مَتّی 6
6
کمک وِ نیازمندا
1«حَواسِتو با كه کارای خُوِ خُیِتونِه دِ وَرِ چِشِ مَردمِ وِ جا نیارید وِ ایی نیَت که شمانِ بویینَن وَیَرنَه وَرِ بُواِ آسِمونی خُیِتو که دِ آسِمُونَ پاداشی نَرید.
2پَ وَختی صَدَقَه مِیی، اونِ وا سورِنا جار نَزِ اوجوری که ریاکارا دِ کَنیسِه آ وُ کوچه آ مُکُنن تا مَردِم اَزِشو تعریف کُنَن. ,وِ راسی وِ شما موئِم ، اینا پاداشِ خُیِشُونِه گِرِفتِنَ. 3وَ اَما تُو هر وَخت صَدَقَه مِیی، جوری کُ که دَسِ چَپِت اَ او کاری که دَسِ راسِت مُکُنه واخَوَر نَوا. 4تاصَدَقَه تو دِ خَفا با؛ اوسِه بُواِیِ آسُمونی که تمامِ اسرارِ نِه مینَه پاداشِ تُنِ مییَ.
دعا
5وَختیکه دعا مُکُنی مِثِ ریاکارا نَوا.وِرِ اییکه اونا دُوس دارَن دِ کنیسِه آ وُ سَرِ کوچه آ واسَن دعا کُنَن تا مَردِم اونانِ نِه بُوینَن. وِ راسی وِ شما موئِم، اونا پاداشِ خُیِشُونِه گِرِفتِنَ. 6امّا تُو، وَختی که دعا مُکنی بَرو دِ اتاقِ خُیِت دَرِنَم بَوَن وُ دِ حُضورِ بُواِ آسِمُونی خُیِت که دِ خَفاَ دعا کُ. اوسِه بُواِ تو که دِ خَفا موینَه وِتو پاداش مِیَه.
7هَمیجور وَختِ دعا صُوَتا تو خالی تِكرار نَکُ،اوجور که غیر یَهودییا مُکُنَن، وِرِ اییکه گُموُ مُکُنن وِ خاطِرِ تکرارِ زیاد، دعاآشُو مُستَجاب مِشَه، 8پَ مِثِ اینا نَواید وِرَ ایکه بُواِ آسِمونی شما نیازا شمانِ قبل اَ ایکه اَ او بَخواید مِینَ.
9پَ شما اییجوری دعا کنید:
ای بُواِ ایما که دِ آسِمُونی،
اِسمِت مقدّس با.
10پادشایی تُو بیایَه.
ارادَۀ تُو، هَموجور كه دِ آسِمو انجام مِشَه
دِ زِمینَم وِ انجام بَرَسَه.
11نُون روزانِه اِیمان اِمرو وِمو عطا کُ
12وُ قرضا ایمانِ بَوَخش،
اوجوری که اِیمانَم قرضدارا خُیِمونِ مِوَخشیم.
13وُ اِیمانِ امتحان نَکُ
بلکه اَ شَریر رَهایی بَ.
وِر ایکه پادِشایی وُ قُدرَت وُ جَلال، تا اَبد مُتِعلِق وِ تُونَه. آمین.
14وِرَ ایکه اَیَر شما خَطاآی بَقیَه نِه بَوَخشید بُواِ آسِمُونیِ شمانَم خطاآ شِمانِه مِوَخشَه. 15امّا اَیَر خطاآ مرَدِمِ نِه نَوَخشید، بُواِ آسِمونی شمانَم خطاآی شِمانِه نِمِوَخشَه.
روزَه
16وَختی روزَه مِیرین، مِثِ ریاکارا تُرشِرو نوایید اونا نوکِرو خُیِشونِه دِ هم مِکَشَن تا وَرِ مردم روزَه دار بیَنِ خُیِشُونِ نِشو بَیَن. وِ راسی وِ شما موئِم، کِه اوناپاداشِ خُیِشونِه گِرِفتِنَه. 17اما تُو هَمی که روزَه مِیری، وِ سر خُیِت رِغون بَزِ وُ روتِ بَشُور 18تا مَردِم اَ روزۀ تو واخَور نَوان بلکه فقط بُواِ آسمونی توکه اَ هَمَه چی خَوَر دارَ،بَنِسَوا. وُ بُواِ آسمونی تو که چیایی که دِ خَفاَ موئنَه پاداشِ تُنِه مییَ.
