यहुदा 1
1
जोहार
1 #
सं.मत्ती 13:55; सं.मर 6:3 नोःआँ चिठी ईङ जहुदा पखी तरअः जे ईसु ख्रीस्त आली से-सेवाई आउर याकुब आली बोको हेके, हुंकू राअः लिनकु आला नुमू रे जे बाबा परमेसर आला दुलार आउर ईसु ख्रीस्त आला आड़ रे जिनगी बितायाकु लःअय लिखाअ दिङ। 2आपे के दया, सानती आउर दुलार भरपुर भेटाअः।
झुठा गुरू कु आला डांड़
3दुलार कु, ईङ आपे के होना उधार रेनअः बारे रे लि-लिखा रे अजमजोर से कुरनीसे किनींग, जेकर रे आबु जामे सझेदार एदानबुआ। बकिर ईङ आपे के नोःआँ लि-लिखा आउर उतसाह एमोअ जरूरी समझाव निनिंग, ची होना बिसवास लःअय मुरुक लड़ाव एकान पे जेके परमेसर पबितर होड़कु के मियेखेप जिमाओ तदकुआय। 4एता लःअय ची थोड़ेक होड़ चुपचाप से आबु आला कलीसिया रे हीःग बोलो तानाकु, नुकू बे-धरमी होड़कु आला डांड़ रअः हुकूम पहिल तरअः गी धरम पुथी रे लिखा लअः एदनाआ। नुकू आबु आली परमेसर आला दया के लुचा काम ककामी रअः बहना कु बनाया आउर आबु आली मियांड ठुका गोमके, माने कि परभु ईसु ख्रीस्त के इनकारियाकु।
5 #
उइठ 12:51;
गन 14:29,30 आपे नोःआँ जामा बात के पाड़ी गीआपे, रे होः गी ईङ नोःआँ बात के आपे के खेयाल चिअ दिपीईंग, ची परभु मियांड बंसवाईर के मिसर राईज तरअः बंचाव लिकुआय होना तयोम जे काकु बिसवास लअः हुंकू होड़ के नास लिकुआय। 6जे लकान सिरमादूत अपन पद के असथीर काकु दोहो लआ आउर अपन आला खुदे ताहिन ठाँव के बाई लआकु, परमेसर हुंकू के बड़े नेयाय हिला रअः भयभयान दिन लःअय अंधार रे जुग-जुग रेनअः सिक्काड़ रे तोल तादकुआय। 7#एहेः 19:1–24हिना लकान सोदोम आउर गोमोरा, आउर होना हेनाःड तअः सहर रिनकु होड़, हुंकू सिरमादूतकु लकान बेलाज काम कामी लअकु। आउर जेतरम होड़ो लोः बेलाज काम #1:7 जेतरम होड़ो लोः बेलाज काम आउर हेरेल-हेरेल लोः लाईं-लाईं लोः आउर लाईंकु एटाअ हेरेलकु लोः आउर हेरेलकु एटाअ लाईंकु लोः होः आउर जनवरकु लोः बेलाज कामी एहेःब लआकु।कामी रे लगाल ताही नेनाकु। हुंकू का-अन्तोः सेंगेल रेनअः डांड़ भोगाव थिलाअकु होना आबु लःअय चेतावन हेके।
8हिना लकान गी आबु आला खुड़हा रे बोलो हीःग उनकु, नुकू होड़ अपन सपना रअः तयोम नीर यअते अपन-अपन होड़ो के असुध गुल तआकु, आउर प-परभुता कु के तुछ कुआकु, आउर महिमावान कु के निन्दा कंहड़ीआकु। 9#दानि 10:13,21; 12:1; दि.वचन 12:7; कन 34:6; जखरि 3:2बकिर जे बेरा बड़े सिरमादूत मिखाइल सैतान लोः मुसा आला गोएःग होड़ो रेनअः बारे रे कंहड़ी-उपड़ीओ केनाकिन, दो मिखाएल सैतान के निन्दा बात कंहड़ी केते नेनेया रअः काय साहस लआ, बकिर हुनी निमने कंहड़ी लःअय ची “परभु आम के डपटाव मे।” 10बकिर नुकू होड़ जेके हुंकू काकु बुझाआ होना बात रेनअः निन्दा याकु, आउर नुकू बेबुझ जनवरकु लकान, जे बात के सहजे समझाआकु हिना बात गी हुंकू आला नठाअ रेनअः कारन बनाआकु। 