संत.मत्ती 26
26
ईसु के गो-गोएःग रअः उखी
(संत.मरकुस 14:1–2; संत.लुकास 22:1–2; संत.जोहन 11:45–54)
1नोःआँ जामा उपदेस चबा केते, तयोम ईसु आनेःग आलकु चेलाते तिकु के बेता लिकुआय, 2#उइठ 12:1–27“आपे पाड़ी आपे ची बरसिङ तयोम, पासका परब हेके, हिमीन रे मनवा होपोन के कुरूस रे रा-रकाःब लःअय सःब चिकियाकु।”
3हिमीन बेरा कैफस नुमू रिनी बड़े पुरोहित आला महल रे महापुरोहितकु आउर जाहुदी होड़कु आलकु नेताकु जवार नेनाकु, 4आउर आबु एतान गलती रे ईसु के धोखा एम केते साबीयाबु आउर गुजियाबु मेन केते, हुंकू आकु-आकु रे विचार लअकु। 5सेरे होः हुंकू कंहड़ी केनाकु, “आबु नोःआँ पासका परब रअः दिन रे इरबु कराया, कोवान दो हुयाव सकाआ होड़कु गुलगबाड़ केआकु।”
बैथनिया रे ईसु के सोहों सुनूम दुल लियाकु
(संत.मरकुस 14:3–9; संत.जोहन 12:1–8)
6जब ईसु बैथनिया डिही रिनी सिमोन छुँत घाव उनी आला ओड़ाअ रे ताहिनाय। 7#सं.लुका 7:37,38दो मियांड आउराईत संगमरमर टुकू रअः सीसी रे मुरुक मंहगा सोहों सुनूम आगु केते हीःग नेनाय, ईसु घोटो जो-जोम केनाय गी, ची आउराईत हुनी आला बोहोअ ताय रे दुल लःअय। 8जब हुनी आलकु चेलाकु नोःआँ के नेल केते, मुरुक जोर खीस केते कंहड़ी तानाकु, “नोःआँ सोहों सुनूम के एता लःअय सिथिया केदापे?” 9“नोःआँ सोहों सुनूम ढेर दाम रे आखरिंग ताही कोआ, आउर फिन होना रेनअः दाम के रांगेःग होड़कु के हाटिङोः ताकिकुआ।”
10ईसु के नोःआँ पता चलाव ना, आउर हुनी हुंकू के बेता लिकुआय, “आपे नुई आउराईत के एता लःअय बिखराव दियापे? नुई ईङ लःअय बेस कामी तदाय। 11#कन 15:11रांगेःगकु दो आपे लोः जामा बेरा साँघे ताही कोआकु, बकिर ईङ आपे लोः जामा बेरा इरिंग ताहिनोआ। 12नुई ईङ के, ते-तेपेःड रअः तेयारी रे ईङ आला होड़ो रे सोहों सुनूम लगाव तदाय। 13ईङ आपे के सचे कंहड़ीओ दिपीईंग, ची गोटा दुनिया रे, जहान दुबाःड़े होः बेस खभाईर रअः परचार हुयाव कोआ, हिना याईद रे जे कुछ कामी लःअय हुनी आला चरचा हुयाव कोआ।”
युदस ईसु के ससःब ची लःअय तेयार नेनाय
(संत.मरकुस 14:10–11; संत.लुकास 22:3–6)
14तब बारह चेलाकु मेसे मिहोंड़ जहुदा इसकारयोती नुमू रिनी महापुरोहितकु दुबाःड़े सेन केते बेता लिकुआय, 15#जखरि 11:12“जदि ईङ ईसु के आपे लःअय सःब चियींग, दो आपे ईङ के एतान एम केआपे?” तब हुंकू हुनी के चाँदी रअः तीस गोड़ ठर्ड़रा एमा लियाकु। 16हिमीन बेरा तरअः युदस ईसु के ससःब ची लःअय मोका नामे केनाय।
पासका रअः तेयारी
(संत.मरकुस 14:21–22; संत.लुकास 22:7–13,21–23; संत.जोहन 13:21–30)
17बे आमचुर लाःड परब रअः पहिल हिला चेलाकु ईसु दुबाःड़े हीःग केते कुली लियाकु, “आम एतान चहाअ तनाम आले ओकाःड़े आम लःअय पासका परब रअः भोज रअः तेयारी याले?”
18ईसु उतारा एम लःअय, “सहर रे हुनी फलना होड़ दुबाःड़े सेनपे, आउर हुनी के बेताई पे, ‘गुरू कंहड़ी तदाय, ची ईङ आला समय हेनाःड ताना, ईङ अपन चेलाकु लोः आम ओड़ाअ रे पासका परब रअः घोटो जोमेईङ।’”
19ईसु जाईसन हुकूम एमा ताही लिकुआय चेलाकु हेंकान लअकु, आउर पासका रअः भोज सरा जमा लअकु।
युदस धोखा एमोअ रअः अड़िःग
20आयुबोः हिमारे, ईसु बारहो चेलाकु लोः घोटो जोम दुड़ूः नेनाय। 21जब हुंकू घोटो जोमे केनाकु बेरा ईसु कंहड़ी लःअय, “ईङ आपे के सचे कंहड़ी तानिङ, आपे मेसे गी मिहोंड़ ईङ के सःब चिकिङापे।”
22हुंकू मुरुक उदास नाकु आउर हुंकू मि-मिहोंड़ केते हुनी के कुली लियाकु, “परभु, हुनी, ईङ ओका दो नलागे एतान?”
