مَتّی 11
11
حَرفا عیسی دِ بارَه یَحییِ تعمید دهندَه
1بعد ایی که عیسی ایی دَستورانِ وِ او دُوآزَ شایِردِ خُیِش دا اَ اونچو رفت وِ شَرا دیَر تا دِ اونچو تَعلیم بَیَه وُ موعِظَه کُنَه.
2وَختی که یَحیی دِ زِندان تعریف کارای مسیح نِه شِنُفت شایِردا خُیِشِه وَرِ او فِرسا، 3تا اَ عیسی بَپُرسَن: «آیا تُو هَمونی كه قِرارَ بیایَ، یاچِش وِ را کَسی دیَر بَمونیم؟» 4عیسی دِ جُواو گُفت: «بَرید وُ او چیائی که مُوینید وُ مِشنُوئید وِ یَحیی بُئید، که: 5كُورا بینا مِشن لَنگا را مِرَن جُذامیا شفا میرَن كَرا مِشنُوَن مُرداآ زِنهَ مِشن وُ وِ فُقَرا خَوَرِ خوش اعلام مِشَه. 6خوشال او که دِ بارَه مَه شک نَکُنه.»
7وَختی شایِردا یَحیی مِرفتِن عیسی دِبارَ یَحیی وا مَردِم صُوَت کِرد وُ گُفت: «وِرَ دییِنِ چِه چی وِ بیاوُو رَفتید؟ وِرَ دییِنِ یِه نِی ایی كه اَ باد، تَکو مُخورَ؟ 8اَیَر نَه، پَ وِرَ دییِنِ چه چی رَفتید؟ وِرَ دییِنِ مردی كه لِواسِ لطیف دِ وَر دارَه؟ اونا که لِواسا لطیف دِ وَر مُکُنن دِ کاخا پادشاآئَن. 9پَ وِرَ دییِنِ چه چی رَفتید؟ وِرَ دییِن یِه پیغَمَر؟ بله، وِ شما مُوئِم كه او اَ یِه پیغَمَر هَم بُزُرگتَرَ، 10وِرِ ایکه او همونَ كه دِبارش دِ کِتُآوا مُقَدَس نِوشتَه شیَ:
”مَه رسول خُیِمهِ پیش اَ تو مِفِرسِم
که را وَرِ پاآتِ آمادَه کُنَه.“
11وِ راسی وِ شما موئِم، كِه بزرگتَر اَ یَحیای تَعمِیددَهَندَه اَ نِنَه زادَ نَشیَ امّا کُوچوکتَرین دِ پادِشایی آسِمو اَ او بزرگتَرَ. 12اَ زِمان یَحیای تَعمید دَهَندَه تا ایسِه پادشایی آسِمو آزار وَ اذیت زیادی دییَه وُ آیِمیا زورگو اونِ وِ زور میرَن، 13تمامِ اَنبیا وُ تُورات تا زِمان یَحیی اَ چیایی که باید اِتفاق بِفتَه خَور دییَن. 14وَ اَیَر اینِانِ قَوول دارید بایَد بَنِسَواید یَحیی هَمو الیاَ که بایَد بیا. 15هر کَه گوشِ شِنَوا دارَ، بَشنُوءَ.
16مَه مَردِم ایی نَسلِ نِه وِ چی تَشبیه کُنِم؟ مِثِ بچه آییَن كه دِ بازار مِنیشَن وُ وا صدای بُلن وِ هَمبازیاشو مُوئَن:
17”وِرَ شما نی زِئیم، نَرَقصِسین
مَرثیَه خُنیم گورگَه نَکِردید“
18وِرِ ایی که یحیی آما نَه مُخورد وُ نَه مِنوشی اَما هَمَه مِگُفتِن: ”دیو دارَه.“ 19پسر انسان آما، هَم مُوخُرَ وُ هَم مِنُوشَه؛ موئَن: ”سیلِ کُنید یِه آییم لَمو وُ عِرَق خور، دوسِ خراجگیرا وُ گُنا کاراَ.“ امّا دُرُسی حِكمَتِنِه،کارایِ حکمت ثابت مُکُنَه.»
