इफिसि 3
3
एटाअ जाईतकु रे पौलुस आला परचार कामी
1हिना लःअय ईङ पौलुस, परमेसर तरअः बिनतीः दिङ। आपे एटाअ जाईतकु आला भलाई लःअय ख्रीस्त रअः चलते कैदी एदानिङा। 2आपे जरूर आयुम तदापे ची परमेसर आपे आला भलाई लःअय, अपन दया रअः सेवा कामी रअः जोजना ईङ के जिमाओ तदिङाय। 3परमेसर आला जोजना जे होड़कु तरअः उकू ओना बात थिना हुनी ईङ के दिसतार लःअय नोःआँ रअः ईङ थोड़ेः केन सबद रे तेंग रे उदूः चुकाव तदिङ। 4#कोलो 1:26,27होना के पढ़ाव केते, आपे पाड़ी दाड़ीआपे ची ईङ ख्रीस्त रअः बारे होना ऊकू ओना बात के ओकिन जगुत समझाईङ। 5जे पहिल पीढ़ी रे, मनवा जाईत के नोकान काकु दिसतार ताही लआ जाईसन ची नहाअः हुनी आलकु पबितर प्रेरितकु आउर आगमजानीकु के पबितर आतमा रअः दोवारा दिसतार तदाय। 6होना ऊकू ओना बात नोःआँ हेके ची बेस खभाईर दोवारा जाहुदीकु लोः एटाअ जाईत होः साँघे उत्तराधिकारीः नाकु, मियांड होड़ो रअः भाग आउर ख्रीस्त ईसु दोवारा जे वादा आबु के एम तदाय, होना रे साँघे एदानबुआ।
7परमेसर अपन दया रेनअः मोताबिक अपन समरथ रअः असर दोवारा ईङ के होना काम एम लःअय जेकर रे ईङ होना बेस खभाईर रेनअः परचारे ईङ। 8ईङ के जे पबितर होड़कु मेसे जामा तरअः छोटे हेके, नोःआँ दया भेटाव ताना ची ईङ एटाअ जाईतकु के ख्रीस्त रअः मुरुक किरपा रअः बेस खभाईर सुनाव कुईङ। 9ची ईङ जामा होड़कु लःअय, होना ऊकू ओना बात रअः पुरा जोजना के दिसतारेईङ जे जामा जिनीस के सि-सिरजावी परमेसर जुग-जुग ऊकू केते दोहो तदाय। 10ची नहाअः कलीसिया रअः चलते परमेसर आला जामा बरान रअः लूर, हुंकू स-सासन कु आउर हाकिमकु रे जे सिरमा ठाँव रे एदनाआ होना के दिसतारे। 11परमेसर जुग-जुग तरअः जे विचार अपन मन रे दोहो ताही लःअय, हुनी होना के, आबु आला परभु ख्रीस्त ईसु तरअः पुरा लःअय। 12आबु ख्रीस्त रे बिसवासेआबु, आउर निआँ चलते आबु पुरा भरसा लो: बेधड़क परमेसर दुबाःड़े सेनाबु। 13हिना लःअय आपे तरअः ईङ अरजीः दिङ ची ईङ आपे लःअय जे खिलपाईत सहाव दिङ, होना रअः चलते आपे हिम्मत आलपे हराव कोअ, एता लःअय ची निआँ रेगी आपे आला बड़ाई रअः बात हेके।
ख्रीस्त आला पेरेम
14-15हिना लःअय ईङ आपा मड़ांग रे ईकड़ुम केते नोःआँ बिनती यींग, जेकर से सिरमा रे आउर ओत रे जामा घराईता अपन-अपन नुमू नामेआकु। 16हुनी अपन महिमा रअः धन तरअः आउर अपन आतमा तरअः आपे भीतर रेनअः आतमा के मा-मजगुत लःअय अपन सवांग एमापे। 17जेकर से ची बिसवास रअः चलते ख्रीस्त आपे आला मन रे डेराये, आपे आला जाईर आउर नेंव पेरेम रे केटेःग ताहीन। 18जामे पबितर होड़कु लोः बेस केन समझाः लःअय सवांग नामेपे ची ख्रीस्त आला दुलार रअः चावड़ा, जिलींग, उसूल आउर गहीड़ समझाव दाड़ीपे। 19आउर ख्रीस्त आला होना पेरेम के पाड़ीपे जे समझ तरअः बाहरी एदनाआ ची आपे आला गुन पुरा-पुरी रिती से परमेसर लकान हुयाअः।
20नहाअः परमेसर अपन होना सवांग तरअः जे आबु भीतर कामीयाय, जेतना आबु कोय दाड़ीआबु चाहे जे जगुत आबु सोंचाव दाड़ीआबु होना तरअः होः अलय जादे हुनी कामी दाड़ीआय। 21हुनी परमेसर आला महिमा कलीसिया रे आउर ईसु ख्रीस्त रे पीढ़ी-पीढ़ी जगुत, जुग-जुग जगुत हुयाव एकान! आमीन।
Currently Selected:
इफिसि 3: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
