Ovilinga 28
28
Paulus mompanga yaMalta
1Iya hitwe thiki nawa kontyo, twa tyaa okutya ena lyompanga ndjoka oMalta. 2Ovamalta ve tu tambula noupanga ounene. Va ten̯a omulilo, have tu ithana tu ka ungulukwe, mena lyokutya ombula ya li amai loko, kokwa li aku na outalala. 3Iya Paulus hiaa tyava otjipandi tjodhonkun̯i, tainkolo wa li ame dhi twaa pomulilo, onyoka ya dha modhonkun̯i mena lyoupyu womulilo, hai mu kakatele kokuwoko. 4Ovamalta hiva mono onyoka ndjaa yendjelela kokuwoko kwaPaulus, ve liheela hava tyaa: “Omulumentu hengu omudhipai, mena lyokutya nandaku tiwa wa hupithwa melunga, kalungakadhona kouvyuuki ka itavelele, a kale nomwenyo.” 5Iya Paulus wa hathela onyoka momulilo, kai na hiye mu ninga. 6Ovantu va li amava kevelele Paulus, a thule ne e lisate dhiva pohi, a t̯e. Hiva kevelele olule, va mona okutya Paulus u li nawa, ke na hiaa ningi, ve litjun̯a hava tyaa: “Omuntu hengu okalunga!”
7Popedhi noluvedhe ndoka pa li ovyana vyomunene wompanga nguu tiwa oPublius. Ye we tu tambula nouwa, hatu kala puye oule womatango atatu. 8Ihe yaPublius wa li ama vele elema nompito yombindhi. Paulus wa hita mondjuwo ye, ha kumbu he mu tendeke omawoko, he mu velula. 9Kon̯ima yotjiningwapuka hehi ovavedhi vamo wo owomompanga ve ya kuPaulus, he ve velula. 10Ve tu pa ovipuka ovingi vyotjali, nahi twa ka ya mombapolo, ve tu pa himatu hepa mondjila.
Paulus ma dhi koMalta, ma i koRoma
11Hipa piti omiedhi vitatu, twa ya nombapolo yokoAleksandria ndjii tiwa “Ookalungomapaha,” ndjoka ndjaa kala ompepela aihe mompanga. 12Nt̯e twe thika kotjitungwalongo tjaSirakusa, hatu kala mo omatango atatu. 13Okudha mpoka twa ya nombapolo, hatu thiki koRegio. Ngamuhuka ombepo ya uta okupepa okudha komakumbinda otjilongo, hai tu thikitha moule womatango avali kotjitungwalongo tjaPuteoli. 14Twa vadha mo ovaitaveli, have tu kumbu tu kale puwo oule womatango epanduvali. Okudha mpoka twa kulama hatu i koRoma. 15Ovakwetu mbava kala hoka, hive tji tee, ve tu teta kodhompadhi, have ya katee koAppi-Forum nokoTres-Taberne oku tu lyepetha, ye Paulus hiee ve mono, wa vandhipalekwa, ha pandula Kalunga.
Paulus ma teethele ovanene wOvaroma
16Iya hitwe ya moRoma, Paulus wa yethwa, a kale kuye omwene, ha pewa omukwavita ngume mu yungu.
17Hipa piti omatango atatu, Paulus wa ithana ovanene wOvajuda kotjoonganene. Hiva ongana, we ve heela ha tyaa: “Valumentu vakwetu! Ame nandaku tiwa hí na himba lundha kotjiwan̯a tjetu ne kodhonteto ndhitwa thiwa nadho kootateombwale, mba dha moJerusalem amba kambulwa, he yandjwa momawoko Ovaroma. 18Ovaroma hiva mpulampula, va li amava hala okunkutulula, mena lyokutya va mona okutya hí na himba ninga, himatji ulu okundhipaetha. 19Iya Ovajuda hiva nkondjetha, ame mba li andji na okuliameka komukesari, hakutya ngaile ndji kondjethe otjiwan̯a tjandje, aai.#Ovil. 25:11 20Iya ame mbe mu ithana, ndji mu mone ndji mu popithe, mena lyokutya ndji li momalyenge henga mena lyekevelelo lyOvaisraeli.”
