फिलिप्पी 4
4
फिलिप्पी कु के पौलुस आला हुकूम
1हिना लःअय ईङ आलकु दुलार बोकोकु, परभु रे नोःआँ लकान मजगुत ताहिन पे! दुलार बोकोकु, ईङ के आपे लोः भेंटोः लःअय जीव तिंग लगाव तहिनोआ! आपे ईङ आला खुसी आउर ईङ आला मुकूट हेके।
2ईङ जुओदिया आउर सुनतूखे, बनार तरअः गोहराईङ ची आपे परभु रे मियांड बिचार दोहोय पे। 3आउर ए साँघे-साँघे ककामी वाला सचे गाती ईङ आम तरअः होः गोहराईङ, ची आम हुंकू लाईंकु के होः मदाईत कुमे, एता लःअय ची हुंकू होः आबु लोः बेस खभाईर फ-फैलाव लःअय, क्लेमेंस आउर ईङ आलकु हुंकू एटाअ साँघे-साँघे ककामी गातीकु जामा मिहनाईत तदाबु, जेकर नुमू जिनगी रअः पुथी रे लिखा लअः एदनअ।
4आपे परभु रे जामा बेरा खुस ताहिन पे। ईङ फिन कंहड़ीईङ, खुस ताहिन पे!
5आम आला सलोर के जामा होड़कु रे दिसतार चिमें। परभु हेनाडाय। 6जाहान बात रअः आलपे चिन्ता के, बकिर जामा दरकार रे बिनती पे आउर धन्यवाद लोः परमेसर आला मड़ांग रे अपन अरजी के उदूगेपे। 7निआँ रे परमेसर पखी तरअः भेटाअः वाला सानती, जे आबु के बिलकुल समझ रे का हिजोआ आपे आला मन रे आउर आपे आला लुर के ख्रीस्त ईसु रे जतनाव दोहो केआय।
8ए बोकोकु, होना बात कुन रअः धेयानेपे जे बात सचे एदनाआ, जे बात आदर जुकूर एदनाआ, जे बात उचित एदनाआ, जे बात पबितर एदनाआ, जे बात सोभा एमोअ लकाना, जे बात मन के सोभा एमोअ वाला एदनाआ, माने कि जाहान होः एटाअ गुन चाहे जहान परसंसा बात एदनाआ होना रे धेयानेपे। 9आपे ईङ तरअः जे सिखाव नेनापे, आउर गरहन लिंङापे, आउर आयुम लआपे, आउर ईङ रे नेल लआपे, होना के पालानेपे। तब सानती रिनी परमेसर आपे लोः ताही कोआय।
दान लःअय धन्यवाद
10आपे जरूर गी ईङ आला भलाई लःअय बिचारे केनापे, बकिर आपे के होना के दे-देखाव लःअय मोका का भेटाव नेना, बकिर नहाअः आखरी रे आपे रे ईङ रअः चलते फिन से चिन्ता जगाव ताना। नोःआँ रे ईङ परभु रे मुरुक खुस तानिङ। 11जहान दरकार रअः चलते ईङ नोःआँ काईंग कंहड़ी ताना। एता लःअय ची जहान लकान दसा रे होः ईङ ताहिनोईंग, ईङ हिना रे सान्तोक ताहिनोः लःअय सिखाव तानिङ। 12ईङ लंगा-तंगा बेरा रे होः ताहिनोः लःअय होः पड़ीईंग, आउर नोःआँ होः पड़ीईंग ची भरल-पुरल दसा रे एता लकान ताहिनोः एदनअ। काईसनो बेरा ताहिनोआँ आउर काईसनो होः दसा चाहे लाहीःग पेरेःग चाहे रांगेःग, चाहे हेनाःड रे ढेर जिनीस ताहिनोअ चाहे एतान होः का ताहिन, ईङ होना जामा रे सुख से ताहिन लःअय सिखाव तानिङ। 13जे ईङ के सवांग एमेआय, ईङ हुनी आला मदाईत तरअः जामा कुछ कामी दाड़ी किईंग।
