SAKARIA 9
9
Etokolo loiwana imwe
1Exunganeko, ondjovo yOmwene tai popi oshilongo shaHadrak, ndele tai hange Damaskus, osheshi omesho Omwene a lyaamena ovanhu momapata aeshe aIsrael. 2Nosho yo Hamat eshi sha shaama nasho, naTirus naSidon, osheshi oyo i neendunge dihapu vati. 3Heeno, Tirus she litungila ohotengulu. Ndele she liongelela yo oshisiliveli shihapu shi fike pondwi yedu, noshingoldo shi fike ponhata yomomapandavanda. 4Tala, Omwene te ke shi nangala, ndele ta ka undulila mefuta ohotekuma yasho, ndele sho tashi ka nyonaunwa po komundilo. 5Askelon te shi mono, ndele tashi ka tila. NaGasa yo tashi ke lixukata oumbada. NaEkron, elineekelo lasho tali ka fifwa ohoni. Nohamba tai kana mo muGasa. NaAskelon tashi kala shihe novanhu. 6Ndele muAsdod otamu ka kala omunhu omulatu, osho ohandi ka teya po okulinenepeka kwOvafilisti, 7ndele Ame ohandi ka kufa mo ombelela yahawiishu mokanya kavo, noitondifa momayoo avo, nosho muvo yo tamu ka xupa oshixupe shaKalunga ketu, ndele tava ka kala ngaashi ovakulunhu vepata muJuda, naEkron tashi ka kala ngaashi Omujebusi.
8Ndele Ame ohandi ka onga onhanda tai dingilile otembeli yange yokukelela omatanga ovakwaita, ava tave uya notava piti po, opo paha kale vali omupangeli ta tavakana mo. Osheshi paife nde shi mona nomesho ange mwene.’
Oshilongo shombili shaMessias
9Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi. 10Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.
11Ndele omolwohonde yehangano loye ohandi xupifa eenghwate doye momufima uhe nomeva. 12Shuneni kohotengulu, nye eenghwate, mu neteelelo! Onena eli Ame ohandi mu udifile yo, nokutya ohandi ke mu alulila luvali. 13Osheshi Juda Ame handi mu lukile ngaashi outa wofipa, naEfraim handi mu kulike ngaashi oshikuti. Novamati voye, Sion, Ame ohandi ke va puma mumwe novamati voye, Greka, ndele Ame ohandi ku ningi ngaashi eongamukonda lomuladi. 14Opo nee Omwene ota ka monika kombada yavo noshikuti shaye tashi umbwa ngaashi oluvadi. Ndele Omwene Kalunga ota ka shika enghuma nokweenda moikungulu yokoumbuwanhu. 15Omwene womatanga ovakwaita ote va amene, ndele vo otava ka findana, ndele otava ka lyata omamanya ovaumbi. Otava nu ohonde yavo ngaashi omaviinyu, nove yadi ngaashi oiyuma yeyambo, ngaashi eekolonela doaltari. 16Ndele mefiku tuu olo Omwene Kalunga kavo ote ke va kwafa, oshiwana shaye osho sha ninga sha foshuunda sheedi. Osheshi vo otava ka ninga va fomamanya mawa taa tulwa moshishani, taa yelulwa kombada yedu laye.
17Osheshi ounene wouwa wavo u fike peni! Nounene wewapalo lavo u fike peni! Oilya tai kulifa ovamati, nomaviinyu ahawiishu taa kulifa oukadona.
Currently Selected:
SAKARIA 9: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
SAKARIA 9
9
Etokolo loiwana imwe
1Exunganeko, ondjovo yOmwene tai popi oshilongo shaHadrak, ndele tai hange Damaskus, osheshi omesho Omwene a lyaamena ovanhu momapata aeshe aIsrael. 2Nosho yo Hamat eshi sha shaama nasho, naTirus naSidon, osheshi oyo i neendunge dihapu vati. 3Heeno, Tirus she litungila ohotengulu. Ndele she liongelela yo oshisiliveli shihapu shi fike pondwi yedu, noshingoldo shi fike ponhata yomomapandavanda. 4Tala, Omwene te ke shi nangala, ndele ta ka undulila mefuta ohotekuma yasho, ndele sho tashi ka nyonaunwa po komundilo. 5Askelon te shi mono, ndele tashi ka tila. NaGasa yo tashi ke lixukata oumbada. NaEkron, elineekelo lasho tali ka fifwa ohoni. Nohamba tai kana mo muGasa. NaAskelon tashi kala shihe novanhu. 6Ndele muAsdod otamu ka kala omunhu omulatu, osho ohandi ka teya po okulinenepeka kwOvafilisti, 7ndele Ame ohandi ka kufa mo ombelela yahawiishu mokanya kavo, noitondifa momayoo avo, nosho muvo yo tamu ka xupa oshixupe shaKalunga ketu, ndele tava ka kala ngaashi ovakulunhu vepata muJuda, naEkron tashi ka kala ngaashi Omujebusi.
8Ndele Ame ohandi ka onga onhanda tai dingilile otembeli yange yokukelela omatanga ovakwaita, ava tave uya notava piti po, opo paha kale vali omupangeli ta tavakana mo. Osheshi paife nde shi mona nomesho ange mwene.’
Oshilongo shombili shaMessias
9Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi. 10Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.
11Ndele omolwohonde yehangano loye ohandi xupifa eenghwate doye momufima uhe nomeva. 12Shuneni kohotengulu, nye eenghwate, mu neteelelo! Onena eli Ame ohandi mu udifile yo, nokutya ohandi ke mu alulila luvali. 13Osheshi Juda Ame handi mu lukile ngaashi outa wofipa, naEfraim handi mu kulike ngaashi oshikuti. Novamati voye, Sion, Ame ohandi ke va puma mumwe novamati voye, Greka, ndele Ame ohandi ku ningi ngaashi eongamukonda lomuladi. 14Opo nee Omwene ota ka monika kombada yavo noshikuti shaye tashi umbwa ngaashi oluvadi. Ndele Omwene Kalunga ota ka shika enghuma nokweenda moikungulu yokoumbuwanhu. 15Omwene womatanga ovakwaita ote va amene, ndele vo otava ka findana, ndele otava ka lyata omamanya ovaumbi. Otava nu ohonde yavo ngaashi omaviinyu, nove yadi ngaashi oiyuma yeyambo, ngaashi eekolonela doaltari. 16Ndele mefiku tuu olo Omwene Kalunga kavo ote ke va kwafa, oshiwana shaye osho sha ninga sha foshuunda sheedi. Osheshi vo otava ka ninga va fomamanya mawa taa tulwa moshishani, taa yelulwa kombada yedu laye.
17Osheshi ounene wouwa wavo u fike peni! Nounene wewapalo lavo u fike peni! Oilya tai kulifa ovamati, nomaviinyu ahawiishu taa kulifa oukadona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.