á Ántiyɔkə. Á mbû nfɔ́, bɔ́ bábɛ̂ bá bílí ɛ tánán na baʼ bá mwembá. Bâ n lɛ́fú pə́ bâ jǐta. Á Ántiyɔkə bá kɔ́sɛ́ní bə̂ dǐn á baʼ ábə́ bá dúbɛ́ Yésuwə nána Baʼ bá Krísto.
27Á púndá ɛni, dungu lí balaku bá múdî bá fí á Jerúsálɛmə bá pá á Ántiyɔkə. 28Nlakuwa a mudî nfɔ́ a wútitîn wú balaku bá múdî awə̌ dǐn lí mɔ lí bílí Agábusə, a n tyə́ á mǐn. Á ngínya ɛ Mudî ámə́ ŋ Sáŋí a m byá nána, Njɛ ɛ nə̂n ɛ kɛ́lí ɛ paʼ. Ɛ́ bá á nkínshíyə̌ nsə́sə̌n. Ɛ́yínán ɛ̌ m bwəlan a púndá ɛyə̌ Kládiyusə a bílíní á janiya. 29Bawútú bâ n tyə́sí nána mɔʼ na mɔtɛ́ á bɔ́, á lúm liwúnjan á badúbedi ábání ábə́ bá dí á pɛsi ɛ Judéya ngə bɔ́ mɔtɛ́ a púlíní ɛ bə. 30Nâ bâ n bwəní. Bâ n shwínj ngáʼ, bá lúmán Sɔ̂lə bû Banábasə álí bə̂ milú mí mwémbá.
Currently Selected:
Mabwəlan 11: bwt
Highlight
Copy
Compare
Share
Want to have your highlights saved across all your devices? Sign up or sign in
Mabwəlan 11
11
Píta a byábí tɛ́ŋgɛnɛ yǔm ɛ́yə́ a bwə́líní
1Bawútú bálí-lúm na badúbedi bápə́pə̂ ábə́ bá bílí á pɛsi ɛ Judéya ɛsə́sə̌n bâ n wú nána baʼ ábə́ bá shiyǎ baʼ bá Júda bɔ́ pə́ bá mə́ ɛ kasí ɛ́yala ɛ́ Dyǔ. 2Ngə Píta a timbíní mbǐ á Jerúsálɛmə, baʼ ábə́ bá bílí ɛ́ byá nána bá bwə baʼ ábə́ bá shiyǎ baʼ bá Júda wulɛ́ná bá bútí byá á mɔ́ nána, 3“Yə̌ ɛ kǐní ɛ bwə á ndáʼ ɛ baʼ ábə́ bá shiyǎ baʼ bá Júda ábə́ bá nan bwə́líyání wulɛ́ná, kə́ŋ ti ɛ dyá na bɔ́ á fǔm bufɔ́?” 4Yɔ̂ Píta a fílíní mbyá á nsu á pɔŋá bɔ́ nána, á pɔ̌ŋ bɔ́ misam mísə́sə̌n ngə mí bútíní á libutílí. A m pɔ̌ŋ bɔ́ nána, 5m bílí á nkí n Jóppa m bəká mákáni ti n kfúndí biyúŋgu. Á biyúŋgu bî, m míní yǔm ɛ́yə́ ɛ́ bílí ngə libaʼ línə̂n lí fí á líbubɛ lí shulá áshí. Lí bílí ngə bá wálí lɔ́ á mábú mánîn. Bá shuli lɔ́ á wúsú wú myə. 6Ngə n shwátíní dǐ bwǎm á líbaʼ lî átin, mi mi mín nyâm nyay na nyay. Mi mi mín nyam ɛ́ nkíyə na nyam ɛ́ ndfukú. Nyam ɛ́yə́ ɛ kanán líbum na manɔn má ndfukú. 7Ti n wúkí ngɔli ɛ́ pɔŋá mî nána, “Píta, falú áshí, búlú nyâm ɛ́yín ɛ dyá!” 8Ndé mi mi byá pə́ nána, “‘Sáŋgúwə́, n tíŋganiyǎ ɛ́ bwə nsam ngə mún. Ká bwǐn mi nan dílíyá wə́ yǔm ɛ́yə́ mbéndá ɛ byábíní nána ɛ́ sáŋiyǎ tɔ yǔm ɛ́yə́ ɛ́ sáŋiyǎ á wusú wú Dyǔ.’ 9Ngɔli ɛni ɛ byábí á mi ɛtî ɛ́bɛ̂ nána, ‘Ɛ si nǔŋ yǔm ká ɛfɔ́ ɛ́yə́ Dyǔ lí mə́ní ɛ pɔŋ nána ɛ́ sáŋí nána ɛ́ sáŋiyǎ.’ 10Ɛ́yín ɛ́ bwə́lání bitî bí lán ti bá tímbí byə̌m bísə́sə̌n bî á líbube. 11Áfâ áshí áshí, baʼ bá lán ábə́ bá fí á nkí n Kayísaríya ábə́ bâ n lúmní á mi bá pílí á ndáʼ ɛyə̌ m bílíní ɛ dyɛ. 12Mudî ámə́ ŋ Sáŋí m pɔ́ŋí mi nána síyabɔ́ sí kə̂ n si báŋ álí kə na bɔ́. Badúbedi ábán ntyǔ ábə́ bá fí á nkí n Jóppa, bɔ́ pə́ bá pɔ́ŋí mi á mbís á Kayísaríya ti sə́ básə́sə̌n sí kí á ndáʼ Kɔnɛ́lusə. 13Kɔnɛ́lusə a pɔŋí sə́ ngə a míníní áŋgɛl ɛ tyə́ á ndáʼ ɛ́ mɔ átin á pɔŋá mɔ́ nána, ‘Lúm mɔ̂ʼ á nkí n Jóppa a bə̂ŋ wə mɔʼ awə̌ dǐn lí mɔ lísə́sə̌n lí dí Sáyímɔnə Píta. 14Njí a pilí, á pɔŋ nyə́ ndúm ɛyə̌ ɛ̌ bwə Dyǔ lí shuŋgɛ́ luŋgɛ́ lí wə na lí shuŋgɛ́ túmbá lí wə.’ 15Á mbís ɛ púndá ngə butíní álí byá, Mudî ámə́ n Sáŋí n shúlí á bɔ́ mulimlim ngə mû m shulní á sə́ á bibutílí. 