इब्रानी 3
3
मुसा तरअः ईसु जादे बेसाय
1हिना लःअय ए पबितर बोको बोयहाकु, आपे जे सिरमा तरअः भेटाव उना नेवता रे भागी तनापे, प्रेरित आउर जामा तरअः बड़े पुरोहित, ईसु रे जेके आबु आली कंहड़ीयाबु धेयानेपे। 2#गन 12:7जे लेकन परमेसर आलकु समुचा होड़ रे मुसा बि-बिसवास लकान ताहिनाय, हिना लेकन गी ईसु होः जे हुनी के ठहराव लियाय, हुनी परमेसर आला बिसवास रे पेरे:ग ताहिनाय। 3जे लकान ओड़ाअ बबनाव वाला अनेःग ओड़ाअ तरअः जादे मरजाईद नामेआय हिना लकान गी ईसु होः मुसा तरअः जादे मरजाईद नामेआय। 4एता लःअय ची जामा ओड़ाअ के जाहें कोवान जाहें बबनाव कु ताहीनोआकु, बकिर परमेसर दो जामा जिनीस के बबनावी हेके। 5परमेसर आलकु जामे होड़कु लःअय मुसा मियांड बिसवास सेवक लकान ताहिनाय, हुनी होना बात रिनी गोवाह ताहिनाय जे हिजोअ वाला बेरा रे परमेसर पखी तरअः क-कंहड़ी ताहीना। 6बकिर परमेसर आलकु होड़ लःअय ख्रीस्त दो मियांड बाबु रअः भेस रे हाकिम हेके, आउर जदि आबु अपन डिढ़ आउर आसरा रे आखरी जगुत बिसवास के बनाल दोहोयाबु दो आबु गी होना घराईता रिनबु हेके।
अबिसवास रेनअः चलते चेतावनी
7 #
सिरिंग 95:7–11
हिना लःअय जाईसन पबितर आतमा कंहड़ीआय,
“जदि आम तिसिंग हुनी आला बचन आयुमेआम।
8दो आम आला मन के आलुम कठोर के,
जे लेकन ची खिखीस ची आउर होना बेरा परीकछा रअः बेरा टुंगरी रे ताही लअकु।
9जे ठाँव रे आजा-बाबाकु जचाँव केते ईङ के परीकछा लिङाकु,
आउर चालीस बरीस जगुत ईङ आला कामी के नेल लअकु।
10निआँ रअः चलते हिमीन बेरा रिनकु होड़ तरअः ईङ खीस ताही निनिंग आउर ईङ कंहड़ी ताही लिईङ,
ची ‘नुकू आला मन रोज दिन दांड़ा-बड़ान केना
आउर नुकू ईङ आला होरा के काकु चिनहा दड़ीआ।’
11तब ईङ खीस रे कसम जोमलीईङ,
ची ‘हुंकू सथाअ ठाँव रे कहियो आलकु बोलो दाड़ी के।’”
12ए बोको बोयहाकु चौंवचित तहिनपे ची आपे रे नोकान गादुस कामी आउर अनबिसवास मन आलु ताही कोअ। जेकर से जिवीःड परमेसर तरअः लंका इदीपे। 13बकिर जे जगुत होना दिन, जे “तिसिंग” कंहड़ी योआ रोज दिन हुनी-नुई के समझाव एका कुपे, नोकान आलु हुयाव कोअ, ची आपे मेसे जाहें पाप रअः बंधाउवा रे पड़ाव केते कठोर आलपे पाड़ी कोअ। 14जदि आबु पहिल रअः भरोसा के आखरी जगुत बेस केन बनाल दोहोयाबु, दो आबु ख्रीस्त रे भागीदार बनाव तहिनोआबु।
15 #
सिरिंग 95:7,8 जे लेकन कंहड़ीआकु ची
“जदि तिसिंग आपे हुनी आला बचन आयुमेआपे,
दो अपन मन के आलपे कठोर के जे लेकन ची खीस एमोअ बेरा ताही लअपे।”
16 #
गन 14:1–35
ओके होड़ थिनाकु जे परमेसर आला सबद आयुम केते हुनी बिरोध रे तिंगु थिनाकु? एतान हुंकू होड़ कोवान? जे मुसा आला अगवाई रे मिसर तरअः उडुंग थिनाकु? 17हुनी चालीस बरीस जगुत ओके तरअः खीस ताहीनाय? सचे गी हुंकू होड़ लोः, जे पाप ताही लअकु, आउर जे आला गोएःग होड़ो बुरू रे पड़ाव ताहीना। 18हुनी ओके तरअः किरया जोम ताही लःअय ची “आपे ईङ आला सथाअ ठाँव रे एरपे बोल दड़ीआ,” एतान हिंकु गी काकु थिना जे हुनी आला हुकूम के काकु आयुम थिलाअ? 19नोःआँ लकान आबु नेलेआबु, ची हुंकू अपन अनबिसवास रअः चलते काकु बोलो दाड़ी नेना।
Currently Selected:
इब्रानी 3: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
