2 पतरस 2
2
झुठा उपदेस एमोअः कु
1रे होः गी इसराइली होड़कु रे झुठा आगमजानीकु दिसतार नेनाकु, आउर निआँ लकान गी आपे तरअः होः झुठा गुरू तिंगु कोआकु, जे उकू-दनाङ नास रेनअः झुठा सिकछा रअः परचार केआकु। हुंकू हुनी परभु के होः इनकार कियाकु जे हुंकू के किरिङ केते उधार तदकुआय, आउर खुदे गी हुंकू झटेगी नासोअः रे नुर कोआकु। 2ढ़ेर होड़कु हुंकू लकान लुचापन केआकु, आउर हुंकू रअः चलते सचाई होरा रअः निन्दा कोआ। 3लोभ रअः चलते अपन बनाव लअः बात तरअः हुंकू आम तरअः धन कामी केआकु। हुंकू आला डांड़ परमेसर पखा तरअः ढ़ेर पहिल तरअः गी हुयाव चुकाव ताना आउर हुनी आला हिजोः दिरी कनोआँ, हुंकू आला नसोअ काय गितिगोः ताना।
4एता लःअय ची परमेसर पापी सिरमादूत के होः काय बाई लिकुआ, बकिर नरग रअः अंधार रे तोल केते उयूअः लिकुआय जेकर से नेयाय हिला जगुत हिना रे पड़ाव ताहिनकु।
5 #
एहेः 6:1—7:24
परमेसर मारी जुग रअः दुनिया के होः काय बाई लआ, बकिर परमेसर के काकु पाड़ी वाला होना दुनिया रे दाअः आउर दाअः रेनअः बाईढ़ भेजाव केते नास लःअय, बकिर धरमिकता प-परचारी नूह समेत आठ झन के बंचाव लिकुआय। 6#एहेः 19:24परमेसर सोदोम आउर गोमोरा नुमू रेनअः सहर के तियाँग केते तोरेःग बनाव लःअय आउर होना के नास लःअय। जेकर से परमेसर के काकु पाड़ी वाला कु लोः जे बात हुयाअः वाला होना डांड़ लःअय मियांड गाम पड़ीयोः। 7#एहेः 19:1–16बकिर हुनी धरमी लुत के बंचाव लियाय, जे हुंकू हुरमुठ होड़कु आला बेलाज कामी तरअः पेरेःग ऊना चाईल-चकर तरअः दुखी ताहीनाय। 8हुनी धरमी हेरेल हुंकू ताला रे ताहिन यःअते रोज दिन जे लकान नेले केनाय आउर आयुमे केनाय, हुंकू आला गदुस चाईल चलते, हुनी आला धरमी आतमा के पीड़ा एकायोः केना। 9दो परभु भक्तकु के परीकछा तरअः बा-बंचाव आउर अधरमीकु के नेयाय हिला जगुत डांड़ रअः दसा रे दो-दोहो होः पाड़ीआय। 10खास केते हुंकू के जे असुध खराप इकछा रेनअः तयोम होड़ो मोताबिक चलाआकु आउर परभुता के तुछेआकु।
हुंकू ढ़ीठ तेकर हांठी एदानकुआ, आउर सिरमा रे ताहिनोः वाला महिमावान कु के होः निन्दा कंहड़ी रे काकु बोरा।
11सिरमादूत जे सवांग आउर समरथ रे हुंकू तरअः बड़े आकु, सेरे होः गी परभु मड़ांग रे हुंकू रे निन्दा बात कंहड़ी केते काकु नेयायेआ। 12बकिर नुकू होड़ बे-बुधी जनवर लेकानाकु, स्वाभाविक रिती लकान रे कामीयाकु जे सःब चिनोअः लःअय आउर नासोअः लःअय सिरजाव तनाकु, आउर जे बात के काकुगी पाड़ीआ, हुंकू आला बारे रे एटाअः कु के निन्दा कुआकु, हुंकू अपन सेया रे कु सेया कोआकु। 13नुकू के अधरम रअः बदला अधरम गी भेटाव कोआ। सिंङ रअः मरसाल रे मौज-मस्ती नुकू के बेस आदा कुआ। नोःआँ लाज तरअः पेरेःग ऊना दाग आउर कंलक हेके। नुकू होड़ आपे आला पेरेम भोज रे समिलोः बेरा कपट रे पेरेःग उना होरा रे मौज-मस्ती याकु। 14नुकू आला मेःड जामा बेरा ब्यबिचार कामी तरअः पेरेःग ताना आउर जामा बेरा पाप एकायाकु आउर हुंकू कमजोर मन वाला कु के फुसलाव कुआकु हुंकू आला मन लोभ ते पेरेःग ताना हुंकू सरापित रिनकु होपोन हेके! 15#गन 22:4–35सोझ-सुघड़ होरा के बाई केते नुकू बैंड़ाव नाकु। बाओर आली होपोन बिलाम आला होरा रे नुकू होड़ सोझाव तानाकु, बिलाम, जेके ढिबुआ रअः लोभ-लालच रे दुलारेआय आउर अधरम कामी केनाय। 16बकिर हुनी के अपन गुनाह रअः एगेर अआयुम पड़ाव नेना। मियांड गधा मनवा लकान काकु बात सकाया, होड़ लकान कंहड़ी लःअय आउर नोःआँ लकान आगमजानी आला बाउड़ाव-ते रोकाव ना।
