गलाती 1
1
जान-चिनहार
1नोःआँ चिठी गलातिया परदेस रअः कलीसिया लःअय, ईङ पौलुस जे मनवाकु पखा तरअः आउर जाहें होड़ दोवारा कोवान बकिर ईसु ख्रीस्त आउर बाबा परमेसर जे हुनी के गोएःग उनी तरअः जिवीःड-बिरीःड लियाय, ईङ के प्रेरित चुनाव तादिङाय, आउर जेतना बोको-बोयहा ईङ लोः एदानकुआ, लिखायाय। 2ईङ आउर जेतना बोको ईङ लोः साँघे इदानकुआ, गलातिया रिनकु कलीसिया के जोहार।
3आबु आली बाबा परमेसर आउर परभु ईसु ख्रीस्त पखी तरअः आपे के दया आउर सानती भेटाव एकान।
4ईसु ख्रीस्त आबु आला पाप रअः चलते अपने के सोंपाव लःअय, जेकर से हुनी आबु आली बाबा परमेसर आला मरजी मोताबिक नोःआँ गादुस रे पेरेःग उना दुनिया तरअः आबु के छोड़ाव दाड़ीबु। 5आबु आली बाबा परमेसर आला स्तुति आउर महिमा जुग-जुग हुयाअः! आमीन।
सचा बेस खभाईर मियांड ठुका गी एदनाआ
6ईङ के ताजुक हुयाआ! ची जे आपे के ख्रीस्त आला दया तरअः राअः लेपेआय, आपे हुनी रा-राई के तुरते बाई केते, एटाअ बेस खभाईर पखी सेनोः नापे। 7बकिर होना “एटाअ बेस खभाईर” कानोअः गीआ, बकिर बात नोकाना, ची थोड़ेक होड़ नोकानाकु, जे आपे के हदियाव पेआकु, आउर ख्रीस्त आला बेस खभाईर के ब-बगड़ाव नामाकु। 8बकिर जदि ईङ चाहे सिरमा तरअः जाहें दूत होः होना बेस खभाईर के बाई केते, जे ईङ आपे के सुनावऊ तदपिईंग, एटाअ आउर बेस खभाईर आपे के सुनावो पेआय, दो हुनी सरापितोय। 9ईङ जे कंहड़ी चुकाव तदिङ, हिना के दोहड़ाव दिङ, जे बेस खभाईर आपे के भेटाव ताना, जदि जाहें होना तरअः आलगे बेस खभाईर सुनायाय, दो हुनी सरापितोय।
10एतान नोःआँ रे आपे के नोकान आदायोआ ची ईङ होड़कु आला के मनाईङ? चाहे परमेसर आला के? एतान ईङ होड़कु के खु-खुस चाहाईंग? जदि ईङ होड़कु के खु-खुस चहाव ताही कुईङ, दो ईङ ख्रीस्त आली बंधाउवा लकान इरिंग ताहिकोआ।
पौलुस एता लकान प्रेरित बनाव नेनाय
11ए बोकोकु, ईङ आपे के बिसवास एमाअः ची चहाअः तानिङ ची जे ईङ बेस खभाईर सुनावऊ लिपीईङ, होना होड़ आला बनाव लःआ नलागे। 12ईङ जाहें होड़ तरअः होना के भेटाव नेना आउर ना नाम लाईङ, बकिर होना के ईसु ख्रीस्त तरअः ईङ के भेटाव नेना।
13 #
प्रे.कामी 8:3; 22:4,5; 26:9–11 आपे आयुम तदापे ची जब ईङ जाहुदी धरम रे चलाअः वाला ताही निङ, दो ईङ आला चाईल-चकर एता लकान ताहिना। ईङ परमेसर आला कलीसिया रे मुरुक स-सताव आउर होना के ना-नास रअः सोंचाय किनिङ। 14#प्रे.कामी 22:3ईङ जाहुदीकु आला नेग-दसतुर रे पका चलाअ वाला ताहिनिङ, आउर अपन जुग रे ढेर जाहुदीकु तरअः जुरजुट ताहिनिङ, एता लःअय ची ईङ आलकु पुरखाकु तरअः जे रिती-बिधि ईङ के भेटाव ताहिना, होना रे ईङ मुरुक जुरजुट ताहिनिङ।
15 #