گنجِ آسِمُونی
19وِ رو زِمی گَنج ذَخیرَ نَکُ جایی که بید وُ ژَنگ،اونِ مُخورَ وُ دُزا دالُو میزِنَن اونِه مِدُزَن . 20بلکه گنجای خُیِتِه دِ آسِمو ذخیره کُ، جایی که بید و ژَنگ، اون نِمُخوُرَ وُ دُزا دالُو نِمیزِنَن وُ اونِ نِمِدُزَن. 21وِرَ ایکه هر جا گنجِ تُو هِسا دلِ تُونَم اونچونَ.
22چِراغِ بَدَن چِشَ،اَیَر چَشِت سالِم با تَمام وجُودِت رُوشَنَه. 23امّا اَیَر چِشِ تو فاسِد با تَمام وجودِت پُر مِشَه اَ تاریکی پَ اَیَر او نُوری كه دِ مینِ تُونَه تاریکی با، او چِه تاریکی عظیمی مِشَه!
24هوشکَه نِمتُونَه دو اَرواوِ نِه خدمت کُنَه وِرِ ایکه یا اَ یکی بَیِش میا وُ وِ او یکی محبت مُکُنَه، وُ یا وِ یکی اِرادَت پیا مُکُنَه وُ او یِکی نِه کُوچوک مُکُنَه. نِمِتُونید هم خدا نِه خدمت کنید وَ هَم پولِ نِه.
زِنِیی بدون نگرانی
25پَ وِ شما مُوئِم، وِرَ زِنِییِ خُیِتو نگران نَوایید كه چی بَخُورید یا چی بَنُوشید وُ نَه نِگرانِ بَدنِ خُیِتو كه چی بَپوشید. مَیَر زِنِیی اَ غِذا وُ بَدن اَ لِواس مُهِمتَر نیسا، 26پِرَندِآ آسِمونِ سِیل کُنید ، نَه مِكارَن نَه دِرُو مُکُنن وُ نَه دِ اَمار ذَخیرَه مُکُنن وُ بُواِ آسِمُونیِ شما روزیِ اونانِ مِیَه. مَیَر شما اَ اونا قیمَتیتَر نیسید؟ 27کامیناتو مِتُونَه وا دلواپسی ساعتی وِ عُمر خُیِش اِضافَه کُنه؟
28چُنَ وِرَ لواس نِگرانید؟ سُوسَنآ صَرا نِه سیل کنید چِجوری رُشد مُکُنن اونا نَه زَحمَت مِکَشَن نَه مِریسَن. 29اما وِ شما موئِم که حتی سلیمان پادِشا هَم وا ایی هَمَه حِشمَتُ جَلالِش مِثِ یكی اَ اونا آراستَه نَشد. 30پَ اَیَر خدا عَلَفِ صَرانِ که امرو هِسا وُ صُوا دِ تنور اناختَه مِشَه ایجور مِپوشُنَه مَیَر شِمانِه، اِی کم اِیمانا وِ مراتِب بِهتَر نِمِپُوشُونَه؟
31پَ دِلواپَس نَواید وَ نویید چی بَخُوریم یا چی بَنُوشیِم یا چی بَپُوشیِم. 32وِرِ اییکه قومیا غیرِ یهودی دِ دُمِ تمامِ ایی چیائَن امّا بُواِ آسِمُونی شما مینَه كه شما وِ تمامِ ایی چیا نیاز دارید. 33اَما شما اوَل دِ دُمِ پادشایی خدا وُ عدالَتِ او باید، اوسِه تمامِ اینا وِ شما عطا مِشَه. 34پَ دلواپَسِ صُوا نواید صُوا دِلواپَسیِ خُیِشِه دارَ.گِرفتاری امرو وِرَ امرو کافیهَ!»