23 #
सिरिंग 41:9
ईसु उतारा एमा लिकुआय, “जे ईङ लोः मियांड थरिया रे घोटो जोमेआय, हिनी ईङ के सःब चि किङाय। 24मनवा होपोन दो सेन कोगीआय , जे लकान ची हुनी रअः बारे रे परमेसर आला बचन रे लिखा लअः एदनाअ, बकिर हुनी होड़ के बिपाईत एदनाअ, जे होड़ तरअः मनवा होपोन सःब चिनोअ तनाय, हुनी होड़ लःअय निआँ बेस ताही कोआ ची हुनी आला जनम गी एरे हुयाव ताही कोआ।”
25ईसु के धोखा ते ससःब चिई जहुदा हुनी के कुली लियाय। “गुरू, हुनी ईङ हेके एतान?”
ईसु कंहड़ी रूवाड़ लःअय, “आम ठीक गी कंहड़ी लआम।”
परमप्रसाद रअः सुरू
(संत.मरकुस 14:22–26; संत.लुकास 22:14–20; 1 कुरिन्थी 11:23–25)
26हुंकू घोटो जोमे केनाकु रेगी, ईसु लाःड इदी लःअय आउर धन्यवाद रअः बिनती केते, तयोम होना के केचाअ लःअय। आउर “ने नोःआँ के जोमेपे, नोःआँ ईङ आला होड़ो हेके,” नोकान कंहड़ी यअते, चेलाकु के एमा लिकुआय।
27तब हुनी कटोरा इदी लःअय, आउर धन्यवाद रअः बिनती लःअय, “आपे जामा नोःआँ मेसे नुईयपे, नोकान कंहड़ी यअते चेलाकु के एमा लिकुआय, 28#उइठ 24:8; जिर 31:31–34एता लःअय ची नोःआँ ईङ आला मयोम हेके, करार लअः मयोम, जे ढेर होड़कु आला पाप रअः छमा लःअय तुयोआ। 29ईङ आपे के बेताः दिपीईंग, जब तक ईङ अपन बाबा आला राईज रे आपे लोः नावाँ अंगुर रेनअः रस#26:29 नावाँ अंगुर रेनअः रस दारू लकान बनाव उना अंगुर रस के इरिंग नुयाँ। इरिंग नुयाँ, तब तक ईङ अंगुर रअः नोःआँ रस फिन ओका हिला होः इरिंग नुयाँ।”
30फिन हुंकू भजन सिरिंग केते जैतुन बुरु रे सेनोः नाकु।
पतरस आला इ-इनकार रअः बारे ईसु आला आगमजानी
(संत.मरकुस 14:27–31; संत.लुकास 22:31–34; संत.जोहन 13:36–38)
31 #
जखरि 13:7
ईसु हिमीन बेरा चेलाकु के बेता लिकुआय, “तिसिंग निदा आपे जामा ईङ रअः चलते ठोकोर जोम केआपे, एता लःअय ची नोःआँ परमेसर आला बचन रे लिखा लअः एदनाआ, ‘ईङ चरवाहा के गुजियींग, आउर गोहड़ा रिनकु भेंड़ा छितीर-बितीर कोआकु।’ 32#सं.मत्ती 28:16बकिर ईङ जिवीःड-बिरिडोः तयोम, ईङ आपे तरअः पहिल गलील सेन कुईंग।”
33नोःआँ रे पतरस ईसु के बेता लियाय, “आम रअः चलते चाहे जमा ठोकोर जोमेकु, बकिर ईङ ठोकोर इरीङ जोमेआ।”
34ईसु हुनी के उतारा एमा लियाय, “ईङ आम के नोःआँ सचे कंहड़ी तानिङ निआँ निदा सीम राअः तरअः पहिल रेगी, आम ईङ के पे खेप काईङ पड़ीआ मेन केआम।”
35पतरस हुनी के बेता लियाय, “ईङ के आम लोः चाहे गोजोअः होः पड़ाअः, ईङ आम के ओका हिला होः काईंग पड़ीआ मेन इरिंग कंहड़ीआ।”
आउर जामा चेलाकु होः निआँ कंहड़ी लअकु।
गेतसमनी बाखड़ी रे ईसु आला बिनती
(संत.मरकुस 14:32–42; संत.लुकास 22:39–46)
36जब ईसु आनेःग आलकु चेलाकु लोः गेतसमनी नुमू बाखड़ी सोदोर नेनाकु, दो ईसु हुंकू के बेता लिकुआय, “आपे निआँड़े दुड़ूः ताहिनपे, ईङ तब तक होनाःड़े बि-बिनती लःअय सेनिङ।” 37ईसु पतरस आउर जबेदी आलकिन बनहोंड़ होपोन तेके आनेःग लोः इदी लिकिनाय। आउर ईसु उदास आउर अकल-बकल योअ तनाय, 38आउर हुंकू के बेता लिकुआय, “ईङ आला आतमा मुरुक उदास एदनाअ, ची ईङ गोजोः-गोजोः लकानिङ निआँड़े ताहिनपे। आउर ईङ लोः चौंचित ताहिनपे।”