इफिसि 3
3
एटाअ जाईतकु रे पौलुस आला परचार कामी
1हिना लःअय ईङ पौलुस, परमेसर तरअः बिनतीः दिङ। आपे एटाअ जाईतकु आला भलाई लःअय ख्रीस्त रअः चलते कैदी एदानिङा। 2आपे जरूर आयुम तदापे ची परमेसर आपे आला भलाई लःअय, अपन दया रअः सेवा कामी रअः जोजना ईङ के जिमाओ तदिङाय। 3परमेसर आला जोजना जे होड़कु तरअः उकू ओना बात थिना हुनी ईङ के दिसतार लःअय नोःआँ रअः ईङ थोड़ेः केन सबद रे तेंग रे उदूः चुकाव तदिङ। 4#कोलो 1:26,27होना के पढ़ाव केते, आपे पाड़ी दाड़ीआपे ची ईङ ख्रीस्त रअः बारे होना ऊकू ओना बात के ओकिन जगुत समझाईङ। 5जे पहिल पीढ़ी रे, मनवा जाईत के नोकान काकु दिसतार ताही लआ जाईसन ची नहाअः हुनी आलकु पबितर प्रेरितकु आउर आगमजानीकु के पबितर आतमा रअः दोवारा दिसतार तदाय। 6होना ऊकू ओना बात नोःआँ हेके ची बेस खभाईर दोवारा जाहुदीकु लोः एटाअ जाईत होः साँघे उत्तराधिकारीः नाकु, मियांड होड़ो रअः भाग आउर ख्रीस्त ईसु दोवारा जे वादा आबु के एम तदाय, होना रे साँघे एदानबुआ।
7परमेसर अपन दया रेनअः मोताबिक अपन समरथ रअः असर दोवारा ईङ के होना काम एम लःअय जेकर रे ईङ होना बेस खभाईर रेनअः परचारे ईङ। 8ईङ के जे पबितर होड़कु मेसे जामा तरअः छोटे हेके, नोःआँ दया भेटाव ताना ची ईङ एटाअ जाईतकु के ख्रीस्त रअः मुरुक किरपा रअः बेस खभाईर सुनाव कुईङ। 9ची ईङ जामा होड़कु लःअय, होना ऊकू ओना बात रअः पुरा जोजना के दिसतारेईङ जे जामा जिनीस के सि-सिरजावी परमेसर जुग-जुग ऊकू केते दोहो तदाय। 10ची नहाअः कलीसिया रअः चलते परमेसर आला जामा बरान रअः लूर, हुंकू स-सासन कु आउर हाकिमकु रे जे सिरमा ठाँव रे एदनाआ होना के दिसतारे। 11परमेसर जुग-जुग तरअः जे विचार अपन मन रे दोहो ताही लःअय, हुनी होना के, आबु आला परभु ख्रीस्त ईसु तरअः पुरा लःअय। 12आबु ख्रीस्त रे बिसवासेआबु, आउर निआँ चलते आबु पुरा भरसा लो: बेधड़क परमेसर दुबाःड़े सेनाबु। 13हिना लःअय आपे तरअः ईङ अरजीः दिङ ची ईङ आपे लःअय जे खिलपाईत सहाव दिङ, होना रअः चलते आपे हिम्मत आलपे हराव कोअ, एता लःअय ची निआँ रेगी आपे आला बड़ाई रअः बात हेके।
ख्रीस्त आला पेरेम
14-15हिना लःअय ईङ आपा मड़ांग रे ईकड़ुम केते नोःआँ बिनती यींग, जेकर से सिरमा रे आउर ओत रे जामा घराईता अपन-अपन नुमू नामेआकु। 16हुनी अपन महिमा रअः धन तरअः आउर अपन आतमा तरअः आपे भीतर रेनअः आतमा के मा-मजगुत लःअय अपन सवांग एमापे। 17जेकर से ची बिसवास रअः चलते ख्रीस्त आपे आला मन रे डेराये, आपे आला जाईर आउर नेंव पेरेम रे केटेःग ताहीन। 18जामे पबितर होड़कु लोः बेस केन समझाः लःअय सवांग नामेपे ची ख्रीस्त आला दुलार रअः चावड़ा, जिलींग, उसूल आउर गहीड़ समझाव दाड़ीपे। 19आउर ख्रीस्त आला होना पेरेम के पाड़ीपे जे समझ तरअः बाहरी एदनाआ ची आपे आला गुन पुरा-पुरी रिती से परमेसर लकान हुयाअः।
20नहाअः परमेसर अपन होना सवांग तरअः जे आबु भीतर कामीयाय, जेतना आबु कोय दाड़ीआबु चाहे जे जगुत आबु सोंचाव दाड़ीआबु होना तरअः होः अलय जादे हुनी कामी दाड़ीआय। 21हुनी परमेसर आला महिमा कलीसिया रे आउर ईसु ख्रीस्त रे पीढ़ी-पीढ़ी जगुत, जुग-जुग जगुत हुयाव एकान! आमीन।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0