Ovilinga 25
25
Paulus me likumbu a ka koywe komukesari
1Kon̯ima yomatango atatu, Festus hiaa ningi omutumini wotjilongo soka, wa dha moKesarea, ha i koJerusalem. 2Iya ovayambethi ovanene novanene wOvajuda ve ya kuFestus, hava utu oku mu hipululila ouhima waPaulus mpoka mpau li. Va kumba Festus, 3e ve popile, opo a tjun̯e ko Paulus koJerusalem, mena lyokutya va li amava panga ompango oku mu dhipaela mondjila. 4Iya Festus we ve yaka ha tyaa: “Paulus u li koKesarea wa kambulwa, ame omwene hwinya me ka ya ko dhiva. 5Ovanene ven̯i ngava ende koKesarea pamo naame, oko va ka kondjethele omulumentu hengu, andaa u na hiaa lundha.”
6Festus we ve valulila po omatango epandutatu ne omulongo, tjau ha tjuna koKesarea. Ngamuhuka wa kala pohi kotjipunditumino, ha heele ovakwavita okutya Paulus nga etwe. 7Iya Paulus hiee ya mo, ovanene wOvajuda mboka mbava dha koJerusalem ve mu kondoloka, hava utu oku mu kondjetha okutya omulumentu hengu wa undapa ovipuka ovivi ovingi. Iya va anyenwa okuyulika nawanawa mpape na ombedhi yoku mu pa onkali. 8Iya Paulus we lipopila ha tyaa: “Ame hí na himba yona koveta yOvajuda ne kotempeli ne komukesari.”
9Iya Festus wa li ama hala okuthevelwa Ovajuda, iya wa pula Paulus ha tyaa: “Mo hala okuya koJerusalem, oko ndji ke ku koyela?”
10Paulus we mu yaka ha tyaa: “Ame mba kulama mompela yomukesari, omo me tha okukoyelwa. KOvajuda hí na ko notjimo himba lundha, naove omwene ngahi u tji i nawa. 11Iya andaa ndji na ombedhi ne ndji na onkali yokut̯a, híme anya okut̯a. Iya nan̯i andaa ovipuka avihe mbimava nkondjethele havyatjatjili, kape na tja nguma ulu okundjandja momawoko awo. Ame mbe liameke komukesari.”
12Festus hiaa tompola nodhosekulu dhe, wa heela Paulus ha tyaa: “Ove hiwe liameke komukesari, oko mo i.”
Paulus kotjipala tjaAgrippa notjaBernike
13Iya hipa piti omatango amo, ohamba Agrippa naBernike ve ya koKesarea okupopitha Festus. 14Iya hiva ningi mo omatango amo, Festus wa hipululila ohamba onkalo yaPaulus ha tyaa: “Muka mu na omulumentu ngwee thiwa mo kuFeliks. 15Ame himba ile koJerusalem, ovayambethi ovanene novanene wOvajuda ve dhile kwaame, hava ntjipululile himave mu kondjethele, wo hava nkumbu ndji mu koye. 16Iya ame mbe ve heela okutya Ovaroma kava yandja omukondjethwa, tainkolo háveya ithanenwa pamo novakondjethi ve, opo a mone okaluvedhe kokulipopila kotjipuka hima kondjethelwa. 17Iya hive ya huno, ame dhivadhiva ngamuhuka mba kala pohi kotjipunditumino, he tya omulumentu ngoka, nga etwe. 18Iya ovakondjethi ve hive mu kulamene, kava li amave mu kondjethele otjipuka otjinene, ngahi mba li ame soko. 19Va li amave mu kondjethele vala ovipuka vimo mbii na tja neundapelokalunga lyawo, nouhunga nomut̯e umo nguu tiwa oJesus, ngoka Paulus nguu tya u na omwenyo. 20Ame hímba li andji tji i okutya otjatjili movipuka avihe hembi ndji tha oku tji mona vi, iya mba pula Paulus andaa ma hala okuya koJerusalem, oko ndji ke mu koyela. 21Iya Paulus we liameka komukesari, he likumbu, a kale mokaliwoso katee omukesari ma ka koya ovipopya vye. Iya mena lyanyahoka mba yandja elaka okutya ngetji kala mokaliwoso katee etango ndyoka me ka mona okaluvedhe oku mu tuma a ende komukesari.”