39ईसु थोड़ेक मड़ांग सेन केते ओत रे हुमकुरिया नुर नाय, आउर हुनी नोःआँ कंहड़ी यअते बिनती लःअय। “ईङ आली बाबा, जदि हुयाव सकाअ, दो नोःआँ कटोरा ईङ तरअः ओचोअ जुनोः, सेरे होः ईङ आला कोवान, बकिर आम आला मरजी पुरा हुयाअः।”
40तब हुनी आनेःग आलकु चेलाकु दुबाःड़े सेन नेनाय, आउर हुंकू के गितीःग उनकु नेल केते पतरस के बेता लियाय, “आपे मि घन्टा भाईर होः ईङ लोः कापे जगवाड़ ताही दाड़ी नेना? 41चौंचित ताहिन पे आउर बिनती एकाय पे, जेकर से ची आपे परीकछा रे आलपे पड़ाव कोअ। आतमा दो तेयारा बकिर होड़ो कमजोरा।”
42हुनी फिन आउर मिखेप सेन नेनाय आउर हुनी नोःआँ कंहड़ी यअते बिनती लःअय, “ईङ आली बाबा, जदि नोःआँ कटोरा ईङ बेगार नु ते एरे टलाअ, दो आम आला मरजी पुरायोअ।” 43तब हुनी रूवाड़ नेनाय दो अपन चेलाकु के फिन निन्दोः नाम लिकुआय, एता लःअय ची हुंकू निन्द रे लुलुड़ीःग काकु दाड़ी केना।
44हुनी हुंकू के बाई केते फिन सेन नेनाय आउर हिना कंहड़ी के दोहड़ाव केते, हुनी आउर मिखेप बिनती लःअय। 45नोःआँ तयोम हुनी आनेःग आलकु चेलाकु दुबाःड़े हीःग केते हुंकू के बेता लिकुआय, “नहाअः होः निन्दोः तनापे? देगे नहाअः दो साथाःपे! नेलेपे नहाअः गी होना घड़ी हीःग ना! जब मनवा होपोन के पापीकु आला तीः रे सःब चिकया कु। 46बिरिःड पे, दु नेलीपे, ईङ के सा-सःब चिई वाला हीःग सोदोर नाय।”
ईसु के ससःब ची
(संत.मरकुस 14:43–50; संत.लुकास 22:47–53; संत.जोहन 18:3–12)
47ईसु नोःआँ क-कंहड़ी केनाय गी, ची बारहो झन मेसे मिहोंड़ जहुदा हीःग नाय, हुनी लोः तुन्दरा होड़ तलवाईर आउर ठेंगा आगु केते, जेके बड़े पुरोहितकु आउर जाहुदीकु आलकु नेता कु-कुलगोःड ताही लिकुआकु। 48युदस हुंकू के नोःआँ कंहड़ी यअते चिनहा उदूः थिलकुआय, “ईङ जेके चुमायींग हिनी हेके। हिनी के सबीपे।”
49हुनी सोझ ईसु दुबाःड़े सेन केते बेता लियाय, “ए गुरू, जोहार” आउर हुनी के चुमा लियाय।
50ईसु हुंकू के बेता लिकुआय, “संगी जे काम लःअय हीःग तनापे कामीपे।”
तब होड़कु मड़ांग हीःग नेनाकु, आउर हुंकू ईसु के सःब केते तोल लियाकु। 51नोःआँ चलते ईसु आलकु गाती मेसे मिहोंड़ अपन तलवाईर ओर उडुंग केते, आउर बड़े पुरोहित आली बंधाउवा ताय के, हुनी तलवाईर चलाव केते हुनी आला लुतूर के मांअ खांड़ा केदाय। 52ईसु हुनी के बेता लियाय, तलवाईर तामके “तलवाईर दो-दोहो वाला ठोंघा रे दोहोय मे, एता लःअय ची जे तलवाईर अलगायाय हुंकू तलवाईर तरअः गी गोजोआकु। 53एतान आपे नोःआँ समझाआपे ची ईङ अपन बाबा तरअः गोहराव दड़ीईङ, हिमीन रे हुनी नहाअः ईङ लःअय सिरमादूतकु के बारह तरअः बगरा पलटनकु के एरे कुलगोःड कुआ? 54बकिर ईङ नोकानिईंग, दो धरम पुथी रे लिखा ओना नोःआँ एता लकान पुराव कोआ ची जामा निकान गी हुयाअः वाला एदनाआ?”
