3 Johannes 1
1
1Aame omuviyuli omunene, me sonekele Gaius omuhivilikwa ngundji hole tjatjili.#Ovil. 19:29; Rom. 16:23; 1 Kor. 1:14
2Omuhivilikwa, ame me ku halele ouwa auhe movipuka avihe, ove u kale au li nawa ngomwenyo woye hiuu li nawa. 3Iya ame mbe hulukwa tjatjili, ovakwetu hive ya kwaame, va hipulula otjatjili tjoye, ngahi u enda motjatjili. 4Ame hí na tja ehuluko limo ndyaa pon̯a hendi, hindji yuvite odhondele dhandje hiva enda motjatjili.
Gaius ma pandulwa
5Gaius, omuhivilikwa, u ningila nawa ovaitaveli vakwen̯i, nodhongendi wo, 6mbava hipulula ohole yoye movipathi vyeongalo. Ove u ninga nawa hiuu ve popila mondjila yawo, ngahi matji thevelwa kotjipala tjaKalunga. 7Iya va ya nondjila mena lyena lyaKristus, háve na hiva itha kovapaani. 8Iya twa thele okutambula nawa ovantu mbave li nyahoka, opo tu ninge ovapopili vatjatjili pamo nawo.
Diotrefes naDemetrius
9Ame mba sonekela tja keongalo, atjaa Diotrefes nguu liholele komeho movakwawo, ke tu tambulile. 10Iya ambe ya, me ke mu thipalukitha ovilinga vye mbyaa undapa, hiee tu kuminina odhondaka odhombi. Iya hehi katji mu hulile, ye ka popile ovaitaveli nambamava hala okupopila ovaitaveli, u ve tjaela, he ve lamba mo meongalo.
11Muhivilikwa, hó holele ouvi, iya holela ouwa. Nguu undapa ouwa, oye e li owaKalunga, nguu undapa ouvi, Kalunga ke mu i.
12Ovantu avehe va hipulula nawa Demetrius, otjatjili tjo otjene tje mu popya nawa, nant̯e wo matu mu hipulula nawa, ove u tji i okutya otjihipululo tjetu otjatjili.
Omaandelo
13Ndji na otjingi oku ku sonekela, atjaa híme hala oku tji ninga nohinga nopena. 14Iya me liun̯ike okutya me ku mono dhiva tu ka popye otjinyo notjinyo.
15Ouwa ngau kale naove. Omapanga etu mae ku menekele po. Menekela po omapanga etu, ove u menekele po avehe.
Currently Selected:
3 Johannes 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.