Currently Selected:
مَتّی 6: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
مَتّی 6
6
کمک وِ نیازمندا
1«حَواسِتو با كه کارای خُوِ خُیِتونِه دِ وَرِ چِشِ مَردمِ وِ جا نیارید وِ ایی نیَت که شمانِ بویینَن وَیَرنَه وَرِ بُواِ آسِمونی خُیِتو که دِ آسِمُونَ پاداشی نَرید.
2پَ وَختی صَدَقَه مِیی، اونِ وا سورِنا جار نَزِ اوجوری که ریاکارا دِ کَنیسِه آ وُ کوچه آ مُکُنن تا مَردِم اَزِشو تعریف کُنَن. ,وِ راسی وِ شما موئِم ، اینا پاداشِ خُیِشُونِه گِرِفتِنَ. 3وَ اَما تُو هر وَخت صَدَقَه مِیی، جوری کُ که دَسِ چَپِت اَ او کاری که دَسِ راسِت مُکُنه واخَوَر نَوا. 4تاصَدَقَه تو دِ خَفا با؛ اوسِه بُواِیِ آسُمونی که تمامِ اسرارِ نِه مینَه پاداشِ تُنِ مییَ.
دعا
5وَختیکه دعا مُکُنی مِثِ ریاکارا نَوا.وِرِ اییکه اونا دُوس دارَن دِ کنیسِه آ وُ سَرِ کوچه آ واسَن دعا کُنَن تا مَردِم اونانِ نِه بُوینَن. وِ راسی وِ شما موئِم، اونا پاداشِ خُیِشُونِه گِرِفتِنَ. 6امّا تُو، وَختی که دعا مُکنی بَرو دِ اتاقِ خُیِت دَرِنَم بَوَن وُ دِ حُضورِ بُواِ آسِمُونی خُیِت که دِ خَفاَ دعا کُ. اوسِه بُواِ تو که دِ خَفا موینَه وِتو پاداش مِیَه.
7هَمیجور وَختِ دعا صُوَتا تو خالی تِكرار نَکُ،اوجور که غیر یَهودییا مُکُنَن، وِرِ اییکه گُموُ مُکُنن وِ خاطِرِ تکرارِ زیاد، دعاآشُو مُستَجاب مِشَه، 8پَ مِثِ اینا نَواید وِرَ ایکه بُواِ آسِمونی شما نیازا شمانِ قبل اَ ایکه اَ او بَخواید مِینَ.
9پَ شما اییجوری دعا کنید:
ای بُواِ ایما که دِ آسِمُونی،
اِسمِت مقدّس با.
10پادشایی تُو بیایَه.
ارادَۀ تُو، هَموجور كه دِ آسِمو انجام مِشَه
دِ زِمینَم وِ انجام بَرَسَه.
11نُون روزانِه اِیمان اِمرو وِمو عطا کُ
12وُ قرضا ایمانِ بَوَخش،
اوجوری که اِیمانَم قرضدارا خُیِمونِ مِوَخشیم.
13وُ اِیمانِ امتحان نَکُ
بلکه اَ شَریر رَهایی بَ.
وِر ایکه پادِشایی وُ قُدرَت وُ جَلال، تا اَبد مُتِعلِق وِ تُونَه. آمین.
14وِرَ ایکه اَیَر شما خَطاآی بَقیَه نِه بَوَخشید بُواِ آسِمُونیِ شمانَم خطاآ شِمانِه مِوَخشَه. 15امّا اَیَر خطاآ مرَدِمِ نِه نَوَخشید، بُواِ آسِمونی شمانَم خطاآی شِمانِه نِمِوَخشَه.
روزَه
16وَختی روزَه مِیرین، مِثِ ریاکارا تُرشِرو نوایید اونا نوکِرو خُیِشونِه دِ هم مِکَشَن تا وَرِ مردم روزَه دار بیَنِ خُیِشُونِ نِشو بَیَن. وِ راسی وِ شما موئِم، کِه اوناپاداشِ خُیِشونِه گِرِفتِنَه. 17اما تُو هَمی که روزَه مِیری، وِ سر خُیِت رِغون بَزِ وُ روتِ بَشُور 18تا مَردِم اَ روزۀ تو واخَور نَوان بلکه فقط بُواِ آسمونی توکه اَ هَمَه چی خَوَر دارَ،بَنِسَوا. وُ بُواِ آسمونی تو که چیایی که دِ خَفاَ موئنَه پاداشِ تُنِه مییَ.