22Agrippa wa heela Festus ha tyaa: “Naame wo me hala okuteelela omulumentu ngoka.”
Festus we mu yaka ha tyaa: “Mo ke mu teelela komuhuka.”
23Iya ngamuhuka Agrippa naBernike va thindikilwa netumbaleko enene kondjuwo yovikoya kodhondjai dhovita nokovanene wotjitungwalongo. Iya Festus wa yandja elaka, Paulus a etwe. 24Festus hiaa dhi mpoka wa heela Agrippa ha tyaa: “Hamba Agrippa novatumbalekwa amuhe mboka mbamu li hempa pamo nant̯e. Omulumentu hengu ngumu lwete oye e li ye ngoka owingi wOvajuda auhe wahemu moKesarea nokoJerusalem nguva kondjetha kotjipala tjandje. Wo va wololoka peulu hava tya nga dhipawe. 25Iya hí na hindji lwete hiaa lundha hitja thele oku mu dhipaetha. Ye omwene we liameka komukesari, opo mba dhi oku mu tuma kuye. 26Iya hí na tja nawanawa hime thitululile omukesari, opo ndji mu sonekele, iya mbe mu eta kotjipala tjen̯i, unene kotjipala tjohamba Agrippa. Iya andaa wa thongonona otjipuka tje, pamo me mono po wo tuu tja, hitja thele okusonekwa. 27Iya tja ngala ouhima kwaame okutuma omukambulwa ahape na ondaka ndjaa kohoka yotjipuka hima kondjethelwa.”
Currently Selected:
Ovilinga 25: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
Ovilinga 25
25
Paulus me likumbu a ka koywe komukesari
1Kon̯ima yomatango atatu, Festus hiaa ningi omutumini wotjilongo soka, wa dha moKesarea, ha i koJerusalem. 2Iya ovayambethi ovanene novanene wOvajuda ve ya kuFestus, hava utu oku mu hipululila ouhima waPaulus mpoka mpau li. Va kumba Festus, 3e ve popile, opo a tjun̯e ko Paulus koJerusalem, mena lyokutya va li amava panga ompango oku mu dhipaela mondjila. 4Iya Festus we ve yaka ha tyaa: “Paulus u li koKesarea wa kambulwa, ame omwene hwinya me ka ya ko dhiva. 5Ovanene ven̯i ngava ende koKesarea pamo naame, oko va ka kondjethele omulumentu hengu, andaa u na hiaa lundha.”
6Festus we ve valulila po omatango epandutatu ne omulongo, tjau ha tjuna koKesarea. Ngamuhuka wa kala pohi kotjipunditumino, ha heele ovakwavita okutya Paulus nga etwe. 7Iya Paulus hiee ya mo, ovanene wOvajuda mboka mbava dha koJerusalem ve mu kondoloka, hava utu oku mu kondjetha okutya omulumentu hengu wa undapa ovipuka ovivi ovingi. Iya va anyenwa okuyulika nawanawa mpape na ombedhi yoku mu pa onkali. 8Iya Paulus we lipopila ha tyaa: “Ame hí na himba yona koveta yOvajuda ne kotempeli ne komukesari.”
9Iya Festus wa li ama hala okuthevelwa Ovajuda, iya wa pula Paulus ha tyaa: “Mo hala okuya koJerusalem, oko ndji ke ku koyela?”
