OILONGA YOVAYAPOSTOLI 8
8
1Ndele Saulus yo okwa li a panda okudipawa kwaStefanus.
Okutewatewa nokuhalakanifwa kweongalo lomuJerusalem
Mefiku tuu olo eongalo lomuJerusalem ola hangika ketewatewo linene, naaveshe ve lihanena momikunda daJudea nodaSamaria, ovayapostoli aveke va fyaala mo. 2Ovalumenhu vamwe ovaitaveli ova paka Stefanus, ndele ove mu lila eenghali dinene. 3Ndele Saulus okwa hanauna eongalo, ta pumine momaumbo, ndele ta kokolola mo ovalumenhu novakainhu ndele te va idililifa modolongo. 4Ndele ava va halakanifwa moshilongo, ova endaenda nova udifa ondjovo yevaengeli.
Filippus ta udifile muSamaria
5Ndele Filippus okwe uya moshilando shaSamaria nokwe va udifila Kristus. 6Ndele eengudu dovanhu oda li di nomukoo umwe okutambula eendjovo odo da popiwa kuFilippus, eshi da uda eendjovo daye noda mona oikumwifalonga ei e i ninga. 7Osheshi eemhepo da nyata oda dja mo muvahapu, ava va li ve di kwete, oda ingida mokule noingudu novanaudu vahapu vombada ova veluka. 8Ndele moshilando shinya omwa kala ehafo linene.
Simon ondudu
9Ndele moshilando shinya omwa kala omulumenhu edina laye Simon, ye okwa li ha pulike ovanhu ndele ta kumwifa Ovasamaria, osheshi oye e litya, oye umwe omunene, vati. 10Ndele aveshe novakulunhu novanyasha va ama kuye tava ti: “Oye eenghono daKalunga da lukwa dakula!” 11Ndele vo ove liameka kuye, osheshi ye e va kumwifa efimbo lile noumhulile waye. 12Ndelenee paife eshi va itavela Filippus, e va udifila evaengeli louhamba waKalunga nedina laJesus Kristus, ve lishashifa, ovalumenhu novakainhu. 13NaSimon mwene okwa itavela yo, naashi e lishashifa, okwa kala puFilippus, ndele eshi a mona oikumwifalonga noilonga yeenghono ya ningwa po, ye a kwatwa konghumwe.
14Ndele ovayapostoli vomuJerusalem eshi va uda nokutya, Samaria sha tambula eendjovo daKalunga, ova tuma kuvo Petrus naJohannes. 15Ndele vo eshi ve uya mo, ove va ilikanena va pewe Omhepo Iyapuki, 16osheshi Ye ine uya natango nande kuumwe womuvo, vo ova li va shashelwa ashike medina lOmwene Jesus. 17Ndele ava eshi ve va tenheka omake avo, vo ova pewa Omhepo Iyapuki.
18Ndele Simon eshi a mona keshe ou a tenhekwa omake kovayapostoli a pewa Omhepo Iyapuki, okwe va etela oimaliwa, 19ta ti: “Pei nge yo eenghono odo, opo keshe ou handi tenheke omake ange a pewe Omhepo Iyapuki.” 20Ndelenee Petrus okwa tya kuye: “Oimaliwa yoye nai ye pamwe naave mekano, osheshi to diladila oshali yaKalunga otai landwa noimaliwa. 21Ove ku kwete nande oshitukulwa ile oshipewa mondjovo ei, osheshi omutima woye inau yuka koshipala shaKalunga. 22Hano lidilulula, u dje mo mowii ou woye, ove u indile Omwene pamwe to diminwa po omadiladilo aa okomutima woye. 23Osheshi ondi ku wete, ove ou yadi onyango ilula, ndele ou li momapando oulunde.” 24Opo nee Simon okwa nyamukula ta ti: “Ilikanenei nge kOmwene, oshinima eshi mwe shi popya shiha hange nge nande okanini.”
25Hano eshi va hepaulula nova udifa eendjovo dOmwene, ova shuna kuJerusalem ndele mondjila ova udifila momikunda dihapu daSamaria evaengeli.