55 #
सं.लुका 19:47; 21:37 नोःआँ तयोम ईसु तुन्दरा होड़कु के बेता लिकुआय, “आपे ईङ के डाकु समझाआपे एतान, जे ईङ के ससःब लःअय तलवाईर आउर ठेंगा आगु केते हीःग तनापे? ईङ दो रोज दिन बड़े बिनती ओड़ाअ रे दुड़ूः केते, उपदेस एमा कु किनिङ सेरे होः आपे ईङ के कापे सःब लिङा। 56बकिर नोःआँ जामा निआँ लःअय हुयाव नेना ची आगमजानीकु जे लिखा ताही लअकु होना बचन पुरायोः।”
तब जामा चेलाकु ईसु के बाई केते नीर नाकु।
बड़े पंचाईत मड़ांग रे ईसु
(संत.मरकुस 14:53–65; संत.लुकास 22:54–55,63–71; संत.जोहन 18:13–14,19–24)
57जे ईसु के सःब ताही लियाकु, हुंकू हुनी के कैफस नुमू रिनी महापुरोहित मड़ांग रे इदी लियाकु, होनाःड़े जाहुदी धरम पुथी सि-सिखावकु आउर पुरखा जाहुदी नेताकु जवार नेनाकु। 58थोड़ेक लंका पतरस ईसु तयोम-तयोम सेन नेनाय, हुनी बड़े पुरोहित आला महल जगुत सोदोर केते भीतरी बोलो नेनाय। आउर भीतर रे एतान हुयाआ होना के नेनेल लःअय सिपाहीकु लोः दुड़ूः नाय। 59बड़े पुरोहित आउर पुरा महासभा ईसु के गो-गोएःग रअः सोंच रे हुनी रअः बिरोध रे झुठा साबुत नामे केनाकु। 60सेरे होः ढेर झुठो गोवाही एमोअ कु मड़ांग रे हीःग नेनाकु, बकिर काकु नाम दाड़ी लअः। आखरी रे बारहोड़ गोवाह हीःग केते, 61#सं.जोह 2:19आउर कंहड़ी लअकिन, “नुई कंहड़ी ताही लःअय, ची ‘ईङ परमेसर आला बड़े बिनती ओड़ाअ के धसाव केते आउर पे रोज रे होना के फिन बनाव दाड़ी किईंग।’”
62नोःआँ चलते महापुरोहित तिंगु केते ईसु के बेता लियाय, “नुकू आम रअः बिरोध रे जे गोवाही एम दाकु, आम नोःआँ रअः उतारा एता लःअय काम एम दा?” 63बकिर ईसु चुपचाप ताहिः नाय। फिन महापुरोहित हुनी के कुली लियाय, “ईङ जिवीःड परमेसर आला नुमू तरअः आम के हुकूम एम दिंग, दो आले के उदूगेमे, एतान आम परमेसर आली होपोन ख्रीस्त हेके?”
64 #
दानि 7:13
ईसु उतारा एम लःअय, “हाँ, जाईसन आम कंहड़ी आम। ईङ आपे के नोःआँ होः कंहड़ीओ दिपीईंग ची हिजोअ दिन रे आपे मनवा होपोन के जामा तरअः सवांगिया परमेसर आला जोम पखी दुड़ूः उनी आउर सिरमा रेनअः रिम्बिल रे हिजोअ नेल कियापे।”
65 #
लेवी 24:16
महापुरोहित नोःआँ आयुम केते, हुनी अपन सोलोंग लअः गेन्दरअ ताय के चिरा यअते कंहड़ी लःअय, “नुई जे बात कंहड़ी तदाय, हुनी परमेसर आला निन्दा तदाय, आउर नहाअः दो आबु के गोवाह होः कोवान चाही, नुई परमेसर रअः बिरोध रे कंहड़ी तदाय आपे जामा आयुम तदापे। 66आपे आला एतान विचार एदनाअ?”
हुंकू कंहड़ी लअकु, “नुई गोजोः रअः डांड़ भेटाअः लकानाय।”
67 #
जसा 50:6
तब हुंकू ईसु आला मेःड-मुहांड़ तेरे बेःग लअकु आउर हुनी के घुंसा लियाकु, थोड़ेककु हुनी के थपड़ाव लियाकु आउर बेता लियाकु, 68“ए ख्रीस्त, जदि आम आगमजानी केते उदूगेमे, आम के ओके हुमाअ लेमेआय।”
पतरस ईसु के काईंग पड़ीआ मेन लःअय
(संत.मरकुस 14:66–72; संत.लुकास 22:56–62; संत.जोहन 18:15–18,25–27)
69पतरस हिमीन बेरा बाहरी राच रे दुड़ूः ताहिनाय, मियांड धाँगड़ीन हेनाःड हीःग केते हुनी के बेता लियाय, “आम होः दो हिनी गलीली ईसु लोः ताहिनाम।”
70बकिर हुनी, जामाकु मड़ांग रे काईंग पड़ीआ मेन केते कंहड़ी लःअय, “आम एतान कंहड़ीः दाम सेके, ईङ काईंग बुझाअ ताना।” 71नोःआँ तयोम पतरस दुवार दुबाःड़े सेन नेनाय, बकिर आउर मिहोंड़ धाँगड़ीन हुनी के नेल किदयाय, आउर होनाःड़े रिनकु होड़ के बेता लिकुआय, “नुई होड़ नासरत नुमू सहर रिनी ईसु लोः ताहिनाय।”
72पतरस किरया जोम केते, फिन काईंग पड़ीआ कंहड़ी लःअय, “ईङ हुनी होड़ के काईंग पड़ीआ।”
73थोड़ेक दिरी तयोम होनाःड़े तिंगु उनकु होड़कु पतरस दुबाःड़े हीःग नेनाकु। आउर हुनी के बेता लियाकु, “आम आला कंहड़ी तरअः सफा-सफा बुझाः ताना, ची आम सचे गी हिंकु मेसे मिहोंड़ हेके।”
74तब पतरस आनेःग के सरपाः तनाय आउर किरया जोम दाय, “ईङ हुनी होड़ के काईंग पड़ीआ।”