وایی وِ حالِ شَرایی که توبهَ نَکِردِن
20او وَخت عیسی شروع کِرد وِ توبیخِ شَرایی که بیشتَرِ مُعجِزاتِش دِ اونچو انجام شیَ وی اَما تُوبَه نَکِردَه ویین. 21«وای وِ حالت، ای خُورَزین! وای وِ حالت، ای بِیتصِیدا! وِرِ ایکه اَیَر مُعجزاتی كِه دِ شما انجام شد دِ صور وُ صیدون اَنجام مِشُد مَردِموُنِ اونچو خیلی زوتَر اَ ایی پِلاس دِ وَر وُ خَرَ دِ سر توبَه کِردَ ویین. 22امّا وِ شما موئِم كه دِ روزِ داوَری، تَحَمُلِ مُجازات وِرَ صور و صیدون آسُوتِر ما تا وِرَ شما. 23وَ تُو، ای كَفَرناحوم، آیا سَرِ خُیِتِ تا وِ آسِمو بالا مِکَشی؟ نه، تُو دِ تَه جَنِم سرنِگون مایی. وِرِ ایکه اَیَر مُعجِزاتی كِه دِ تُو انجام شد دِ سُدوم انجام مِشُد تا وِ اِمرو باقی مِمُن. 24امّا وِ شما موئِم كه دِ روزِ داوَری، تَحَمُلِ مُجازات وِرَ سَرزِمین سُدوم آسُوتِر ما تا وِرَ تُو.»
بیاید وَرِ مَه
25دِ او وَخت، عیسی اعلام کِرد:«ای بُواَ، مالِکِ آسمُونُو زِمی، تُونِه شُکر مُکُنم كِه ایی حقیقتِ اَ حکیما وُ دونا آ قایِم کِردی وُ وِرِ بچه آیِ کوچوک آشکار کِردی. 26بله، ای بُواَ، وِرِ ایکه اراده تُو دِ ایی بی. 27بُواَ مَه، همه چینِه وِ مَه سِپُردَه. هوشکَه پسرِ نِمِشناسَ جُز بُواَ، و هوشکَه بُواَ نِه نِمِشناسَ جُز پسر وُ اونایی که پسر بَخوا بُواَ نِه وِشو دیاری کُنَه.
28بیایید وَرِ مَه،ای تَمام زَحمَتکشا وُ کسایی که زیر بارا سنگین هِسید که مَه وِ شما راحتی مییِم. 29یوغ مَنِه وِ دوش بیرید وُ اَ مَه تَعلیِم بیرید. وِرَ ایکه مُلایِم وُ اُفتادَ هِسِم وُ جونِتو راحتی مییِم. 30وِرَ ایکه یوغ مَه آسونَه وُ بارِ مَه سَوُکَ.»
Currently Selected:
مَتّی 11: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
مَتّی 11
11
حَرفا عیسی دِ بارَه یَحییِ تعمید دهندَه
1بعد ایی که عیسی ایی دَستورانِ وِ او دُوآزَ شایِردِ خُیِش دا اَ اونچو رفت وِ شَرا دیَر تا دِ اونچو تَعلیم بَیَه وُ موعِظَه کُنَه.
2وَختی که یَحیی دِ زِندان تعریف کارای مسیح نِه شِنُفت شایِردا خُیِشِه وَرِ او فِرسا، 3تا اَ عیسی بَپُرسَن: «آیا تُو هَمونی كه قِرارَ بیایَ، یاچِش وِ را کَسی دیَر بَمونیم؟» 4عیسی دِ جُواو گُفت: «بَرید وُ او چیائی که مُوینید وُ مِشنُوئید وِ یَحیی بُئید، که: 5كُورا بینا مِشن لَنگا را مِرَن جُذامیا شفا میرَن كَرا مِشنُوَن مُرداآ زِنهَ مِشن وُ وِ فُقَرا خَوَرِ خوش اعلام مِشَه. 6خوشال او که دِ بارَه مَه شک نَکُنه.»
7وَختی شایِردا یَحیی مِرفتِن عیسی دِبارَ یَحیی وا مَردِم صُوَت کِرد وُ گُفت: «وِرَ دییِنِ چِه چی وِ بیاوُو رَفتید؟ وِرَ دییِنِ یِه نِی ایی كه اَ باد، تَکو مُخورَ؟ 8اَیَر نَه، پَ وِرَ دییِنِ چه چی رَفتید؟ وِرَ دییِنِ مردی كه لِواسِ لطیف دِ وَر دارَه؟ اونا که لِواسا لطیف دِ وَر مُکُنن دِ کاخا پادشاآئَن. 9پَ وِرَ دییِنِ چه چی رَفتید؟ وِرَ دییِن یِه پیغَمَر؟ بله، وِ شما مُوئِم كه او اَ یِه پیغَمَر هَم بُزُرگتَرَ، 10وِرِ ایکه او همونَ كه دِبارش دِ کِتُآوا مُقَدَس نِوشتَه شیَ:
”مَه رسول خُیِمهِ پیش اَ تو مِفِرسِم
که را وَرِ پاآتِ آمادَه کُنَه.“
11وِ راسی وِ شما موئِم، كِه بزرگتَر اَ یَحیای تَعمِیددَهَندَه اَ نِنَه زادَ نَشیَ امّا کُوچوکتَرین دِ پادِشایی آسِمو اَ او بزرگتَرَ. 12اَ زِمان یَحیای تَعمید دَهَندَه تا ایسِه پادشایی آسِمو آزار وَ اذیت زیادی دییَه وُ آیِمیا زورگو اونِ وِ زور میرَن، 13تمامِ اَنبیا وُ تُورات تا زِمان یَحیی اَ چیایی که باید اِتفاق بِفتَه خَور دییَن. 14وَ اَیَر اینِانِ قَوول دارید بایَد بَنِسَواید یَحیی هَمو الیاَ که بایَد بیا. 15هر کَه گوشِ شِنَوا دارَ، بَشنُوءَ.