प्रे.कामी 9:3–6; 22:6–10; 26:13–18 बकिर परमेसर दो ईङ के आया तिंग आला ओदोर तरअः गी अपन काम लःअय आलगे थिलङाय आउर हुनी अपन दया तरअः ईङ के राअः लिङाय। 16हिना लःअय हुनी ईङ रे आउर ईङ चलते अपन होपोन तेके दि-दिसतार लःअय सोंचाव लःअय, जेकर से ची ईङ एटाअ जाईतकु ताला रे हुनी आली होपोन ते आला बेस खभाईर रअः परचारे ईङ। नोःआँ तयोम ईङ सिकार आउर मयोम#1:16 सिकार आउर मयोम युनानी रे सिकार आउर मयोम लिखा लअः एदनाआ जेकर माने हेके जाहें होड़। तरअः सलाह काईंग इदी लअः। 17आउर जे ईङ तरअः पहिल रे प्रेरित बनाव ताहिनाकु, हुंकू लोः भेंटोः लःअय ईङ जिरोसलेम काईंग सेन नेना, बकिर ईङ तुरते अरब राईज सेन निनिंग आउर तयोम दमिस्क रूवाड़ निनिंग। 18#प्रे.कामी 9:26–30फिन पे बरीस तयोम कैफा लोः भेंटोः लःअय ईङ जिरोसलेम सोदोर निनिङ आउर हुनी लोः पंद्रा रोज ताहिनिङ। 19बकिर होनाःड़े ईङ परभु आली बोको याकुब के बाई केते, ओके होः एटाअ प्रेरित लोः काईंग भेंट नेना।
20परमेसर ईङ आली गोवाही हेके ची ईङ जे आपे लःअय लिखा तादिंग, होना एकदम सच हेके! होना झुठा नलागे।
21नोःआँ तयोम ईङ सिरिया आउर किलकिया राईज सेन निनिंग। 22हिमीन बेरा जाहुदिया रिनकु ढेर कलीसिया रिनकु ढेर जे ख्रीस्त, ईङ के व्यतिगत भेस रे काकु पाड़ी केना। 23हुंकू निमने आयुम ताही लअकु ची “जे होड़ आबु के सताव बु केनाय, हुनी नहाअः होना बिसवास रअः परचार दाय, जे हुनी ना-नास लःअय सोंचाय केनाय।” 24आउर हुंकू ईङ रअः बारे परमेसर आला बड़ाई केनाकु।
Currently Selected:
गलाती 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
गलाती 1
1
जान-चिनहार
1नोःआँ चिठी गलातिया परदेस रअः कलीसिया लःअय, ईङ पौलुस जे मनवाकु पखा तरअः आउर जाहें होड़ दोवारा कोवान बकिर ईसु ख्रीस्त आउर बाबा परमेसर जे हुनी के गोएःग उनी तरअः जिवीःड-बिरीःड लियाय, ईङ के प्रेरित चुनाव तादिङाय, आउर जेतना बोको-बोयहा ईङ लोः एदानकुआ, लिखायाय। 2ईङ आउर जेतना बोको ईङ लोः साँघे इदानकुआ, गलातिया रिनकु कलीसिया के जोहार।
3आबु आली बाबा परमेसर आउर परभु ईसु ख्रीस्त पखी तरअः आपे के दया आउर सानती भेटाव एकान।
4ईसु ख्रीस्त आबु आला पाप रअः चलते अपने के सोंपाव लःअय, जेकर से हुनी आबु आली बाबा परमेसर आला मरजी मोताबिक नोःआँ गादुस रे पेरेःग उना दुनिया तरअः आबु के छोड़ाव दाड़ीबु। 5आबु आली बाबा परमेसर आला स्तुति आउर महिमा जुग-जुग हुयाअः! आमीन।
सचा बेस खभाईर मियांड ठुका गी एदनाआ
6ईङ के ताजुक हुयाआ! ची जे आपे के ख्रीस्त आला दया तरअः राअः लेपेआय, आपे हुनी रा-राई के तुरते बाई केते, एटाअ बेस खभाईर पखी सेनोः नापे। 7बकिर होना “एटाअ बेस खभाईर” कानोअः गीआ, बकिर बात नोकाना, ची थोड़ेक होड़ नोकानाकु, जे आपे के हदियाव पेआकु, आउर ख्रीस्त आला बेस खभाईर के ब-बगड़ाव नामाकु। 8बकिर जदि ईङ चाहे सिरमा तरअः जाहें दूत होः होना बेस खभाईर के बाई केते, जे ईङ आपे के सुनावऊ तदपिईंग, एटाअ आउर बेस खभाईर आपे के सुनावो पेआय, दो हुनी सरापितोय। 9ईङ जे कंहड़ी चुकाव तदिङ, हिना के दोहड़ाव दिङ, जे बेस खभाईर आपे के भेटाव ताना, जदि जाहें होना तरअः आलगे बेस खभाईर सुनायाय, दो हुनी सरापितोय।