ठीक हिमीन रेगी खोखरो राअः केदाय, 75तब ईसु कंहड़ी ताही लःअय होना के पतरस के याईद हीःग नेना, “सीम रा-राअः तरअः पहिल रे, आम ईङ के पेखेप काईंग पड़ीआ मेन केआम।” आउर हुनी बाहरी उडुंग केते सिसकाव-सिसकाव ईयाम दाय।
Currently Selected:
संत.मत्ती 26: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
संत.मत्ती 26
26
ईसु के गो-गोएःग रअः उखी
(संत.मरकुस 14:1–2; संत.लुकास 22:1–2; संत.जोहन 11:45–54)
1नोःआँ जामा उपदेस चबा केते, तयोम ईसु आनेःग आलकु चेलाते तिकु के बेता लिकुआय, 2#उइठ 12:1–27“आपे पाड़ी आपे ची बरसिङ तयोम, पासका परब हेके, हिमीन रे मनवा होपोन के कुरूस रे रा-रकाःब लःअय सःब चिकियाकु।”
3हिमीन बेरा कैफस नुमू रिनी बड़े पुरोहित आला महल रे महापुरोहितकु आउर जाहुदी होड़कु आलकु नेताकु जवार नेनाकु, 4आउर आबु एतान गलती रे ईसु के धोखा एम केते साबीयाबु आउर गुजियाबु मेन केते, हुंकू आकु-आकु रे विचार लअकु। 5सेरे होः हुंकू कंहड़ी केनाकु, “आबु नोःआँ पासका परब रअः दिन रे इरबु कराया, कोवान दो हुयाव सकाआ होड़कु गुलगबाड़ केआकु।”
बैथनिया रे ईसु के सोहों सुनूम दुल लियाकु
(संत.मरकुस 14:3–9; संत.जोहन 12:1–8)
6जब ईसु बैथनिया डिही रिनी सिमोन छुँत घाव उनी आला ओड़ाअ रे ताहिनाय। 7#सं.लुका 7:37,38दो मियांड आउराईत संगमरमर टुकू रअः सीसी रे मुरुक मंहगा सोहों सुनूम आगु केते हीःग नेनाय, ईसु घोटो जो-जोम केनाय गी, ची आउराईत हुनी आला बोहोअ ताय रे दुल लःअय। 8जब हुनी आलकु चेलाकु नोःआँ के नेल केते, मुरुक जोर खीस केते कंहड़ी तानाकु, “नोःआँ सोहों सुनूम के एता लःअय सिथिया केदापे?” 9“नोःआँ सोहों सुनूम ढेर दाम रे आखरिंग ताही कोआ, आउर फिन होना रेनअः दाम के रांगेःग होड़कु के हाटिङोः ताकिकुआ।”
10ईसु के नोःआँ पता चलाव ना, आउर हुनी हुंकू के बेता लिकुआय, “आपे नुई आउराईत के एता लःअय बिखराव दियापे? नुई ईङ लःअय बेस कामी तदाय। 11#कन 15:11रांगेःगकु दो आपे लोः जामा बेरा साँघे ताही कोआकु, बकिर ईङ आपे लोः जामा बेरा इरिंग ताहिनोआ। 12नुई ईङ के, ते-तेपेःड रअः तेयारी रे ईङ आला होड़ो रे सोहों सुनूम लगाव तदाय। 13ईङ आपे के सचे कंहड़ीओ दिपीईंग, ची गोटा दुनिया रे, जहान दुबाःड़े होः बेस खभाईर रअः परचार हुयाव कोआ, हिना याईद रे जे कुछ कामी लःअय हुनी आला चरचा हुयाव कोआ।”
युदस ईसु के ससःब ची लःअय तेयार नेनाय
(संत.मरकुस 14:10–11; संत.लुकास 22:3–6)
14तब बारह चेलाकु मेसे मिहोंड़ जहुदा इसकारयोती नुमू रिनी महापुरोहितकु दुबाःड़े सेन केते बेता लिकुआय, 15#जखरि 11:12“जदि ईङ ईसु के आपे लःअय सःब चियींग, दो आपे ईङ के एतान एम केआपे?” तब हुंकू हुनी के चाँदी रअः तीस गोड़ ठर्ड़रा एमा लियाकु। 16हिमीन बेरा तरअः युदस ईसु के ससःब ची लःअय मोका नामे केनाय।
पासका रअः तेयारी
(संत.मरकुस 14:21–22; संत.लुकास 22:7–13,21–23; संत.जोहन 13:21–30)
17बे आमचुर लाःड परब रअः पहिल हिला चेलाकु ईसु दुबाःड़े हीःग केते कुली लियाकु, “आम एतान चहाअ तनाम आले ओकाःड़े आम लःअय पासका परब रअः भोज रअः तेयारी याले?”
18ईसु उतारा एम लःअय, “सहर रे हुनी फलना होड़ दुबाःड़े सेनपे, आउर हुनी के बेताई पे, ‘गुरू कंहड़ी तदाय, ची ईङ आला समय हेनाःड ताना, ईङ अपन चेलाकु लोः आम ओड़ाअ रे पासका परब रअः घोटो जोमेईङ।’”
19ईसु जाईसन हुकूम एमा ताही लिकुआय चेलाकु हेंकान लअकु, आउर पासका रअः भोज सरा जमा लअकु।
युदस धोखा एमोअ रअः अड़िःग
20आयुबोः हिमारे, ईसु बारहो चेलाकु लोः घोटो जोम दुड़ूः नेनाय। 21जब हुंकू घोटो जोमे केनाकु बेरा ईसु कंहड़ी लःअय, “ईङ आपे के सचे कंहड़ी तानिङ, आपे मेसे गी मिहोंड़ ईङ के सःब चिकिङापे।”
22हुंकू मुरुक उदास नाकु आउर हुंकू मि-मिहोंड़ केते हुनी के कुली लियाकु, “परभु, हुनी, ईङ ओका दो नलागे एतान?”