11#एहेः 4:3–8; गन 22:1–35; गन 16:1–35हाय नुकू होड़ के, नुकू काईन आला होरा रे चलाव थिनाकु, आउर बिलाम लकान ढिबुआ लःअय भटकाव नाकु। कोराह कु लकान लड़ाई लआकु आउर नठाव नाकु। 12नुकू आपे आला पेरेम भोज रे समुदर रे ऊकु ऊना सेरेंग लकान खतरा एदान कुआ, जे बे बोर रे आपे लोः जोम-नुयाकु, आउर अपन लहिःग पेरे:ग वाला चरवाहा हेके, हुंकू बेगर दाअः रेनअः रिम्बिल हेके, जेके होय ओटांग ईदी गुल तआय, नुकू नोकान सिंङ हेके जे बेरा सिरे का जोयोआ, जे बार खेप गोएःग चुकाव ताना, आउर जाईर तरअः रचाअ ताना। 13हुंकू समुदर रिनकु नोकान भयभयान हलका हेके जे अपन लाज रे पेरे:ग ऊना काम रेनअः बोटो के उलगाव एकायाय, हुंकू होनते-नोनते भटकअ वाला इपील हेके जेकर लःअय घुंज-घुंज अंधार जुग-जुग लःअय ठहराव लअः एदनाआ।
14 #
एहेः 5:18,21–24 आदम तरअः सात पिड़ही रिनी हनोक होः गी नुकू लःअय नोकान सबद रे आगमजानी ताही लःअय, “नेलेपे परभु अपन हजारो-हजार पबितर सिरमादूतकु लोः हीःग नेनाय। 15आउर जामे होड़कु आला नेनेयाय लःअय, आउर हुंकू आला जामा अधरम रेनअः बारे रे जामे के डांड़ एमोअ लःअय आउर अधरमी पापीकु के, जे परमेसर आला बिरुध ठोकोर सबद कंहड़ी तदाकु, होना बारे रे हुंकू के डांड़ एमोअ लःअय दराईया।” 16नुकू हुंकू होड़ हेके जे गुंदूर-गुंदूरोआकु आउर सिकाईते-आकु अपन गदुस इकछा रेनअः मोताबिक चलाआकु, हकंदाआकु आउर अपन फयदा लःअय एटाअ होड़ के बड़ाई कुआकु।
बिसवासीकु के सलाह
17ए दुलार कु, आपे होना बात के उईहारेपे, जे आबु आली परभु ईसु ख्रीस्त आलकु प्रेरित पहिल तरअः कंहड़ी चुकाव तदाकु। 18#2 पत 3:3हुंकू आपे के कंहड़ी केनाकु, “आखरी रेनअः बेरा रे नोकान होड़ हुयाव कोआकु, ठ-ठठा वाला आउर अपन बे-भगती रअः गादुस इकछा रेनअः मोताबिक चलाअ वाला हुयाव कोआकु।” 19नुकू होड़ आपे रे तड़ांग-भड़ांग ची वाला कु हेके, नुकू दुनियादारी मोताबिक चलाअ वाला मनवा हेके, जेकर एड़े पबितर आतमा कनोआँ।
20बकिर ए दुलार कु, आपे अपन पबितर बिसवास रे अपन के बड़हाव यअते आउर पबितर आतमा रे बिनती एकाय पे। 21अपने के परमेसर आला पेरेम रे बनाल दोहो योअ पे, आउर का-अन्तोः जिनगी लःअय आबु आली परभु ईसु ख्रीस्त आला दया रअः आसरा नेल एकाय पे।
22थोड़ेक होड़ बिसवास रे संका एदानकुआ, हुंकू के दया कुपे। 23आउर ढ़ेर कु के सेंगेल तरअः झपटाव उडुंग केते हुंकू के बंचाव कुपे। आपे ढेर होड़कु रे परमेसर के बोर यअते दया कुपे, आउर हुंकू आला होना गेन्दरअ तरअः होः घिंड़ोअ पे, जेकर रे होड़ो रेनअः पाप तरअः दाग लगाव ताना।
परमेसर आला इसतुती
24नहाअः दो जे आपे के ठोकोर जोम तरअः बंचाव दड़ीआय, आउर अपन पेरे:ग ऊना महिमा रेनअः हाजुरी रेनअः मड़ांग रे मुरुक रिझ लोः आउर बेकासुर तिंगु दाड़ीआय। 25हुनी आबु आली उ-उधार अवला, मियांड ठुका परमेसर के आबु आली परभु ईसु ख्रीस्त तरअः महिमा, जामा तरअः तेंग दुड़ूः उनी ठाँव, समरथ आउर हक बिताल जामा जुग तरअः नहाअः, आउर हिजोअ वाला जामा जुग रे जुग-जुग जगुत हुयाव एकान आमीन!