14सेरे होः आपे बिपाईत रे ईङ के गाती एम केते बढ़ियाँ लआपे। 15फिलिप्पी कु, आपे पाड़ी आपे ची बेस खभाईर प-परचार रअः सुरू रे जब ईङ मकिदुनिया तरअः सेनोः निंग, दो आपे के बाई केते, ओका कलीसिया होः ईङ लोः लिनी-दिनी रअः बारे रे ईङ के कापे मदाईत लिङा। 16#प्रे.कामी 17:1#2 कुरि 11:9जब ईङ थिसलुनिके रे ताहिनिंग, दो आपे ईङ आला दरकार के पु-पुरा लःअय बकिर एकसम जहान कुलगोःड ताहिलआपे। 17नोःआँ कोवान ची ईङ दान चहाईङ, बकिर ईङ नोकान जोअ चहाईङ, जे आपे आला फयदा लःअय बढ़ाव सेना। 18#उइठ 29:18ईङ दुबाःड़े जामा कुछ एदनाआ, ईङ दुबाःड़े हिसाब तरअः होः ढेर एदनाआ, जे जिनीस आपे इपफ्रुदीतुस आला तीः रे कुलगोःड ताहिलआपे, होना के नाम केते ईङ पेरेःग नाईंग, होना दो सोहों जिनीस आउर ग-गरहन लकान बलिदान हेके, जेकर रे परमेसर खुसोआय। 19ईङ आली परमेसर होः अपन होना धन रेनअः मोताबिक जे महिमा सहिंत ख्रीस्त ईसु रे एदनाआ, आपे आला जामा घटी के पुरा केआय। 20आबु आली बाबा परमेसर के जुग-जुग महिमा हुयाव एकान! आमीन।
आखरी जोहार
21जामे पबितर होड़कु के जे ख्रीस्त ईसु रे एदानकुआ जोहार कंहड़ी पे, ईङ लोः जे बोकोकु एदान कुआ, आपे के जोहार कंहड़ीआकु। 22आउर जामा पबितर होड़कु के, खास केते रोमी महाराजा कैसर घराईता रिनकु होड़ हेके, आपे के जोहार कंहड़ीआकु।
23आबु आली परभु ईसु ख्रीस्त आला दया आपे आला आतमा रे बनाल ताहिनोअ।
Currently Selected:
फिलिप्पी 4: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
फिलिप्पी 4
4
फिलिप्पी कु के पौलुस आला हुकूम
1हिना लःअय ईङ आलकु दुलार बोकोकु, परभु रे नोःआँ लकान मजगुत ताहिन पे! दुलार बोकोकु, ईङ के आपे लोः भेंटोः लःअय जीव तिंग लगाव तहिनोआ! आपे ईङ आला खुसी आउर ईङ आला मुकूट हेके।
2ईङ जुओदिया आउर सुनतूखे, बनार तरअः गोहराईङ ची आपे परभु रे मियांड बिचार दोहोय पे। 3आउर ए साँघे-साँघे ककामी वाला सचे गाती ईङ आम तरअः होः गोहराईङ, ची आम हुंकू लाईंकु के होः मदाईत कुमे, एता लःअय ची हुंकू होः आबु लोः बेस खभाईर फ-फैलाव लःअय, क्लेमेंस आउर ईङ आलकु हुंकू एटाअ साँघे-साँघे ककामी गातीकु जामा मिहनाईत तदाबु, जेकर नुमू जिनगी रअः पुथी रे लिखा लअः एदनअ।
4आपे परभु रे जामा बेरा खुस ताहिन पे। ईङ फिन कंहड़ीईङ, खुस ताहिन पे!