23 #
सिरिंग 41:9
ईसु उतारा एमा लिकुआय, “जे ईङ लोः मियांड थरिया रे घोटो जोमेआय, हिनी ईङ के सःब चि किङाय। 24मनवा होपोन दो सेन कोगीआय , जे लकान ची हुनी रअः बारे रे परमेसर आला बचन रे लिखा लअः एदनाअ, बकिर हुनी होड़ के बिपाईत एदनाअ, जे होड़ तरअः मनवा होपोन सःब चिनोअ तनाय, हुनी होड़ लःअय निआँ बेस ताही कोआ ची हुनी आला जनम गी एरे हुयाव ताही कोआ।”
25ईसु के धोखा ते ससःब चिई जहुदा हुनी के कुली लियाय। “गुरू, हुनी ईङ हेके एतान?”
ईसु कंहड़ी रूवाड़ लःअय, “आम ठीक गी कंहड़ी लआम।”
परमप्रसाद रअः सुरू
(संत.मरकुस 14:22–26; संत.लुकास 22:14–20; 1 कुरिन्थी 11:23–25)
26हुंकू घोटो जोमे केनाकु रेगी, ईसु लाःड इदी लःअय आउर धन्यवाद रअः बिनती केते, तयोम होना के केचाअ लःअय। आउर “ने नोःआँ के जोमेपे, नोःआँ ईङ आला होड़ो हेके,” नोकान कंहड़ी यअते, चेलाकु के एमा लिकुआय।
27तब हुनी कटोरा इदी लःअय, आउर धन्यवाद रअः बिनती लःअय, “आपे जामा नोःआँ मेसे नुईयपे, नोकान कंहड़ी यअते चेलाकु के एमा लिकुआय, 28#उइठ 24:8; जिर 31:31–34एता लःअय ची नोःआँ ईङ आला मयोम हेके, करार लअः मयोम, जे ढेर होड़कु आला पाप रअः छमा लःअय तुयोआ। 29ईङ आपे के बेताः दिपीईंग, जब तक ईङ अपन बाबा आला राईज रे आपे लोः नावाँ अंगुर रेनअः रस#26:29 नावाँ अंगुर रेनअः रस दारू लकान बनाव उना अंगुर रस के इरिंग नुयाँ। इरिंग नुयाँ, तब तक ईङ अंगुर रअः नोःआँ रस फिन ओका हिला होः इरिंग नुयाँ।”
30फिन हुंकू भजन सिरिंग केते जैतुन बुरु रे सेनोः नाकु।
पतरस आला इ-इनकार रअः बारे ईसु आला आगमजानी
(संत.मरकुस 14:27–31; संत.लुकास 22:31–34; संत.जोहन 13:36–38)
31 #
जखरि 13:7
ईसु हिमीन बेरा चेलाकु के बेता लिकुआय, “तिसिंग निदा आपे जामा ईङ रअः चलते ठोकोर जोम केआपे, एता लःअय ची नोःआँ परमेसर आला बचन रे लिखा लअः एदनाआ, ‘ईङ चरवाहा के गुजियींग, आउर गोहड़ा रिनकु भेंड़ा छितीर-बितीर कोआकु।’ 32#सं.मत्ती 28:16बकिर ईङ जिवीःड-बिरिडोः तयोम, ईङ आपे तरअः पहिल गलील सेन कुईंग।”
33नोःआँ रे पतरस ईसु के बेता लियाय, “आम रअः चलते चाहे जमा ठोकोर जोमेकु, बकिर ईङ ठोकोर इरीङ जोमेआ।”
34ईसु हुनी के उतारा एमा लियाय, “ईङ आम के नोःआँ सचे कंहड़ी तानिङ निआँ निदा सीम राअः तरअः पहिल रेगी, आम ईङ के पे खेप काईङ पड़ीआ मेन केआम।”
35पतरस हुनी के बेता लियाय, “ईङ के आम लोः चाहे गोजोअः होः पड़ाअः, ईङ आम के ओका हिला होः काईंग पड़ीआ मेन इरिंग कंहड़ीआ।”
आउर जामा चेलाकु होः निआँ कंहड़ी लअकु।
गेतसमनी बाखड़ी रे ईसु आला बिनती
(संत.मरकुस 14:32–42; संत.लुकास 22:39–46)
36जब ईसु आनेःग आलकु चेलाकु लोः गेतसमनी नुमू बाखड़ी सोदोर नेनाकु, दो ईसु हुंकू के बेता लिकुआय, “आपे निआँड़े दुड़ूः ताहिनपे, ईङ तब तक होनाःड़े बि-बिनती लःअय सेनिङ।” 37ईसु पतरस आउर जबेदी आलकिन बनहोंड़ होपोन तेके आनेःग लोः इदी लिकिनाय। आउर ईसु उदास आउर अकल-बकल योअ तनाय, 38आउर हुंकू के बेता लिकुआय, “ईङ आला आतमा मुरुक उदास एदनाअ, ची ईङ गोजोः-गोजोः लकानिङ निआँड़े ताहिनपे। आउर ईङ लोः चौंचित ताहिनपे।”
