2 कुरिन्थी 5
5
1एता लःअय ची आबु पाड़ी आबु ची नोःआँ कुम्बा जेकर रे आबु नोःआँ धरती रे ताहिनोआबु माने कि आबु आला नोःआँ काया के नुर केआकु। दो आबु के मियांड नावाँ होड़ो भेटाव कोआ, नोःआँ नोकान बंगला हेके, जे मनवा आला तीः तरअः बनाव लअः कोवान, बकिर परमेसर पखा तरअः बनाव लअः बंगला हेके, होना ओड़ाअ जुग-जुग सिरमा रे बनाल ताही कोआ। 2हिना लःअय आबु जब तक नोःआँ ओड़ाअ रे ताहीनोआबु, आबु गेरांङ एकानाबु, आउर निआँ मुरुक तरसाव एकानाबु ची अपन सिरमा रेनअः ओड़ाअ भेटाव जुनोः। 3ची नोःआँ के सोलोंगेआबु दो आबु एसेन होड़ आलबु नाम कोअ। 4आबु नोःआँ कुम्बा रे माने कि काया रे ताहिन बेरा बोझ रे जंताव कोअते गेरांङ एकानाबु, आउर चहाआबु ची धरती रअः नोःआँ होड़ो के बेगर बाईते नावाँ होड़ो जे जुग-जुग लःअय एदनाआ, भेटाव कोआ होना के सोलोंगेबु जेकर से ची आबु आला नोःआँ नसोअ वाला होड़ो जिनगी तरअः बदलाव जुनोः। 5जे आबु के नोःआँ लःअय तेयार लिबुआय, हुनी परमेसर हेके, हिनी आबु के बेयाना रे पबितर आतमा एमा तदबुआय।
6हिना लःअय आबु के पुरा बिसवास एदनाआ, आबु पाड़ीआबु अपन होड़ो रे ताही नोआँबु हुमिन जगुत परभु तरअः लंका एदानबुआ। 7एता लःअय ची आबु नेल लअः बात रे कोवान बकिर बिसवास रे चलाआबु। 8आबु के भरोसा एदनाआ, आबु होड़ो रअः ओड़ाअ के बाई केते परभु लोः ताहीनोः जादे पतियाआबु। 9हिना लःअय आबु आला जुरजुट इकछा एदनाआ ची होड़ो रे ताहिनोः बु चाहे आलबु ताहिनोः परभु के बेस आदायोः बु। 10#रोमी 14:10एता लःअय ची आबु जामा के ख्रीस्त आला नेयाय रअः गद्दी दुबाःड़े तिंगुन हुयाव कोआ, जेकर से ची जामा होड़ जे होड़ो रे तहिनोअ तुली बेस चाहे अनाईस, जे कामी तदाबु, होना रेनअः बानी नामेबु।
ख्रीस्त तरअः परमेसर लोः मेल मिलाप
11हिना लःअय परभु तरअः बोरो केते आले सचाई रे चलाअ लःअय होड़कु के समझाव कुआले। आले आला पुरा जिनगी परमेसर लःअय परगट भेस रे नेलोआ। आउर ईङ आसरायोः तानिङ ची आपे होः अपन भितरी मन रे आले के बेस केन पड़ीआपे। 12सेरे होः अपन बड़ाई आपे मड़ांग रे कालेया। बकिर अपन बारे रे आपे के घघमन्ड लःअय मोका एमेआले। जेकर से ची आपे हुंकू के जबाप एमा दाड़ीपे, जे मन रेनअः बात रे कोवान बकिर देखावा बात रे घमन्डेआकु। 13जदि आले बयाव उनकु लकान एदान लेआ दो परमेसर लःअय एदान लेआ, जदि आले आला मन असथीर एदनाआ दो, नोःआँ तरअः आपे लःअय फयदा एदनाआ। 14एता लःअय ची ख्रीस्त आला पेरेम आबु रे राईज दाय, हिना लःअय आले समझाआले ची जब ख्रीस्त जामेकु लःअय गोएःग नाय दो, जामे गोएःग तनाबु। 15ख्रीस्त जामेकु लःअय निआँ लःअय गोएःग नेनाय, ची जे होड़ जिवीडोआकु, हुंकू नहाअः तरअः अपन लःअय आलकु जिवीःड कोअ, बकिर हुंकू ईसु लःअय जिविडोअकु जे हुंकू लःअय गोएःग नाय फिन जिवीःड-बिरिःड नेनाय।