5आम आला सलोर के जामा होड़कु रे दिसतार चिमें। परभु हेनाडाय। 6जाहान बात रअः आलपे चिन्ता के, बकिर जामा दरकार रे बिनती पे आउर धन्यवाद लोः परमेसर आला मड़ांग रे अपन अरजी के उदूगेपे। 7निआँ रे परमेसर पखी तरअः भेटाअः वाला सानती, जे आबु के बिलकुल समझ रे का हिजोआ आपे आला मन रे आउर आपे आला लुर के ख्रीस्त ईसु रे जतनाव दोहो केआय।
8ए बोकोकु, होना बात कुन रअः धेयानेपे जे बात सचे एदनाआ, जे बात आदर जुकूर एदनाआ, जे बात उचित एदनाआ, जे बात पबितर एदनाआ, जे बात सोभा एमोअ लकाना, जे बात मन के सोभा एमोअ वाला एदनाआ, माने कि जाहान होः एटाअ गुन चाहे जहान परसंसा बात एदनाआ होना रे धेयानेपे। 9आपे ईङ तरअः जे सिखाव नेनापे, आउर गरहन लिंङापे, आउर आयुम लआपे, आउर ईङ रे नेल लआपे, होना के पालानेपे। तब सानती रिनी परमेसर आपे लोः ताही कोआय।
दान लःअय धन्यवाद
10आपे जरूर गी ईङ आला भलाई लःअय बिचारे केनापे, बकिर आपे के होना के दे-देखाव लःअय मोका का भेटाव नेना, बकिर नहाअः आखरी रे आपे रे ईङ रअः चलते फिन से चिन्ता जगाव ताना। नोःआँ रे ईङ परभु रे मुरुक खुस तानिङ। 11जहान दरकार रअः चलते ईङ नोःआँ काईंग कंहड़ी ताना। एता लःअय ची जहान लकान दसा रे होः ईङ ताहिनोईंग, ईङ हिना रे सान्तोक ताहिनोः लःअय सिखाव तानिङ। 12ईङ लंगा-तंगा बेरा रे होः ताहिनोः लःअय होः पड़ीईंग, आउर नोःआँ होः पड़ीईंग ची भरल-पुरल दसा रे एता लकान ताहिनोः एदनअ। काईसनो बेरा ताहिनोआँ आउर काईसनो होः दसा चाहे लाहीःग पेरेःग चाहे रांगेःग, चाहे हेनाःड रे ढेर जिनीस ताहिनोअ चाहे एतान होः का ताहिन, ईङ होना जामा रे सुख से ताहिन लःअय सिखाव तानिङ। 13जे ईङ के सवांग एमेआय, ईङ हुनी आला मदाईत तरअः जामा कुछ कामी दाड़ी किईंग।
14सेरे होः आपे बिपाईत रे ईङ के गाती एम केते बढ़ियाँ लआपे। 15फिलिप्पी कु, आपे पाड़ी आपे ची बेस खभाईर प-परचार रअः सुरू रे जब ईङ मकिदुनिया तरअः सेनोः निंग, दो आपे के बाई केते, ओका कलीसिया होः ईङ लोः लिनी-दिनी रअः बारे रे ईङ के कापे मदाईत लिङा। 16#प्रे.कामी 17:1#2 कुरि 11:9जब ईङ थिसलुनिके रे ताहिनिंग, दो आपे ईङ आला दरकार के पु-पुरा लःअय बकिर एकसम जहान कुलगोःड ताहिलआपे। 17नोःआँ कोवान ची ईङ दान चहाईङ, बकिर ईङ नोकान जोअ चहाईङ, जे आपे आला फयदा लःअय बढ़ाव सेना। 18#उइठ 29:18ईङ दुबाःड़े जामा कुछ एदनाआ, ईङ दुबाःड़े हिसाब तरअः होः ढेर एदनाआ, जे जिनीस आपे इपफ्रुदीतुस आला तीः रे कुलगोःड ताहिलआपे, होना के नाम केते ईङ पेरेःग नाईंग, होना दो सोहों जिनीस आउर ग-गरहन लकान बलिदान हेके, जेकर रे परमेसर खुसोआय। 19ईङ आली परमेसर होः अपन होना धन रेनअः मोताबिक जे महिमा सहिंत ख्रीस्त ईसु रे एदनाआ, आपे आला जामा घटी के पुरा केआय। 20आबु आली बाबा परमेसर के जुग-जुग महिमा हुयाव एकान! आमीन।
आखरी जोहार
21जामे पबितर होड़कु के जे ख्रीस्त ईसु रे एदानकुआ जोहार कंहड़ी पे, ईङ लोः जे बोकोकु एदान कुआ, आपे के जोहार कंहड़ीआकु। 22आउर जामा पबितर होड़कु के, खास केते रोमी महाराजा कैसर घराईता रिनकु होड़ हेके, आपे के जोहार कंहड़ीआकु।
23आबु आली परभु ईसु ख्रीस्त आला दया आपे आला आतमा रे बनाल ताहिनोअ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0