39ईसु थोड़ेक मड़ांग सेन केते ओत रे हुमकुरिया नुर नाय, आउर हुनी नोःआँ कंहड़ी यअते बिनती लःअय। “ईङ आली बाबा, जदि हुयाव सकाअ, दो नोःआँ कटोरा ईङ तरअः ओचोअ जुनोः, सेरे होः ईङ आला कोवान, बकिर आम आला मरजी पुरा हुयाअः।”
40तब हुनी आनेःग आलकु चेलाकु दुबाःड़े सेन नेनाय, आउर हुंकू के गितीःग उनकु नेल केते पतरस के बेता लियाय, “आपे मि घन्टा भाईर होः ईङ लोः कापे जगवाड़ ताही दाड़ी नेना? 41चौंचित ताहिन पे आउर बिनती एकाय पे, जेकर से ची आपे परीकछा रे आलपे पड़ाव कोअ। आतमा दो तेयारा बकिर होड़ो कमजोरा।”
42हुनी फिन आउर मिखेप सेन नेनाय आउर हुनी नोःआँ कंहड़ी यअते बिनती लःअय, “ईङ आली बाबा, जदि नोःआँ कटोरा ईङ बेगार नु ते एरे टलाअ, दो आम आला मरजी पुरायोअ।” 43तब हुनी रूवाड़ नेनाय दो अपन चेलाकु के फिन निन्दोः नाम लिकुआय, एता लःअय ची हुंकू निन्द रे लुलुड़ीःग काकु दाड़ी केना।
44हुनी हुंकू के बाई केते फिन सेन नेनाय आउर हिना कंहड़ी के दोहड़ाव केते, हुनी आउर मिखेप बिनती लःअय। 45नोःआँ तयोम हुनी आनेःग आलकु चेलाकु दुबाःड़े हीःग केते हुंकू के बेता लिकुआय, “नहाअः होः निन्दोः तनापे? देगे नहाअः दो साथाःपे! नेलेपे नहाअः गी होना घड़ी हीःग ना! जब मनवा होपोन के पापीकु आला तीः रे सःब चिकया कु। 46बिरिःड पे, दु नेलीपे, ईङ के सा-सःब चिई वाला हीःग सोदोर नाय।”
ईसु के ससःब ची
(संत.मरकुस 14:43–50; संत.लुकास 22:47–53; संत.जोहन 18:3–12)
47ईसु नोःआँ क-कंहड़ी केनाय गी, ची बारहो झन मेसे मिहोंड़ जहुदा हीःग नाय, हुनी लोः तुन्दरा होड़ तलवाईर आउर ठेंगा आगु केते, जेके बड़े पुरोहितकु आउर जाहुदीकु आलकु नेता कु-कुलगोःड ताही लिकुआकु। 48युदस हुंकू के नोःआँ कंहड़ी यअते चिनहा उदूः थिलकुआय, “ईङ जेके चुमायींग हिनी हेके। हिनी के सबीपे।”
49हुनी सोझ ईसु दुबाःड़े सेन केते बेता लियाय, “ए गुरू, जोहार” आउर हुनी के चुमा लियाय।
50ईसु हुंकू के बेता लिकुआय, “संगी जे काम लःअय हीःग तनापे कामीपे।”
तब होड़कु मड़ांग हीःग नेनाकु, आउर हुंकू ईसु के सःब केते तोल लियाकु। 51नोःआँ चलते ईसु आलकु गाती मेसे मिहोंड़ अपन तलवाईर ओर उडुंग केते, आउर बड़े पुरोहित आली बंधाउवा ताय के, हुनी तलवाईर चलाव केते हुनी आला लुतूर के मांअ खांड़ा केदाय। 52ईसु हुनी के बेता लियाय, तलवाईर तामके “तलवाईर दो-दोहो वाला ठोंघा रे दोहोय मे, एता लःअय ची जे तलवाईर अलगायाय हुंकू तलवाईर तरअः गी गोजोआकु। 53एतान आपे नोःआँ समझाआपे ची ईङ अपन बाबा तरअः गोहराव दड़ीईङ, हिमीन रे हुनी नहाअः ईङ लःअय सिरमादूतकु के बारह तरअः बगरा पलटनकु के एरे कुलगोःड कुआ? 54बकिर ईङ नोकानिईंग, दो धरम पुथी रे लिखा ओना नोःआँ एता लकान पुराव कोआ ची जामा निकान गी हुयाअः वाला एदनाआ?”