16हिना लःअय आले नहाअः तरअः जाहें के होः दुनिया रेनअः नजाईर रे काले नेल कुआ। आले ख्रीस्त के पहिल दुनिया रेनअः नजाईर रे नेल लियाले, बकिर नहाअः दो आले नोकान काले नोकानेआ। 17हिना लःअय जाहें ख्रीस्त रे एदान कुआ, दो हुंकू नावाँ गरहाव लिनकु बनाव जुनोआकु। मारी बात चबाअः ना नेलेपे जामा नावाँः ना। 18नोःआँ जामा बात हुनी परमेसर पखा तरअः एदनाआ। जे आबु के ख्रीस्त तरअः अपन लोः मेल मिलाप तदबुआय। हिनी आबु के नोःआँ मेल मिलाप रअः सेवा रेनअः काम एमा तदबुआय जेकर से ची आबु एटाअ होड़कु के परमेसर लोः मेल मिलाप दाड़ी सकाव कुबु। 19माने कि परमेसर होड़कु आला गुनाह रेनअः दोस के हुंकू तेंग रे काय लादी लआ। बकिर ख्रीस्त तरअः होड़कु के अपन लोः दुनिया रआ मेल मिलाप लःअय। आउर हिनी गी हुनी लोः मेल मिलाप रअः संदेस आबु के एम तदाय। 20हिना लःअय आले ख्रीस्त आला संदेस उउदूः कु आला भेस रे कामी याले। आउर मना-आले ची परमेसर आले तरअः आपे के समझाव देपेआय। ख्रीस्त पखी तरअः आले आपे तरअः बिनती याले ची परमेसर लोः मेल-जोलोअपे। 21ख्रीस्त रे एतान पाप होः का ताही नेना। सेरे होः परमेसर आबु आला पाप हुनी तेंग रे लादी लःअय, जेकर से आबु हुनी दोवसते परमेसर आला धरमिकता रे सझेदारी पाड़ी योअबु।
Currently Selected:
2 कुरिन्थी 5: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
2 कुरिन्थी 5
5
1एता लःअय ची आबु पाड़ी आबु ची नोःआँ कुम्बा जेकर रे आबु नोःआँ धरती रे ताहिनोआबु माने कि आबु आला नोःआँ काया के नुर केआकु। दो आबु के मियांड नावाँ होड़ो भेटाव कोआ, नोःआँ नोकान बंगला हेके, जे मनवा आला तीः तरअः बनाव लअः कोवान, बकिर परमेसर पखा तरअः बनाव लअः बंगला हेके, होना ओड़ाअ जुग-जुग सिरमा रे बनाल ताही कोआ। 2हिना लःअय आबु जब तक नोःआँ ओड़ाअ रे ताहीनोआबु, आबु गेरांङ एकानाबु, आउर निआँ मुरुक तरसाव एकानाबु ची अपन सिरमा रेनअः ओड़ाअ भेटाव जुनोः। 3ची नोःआँ के सोलोंगेआबु दो आबु एसेन होड़ आलबु नाम कोअ। 4आबु नोःआँ कुम्बा रे माने कि काया रे ताहिन बेरा बोझ रे जंताव कोअते गेरांङ एकानाबु, आउर चहाआबु ची धरती रअः नोःआँ होड़ो के बेगर बाईते नावाँ होड़ो जे जुग-जुग लःअय एदनाआ, भेटाव कोआ होना के सोलोंगेबु जेकर से ची आबु आला नोःआँ नसोअ वाला होड़ो जिनगी तरअः बदलाव जुनोः। 5जे आबु के नोःआँ लःअय तेयार लिबुआय, हुनी परमेसर हेके, हिनी आबु के बेयाना रे पबितर आतमा एमा तदबुआय।