17हुंकू होड़ अंजेःड ऊना डुंगी आउर गर्ड़रा तरअः ओटांग लअः रिम्बिल हेके। घुंज-घुंज अंधार हुंकू लःअय दोहो बाई लआ एदनाआ। 18नुकू हुंकू होड़ हेके जे अपन बेकार आउर घंमड ते पेरेःग उना बात ते आउर गतर रअः गदुस इकछा के काम रे आगु केते सचाई होरा तरअः जे भटकलकु मेसे बंचाव ऊड़ूंगोः रेनअः नहाअः गी कुरनीसे केनाकु के फुसलाव कुआकु। 19हुंकू, हुंकू के छोड़ाअः रेनअः वादा दो एमा कुआकु, बकिर अपने गी नास रिनकु बंधाउवा हेके, एता लःअय ची जे होड़ जाहें लोः हराव तनाय, हुनी, हिनी आली बंधाउवा बनाव जुनोआय। 20आउर जदि हुंकू परभु आउर उ-उधार अवला ईसु ख्रीस्त के प-पाड़ी रेनअः चलते, दुनिया रेनअः किसिम-किसिम रअः बुराई तरअः बंचाव उडुंग नाकु, आउर फिन होना रे बझाव केते हराव नाकु, दो हुंकू आला आखरी रअः दसा, पहिल तरअः होः बुरा हुयाव कोआ। 21नोकान होड़ अपन के भेटाव उना पबितर हुकूम रअः गेयान नाम केते होना तरअः रूवाड़ जुनोआकु। हुंकू लःअय बेस निआँ ताहिकोआ ची हुंकू धरम होरा रअः गेयान कहियो एरकु पाड़ी ताकेआ। 22#बेव 26:11हुंकू बारे रे जे हुयाव ताना नोःआँ कहावाइत के सच साबितेआय “सेता अपन आला छांट लअः पखा रूवाड़ जुनोआय, आउर ऊम-लिदी सुकरी लोसोःड रे लेटायोअः आउर गी सेनोः जुनोआय।”
Currently Selected:
2 पतरस 2: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
2 पतरस 2
2
झुठा उपदेस एमोअः कु
1रे होः गी इसराइली होड़कु रे झुठा आगमजानीकु दिसतार नेनाकु, आउर निआँ लकान गी आपे तरअः होः झुठा गुरू तिंगु कोआकु, जे उकू-दनाङ नास रेनअः झुठा सिकछा रअः परचार केआकु। हुंकू हुनी परभु के होः इनकार कियाकु जे हुंकू के किरिङ केते उधार तदकुआय, आउर खुदे गी हुंकू झटेगी नासोअः रे नुर कोआकु। 2ढ़ेर होड़कु हुंकू लकान लुचापन केआकु, आउर हुंकू रअः चलते सचाई होरा रअः निन्दा कोआ। 3लोभ रअः चलते अपन बनाव लअः बात तरअः हुंकू आम तरअः धन कामी केआकु। हुंकू आला डांड़ परमेसर पखा तरअः ढ़ेर पहिल तरअः गी हुयाव चुकाव ताना आउर हुनी आला हिजोः दिरी कनोआँ, हुंकू आला नसोअ काय गितिगोः ताना।
4एता लःअय ची परमेसर पापी सिरमादूत के होः काय बाई लिकुआ, बकिर नरग रअः अंधार रे तोल केते उयूअः लिकुआय जेकर से नेयाय हिला जगुत हिना रे पड़ाव ताहिनकु।
5 #
एहेः 6:1—7:24
परमेसर मारी जुग रअः दुनिया के होः काय बाई लआ, बकिर परमेसर के काकु पाड़ी वाला होना दुनिया रे दाअः आउर दाअः रेनअः बाईढ़ भेजाव केते नास लःअय, बकिर धरमिकता प-परचारी नूह समेत आठ झन के बंचाव लिकुआय। 6#एहेः 19:24परमेसर सोदोम आउर गोमोरा नुमू रेनअः सहर के तियाँग केते तोरेःग बनाव लःअय आउर होना के नास लःअय। जेकर से परमेसर के काकु पाड़ी वाला कु लोः जे बात हुयाअः वाला होना डांड़ लःअय मियांड गाम पड़ीयोः। 7#एहेः 19:1–16बकिर हुनी धरमी लुत के बंचाव लियाय, जे हुंकू हुरमुठ होड़कु आला बेलाज कामी तरअः पेरेःग ऊना चाईल-चकर तरअः दुखी ताहीनाय। 8हुनी धरमी हेरेल हुंकू ताला रे ताहिन यःअते रोज दिन जे लकान नेले केनाय आउर आयुमे केनाय, हुंकू आला गदुस चाईल चलते, हुनी आला धरमी आतमा के पीड़ा एकायोः केना। 9दो परभु भक्तकु के परीकछा तरअः बा-बंचाव आउर अधरमीकु के नेयाय हिला जगुत डांड़ रअः दसा रे दो-दोहो होः पाड़ीआय। 10खास केते हुंकू के जे असुध खराप इकछा रेनअः तयोम होड़ो मोताबिक चलाआकु आउर परभुता के तुछेआकु।