55 #
सं.लुका 19:47; 21:37 नोःआँ तयोम ईसु तुन्दरा होड़कु के बेता लिकुआय, “आपे ईङ के डाकु समझाआपे एतान, जे ईङ के ससःब लःअय तलवाईर आउर ठेंगा आगु केते हीःग तनापे? ईङ दो रोज दिन बड़े बिनती ओड़ाअ रे दुड़ूः केते, उपदेस एमा कु किनिङ सेरे होः आपे ईङ के कापे सःब लिङा। 56बकिर नोःआँ जामा निआँ लःअय हुयाव नेना ची आगमजानीकु जे लिखा ताही लअकु होना बचन पुरायोः।”
तब जामा चेलाकु ईसु के बाई केते नीर नाकु।
बड़े पंचाईत मड़ांग रे ईसु
(संत.मरकुस 14:53–65; संत.लुकास 22:54–55,63–71; संत.जोहन 18:13–14,19–24)
57जे ईसु के सःब ताही लियाकु, हुंकू हुनी के कैफस नुमू रिनी महापुरोहित मड़ांग रे इदी लियाकु, होनाःड़े जाहुदी धरम पुथी सि-सिखावकु आउर पुरखा जाहुदी नेताकु जवार नेनाकु। 58थोड़ेक लंका पतरस ईसु तयोम-तयोम सेन नेनाय, हुनी बड़े पुरोहित आला महल जगुत सोदोर केते भीतरी बोलो नेनाय। आउर भीतर रे एतान हुयाआ होना के नेनेल लःअय सिपाहीकु लोः दुड़ूः नाय। 59बड़े पुरोहित आउर पुरा महासभा ईसु के गो-गोएःग रअः सोंच रे हुनी रअः बिरोध रे झुठा साबुत नामे केनाकु। 60सेरे होः ढेर झुठो गोवाही एमोअ कु मड़ांग रे हीःग नेनाकु, बकिर काकु नाम दाड़ी लअः। आखरी रे बारहोड़ गोवाह हीःग केते, 61#सं.जोह 2:19आउर कंहड़ी लअकिन, “नुई कंहड़ी ताही लःअय, ची ‘ईङ परमेसर आला बड़े बिनती ओड़ाअ के धसाव केते आउर पे रोज रे होना के फिन बनाव दाड़ी किईंग।’”
62नोःआँ चलते महापुरोहित तिंगु केते ईसु के बेता लियाय, “नुकू आम रअः बिरोध रे जे गोवाही एम दाकु, आम नोःआँ रअः उतारा एता लःअय काम एम दा?” 63बकिर ईसु चुपचाप ताहिः नाय। फिन महापुरोहित हुनी के कुली लियाय, “ईङ जिवीःड परमेसर आला नुमू तरअः आम के हुकूम एम दिंग, दो आले के उदूगेमे, एतान आम परमेसर आली होपोन ख्रीस्त हेके?”
64 #
दानि 7:13
ईसु उतारा एम लःअय, “हाँ, जाईसन आम कंहड़ी आम। ईङ आपे के नोःआँ होः कंहड़ीओ दिपीईंग ची हिजोअ दिन रे आपे मनवा होपोन के जामा तरअः सवांगिया परमेसर आला जोम पखी दुड़ूः उनी आउर सिरमा रेनअः रिम्बिल रे हिजोअ नेल कियापे।”
65 #
लेवी 24:16
महापुरोहित नोःआँ आयुम केते, हुनी अपन सोलोंग लअः गेन्दरअ ताय के चिरा यअते कंहड़ी लःअय, “नुई जे बात कंहड़ी तदाय, हुनी परमेसर आला निन्दा तदाय, आउर नहाअः दो आबु के गोवाह होः कोवान चाही, नुई परमेसर रअः बिरोध रे कंहड़ी तदाय आपे जामा आयुम तदापे। 66आपे आला एतान विचार एदनाअ?”
हुंकू कंहड़ी लअकु, “नुई गोजोः रअः डांड़ भेटाअः लकानाय।”
67 #
जसा 50:6
तब हुंकू ईसु आला मेःड-मुहांड़ तेरे बेःग लअकु आउर हुनी के घुंसा लियाकु, थोड़ेककु हुनी के थपड़ाव लियाकु आउर बेता लियाकु, 68“ए ख्रीस्त, जदि आम आगमजानी केते उदूगेमे, आम के ओके हुमाअ लेमेआय।”
पतरस ईसु के काईंग पड़ीआ मेन लःअय
(संत.मरकुस 14:66–72; संत.लुकास 22:56–62; संत.जोहन 18:15–18,25–27)
69पतरस हिमीन बेरा बाहरी राच रे दुड़ूः ताहिनाय, मियांड धाँगड़ीन हेनाःड हीःग केते हुनी के बेता लियाय, “आम होः दो हिनी गलीली ईसु लोः ताहिनाम।”
70बकिर हुनी, जामाकु मड़ांग रे काईंग पड़ीआ मेन केते कंहड़ी लःअय, “आम एतान कंहड़ीः दाम सेके, ईङ काईंग बुझाअ ताना।” 71नोःआँ तयोम पतरस दुवार दुबाःड़े सेन नेनाय, बकिर आउर मिहोंड़ धाँगड़ीन हुनी के नेल किदयाय, आउर होनाःड़े रिनकु होड़ के बेता लिकुआय, “नुई होड़ नासरत नुमू सहर रिनी ईसु लोः ताहिनाय।”
72पतरस किरया जोम केते, फिन काईंग पड़ीआ कंहड़ी लःअय, “ईङ हुनी होड़ के काईंग पड़ीआ।”
73थोड़ेक दिरी तयोम होनाःड़े तिंगु उनकु होड़कु पतरस दुबाःड़े हीःग नेनाकु। आउर हुनी के बेता लियाकु, “आम आला कंहड़ी तरअः सफा-सफा बुझाः ताना, ची आम सचे गी हिंकु मेसे मिहोंड़ हेके।”
74तब पतरस आनेःग के सरपाः तनाय आउर किरया जोम दाय, “ईङ हुनी होड़ के काईंग पड़ीआ।”
ठीक हिमीन रेगी खोखरो राअः केदाय, 75तब ईसु कंहड़ी ताही लःअय होना के पतरस के याईद हीःग नेना, “सीम रा-राअः तरअः पहिल रे, आम ईङ के पेखेप काईंग पड़ीआ मेन केआम।” आउर हुनी बाहरी उडुंग केते सिसकाव-सिसकाव ईयाम दाय।
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0