6हिना लःअय आबु के पुरा बिसवास एदनाआ, आबु पाड़ीआबु अपन होड़ो रे ताही नोआँबु हुमिन जगुत परभु तरअः लंका एदानबुआ। 7एता लःअय ची आबु नेल लअः बात रे कोवान बकिर बिसवास रे चलाआबु। 8आबु के भरोसा एदनाआ, आबु होड़ो रअः ओड़ाअ के बाई केते परभु लोः ताहीनोः जादे पतियाआबु। 9हिना लःअय आबु आला जुरजुट इकछा एदनाआ ची होड़ो रे ताहिनोः बु चाहे आलबु ताहिनोः परभु के बेस आदायोः बु। 10#रोमी 14:10एता लःअय ची आबु जामा के ख्रीस्त आला नेयाय रअः गद्दी दुबाःड़े तिंगुन हुयाव कोआ, जेकर से ची जामा होड़ जे होड़ो रे तहिनोअ तुली बेस चाहे अनाईस, जे कामी तदाबु, होना रेनअः बानी नामेबु।
ख्रीस्त तरअः परमेसर लोः मेल मिलाप
11हिना लःअय परभु तरअः बोरो केते आले सचाई रे चलाअ लःअय होड़कु के समझाव कुआले। आले आला पुरा जिनगी परमेसर लःअय परगट भेस रे नेलोआ। आउर ईङ आसरायोः तानिङ ची आपे होः अपन भितरी मन रे आले के बेस केन पड़ीआपे। 12सेरे होः अपन बड़ाई आपे मड़ांग रे कालेया। बकिर अपन बारे रे आपे के घघमन्ड लःअय मोका एमेआले। जेकर से ची आपे हुंकू के जबाप एमा दाड़ीपे, जे मन रेनअः बात रे कोवान बकिर देखावा बात रे घमन्डेआकु। 13जदि आले बयाव उनकु लकान एदान लेआ दो परमेसर लःअय एदान लेआ, जदि आले आला मन असथीर एदनाआ दो, नोःआँ तरअः आपे लःअय फयदा एदनाआ। 14एता लःअय ची ख्रीस्त आला पेरेम आबु रे राईज दाय, हिना लःअय आले समझाआले ची जब ख्रीस्त जामेकु लःअय गोएःग नाय दो, जामे गोएःग तनाबु। 15ख्रीस्त जामेकु लःअय निआँ लःअय गोएःग नेनाय, ची जे होड़ जिवीडोआकु, हुंकू नहाअः तरअः अपन लःअय आलकु जिवीःड कोअ, बकिर हुंकू ईसु लःअय जिविडोअकु जे हुंकू लःअय गोएःग नाय फिन जिवीःड-बिरिःड नेनाय।
16हिना लःअय आले नहाअः तरअः जाहें के होः दुनिया रेनअः नजाईर रे काले नेल कुआ। आले ख्रीस्त के पहिल दुनिया रेनअः नजाईर रे नेल लियाले, बकिर नहाअः दो आले नोकान काले नोकानेआ। 17हिना लःअय जाहें ख्रीस्त रे एदान कुआ, दो हुंकू नावाँ गरहाव लिनकु बनाव जुनोआकु। मारी बात चबाअः ना नेलेपे जामा नावाँः ना। 18नोःआँ जामा बात हुनी परमेसर पखा तरअः एदनाआ। जे आबु के ख्रीस्त तरअः अपन लोः मेल मिलाप तदबुआय। हिनी आबु के नोःआँ मेल मिलाप रअः सेवा रेनअः काम एमा तदबुआय जेकर से ची आबु एटाअ होड़कु के परमेसर लोः मेल मिलाप दाड़ी सकाव कुबु। 19माने कि परमेसर होड़कु आला गुनाह रेनअः दोस के हुंकू तेंग रे काय लादी लआ। बकिर ख्रीस्त तरअः होड़कु के अपन लोः दुनिया रआ मेल मिलाप लःअय। आउर हिनी गी हुनी लोः मेल मिलाप रअः संदेस आबु के एम तदाय। 20हिना लःअय आले ख्रीस्त आला संदेस उउदूः कु आला भेस रे कामी याले। आउर मना-आले ची परमेसर आले तरअः आपे के समझाव देपेआय। ख्रीस्त पखी तरअः आले आपे तरअः बिनती याले ची परमेसर लोः मेल-जोलोअपे। 21ख्रीस्त रे एतान पाप होः का ताही नेना। सेरे होः परमेसर आबु आला पाप हुनी तेंग रे लादी लःअय, जेकर से आबु हुनी दोवसते परमेसर आला धरमिकता रे सझेदारी पाड़ी योअबु।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0