گنجِ آسِمُونی
19وِ رو زِمی گَنج ذَخیرَ نَکُ جایی که بید وُ ژَنگ،اونِ مُخورَ وُ دُزا دالُو میزِنَن اونِه مِدُزَن . 20بلکه گنجای خُیِتِه دِ آسِمو ذخیره کُ، جایی که بید و ژَنگ، اون نِمُخوُرَ وُ دُزا دالُو نِمیزِنَن وُ اونِ نِمِدُزَن. 21وِرَ ایکه هر جا گنجِ تُو هِسا دلِ تُونَم اونچونَ.
22چِراغِ بَدَن چِشَ،اَیَر چَشِت سالِم با تَمام وجُودِت رُوشَنَه. 23امّا اَیَر چِشِ تو فاسِد با تَمام وجودِت پُر مِشَه اَ تاریکی پَ اَیَر او نُوری كه دِ مینِ تُونَه تاریکی با، او چِه تاریکی عظیمی مِشَه!
24هوشکَه نِمتُونَه دو اَرواوِ نِه خدمت کُنَه وِرِ ایکه یا اَ یکی بَیِش میا وُ وِ او یکی محبت مُکُنَه، وُ یا وِ یکی اِرادَت پیا مُکُنَه وُ او یِکی نِه کُوچوک مُکُنَه. نِمِتُونید هم خدا نِه خدمت کنید وَ هَم پولِ نِه.
زِنِیی بدون نگرانی
25پَ وِ شما مُوئِم، وِرَ زِنِییِ خُیِتو نگران نَوایید كه چی بَخُورید یا چی بَنُوشید وُ نَه نِگرانِ بَدنِ خُیِتو كه چی بَپوشید. مَیَر زِنِیی اَ غِذا وُ بَدن اَ لِواس مُهِمتَر نیسا، 26پِرَندِآ آسِمونِ سِیل کُنید ، نَه مِكارَن نَه دِرُو مُکُنن وُ نَه دِ اَمار ذَخیرَه مُکُنن وُ بُواِ آسِمُونیِ شما روزیِ اونانِ مِیَه. مَیَر شما اَ اونا قیمَتیتَر نیسید؟ 27کامیناتو مِتُونَه وا دلواپسی ساعتی وِ عُمر خُیِش اِضافَه کُنه؟
28چُنَ وِرَ لواس نِگرانید؟ سُوسَنآ صَرا نِه سیل کنید چِجوری رُشد مُکُنن اونا نَه زَحمَت مِکَشَن نَه مِریسَن. 29اما وِ شما موئِم که حتی سلیمان پادِشا هَم وا ایی هَمَه حِشمَتُ جَلالِش مِثِ یكی اَ اونا آراستَه نَشد. 30پَ اَیَر خدا عَلَفِ صَرانِ که امرو هِسا وُ صُوا دِ تنور اناختَه مِشَه ایجور مِپوشُنَه مَیَر شِمانِه، اِی کم اِیمانا وِ مراتِب بِهتَر نِمِپُوشُونَه؟
31پَ دِلواپَس نَواید وَ نویید چی بَخُوریم یا چی بَنُوشیِم یا چی بَپُوشیِم. 32وِرِ اییکه قومیا غیرِ یهودی دِ دُمِ تمامِ ایی چیائَن امّا بُواِ آسِمُونی شما مینَه كه شما وِ تمامِ ایی چیا نیاز دارید. 33اَما شما اوَل دِ دُمِ پادشایی خدا وُ عدالَتِ او باید، اوسِه تمامِ اینا وِ شما عطا مِشَه. 34پَ دلواپَسِ صُوا نواید صُوا دِلواپَسیِ خُیِشِه دارَ.گِرفتاری امرو وِرَ امرو کافیهَ!»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company