10Paulus we mu yaka ha tyaa: “Ame mba kulama mompela yomukesari, omo me tha okukoyelwa. KOvajuda hí na ko notjimo himba lundha, naove omwene ngahi u tji i nawa. 11Iya andaa ndji na ombedhi ne ndji na onkali yokut̯a, híme anya okut̯a. Iya nan̯i andaa ovipuka avihe mbimava nkondjethele havyatjatjili, kape na tja nguma ulu okundjandja momawoko awo. Ame mbe liameke komukesari.”
12Festus hiaa tompola nodhosekulu dhe, wa heela Paulus ha tyaa: “Ove hiwe liameke komukesari, oko mo i.”
Paulus kotjipala tjaAgrippa notjaBernike
13Iya hipa piti omatango amo, ohamba Agrippa naBernike ve ya koKesarea okupopitha Festus. 14Iya hiva ningi mo omatango amo, Festus wa hipululila ohamba onkalo yaPaulus ha tyaa: “Muka mu na omulumentu ngwee thiwa mo kuFeliks. 15Ame himba ile koJerusalem, ovayambethi ovanene novanene wOvajuda ve dhile kwaame, hava ntjipululile himave mu kondjethele, wo hava nkumbu ndji mu koye. 16Iya ame mbe ve heela okutya Ovaroma kava yandja omukondjethwa, tainkolo háveya ithanenwa pamo novakondjethi ve, opo a mone okaluvedhe kokulipopila kotjipuka hima kondjethelwa. 17Iya hive ya huno, ame dhivadhiva ngamuhuka mba kala pohi kotjipunditumino, he tya omulumentu ngoka, nga etwe. 18Iya ovakondjethi ve hive mu kulamene, kava li amave mu kondjethele otjipuka otjinene, ngahi mba li ame soko. 19Va li amave mu kondjethele vala ovipuka vimo mbii na tja neundapelokalunga lyawo, nouhunga nomut̯e umo nguu tiwa oJesus, ngoka Paulus nguu tya u na omwenyo. 20Ame hímba li andji tji i okutya otjatjili movipuka avihe hembi ndji tha oku tji mona vi, iya mba pula Paulus andaa ma hala okuya koJerusalem, oko ndji ke mu koyela. 21Iya Paulus we liameka komukesari, he likumbu, a kale mokaliwoso katee omukesari ma ka koya ovipopya vye. Iya mena lyanyahoka mba yandja elaka okutya ngetji kala mokaliwoso katee etango ndyoka me ka mona okaluvedhe oku mu tuma a ende komukesari.”
22Agrippa wa heela Festus ha tyaa: “Naame wo me hala okuteelela omulumentu ngoka.”
Festus we mu yaka ha tyaa: “Mo ke mu teelela komuhuka.”
23Iya ngamuhuka Agrippa naBernike va thindikilwa netumbaleko enene kondjuwo yovikoya kodhondjai dhovita nokovanene wotjitungwalongo. Iya Festus wa yandja elaka, Paulus a etwe. 24Festus hiaa dhi mpoka wa heela Agrippa ha tyaa: “Hamba Agrippa novatumbalekwa amuhe mboka mbamu li hempa pamo nant̯e. Omulumentu hengu ngumu lwete oye e li ye ngoka owingi wOvajuda auhe wahemu moKesarea nokoJerusalem nguva kondjetha kotjipala tjandje. Wo va wololoka peulu hava tya nga dhipawe. 25Iya hí na hindji lwete hiaa lundha hitja thele oku mu dhipaetha. Ye omwene we liameka komukesari, opo mba dhi oku mu tuma kuye. 26Iya hí na tja nawanawa hime thitululile omukesari, opo ndji mu sonekele, iya mbe mu eta kotjipala tjen̯i, unene kotjipala tjohamba Agrippa. Iya andaa wa thongonona otjipuka tje, pamo me mono po wo tuu tja, hitja thele okusonekwa. 27Iya tja ngala ouhima kwaame okutuma omukambulwa ahape na ondaka ndjaa kohoka yotjipuka hima kondjethelwa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.