MATEUS ETWALEMO
ETWALEMO
Evaengeli eli otali popi onghundana iwa nokutya Jesus Oye Omuxupifi a udanekwa, nomuye Kalunga a wanifa omaudaneko aye kovanhu vomEtestamenti likulu. Onghundana ei iwa kai fi ashike yOvajuda, moshiwana omu mwa dalelwa Jesus, ndele oyovanhu aveshe mounyuni.
Embo eli ola tungwa nounghulungu. Otali tameke nokudalwa kwaJesus, ndele tali hokolola eshasho nokumakelwa kwaye, notali twikile nokuholola nghee a udifa, a honga, ndele ta velula ovanaudu muGalilea. Opo nee ola hokolola olweendo laJesus okudja muGalilea okuya kuJerusalem noiningwanima yomoshivike shaJesus shaxuuninwa, nokuvalelwa komushiyakano osho yo okunyumunwa kwaye.
Evaengeli otali ulike Jesus, Omuhongi munene ou ta dulu okufatulula Omhango yaKalunga nokombinga yEpangelo laKalunga. Shihapu shomehongo laye membo eli oshi li moitwa itano: (1) Eudifo lokomhunda olo tali fatulula omikalo, oinakuwanifwa, oufemba nefikilo lovakwashilongo shomeulu (omatukulwa 5—7); (2) Omayelifilo kovalongwa omulongo navavali manga inava tumwa (etukulwa 10); (3) Omayele taa fatulula Ouhamba waKalunga (Epangelo laKalunga), (etukulwa 13); (4) Elongo kombinga yomuhongwa ile omulanduli waJesus (etukulwa 18); (5) Elongo kombinga yexulilo lounyuni nokuholoka kwEpangelo laKalunga (omatukulwa 24—25).
Elandulafano loshikalimo
Epata nokudalwa kwaJesus Kristus 1:1—2:23
Oilonga yaJohannes Omushashi 3:1-12
Okushashwa nokuyelekwa kwaJesus 3:13—4:11
Oilonga yaJesus muGalilea 4:12—18:35
Okudja kuGalilea nokuya kuJerusalem 19:1—20:34
Oshivike shaxuuninwa muJerusalem nomoushiinda washo 21:1—27:66
Enyumuko nelihololo lOmwene 28:1-20
Currently Selected:
MATEUS ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
MATEUS ETWALEMO
ETWALEMO
Evaengeli eli otali popi onghundana iwa nokutya Jesus Oye Omuxupifi a udanekwa, nomuye Kalunga a wanifa omaudaneko aye kovanhu vomEtestamenti likulu. Onghundana ei iwa kai fi ashike yOvajuda, moshiwana omu mwa dalelwa Jesus, ndele oyovanhu aveshe mounyuni.
Embo eli ola tungwa nounghulungu. Otali tameke nokudalwa kwaJesus, ndele tali hokolola eshasho nokumakelwa kwaye, notali twikile nokuholola nghee a udifa, a honga, ndele ta velula ovanaudu muGalilea. Opo nee ola hokolola olweendo laJesus okudja muGalilea okuya kuJerusalem noiningwanima yomoshivike shaJesus shaxuuninwa, nokuvalelwa komushiyakano osho yo okunyumunwa kwaye.
Evaengeli otali ulike Jesus, Omuhongi munene ou ta dulu okufatulula Omhango yaKalunga nokombinga yEpangelo laKalunga. Shihapu shomehongo laye membo eli oshi li moitwa itano: (1) Eudifo lokomhunda olo tali fatulula omikalo, oinakuwanifwa, oufemba nefikilo lovakwashilongo shomeulu (omatukulwa 5—7); (2) Omayelifilo kovalongwa omulongo navavali manga inava tumwa (etukulwa 10); (3) Omayele taa fatulula Ouhamba waKalunga (Epangelo laKalunga), (etukulwa 13); (4) Elongo kombinga yomuhongwa ile omulanduli waJesus (etukulwa 18); (5) Elongo kombinga yexulilo lounyuni nokuholoka kwEpangelo laKalunga (omatukulwa 24—25).
Elandulafano loshikalimo
Epata nokudalwa kwaJesus Kristus 1:1—2:23
Oilonga yaJohannes Omushashi 3:1-12
Okushashwa nokuyelekwa kwaJesus 3:13—4:11
Oilonga yaJesus muGalilea 4:12—18:35
Okudja kuGalilea nokuya kuJerusalem 19:1—20:34
Oshivike shaxuuninwa muJerusalem nomoushiinda washo 21:1—27:66
Enyumuko nelihololo lOmwene 28:1-20
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.