Currently Selected:
यहुदा 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
यहुदा 1
1
जोहार
1 #
सं.मत्ती 13:55; सं.मर 6:3 नोःआँ चिठी ईङ जहुदा पखी तरअः जे ईसु ख्रीस्त आली से-सेवाई आउर याकुब आली बोको हेके, हुंकू राअः लिनकु आला नुमू रे जे बाबा परमेसर आला दुलार आउर ईसु ख्रीस्त आला आड़ रे जिनगी बितायाकु लःअय लिखाअ दिङ। 2आपे के दया, सानती आउर दुलार भरपुर भेटाअः।
झुठा गुरू कु आला डांड़
3दुलार कु, ईङ आपे के होना उधार रेनअः बारे रे लि-लिखा रे अजमजोर से कुरनीसे किनींग, जेकर रे आबु जामे सझेदार एदानबुआ। बकिर ईङ आपे के नोःआँ लि-लिखा आउर उतसाह एमोअ जरूरी समझाव निनिंग, ची होना बिसवास लःअय मुरुक लड़ाव एकान पे जेके परमेसर पबितर होड़कु के मियेखेप जिमाओ तदकुआय। 4एता लःअय ची थोड़ेक होड़ चुपचाप से आबु आला कलीसिया रे हीःग बोलो तानाकु, नुकू बे-धरमी होड़कु आला डांड़ रअः हुकूम पहिल तरअः गी धरम पुथी रे लिखा लअः एदनाआ। नुकू आबु आली परमेसर आला दया के लुचा काम ककामी रअः बहना कु बनाया आउर आबु आली मियांड ठुका गोमके, माने कि परभु ईसु ख्रीस्त के इनकारियाकु।
5 #
उइठ 12:51;
गन 14:29,30 आपे नोःआँ जामा बात के पाड़ी गीआपे, रे होः गी ईङ नोःआँ बात के आपे के खेयाल चिअ दिपीईंग, ची परभु मियांड बंसवाईर के मिसर राईज तरअः बंचाव लिकुआय होना तयोम जे काकु बिसवास लअः हुंकू होड़ के नास लिकुआय। 6जे लकान सिरमादूत अपन पद के असथीर काकु दोहो लआ आउर अपन आला खुदे ताहिन ठाँव के बाई लआकु, परमेसर हुंकू के बड़े नेयाय हिला रअः भयभयान दिन लःअय अंधार रे जुग-जुग रेनअः सिक्काड़ रे तोल तादकुआय। 7#एहेः 19:1–24हिना लकान सोदोम आउर गोमोरा, आउर होना हेनाःड तअः सहर रिनकु होड़, हुंकू सिरमादूतकु लकान बेलाज काम कामी लअकु। आउर जेतरम होड़ो लोः बेलाज काम #1:7 जेतरम होड़ो लोः बेलाज काम आउर हेरेल-हेरेल लोः लाईं-लाईं लोः आउर लाईंकु एटाअ हेरेलकु लोः आउर हेरेलकु एटाअ लाईंकु लोः होः आउर जनवरकु लोः बेलाज कामी एहेःब लआकु।कामी रे लगाल ताही नेनाकु। हुंकू का-अन्तोः सेंगेल रेनअः डांड़ भोगाव थिलाअकु होना आबु लःअय चेतावन हेके।
8हिना लकान गी आबु आला खुड़हा रे बोलो हीःग उनकु, नुकू होड़ अपन सपना रअः तयोम नीर यअते अपन-अपन होड़ो के असुध गुल तआकु, आउर प-परभुता कु के तुछ कुआकु, आउर महिमावान कु के निन्दा कंहड़ीआकु। 9#दानि 10:13,21; 12:1; दि.वचन 12:7; कन 34:6; जखरि 3:2बकिर जे बेरा बड़े सिरमादूत मिखाइल सैतान लोः मुसा आला गोएःग होड़ो रेनअः बारे रे कंहड़ी-उपड़ीओ केनाकिन, दो मिखाएल सैतान के निन्दा बात कंहड़ी केते नेनेया रअः काय साहस लआ, बकिर हुनी निमने कंहड़ी लःअय ची “परभु आम के डपटाव मे।” 10बकिर नुकू होड़ जेके हुंकू काकु बुझाआ होना बात रेनअः निन्दा याकु, आउर नुकू बेबुझ जनवरकु लकान, जे बात के सहजे समझाआकु हिना बात गी हुंकू आला नठाअ रेनअः कारन बनाआकु। 