Filippus nelenga lohamba yokuEtiopia
26Ndele omweengeli wOmwene okwa lombwela Filippus ndele ta ti: “Fikama, u ye lwokoumbuwanhu kondjila inya ya dja kuJerusalem ndele tai i kuGasa”. Oyo ihai endwa unene. 27Ye okwa fikama ndele ta i ko. Ndele tala, Omuetiopia, elenga lohamba omukainhu Kandake wokuEtiopia, omulumenhu munene, namukeledi weumbo laye nowemona laye alishe, ye okwa ile kuJerusalem okwiilikana. 28Ndele paife mokwaaluka, e li omutumba metemba laye ndele a hangika ta lesha omishangwa domuxunganeki Jesaja. 29Opo nee Omhepo ya tya kuFilippus: “Inda ko, u ka kale popepi netemba eli.” 30Ndele Filippus okwa tondokela ko, okwe mu uda ta lesha omishangwa domuxunganeki Jesaja, ndele ta ti: “Ove ou udite ko tuu eshi to lesha?” 31Ndele winya okwa nyamukula: “Ohandi udu ko ngahelipi, ngeenge kape na ou ta tula nge mondjila?” Ndele okwa ifana Filippus a londe metemba, ye a kale omutumba pamwe naye. 32Ndele onhele ei yomomishangwa a lesha oyei:
“Oye ta ka twalwa koshidipaelo ngaashi odi
nongaashi odjona hai limwenenene omukululi wayo,
hano osho ngaha naye yo ita makula okanya kaye.
33Omolwokulininipika kwaye etokolo laye ola kufwa po,
olyelye ta dulu okuhepaulula epupi laye,
osheshi omwenyo waye owa kufwa ko kedu.”
34Ndele elenga okwa pula Filippus ndele ta ti: “Ohandi ku indile, lombwele nge, olyelye ou ta popiwa komuxunganeki, oye mwene ile oumwe e lili?” 35Opo Filippus okwa hovela okupopya nomokudja meendjovo odo domomishangwa okwe mu udifila evaengeli laJesus. 36Ndele fimbo tave lishilile ngaha nondjila, ove uya komeva, nelenga okwa tya: “Tala, omeva oo aa, oshike tashi kelele nge ndiha shashwe?”
37Opo tuu Filippus okwa tya kuye: “Ove ngeenge to itavele nomutima aushe, heeno, nashi ningwe”. Ou okwa nyamukula ta ti: “Ame ohandi itavele Jesus Kristus Oye Omona waKalunga.”
38Ndele ye okwa fikameka etemba, naaveshe vavali ova ya momeva, oFilippus nelenga, ndele ye okwe mu shasha. 39Ndele eshi va dja momeva, Omhepo yOmwene oya kufa po Filippus, nelenga ine mu mona vali, okwa ya nondjila yaye a hafa. 40Ndele Filippus okwa hangika muAsotus, ta endaenda moilando ta udifa evaengeli, fiyo e uya muKesarea.
Currently Selected:
OILONGA YOVAYAPOSTOLI 8: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
OILONGA YOVAYAPOSTOLI 8
8
1Ndele Saulus yo okwa li a panda okudipawa kwaStefanus.
Okutewatewa nokuhalakanifwa kweongalo lomuJerusalem
Mefiku tuu olo eongalo lomuJerusalem ola hangika ketewatewo linene, naaveshe ve lihanena momikunda daJudea nodaSamaria, ovayapostoli aveke va fyaala mo. 2Ovalumenhu vamwe ovaitaveli ova paka Stefanus, ndele ove mu lila eenghali dinene. 3Ndele Saulus okwa hanauna eongalo, ta pumine momaumbo, ndele ta kokolola mo ovalumenhu novakainhu ndele te va idililifa modolongo. 4Ndele ava va halakanifwa moshilongo, ova endaenda nova udifa ondjovo yevaengeli.
Filippus ta udifile muSamaria
5Ndele Filippus okwe uya moshilando shaSamaria nokwe va udifila Kristus. 6Ndele eengudu dovanhu oda li di nomukoo umwe okutambula eendjovo odo da popiwa kuFilippus, eshi da uda eendjovo daye noda mona oikumwifalonga ei e i ninga. 7Osheshi eemhepo da nyata oda dja mo muvahapu, ava va li ve di kwete, oda ingida mokule noingudu novanaudu vahapu vombada ova veluka. 8Ndele moshilando shinya omwa kala ehafo linene.
Simon ondudu
9Ndele moshilando shinya omwa kala omulumenhu edina laye Simon, ye okwa li ha pulike ovanhu ndele ta kumwifa Ovasamaria, osheshi oye e litya, oye umwe omunene, vati. 10Ndele aveshe novakulunhu novanyasha va ama kuye tava ti: “Oye eenghono daKalunga da lukwa dakula!” 11Ndele vo ove liameka kuye, osheshi ye e va kumwifa efimbo lile noumhulile waye. 12Ndelenee paife eshi va itavela Filippus, e va udifila evaengeli louhamba waKalunga nedina laJesus Kristus, ve lishashifa, ovalumenhu novakainhu. 13NaSimon mwene okwa itavela yo, naashi e lishashifa, okwa kala puFilippus, ndele eshi a mona oikumwifalonga noilonga yeenghono ya ningwa po, ye a kwatwa konghumwe.