21Ovanene wOvajuda mboka mbava kala moka va heela Paulus hava tyaa: “Nt̯e katu mwene elaka ndyaa dhi kotjilongo tjaJudea ndimali popi ove, novakwetu mbave dhile muno kave na hiva popi otjivi kombinga yoye. 22Iya nt̯e matu hala okutya tu iwe himo soko, mena lyokutya nt̯e tu tji i okutya opaati hendji i kondjethwa akuhe.”
23Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus. 24Vamo owomovantu mboka va sukwa kodhondaka dhaPaulus, ovakwawo kava itavelele. 25Iya hiva li ahava ile kumo, va uta okuliyapauka, Paulus hiee ve heela ha tyaa: “Ombepo Ondhilikwa ya popya otjatjili hiya tuma omuprofeti Jesaja kowoihoombwale, 26hai tyaa:
‘Enda kovantu hemba, u tyee:
Okutyaa mu tyaa, atjaa kamu yuvite,
okutala mu tala, atjaa kamu ku mono.#Jes. 6:9-10
27Iya omitima vyovantu hemba vya kukuta,
omatwi awo a poloka,
nomeho awo a thiinina,
opo háve ku mono,
nomatwi awo ahamava tee,
nomitima vyawo opo hávi koneke,
ve liteyulule,
ame ndji ve velule.’ ”
28Pehulilo Paulus we ve heela ha tyaa: “Kalen̯i amu tji i okutya elaka lyaKalunga lyehupitho lya tuminwa kovapaani, iya nawo mave ke li tyaa.” 29[Paulus hiaa popi odhondaka hendhi, Ovajuda ve mu thiaa po, hava kala nodhombata odhonene pokati kawo ovene.]
30Paulus wa kala monganda ndjaa undikwa, wa kala ame i thutile oule wodhombula mbali okuyula. Wa popitha ovantu mboka avehe mbave ya kuye. 31Ovantu we ve teethela nouvandhi otjilongo tjaKalunga, he ve hipululile Muhona Jesus Kristus, ye ka tjaelelwe komuntu noumo.
Currently Selected:
Ovilinga 28: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovilinga 28
28
Paulus mompanga yaMalta
1Iya hitwe thiki nawa kontyo, twa tyaa okutya ena lyompanga ndjoka oMalta. 2Ovamalta ve tu tambula noupanga ounene. Va ten̯a omulilo, have tu ithana tu ka ungulukwe, mena lyokutya ombula ya li amai loko, kokwa li aku na outalala. 3Iya Paulus hiaa tyava otjipandi tjodhonkun̯i, tainkolo wa li ame dhi twaa pomulilo, onyoka ya dha modhonkun̯i mena lyoupyu womulilo, hai mu kakatele kokuwoko. 4Ovamalta hiva mono onyoka ndjaa yendjelela kokuwoko kwaPaulus, ve liheela hava tyaa: “Omulumentu hengu omudhipai, mena lyokutya nandaku tiwa wa hupithwa melunga, kalungakadhona kouvyuuki ka itavelele, a kale nomwenyo.” 5Iya Paulus wa hathela onyoka momulilo, kai na hiye mu ninga. 6Ovantu va li amava kevelele Paulus, a thule ne e lisate dhiva pohi, a t̯e. Hiva kevelele olule, va mona okutya Paulus u li nawa, ke na hiaa ningi, ve litjun̯a hava tyaa: “Omuntu hengu okalunga!”
7Popedhi noluvedhe ndoka pa li ovyana vyomunene wompanga nguu tiwa oPublius. Ye we tu tambula nouwa, hatu kala puye oule womatango atatu. 8Ihe yaPublius wa li ama vele elema nompito yombindhi. Paulus wa hita mondjuwo ye, ha kumbu he mu tendeke omawoko, he mu velula. 9Kon̯ima yotjiningwapuka hehi ovavedhi vamo wo owomompanga ve ya kuPaulus, he ve velula. 10Ve tu pa ovipuka ovingi vyotjali, nahi twa ka ya mombapolo, ve tu pa himatu hepa mondjila.