16Ti n kaní yə̌ ɛ́yə́ Sáŋgúwə́ a m byání. Á m byá nána, ‘Jɔnə́ a bílí ɛ dumsɛ́ bâ na madí ndé bá dumsɛ́ nyə́ na Mudî ámə́ n Sáŋí.’ 17Ɛ́ dí mbálɛ nána Dyǔ lí bə́kí Baʼ ábə́ bá shiyǎ baʼ bá Júda mulimlim n jabeya ngə lí bəní sə́ á púndá ɛyə̌ sí dúbɛ́ní Sáŋgúwə́ Yésu Krísto. Áfánikə̌, mi n dí njá álí ɛ́ tɛ́ŋgɛ́n ɛ́bulú ɛ́ Dyǔ? 18Ngə bá wúkíní yə̌ ɛ́yə́ Píta a byábíní, bá mákú álí tɛ́ŋgɛ́n mɔ́ ti bá bútí ɛ kɛsí Dyǔ. Bá bílí ɛ byá nána, Á mbálɛ, ɛ́yínán ɛ́ lúfú nána Dyǔ lí mə́ ɛ bə̂ baʼ ábə́ bá shiyǎ baʼ bá Júda álí makú wúbî wú bɔ álí tim á Dyǔ na álí kwisí luŋgɛ́ álə́ lí sə̌ ɛ́ mɛ.”
Mwembá m bútí á nkí n Ántiyɔkə
19Sɔnsɔ́nǎn, bá mə́ní ɛ búlú Stífɛnə, baʼ ábə́ bâ m páŋili á ɛ́tútú ɛ́ mútakaʼ ámə́ bá bílíní ɛ kwisi, duŋgu lî n kə kə́ŋ ta á nkí n Fonísiya, duŋgu bá kǐ á Sáyíprɔsə ti bání bá kǐ á Ántiyɔkə. Ngə bá bílíní ɛ kə, bá bílí ɛ pɔ̌ŋ ndúm ɛ́ mbâ wɔ̂ á baʼ bá Júda. 20Ndé badúbedi bápə́pə̂ ábə́ bá fí á mikí mí Sáyíprɔsə na Sirínə, bâ n kə á Ántiyɔkə ti bá bútí álí pɔ̌ŋ Ndúm ɛ Mbâ tɛ́ŋgɛnɛ Sáŋgúwə́ Yésuwə á baʼ bá Grîkə pə́. 21Ngínya ɛ́ Sáŋgúwə́ ɛ bílí átinə́ m bɔ́. Baʼ jǐta bâ n dúbɛ ti bá tímbí á Sáŋgúwə́. 22Nkala mû, m paʼ á mátwî má baʼ bá mwembá á Jerúsálɛmə. Áfánikə̌ bâ n lúm Banábasə á Ántiyɔkə álí mín bɔ́. 23Á púndá ɛyə̌ Banábasə a pilíní á wə́, ti a míní ngə Dyǔ lí mə́ní baʼ ɛ namsɛ́ a n wú munyɛŋgɛ ti a bəkí bɔ́ maléyá nána bá bwə́li Dyǔ na nlə́m nfɔ́. 24Banábasə á bílí mɔʼ a mbâ, a n lwínj na Mudî ámə́ ŋ Sáŋí na dúbɛ lí mɔ lî n kpúʼ jǐta, bâ jǐta bâ n dúbɛ́. 25Ti Banábasə a kǐ á nkí n Tásusə álí sa Sɔ̂lə. 26Á púndá ɛyə̌ á míníní mɔ́, a kanání mɔ́ á Ántiyɔkə. Á mbû nfɔ́, bɔ́ bábɛ̂ bá bílí ɛ tánán na baʼ bá mwembá. Bâ n lɛ́fú pə́ bâ jǐta. Á Ántiyɔkə bá kɔ́sɛ́ní bə̂ dǐn á baʼ ábə́ bá dúbɛ́ Yésuwə nána Baʼ bá Krísto.
27Á púndá ɛni, dungu lí balaku bá múdî bá fí á Jerúsálɛmə bá pá á Ántiyɔkə. 28Nlakuwa a mudî nfɔ́ a wútitîn wú balaku bá múdî awə̌ dǐn lí mɔ lí bílí Agábusə, a n tyə́ á mǐn. Á ngínya ɛ Mudî ámə́ ŋ Sáŋí a m byá nána, Njɛ ɛ nə̂n ɛ kɛ́lí ɛ paʼ. Ɛ́ bá á nkínshíyə̌ nsə́sə̌n. Ɛ́yínán ɛ̌ m bwəlan a púndá ɛyə̌ Kládiyusə a bílíní á janiya. 29Bawútú bâ n tyə́sí nána mɔʼ na mɔtɛ́ á bɔ́, á lúm liwúnjan á badúbedi ábání ábə́ bá dí á pɛsi ɛ Judéya ngə bɔ́ mɔtɛ́ a púlíní ɛ bə. 30Nâ bâ n bwəní. Bâ n shwínj ngáʼ, bá lúmán Sɔ̂lə bû Banábasə álí bə̂ milú mí mwémbá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in