14Ndele ovayapostoli vomuJerusalem eshi va uda nokutya, Samaria sha tambula eendjovo daKalunga, ova tuma kuvo Petrus naJohannes. 15Ndele vo eshi ve uya mo, ove va ilikanena va pewe Omhepo Iyapuki, 16osheshi Ye ine uya natango nande kuumwe womuvo, vo ova li va shashelwa ashike medina lOmwene Jesus. 17Ndele ava eshi ve va tenheka omake avo, vo ova pewa Omhepo Iyapuki.
18Ndele Simon eshi a mona keshe ou a tenhekwa omake kovayapostoli a pewa Omhepo Iyapuki, okwe va etela oimaliwa, 19ta ti: “Pei nge yo eenghono odo, opo keshe ou handi tenheke omake ange a pewe Omhepo Iyapuki.” 20Ndelenee Petrus okwa tya kuye: “Oimaliwa yoye nai ye pamwe naave mekano, osheshi to diladila oshali yaKalunga otai landwa noimaliwa. 21Ove ku kwete nande oshitukulwa ile oshipewa mondjovo ei, osheshi omutima woye inau yuka koshipala shaKalunga. 22Hano lidilulula, u dje mo mowii ou woye, ove u indile Omwene pamwe to diminwa po omadiladilo aa okomutima woye. 23Osheshi ondi ku wete, ove ou yadi onyango ilula, ndele ou li momapando oulunde.” 24Opo nee Simon okwa nyamukula ta ti: “Ilikanenei nge kOmwene, oshinima eshi mwe shi popya shiha hange nge nande okanini.”
25Hano eshi va hepaulula nova udifa eendjovo dOmwene, ova shuna kuJerusalem ndele mondjila ova udifila momikunda dihapu daSamaria evaengeli.
Filippus nelenga lohamba yokuEtiopia
26Ndele omweengeli wOmwene okwa lombwela Filippus ndele ta ti: “Fikama, u ye lwokoumbuwanhu kondjila inya ya dja kuJerusalem ndele tai i kuGasa”. Oyo ihai endwa unene. 27Ye okwa fikama ndele ta i ko. Ndele tala, Omuetiopia, elenga lohamba omukainhu Kandake wokuEtiopia, omulumenhu munene, namukeledi weumbo laye nowemona laye alishe, ye okwa ile kuJerusalem okwiilikana. 28Ndele paife mokwaaluka, e li omutumba metemba laye ndele a hangika ta lesha omishangwa domuxunganeki Jesaja. 29Opo nee Omhepo ya tya kuFilippus: “Inda ko, u ka kale popepi netemba eli.” 30Ndele Filippus okwa tondokela ko, okwe mu uda ta lesha omishangwa domuxunganeki Jesaja, ndele ta ti: “Ove ou udite ko tuu eshi to lesha?” 31Ndele winya okwa nyamukula: “Ohandi udu ko ngahelipi, ngeenge kape na ou ta tula nge mondjila?” Ndele okwa ifana Filippus a londe metemba, ye a kale omutumba pamwe naye. 32Ndele onhele ei yomomishangwa a lesha oyei:
“Oye ta ka twalwa koshidipaelo ngaashi odi
nongaashi odjona hai limwenenene omukululi wayo,
hano osho ngaha naye yo ita makula okanya kaye.
33Omolwokulininipika kwaye etokolo laye ola kufwa po,
olyelye ta dulu okuhepaulula epupi laye,
osheshi omwenyo waye owa kufwa ko kedu.”
34Ndele elenga okwa pula Filippus ndele ta ti: “Ohandi ku indile, lombwele nge, olyelye ou ta popiwa komuxunganeki, oye mwene ile oumwe e lili?” 35Opo Filippus okwa hovela okupopya nomokudja meendjovo odo domomishangwa okwe mu udifila evaengeli laJesus. 36Ndele fimbo tave lishilile ngaha nondjila, ove uya komeva, nelenga okwa tya: “Tala, omeva oo aa, oshike tashi kelele nge ndiha shashwe?”
37Opo tuu Filippus okwa tya kuye: “Ove ngeenge to itavele nomutima aushe, heeno, nashi ningwe”. Ou okwa nyamukula ta ti: “Ame ohandi itavele Jesus Kristus Oye Omona waKalunga.”
38Ndele ye okwa fikameka etemba, naaveshe vavali ova ya momeva, oFilippus nelenga, ndele ye okwe mu shasha. 39Ndele eshi va dja momeva, Omhepo yOmwene oya kufa po Filippus, nelenga ine mu mona vali, okwa ya nondjila yaye a hafa. 40Ndele Filippus okwa hangika muAsotus, ta endaenda moilando ta udifa evaengeli, fiyo e uya muKesarea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.