Paulus ma dhi koMalta, ma i koRoma
11Hipa piti omiedhi vitatu, twa ya nombapolo yokoAleksandria ndjii tiwa “Ookalungomapaha,” ndjoka ndjaa kala ompepela aihe mompanga. 12Nt̯e twe thika kotjitungwalongo tjaSirakusa, hatu kala mo omatango atatu. 13Okudha mpoka twa ya nombapolo, hatu thiki koRegio. Ngamuhuka ombepo ya uta okupepa okudha komakumbinda otjilongo, hai tu thikitha moule womatango avali kotjitungwalongo tjaPuteoli. 14Twa vadha mo ovaitaveli, have tu kumbu tu kale puwo oule womatango epanduvali. Okudha mpoka twa kulama hatu i koRoma. 15Ovakwetu mbava kala hoka, hive tji tee, ve tu teta kodhompadhi, have ya katee koAppi-Forum nokoTres-Taberne oku tu lyepetha, ye Paulus hiee ve mono, wa vandhipalekwa, ha pandula Kalunga.
Paulus ma teethele ovanene wOvaroma
16Iya hitwe ya moRoma, Paulus wa yethwa, a kale kuye omwene, ha pewa omukwavita ngume mu yungu.
17Hipa piti omatango atatu, Paulus wa ithana ovanene wOvajuda kotjoonganene. Hiva ongana, we ve heela ha tyaa: “Valumentu vakwetu! Ame nandaku tiwa hí na himba lundha kotjiwan̯a tjetu ne kodhonteto ndhitwa thiwa nadho kootateombwale, mba dha moJerusalem amba kambulwa, he yandjwa momawoko Ovaroma. 18Ovaroma hiva mpulampula, va li amava hala okunkutulula, mena lyokutya va mona okutya hí na himba ninga, himatji ulu okundhipaetha. 19Iya Ovajuda hiva nkondjetha, ame mba li andji na okuliameka komukesari, hakutya ngaile ndji kondjethe otjiwan̯a tjandje, aai.#Ovil. 25:11 20Iya ame mbe mu ithana, ndji mu mone ndji mu popithe, mena lyokutya ndji li momalyenge henga mena lyekevelelo lyOvaisraeli.”
21Ovanene wOvajuda mboka mbava kala moka va heela Paulus hava tyaa: “Nt̯e katu mwene elaka ndyaa dhi kotjilongo tjaJudea ndimali popi ove, novakwetu mbave dhile muno kave na hiva popi otjivi kombinga yoye. 22Iya nt̯e matu hala okutya tu iwe himo soko, mena lyokutya nt̯e tu tji i okutya opaati hendji i kondjethwa akuhe.”
23Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus. 24Vamo owomovantu mboka va sukwa kodhondaka dhaPaulus, ovakwawo kava itavelele. 25Iya hiva li ahava ile kumo, va uta okuliyapauka, Paulus hiee ve heela ha tyaa: “Ombepo Ondhilikwa ya popya otjatjili hiya tuma omuprofeti Jesaja kowoihoombwale, 26hai tyaa:
‘Enda kovantu hemba, u tyee:
Okutyaa mu tyaa, atjaa kamu yuvite,
okutala mu tala, atjaa kamu ku mono.#Jes. 6:9-10
27Iya omitima vyovantu hemba vya kukuta,
omatwi awo a poloka,
nomeho awo a thiinina,
opo háve ku mono,
nomatwi awo ahamava tee,
nomitima vyawo opo hávi koneke,
ve liteyulule,
ame ndji ve velule.’ ”
28Pehulilo Paulus we ve heela ha tyaa: “Kalen̯i amu tji i okutya elaka lyaKalunga lyehupitho lya tuminwa kovapaani, iya nawo mave ke li tyaa.” 29[Paulus hiaa popi odhondaka hendhi, Ovajuda ve mu thiaa po, hava kala nodhombata odhonene pokati kawo ovene.]
30Paulus wa kala monganda ndjaa undikwa, wa kala ame i thutile oule wodhombula mbali okuyula. Wa popitha ovantu mboka avehe mbave ya kuye. 31Ovantu we ve teethela nouvandhi otjilongo tjaKalunga, he ve hipululile Muhona Jesus Kristus, ye ka tjaelelwe komuntu noumo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.