16مَه مَردِم ایی نَسلِ نِه وِ چی تَشبیه کُنِم؟ مِثِ بچه آییَن كه دِ بازار مِنیشَن وُ وا صدای بُلن وِ هَمبازیاشو مُوئَن:
17”وِرَ شما نی زِئیم، نَرَقصِسین
مَرثیَه خُنیم گورگَه نَکِردید“
18وِرِ ایی که یحیی آما نَه مُخورد وُ نَه مِنوشی اَما هَمَه مِگُفتِن: ”دیو دارَه.“ 19پسر انسان آما، هَم مُوخُرَ وُ هَم مِنُوشَه؛ موئَن: ”سیلِ کُنید یِه آییم لَمو وُ عِرَق خور، دوسِ خراجگیرا وُ گُنا کاراَ.“ امّا دُرُسی حِكمَتِنِه،کارایِ حکمت ثابت مُکُنَه.»
وایی وِ حالِ شَرایی که توبهَ نَکِردِن
20او وَخت عیسی شروع کِرد وِ توبیخِ شَرایی که بیشتَرِ مُعجِزاتِش دِ اونچو انجام شیَ وی اَما تُوبَه نَکِردَه ویین. 21«وای وِ حالت، ای خُورَزین! وای وِ حالت، ای بِیتصِیدا! وِرِ ایکه اَیَر مُعجزاتی كِه دِ شما انجام شد دِ صور وُ صیدون اَنجام مِشُد مَردِموُنِ اونچو خیلی زوتَر اَ ایی پِلاس دِ وَر وُ خَرَ دِ سر توبَه کِردَ ویین. 22امّا وِ شما موئِم كه دِ روزِ داوَری، تَحَمُلِ مُجازات وِرَ صور و صیدون آسُوتِر ما تا وِرَ شما. 23وَ تُو، ای كَفَرناحوم، آیا سَرِ خُیِتِ تا وِ آسِمو بالا مِکَشی؟ نه، تُو دِ تَه جَنِم سرنِگون مایی. وِرِ ایکه اَیَر مُعجِزاتی كِه دِ تُو انجام شد دِ سُدوم انجام مِشُد تا وِ اِمرو باقی مِمُن. 24امّا وِ شما موئِم كه دِ روزِ داوَری، تَحَمُلِ مُجازات وِرَ سَرزِمین سُدوم آسُوتِر ما تا وِرَ تُو.»
بیاید وَرِ مَه
25دِ او وَخت، عیسی اعلام کِرد:«ای بُواَ، مالِکِ آسمُونُو زِمی، تُونِه شُکر مُکُنم كِه ایی حقیقتِ اَ حکیما وُ دونا آ قایِم کِردی وُ وِرِ بچه آیِ کوچوک آشکار کِردی. 26بله، ای بُواَ، وِرِ ایکه اراده تُو دِ ایی بی. 27بُواَ مَه، همه چینِه وِ مَه سِپُردَه. هوشکَه پسرِ نِمِشناسَ جُز بُواَ، و هوشکَه بُواَ نِه نِمِشناسَ جُز پسر وُ اونایی که پسر بَخوا بُواَ نِه وِشو دیاری کُنَه.
28بیایید وَرِ مَه،ای تَمام زَحمَتکشا وُ کسایی که زیر بارا سنگین هِسید که مَه وِ شما راحتی مییِم. 29یوغ مَنِه وِ دوش بیرید وُ اَ مَه تَعلیِم بیرید. وِرَ ایکه مُلایِم وُ اُفتادَ هِسِم وُ جونِتو راحتی مییِم. 30وِرَ ایکه یوغ مَه آسونَه وُ بارِ مَه سَوُکَ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company