याकुब 2
2
पछपात आलपे के
1ए ईङ आलकु बोयहाकु, आपे आबु आली महिमान्वित परभु ईसु ख्रीस्त रे बिसवासेआपे, हिना लःअय आपे होड़ चिनहा-चिनहा आलपे नेयाय के। 2सोंचायपे ची आपे आला सभा रे सोना रअः मुदाम आउर मंहगा गेन्दरअ सोलोंग केते जाहें होड़ हिजोआय आउर साँघे माइलाल गेन्दरअ सोलोंग उनी रांगेग होड़ हिजोआय, 3आउर आपे मंहगा गेन्दरअ सोलोंग उनी होड़ के खास धेयान एम केते हुनी के बिताईयापे, “आम नोआँड़े नोःआँ गद्दी रे दुड़ूः मे” आउर रांगेःग होड़ के बेताईयापे “आम होनाःड़े तिंगु ताहिन मे” चाहे “ईङ आला जांगा तिंग दुबाःड़े दुड़ूः ताहिन मे,” 4दो अपन-अपन मन रे छुवाँ-छुँत कापे दोहो लआ एतान? आउर गादुस सोंच रअः मोताबिक नेनेयाय वाला कापे पाड़ी नेना एतान?
5ए ईङ आलकु दुलार बोयहाकु! आयुमेपे, एतान परमेसर नोकान होड़कु के काय निबाड़ तदकुआ, जे दुनिया रअः नजाईर रे रांगेंगाकु, जेकर से हुंकू बिसवास रे धनगारोअकु आउर होना राईज रिनकु उत्तराधिकारी योअ कु, जेकर से अपन दुदुलार कु के एमोअ लःअय वादा तदाय? 6सेरे होः आपे रांगेःग होड़ के बेजती लियापे! धनगार कु आपे के काकु चुसाव पेआ आउर हिंकु गी आपे के कछारी रे काकु ओर इदी पेआ? 7हुंकू ख्रीस्त आला होना बेस से बेस नुमू के काकु निन्दाया एतान, जेके आपे गोहराई यापे?
8 #
लेवी 19:18
धरम पुथी रे लिखा लअः एदनाआ, “आपे अपन खुड़-खिरकी तानकु के अपन लकान दुलार कुपे।” जदि आपे नोःआँ मोताबिक परमेसर आला राईज रेनअः जामा तरअः बड़े कनहुन के पुरायापे, दो बेसेआपे। 9बकिर जदि आपे पछपातेआपे, दो पापेआपे आउर कनहुन रअः मोताबिक रे दोसी ठहराआपे। 10जदि जाहें पुरा कनहुन रअः पलानेआय, बकिर होना रअः मियांड बात के तोड़ायाय, दो हुनी पुरा कनहुन रअः गुनाहगार हुयाव चुकाव नाय, 11#उइठ 20:14; कन 5:18; उइठ 20:13; कन 5:17हिना लःअय ची जे कंहड़ी तदाय, “ब्यबिचार आलुम कामी के”, हुनी नोःआँ होः कंहड़ी तदाय, “होड़ आलुम गोएःग किकु”, हिना लःअय जदि आपे बेलाज काम दो कापे कामिया, बकिर होड़ गोएःग कुआपे, दो आपे कनहुन के तोड़ायापे। 12आपे आला कंहड़ी-गथा आउर काम अपन हुंकू होड़कु लकान हुयाअः, जेकर फैसला निछुंद रअः कनहुन रेनअः मोताबिक हुयाव कोआ। 13जे दयालु कनिया, हुनी आला नेयाय रे होः दया एरे हुयाआ, बकिर दया फैसला रे जीत नामेआय।
बिसवास आउर सचाई कामी
14ए बोयहाकु, जदि जाहें नोःआँ कंहड़ीयाय, ची ईङ बिसवासे ईङ, बकिर होना मोताबिक काय कामिया, दो हुनी के एतान फयदा? नोकान बिसवास हुनी आला उधार दाड़ी केआय एतान? 15मनाअः पे ची जाहें बोको-बोयहा दुबाःड़े ना सो-सोलोंग लःअय गेन्दरअ आउर ना रोज जो-जोम लःअय घोटो एदनाआ, 16आउर आपे मेसे जाहें हुनी के बेताईयाय, “सानती से सेनमे, ऊरगुम-ऊरगुम गेन्दरअ सोलोंगेमे आउर लाहीःग पेरेःग जोममे” बकिर हुनी आला होड़ो रअः दरकार जिनीस काय इमाई, दो नोःआँ रे एतान फयदा? 17निआँ लकान बिसवास होः काम संहित आलु ताहिन दो नोकान बिसवास अपन धाचाईर रे गोएःग उना एदनाआ।