हुंकू ढ़ीठ तेकर हांठी एदानकुआ, आउर सिरमा रे ताहिनोः वाला महिमावान कु के होः निन्दा कंहड़ी रे काकु बोरा।
11सिरमादूत जे सवांग आउर समरथ रे हुंकू तरअः बड़े आकु, सेरे होः गी परभु मड़ांग रे हुंकू रे निन्दा बात कंहड़ी केते काकु नेयायेआ। 12बकिर नुकू होड़ बे-बुधी जनवर लेकानाकु, स्वाभाविक रिती लकान रे कामीयाकु जे सःब चिनोअः लःअय आउर नासोअः लःअय सिरजाव तनाकु, आउर जे बात के काकुगी पाड़ीआ, हुंकू आला बारे रे एटाअः कु के निन्दा कुआकु, हुंकू अपन सेया रे कु सेया कोआकु। 13नुकू के अधरम रअः बदला अधरम गी भेटाव कोआ। सिंङ रअः मरसाल रे मौज-मस्ती नुकू के बेस आदा कुआ। नोःआँ लाज तरअः पेरेःग ऊना दाग आउर कंलक हेके। नुकू होड़ आपे आला पेरेम भोज रे समिलोः बेरा कपट रे पेरेःग उना होरा रे मौज-मस्ती याकु। 14नुकू आला मेःड जामा बेरा ब्यबिचार कामी तरअः पेरेःग ताना आउर जामा बेरा पाप एकायाकु आउर हुंकू कमजोर मन वाला कु के फुसलाव कुआकु हुंकू आला मन लोभ ते पेरेःग ताना हुंकू सरापित रिनकु होपोन हेके! 15#गन 22:4–35सोझ-सुघड़ होरा के बाई केते नुकू बैंड़ाव नाकु। बाओर आली होपोन बिलाम आला होरा रे नुकू होड़ सोझाव तानाकु, बिलाम, जेके ढिबुआ रअः लोभ-लालच रे दुलारेआय आउर अधरम कामी केनाय। 16बकिर हुनी के अपन गुनाह रअः एगेर अआयुम पड़ाव नेना। मियांड गधा मनवा लकान काकु बात सकाया, होड़ लकान कंहड़ी लःअय आउर नोःआँ लकान आगमजानी आला बाउड़ाव-ते रोकाव ना।
17हुंकू होड़ अंजेःड ऊना डुंगी आउर गर्ड़रा तरअः ओटांग लअः रिम्बिल हेके। घुंज-घुंज अंधार हुंकू लःअय दोहो बाई लआ एदनाआ। 18नुकू हुंकू होड़ हेके जे अपन बेकार आउर घंमड ते पेरेःग उना बात ते आउर गतर रअः गदुस इकछा के काम रे आगु केते सचाई होरा तरअः जे भटकलकु मेसे बंचाव ऊड़ूंगोः रेनअः नहाअः गी कुरनीसे केनाकु के फुसलाव कुआकु। 19हुंकू, हुंकू के छोड़ाअः रेनअः वादा दो एमा कुआकु, बकिर अपने गी नास रिनकु बंधाउवा हेके, एता लःअय ची जे होड़ जाहें लोः हराव तनाय, हुनी, हिनी आली बंधाउवा बनाव जुनोआय। 20आउर जदि हुंकू परभु आउर उ-उधार अवला ईसु ख्रीस्त के प-पाड़ी रेनअः चलते, दुनिया रेनअः किसिम-किसिम रअः बुराई तरअः बंचाव उडुंग नाकु, आउर फिन होना रे बझाव केते हराव नाकु, दो हुंकू आला आखरी रअः दसा, पहिल तरअः होः बुरा हुयाव कोआ। 21नोकान होड़ अपन के भेटाव उना पबितर हुकूम रअः गेयान नाम केते होना तरअः रूवाड़ जुनोआकु। हुंकू लःअय बेस निआँ ताहिकोआ ची हुंकू धरम होरा रअः गेयान कहियो एरकु पाड़ी ताकेआ। 22#बेव 26:11हुंकू बारे रे जे हुयाव ताना नोःआँ कहावाइत के सच साबितेआय “सेता अपन आला छांट लअः पखा रूवाड़ जुनोआय, आउर ऊम-लिदी सुकरी लोसोःड रे लेटायोअः आउर गी सेनोः जुनोआय।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0