10एतान नोःआँ रे आपे के नोकान आदायोआ ची ईङ होड़कु आला के मनाईङ? चाहे परमेसर आला के? एतान ईङ होड़कु के खु-खुस चाहाईंग? जदि ईङ होड़कु के खु-खुस चहाव ताही कुईङ, दो ईङ ख्रीस्त आली बंधाउवा लकान इरिंग ताहिकोआ।
पौलुस एता लकान प्रेरित बनाव नेनाय
11ए बोकोकु, ईङ आपे के बिसवास एमाअः ची चहाअः तानिङ ची जे ईङ बेस खभाईर सुनावऊ लिपीईङ, होना होड़ आला बनाव लःआ नलागे। 12ईङ जाहें होड़ तरअः होना के भेटाव नेना आउर ना नाम लाईङ, बकिर होना के ईसु ख्रीस्त तरअः ईङ के भेटाव नेना।
13 #
प्रे.कामी 8:3; 22:4,5; 26:9–11 आपे आयुम तदापे ची जब ईङ जाहुदी धरम रे चलाअः वाला ताही निङ, दो ईङ आला चाईल-चकर एता लकान ताहिना। ईङ परमेसर आला कलीसिया रे मुरुक स-सताव आउर होना के ना-नास रअः सोंचाय किनिङ। 14#प्रे.कामी 22:3ईङ जाहुदीकु आला नेग-दसतुर रे पका चलाअ वाला ताहिनिङ, आउर अपन जुग रे ढेर जाहुदीकु तरअः जुरजुट ताहिनिङ, एता लःअय ची ईङ आलकु पुरखाकु तरअः जे रिती-बिधि ईङ के भेटाव ताहिना, होना रे ईङ मुरुक जुरजुट ताहिनिङ।
15 #
प्रे.कामी 9:3–6; 22:6–10; 26:13–18 बकिर परमेसर दो ईङ के आया तिंग आला ओदोर तरअः गी अपन काम लःअय आलगे थिलङाय आउर हुनी अपन दया तरअः ईङ के राअः लिङाय। 16हिना लःअय हुनी ईङ रे आउर ईङ चलते अपन होपोन तेके दि-दिसतार लःअय सोंचाव लःअय, जेकर से ची ईङ एटाअ जाईतकु ताला रे हुनी आली होपोन ते आला बेस खभाईर रअः परचारे ईङ। नोःआँ तयोम ईङ सिकार आउर मयोम#1:16 सिकार आउर मयोम युनानी रे सिकार आउर मयोम लिखा लअः एदनाआ जेकर माने हेके जाहें होड़। तरअः सलाह काईंग इदी लअः। 17आउर जे ईङ तरअः पहिल रे प्रेरित बनाव ताहिनाकु, हुंकू लोः भेंटोः लःअय ईङ जिरोसलेम काईंग सेन नेना, बकिर ईङ तुरते अरब राईज सेन निनिंग आउर तयोम दमिस्क रूवाड़ निनिंग। 18#प्रे.कामी 9:26–30फिन पे बरीस तयोम कैफा लोः भेंटोः लःअय ईङ जिरोसलेम सोदोर निनिङ आउर हुनी लोः पंद्रा रोज ताहिनिङ। 19बकिर होनाःड़े ईङ परभु आली बोको याकुब के बाई केते, ओके होः एटाअ प्रेरित लोः काईंग भेंट नेना।
20परमेसर ईङ आली गोवाही हेके ची ईङ जे आपे लःअय लिखा तादिंग, होना एकदम सच हेके! होना झुठा नलागे।
21नोःआँ तयोम ईङ सिरिया आउर किलकिया राईज सेन निनिंग। 22हिमीन बेरा जाहुदिया रिनकु ढेर कलीसिया रिनकु ढेर जे ख्रीस्त, ईङ के व्यतिगत भेस रे काकु पाड़ी केना। 23हुंकू निमने आयुम ताही लअकु ची “जे होड़ आबु के सताव बु केनाय, हुनी नहाअः होना बिसवास रअः परचार दाय, जे हुनी ना-नास लःअय सोंचाय केनाय।” 24आउर हुंकू ईङ रअः बारे परमेसर आला बड़ाई केनाकु।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0