18बकिर जाहें कंहड़ी दड़ीआय, “आम बिसवासे-आम, आउर ईङ कामीयींग।” “ईङ के आम आला बिसवास बेगर कामी देखाय मे”, आउर “ईङ अपन बिसवास अपन काम तरअः आम के देखायीङ।” 19आम बिसवासे-आम ची मियांड ठुका परमेसर इदानियाँ, आम बढ़ियाँ याम! मुवाँ आतमाकु होः नोःआँ बिसवासे-आकु आउर थरथराआकु। 20ए बोका, आम नोःआँ होः काम पड़ीआ, ची कामी बेगार बिसवास बेकारा? 21#एहेः 22:1–14आबु आली बाबा अब्राहम के अपन कामी रअः चलते धरमी काय ठहराव लिया, जब हुनी बिदी रे अपन होपोन इसाहक के रकाःब लियाय एतान? 22आम नेलेआम ची हुनी आला बिसवास हुनी आला काम लोः मिलाव केते बढ़ाअः केना आउर हुनी आला कामी चलते गी हुनी आला बिसवास सिध नेना। 23#एहेः 15:6; 2 इति 20:7; जसा 41:8नोःआँ लकान पबितर धरम पुथी रअः नोःआँ कंहड़ी लअः पुराव नेना, “अब्राहम परमेसर रे बिसवास लःअय आउर निआँ रे हुनी धरमी बनाव नेनाय” आउर परमेसर आली गाती कहलाव नेनाय। 24आपे नेलेआपे ची होड़ अपन कामी तरअः होः धरमी ठहराआकु बिसवास एकला रे भाईर कोवान।
25 #
जहो 2:1–21
निआँ लकान राहब जे एटाअः मरदाना लोः तहिनोई, अपन काम तरअः धरमी बनाव नेनाय, एता लःअय ची हुनी अपन ओड़ाअ रे भेद इदी वाला कु के सोवागात लिकुआय आउर हुंकू के एटाअः होरा तरअः बिदा लिकुआय।
26जे लकान बेगार आतमा रअः होड़ो गोएःग उना एदनअः, हिना लकान कामी बिना बिसवास होः गोएःग उना एदनअः।
Currently Selected:
याकुब 2: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
याकुब 2
2
पछपात आलपे के
1ए ईङ आलकु बोयहाकु, आपे आबु आली महिमान्वित परभु ईसु ख्रीस्त रे बिसवासेआपे, हिना लःअय आपे होड़ चिनहा-चिनहा आलपे नेयाय के। 2सोंचायपे ची आपे आला सभा रे सोना रअः मुदाम आउर मंहगा गेन्दरअ सोलोंग केते जाहें होड़ हिजोआय आउर साँघे माइलाल गेन्दरअ सोलोंग उनी रांगेग होड़ हिजोआय, 3आउर आपे मंहगा गेन्दरअ सोलोंग उनी होड़ के खास धेयान एम केते हुनी के बिताईयापे, “आम नोआँड़े नोःआँ गद्दी रे दुड़ूः मे” आउर रांगेःग होड़ के बेताईयापे “आम होनाःड़े तिंगु ताहिन मे” चाहे “ईङ आला जांगा तिंग दुबाःड़े दुड़ूः ताहिन मे,” 4दो अपन-अपन मन रे छुवाँ-छुँत कापे दोहो लआ एतान? आउर गादुस सोंच रअः मोताबिक नेनेयाय वाला कापे पाड़ी नेना एतान?
5ए ईङ आलकु दुलार बोयहाकु! आयुमेपे, एतान परमेसर नोकान होड़कु के काय निबाड़ तदकुआ, जे दुनिया रअः नजाईर रे रांगेंगाकु, जेकर से हुंकू बिसवास रे धनगारोअकु आउर होना राईज रिनकु उत्तराधिकारी योअ कु, जेकर से अपन दुदुलार कु के एमोअ लःअय वादा तदाय? 6सेरे होः आपे रांगेःग होड़ के बेजती लियापे! धनगार कु आपे के काकु चुसाव पेआ आउर हिंकु गी आपे के कछारी रे काकु ओर इदी पेआ? 7हुंकू ख्रीस्त आला होना बेस से बेस नुमू के काकु निन्दाया एतान, जेके आपे गोहराई यापे?