इब्रानी 3
3
मुसा तरअः ईसु जादे बेसाय
1हिना लःअय ए पबितर बोको बोयहाकु, आपे जे सिरमा तरअः भेटाव उना नेवता रे भागी तनापे, प्रेरित आउर जामा तरअः बड़े पुरोहित, ईसु रे जेके आबु आली कंहड़ीयाबु धेयानेपे। 2#गन 12:7जे लेकन परमेसर आलकु समुचा होड़ रे मुसा बि-बिसवास लकान ताहिनाय, हिना लेकन गी ईसु होः जे हुनी के ठहराव लियाय, हुनी परमेसर आला बिसवास रे पेरे:ग ताहिनाय। 3जे लकान ओड़ाअ बबनाव वाला अनेःग ओड़ाअ तरअः जादे मरजाईद नामेआय हिना लकान गी ईसु होः मुसा तरअः जादे मरजाईद नामेआय। 4एता लःअय ची जामा ओड़ाअ के जाहें कोवान जाहें बबनाव कु ताहीनोआकु, बकिर परमेसर दो जामा जिनीस के बबनावी हेके। 5परमेसर आलकु जामे होड़कु लःअय मुसा मियांड बिसवास सेवक लकान ताहिनाय, हुनी होना बात रिनी गोवाह ताहिनाय जे हिजोअ वाला बेरा रे परमेसर पखी तरअः क-कंहड़ी ताहीना। 6बकिर परमेसर आलकु होड़ लःअय ख्रीस्त दो मियांड बाबु रअः भेस रे हाकिम हेके, आउर जदि आबु अपन डिढ़ आउर आसरा रे आखरी जगुत बिसवास के बनाल दोहोयाबु दो आबु गी होना घराईता रिनबु हेके।
अबिसवास रेनअः चलते चेतावनी
7 #
सिरिंग 95:7–11
हिना लःअय जाईसन पबितर आतमा कंहड़ीआय,
“जदि आम तिसिंग हुनी आला बचन आयुमेआम।
8दो आम आला मन के आलुम कठोर के,
जे लेकन ची खिखीस ची आउर होना बेरा परीकछा रअः बेरा टुंगरी रे ताही लअकु।
9जे ठाँव रे आजा-बाबाकु जचाँव केते ईङ के परीकछा लिङाकु,
आउर चालीस बरीस जगुत ईङ आला कामी के नेल लअकु।
10निआँ रअः चलते हिमीन बेरा रिनकु होड़ तरअः ईङ खीस ताही निनिंग आउर ईङ कंहड़ी ताही लिईङ,
ची ‘नुकू आला मन रोज दिन दांड़ा-बड़ान केना
आउर नुकू ईङ आला होरा के काकु चिनहा दड़ीआ।’
11तब ईङ खीस रे कसम जोमलीईङ,
ची ‘हुंकू सथाअ ठाँव रे कहियो आलकु बोलो दाड़ी के।’”
12ए बोको बोयहाकु चौंवचित तहिनपे ची आपे रे नोकान गादुस कामी आउर अनबिसवास मन आलु ताही कोअ। जेकर से जिवीःड परमेसर तरअः लंका इदीपे। 13बकिर जे जगुत होना दिन, जे “तिसिंग” कंहड़ी योआ रोज दिन हुनी-नुई के समझाव एका कुपे, नोकान आलु हुयाव कोअ, ची आपे मेसे जाहें पाप रअः बंधाउवा रे पड़ाव केते कठोर आलपे पाड़ी कोअ। 14जदि आबु पहिल रअः भरोसा के आखरी जगुत बेस केन बनाल दोहोयाबु, दो आबु ख्रीस्त रे भागीदार बनाव तहिनोआबु।
15 #
सिरिंग 95:7,8 जे लेकन कंहड़ीआकु ची
“जदि तिसिंग आपे हुनी आला बचन आयुमेआपे,
दो अपन मन के आलपे कठोर के जे लेकन ची खीस एमोअ बेरा ताही लअपे।”
16 #
गन 14:1–35
ओके होड़ थिनाकु जे परमेसर आला सबद आयुम केते हुनी बिरोध रे तिंगु थिनाकु? एतान हुंकू होड़ कोवान? जे मुसा आला अगवाई रे मिसर तरअः उडुंग थिनाकु? 17हुनी चालीस बरीस जगुत ओके तरअः खीस ताहीनाय? सचे गी हुंकू होड़ लोः, जे पाप ताही लअकु, आउर जे आला गोएःग होड़ो बुरू रे पड़ाव ताहीना। 18हुनी ओके तरअः किरया जोम ताही लःअय ची “आपे ईङ आला सथाअ ठाँव रे एरपे बोल दड़ीआ,” एतान हिंकु गी काकु थिना जे हुनी आला हुकूम के काकु आयुम थिलाअ? 19नोःआँ लकान आबु नेलेआबु, ची हुंकू अपन अनबिसवास रअः चलते काकु बोलो दाड़ी नेना।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0