11#एहेः 4:3–8; गन 22:1–35; गन 16:1–35हाय नुकू होड़ के, नुकू काईन आला होरा रे चलाव थिनाकु, आउर बिलाम लकान ढिबुआ लःअय भटकाव नाकु। कोराह कु लकान लड़ाई लआकु आउर नठाव नाकु। 12नुकू आपे आला पेरेम भोज रे समुदर रे ऊकु ऊना सेरेंग लकान खतरा एदान कुआ, जे बे बोर रे आपे लोः जोम-नुयाकु, आउर अपन लहिःग पेरे:ग वाला चरवाहा हेके, हुंकू बेगर दाअः रेनअः रिम्बिल हेके, जेके होय ओटांग ईदी गुल तआय, नुकू नोकान सिंङ हेके जे बेरा सिरे का जोयोआ, जे बार खेप गोएःग चुकाव ताना, आउर जाईर तरअः रचाअ ताना। 13हुंकू समुदर रिनकु नोकान भयभयान हलका हेके जे अपन लाज रे पेरे:ग ऊना काम रेनअः बोटो के उलगाव एकायाय, हुंकू होनते-नोनते भटकअ वाला इपील हेके जेकर लःअय घुंज-घुंज अंधार जुग-जुग लःअय ठहराव लअः एदनाआ।
14 #
एहेः 5:18,21–24 आदम तरअः सात पिड़ही रिनी हनोक होः गी नुकू लःअय नोकान सबद रे आगमजानी ताही लःअय, “नेलेपे परभु अपन हजारो-हजार पबितर सिरमादूतकु लोः हीःग नेनाय। 15आउर जामे होड़कु आला नेनेयाय लःअय, आउर हुंकू आला जामा अधरम रेनअः बारे रे जामे के डांड़ एमोअ लःअय आउर अधरमी पापीकु के, जे परमेसर आला बिरुध ठोकोर सबद कंहड़ी तदाकु, होना बारे रे हुंकू के डांड़ एमोअ लःअय दराईया।” 16नुकू हुंकू होड़ हेके जे गुंदूर-गुंदूरोआकु आउर सिकाईते-आकु अपन गदुस इकछा रेनअः मोताबिक चलाआकु, हकंदाआकु आउर अपन फयदा लःअय एटाअ होड़ के बड़ाई कुआकु।
बिसवासीकु के सलाह
17ए दुलार कु, आपे होना बात के उईहारेपे, जे आबु आली परभु ईसु ख्रीस्त आलकु प्रेरित पहिल तरअः कंहड़ी चुकाव तदाकु। 18#2 पत 3:3हुंकू आपे के कंहड़ी केनाकु, “आखरी रेनअः बेरा रे नोकान होड़ हुयाव कोआकु, ठ-ठठा वाला आउर अपन बे-भगती रअः गादुस इकछा रेनअः मोताबिक चलाअ वाला हुयाव कोआकु।” 19नुकू होड़ आपे रे तड़ांग-भड़ांग ची वाला कु हेके, नुकू दुनियादारी मोताबिक चलाअ वाला मनवा हेके, जेकर एड़े पबितर आतमा कनोआँ।
20बकिर ए दुलार कु, आपे अपन पबितर बिसवास रे अपन के बड़हाव यअते आउर पबितर आतमा रे बिनती एकाय पे। 21अपने के परमेसर आला पेरेम रे बनाल दोहो योअ पे, आउर का-अन्तोः जिनगी लःअय आबु आली परभु ईसु ख्रीस्त आला दया रअः आसरा नेल एकाय पे।
22थोड़ेक होड़ बिसवास रे संका एदानकुआ, हुंकू के दया कुपे। 23आउर ढ़ेर कु के सेंगेल तरअः झपटाव उडुंग केते हुंकू के बंचाव कुपे। आपे ढेर होड़कु रे परमेसर के बोर यअते दया कुपे, आउर हुंकू आला होना गेन्दरअ तरअः होः घिंड़ोअ पे, जेकर रे होड़ो रेनअः पाप तरअः दाग लगाव ताना।
परमेसर आला इसतुती
24नहाअः दो जे आपे के ठोकोर जोम तरअः बंचाव दड़ीआय, आउर अपन पेरे:ग ऊना महिमा रेनअः हाजुरी रेनअः मड़ांग रे मुरुक रिझ लोः आउर बेकासुर तिंगु दाड़ीआय। 25हुनी आबु आली उ-उधार अवला, मियांड ठुका परमेसर के आबु आली परभु ईसु ख्रीस्त तरअः महिमा, जामा तरअः तेंग दुड़ूः उनी ठाँव, समरथ आउर हक बिताल जामा जुग तरअः नहाअः, आउर हिजोअ वाला जामा जुग रे जुग-जुग जगुत हुयाव एकान आमीन!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0