8 #
लेवी 19:18
धरम पुथी रे लिखा लअः एदनाआ, “आपे अपन खुड़-खिरकी तानकु के अपन लकान दुलार कुपे।” जदि आपे नोःआँ मोताबिक परमेसर आला राईज रेनअः जामा तरअः बड़े कनहुन के पुरायापे, दो बेसेआपे। 9बकिर जदि आपे पछपातेआपे, दो पापेआपे आउर कनहुन रअः मोताबिक रे दोसी ठहराआपे। 10जदि जाहें पुरा कनहुन रअः पलानेआय, बकिर होना रअः मियांड बात के तोड़ायाय, दो हुनी पुरा कनहुन रअः गुनाहगार हुयाव चुकाव नाय, 11#उइठ 20:14; कन 5:18; उइठ 20:13; कन 5:17हिना लःअय ची जे कंहड़ी तदाय, “ब्यबिचार आलुम कामी के”, हुनी नोःआँ होः कंहड़ी तदाय, “होड़ आलुम गोएःग किकु”, हिना लःअय जदि आपे बेलाज काम दो कापे कामिया, बकिर होड़ गोएःग कुआपे, दो आपे कनहुन के तोड़ायापे। 12आपे आला कंहड़ी-गथा आउर काम अपन हुंकू होड़कु लकान हुयाअः, जेकर फैसला निछुंद रअः कनहुन रेनअः मोताबिक हुयाव कोआ। 13जे दयालु कनिया, हुनी आला नेयाय रे होः दया एरे हुयाआ, बकिर दया फैसला रे जीत नामेआय।
बिसवास आउर सचाई कामी
14ए बोयहाकु, जदि जाहें नोःआँ कंहड़ीयाय, ची ईङ बिसवासे ईङ, बकिर होना मोताबिक काय कामिया, दो हुनी के एतान फयदा? नोकान बिसवास हुनी आला उधार दाड़ी केआय एतान? 15मनाअः पे ची जाहें बोको-बोयहा दुबाःड़े ना सो-सोलोंग लःअय गेन्दरअ आउर ना रोज जो-जोम लःअय घोटो एदनाआ, 16आउर आपे मेसे जाहें हुनी के बेताईयाय, “सानती से सेनमे, ऊरगुम-ऊरगुम गेन्दरअ सोलोंगेमे आउर लाहीःग पेरेःग जोममे” बकिर हुनी आला होड़ो रअः दरकार जिनीस काय इमाई, दो नोःआँ रे एतान फयदा? 17निआँ लकान बिसवास होः काम संहित आलु ताहिन दो नोकान बिसवास अपन धाचाईर रे गोएःग उना एदनाआ।
18बकिर जाहें कंहड़ी दड़ीआय, “आम बिसवासे-आम, आउर ईङ कामीयींग।” “ईङ के आम आला बिसवास बेगर कामी देखाय मे”, आउर “ईङ अपन बिसवास अपन काम तरअः आम के देखायीङ।” 19आम बिसवासे-आम ची मियांड ठुका परमेसर इदानियाँ, आम बढ़ियाँ याम! मुवाँ आतमाकु होः नोःआँ बिसवासे-आकु आउर थरथराआकु। 20ए बोका, आम नोःआँ होः काम पड़ीआ, ची कामी बेगार बिसवास बेकारा? 21#एहेः 22:1–14आबु आली बाबा अब्राहम के अपन कामी रअः चलते धरमी काय ठहराव लिया, जब हुनी बिदी रे अपन होपोन इसाहक के रकाःब लियाय एतान? 22आम नेलेआम ची हुनी आला बिसवास हुनी आला काम लोः मिलाव केते बढ़ाअः केना आउर हुनी आला कामी चलते गी हुनी आला बिसवास सिध नेना। 23#एहेः 15:6; 2 इति 20:7; जसा 41:8नोःआँ लकान पबितर धरम पुथी रअः नोःआँ कंहड़ी लअः पुराव नेना, “अब्राहम परमेसर रे बिसवास लःअय आउर निआँ रे हुनी धरमी बनाव नेनाय” आउर परमेसर आली गाती कहलाव नेनाय। 24आपे नेलेआपे ची होड़ अपन कामी तरअः होः धरमी ठहराआकु बिसवास एकला रे भाईर कोवान।
25 #
जहो 2:1–21
निआँ लकान राहब जे एटाअः मरदाना लोः तहिनोई, अपन काम तरअः धरमी बनाव नेनाय, एता लःअय ची हुनी अपन ओड़ाअ रे भेद इदी वाला कु के सोवागात लिकुआय आउर हुंकू के एटाअः होरा तरअः बिदा लिकुआय।
26जे लकान बेगार आतमा रअः होड़ो गोएःग उना एदनअः, हिना लकान कामी बिना बिसवास होः गोएःग उना एदनअः।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0