1 पतरस 3
3
लाईं हेरेल
1-2 #
इफि 5:22; कोलो 3:18 निआँ लकान ए आउराईतकु, अपन-अपन हेरेल आला अधीन रे तहिनपे। जेकर से जदि हुंकू मेसे जाहें परमेसर आला बचन रअः काकु पालानेआ, दो आपे आला पबितर आउर आदर तरअः पेरेःग ऊना चाईल नेल केते, बेगर बात-तेगी अपन-अपन आउराईत आला बेवहार तरअः परमेसर पखी ओरोअः कु। 3#1 तिमु 2:9आपे आला सिंगार-पतार बाहरी आलु हुयाअः चाही। माने की ऊःब गलांग, सोना रअः सिंगार सोसोलोङ आउर बेस-बेस गेन्दरअ सोसोंलोङ। 4बकिर आम आला सिंगार दो मन रेनअः भितर-मरिया सजावट हुयाअः चाही, का-अन्तोः वाला नरम आउर सान्त चाईल तरअः सिंगराव लआ हुयाअः चाही। नोकान चाईल परमेसर आला नजाईर रे किमती एदनाआ।
5एता लःअय ची बिताव ऊना जुग रिनकु हुंकू पबितर लाईंकु आला, अपन के सि-सिंगराव रअः निआँ ढंग ताहीना, जेकर आसरा परमेसर एड़े टिकल ताही नेना। हुंकू अपन-अपन हेरेल आला हाक रे हिना लकान ताहीनोः केनाकु। 6#एहेः 18:12जे लकान सारा अब्राहम आला हुकूम रे ताहिन केनाय आउर हुनी के मुंवार मेनोः केनाय। हिना लकान आपे होः भलाई काम कामीआपे आउर जहान लकान रेनअः बोर रे भयभित एरपे योआ दो आपे हिनी आलकु माई ते ठहराव कोआपे।
7 #
इफि 5:25; कोलो 3:19 निआँ लकान गी ए मरदानाकु, आपे होः समझदारी से अपन आउराईतकु लोः जिनगी बितायपे। हुंकू के बेपाया समझाव केते, हुंकू आला आदरेपे। जिनगी रअः बराकाईत रे हुंकू होः आपे लोः हकदार एदानकुआ, नोकानेपे गी जेकर से आपे आला बिनती रे जहान रुकावट आलु हुयाव कोअ।
भ-भलाई रेनअः चलते सताव
8हिना लःअय आपे के मि-मन वाला, दिलासा तरअः पेरेःग केते बोको-बोयहा के दु-दुलार वाला, सोगारू आउर नरम दिल वाला बनाअः चाही। 9आपे बुराई रअः बदली आलपे बुराई के, आउर ना एगेर रअः बदली एगेर कुपे, बकिर बदली रे आसीस एमा कुपे, एता लःअय ची परमेसर आपे के राअः थिलपेआय असीस ना-नाम लःअय। 10#सिरिंग 34:12–16एता लःअय ची
“जे अपन जिनगी के दुलारेआय,
आउर बेस दिन के नेनेल चहाआय।
हुनी ना दो अपन आलांग के बुराई कंहड़ीः चीमे
आउर ना अपन आहा के गलती कंहड़ीः चीमे।
11हुनी के बुराई तरअः लंका ताहीनोः चाही,
भ-भलाई चाही आउर सानती रअः होरा रे मड़ांग बड़हाव एकान चाही।
12परभु आला नजाईर धरमीकु एड़े बनाव ताहिनोआ,
आउर हुनी आला लुतूर हुंकू आला बिनती आयुमेआय,
बकिर गादुस कामीकु तरअः परभु एटाअः ते मुहाड़ेआय।”
13जदि आपे भ-भलाई रेनअः जुरजुट रे लगाव तहिनोआपे दो, ओके आपे लोः बुराई केआय? 14#सं.मत्ती 5:10#जसा 8:12,13जदि आम धरमिकता रअः चलते दुख सहायाम दो आम धनया एदानमेआ! आपे हुंकू होड़ आला धमकी तरअः आलपे बोर आउर आलपे घबराः। 15-16अपन भितरी मन रे ख्रीस्त के पबितर परभु पाड़ी केते आदर एमाई पे। आपे जे रे आसरा दोहोयापे, होना रअः बारे रे जाहें आपे के कुली पेआकु दो, हुंकू के उतारा एमोअः लःअय जामा बेरा तेयार तहिनपे। बकिर नरम आउर परमेसर आला भय लोः गी नोकानेपे। अपन भितरी मन के निमन दोहोयपे, जेकर से ची ख्रीस्त रे आपे आला बेस चाईल-चकर रअः नि-निन्दाकु, अपन बात रे लाजोअः कु।
17जदि परमेसर आला मरजी निआँ एदनाआ दो बुराई केते दुख उ-उठाव तरअः भलाई काम कामी केते दुख स-सहाव जाम तरअः बेस एदनाआ। 18एता लःअय ची ख्रीस्त होः जामा पाप लःअय मियेखेप दुख उठाव लःअय। माने की हुनी जे धरमी ताहीनाय अधरमीकु लःअय गोएःग नाय ची आबु के परमेसर दुबाःड़े ईदीबु। बकिर होड़ो पखी तरअः दो गोःएग नाय बकिर आतमा पखी तरअः दो जिवीःड नेनाय। 19हुनी जिवीःड केते कैदी आतमा के छुटकानी रअः प-परचार सेन नेनाय। 20#एहेः 6:1—7:24जे हिमीन रे परमेसर आला हुकूम आ-आयुम खाता काकु ताहीना, जे बेरा नूह जहाज के बनाय केनाय, आउर परमेसर धीरज केते नेल आसरा केनाय, होना जहाज रे थोड़ेः केन माने कि आठ झन होड़ एकला दाअः तरअः बंचाव ताहिनाकु। 21हिना दाअः रअः गाम होः, माने कि बतिस्मा, ईसु ख्रीस्त आला जिवीःड-बिरिडोः दोवारा, नहाअः आपे के बंचाव पेआय, नोःआँ रे होड़ो रअः हुमू छो-छोड़ाव रअः माने नलागे, बकिर परमेसर के बेस भितरी मन तरअः बचन एमोः हेके। 22ईसु ख्रीस्त सिरमा सेन नेनाय आउर परमेसर आला जोम पखी हाजीर एदानिया, आउर नहाअः दो सिरमादूत, हाकिमकु आउर जामा सवांग के हुनी आला तीः रे एमा तदियाकु।
Currently Selected:
1 पतरस 3: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
1 पतरस 3
3
लाईं हेरेल
1-2 #
इफि 5:22; कोलो 3:18 निआँ लकान ए आउराईतकु, अपन-अपन हेरेल आला अधीन रे तहिनपे। जेकर से जदि हुंकू मेसे जाहें परमेसर आला बचन रअः काकु पालानेआ, दो आपे आला पबितर आउर आदर तरअः पेरेःग ऊना चाईल नेल केते, बेगर बात-तेगी अपन-अपन आउराईत आला बेवहार तरअः परमेसर पखी ओरोअः कु। 3#1 तिमु 2:9आपे आला सिंगार-पतार बाहरी आलु हुयाअः चाही। माने की ऊःब गलांग, सोना रअः सिंगार सोसोलोङ आउर बेस-बेस गेन्दरअ सोसोंलोङ। 4बकिर आम आला सिंगार दो मन रेनअः भितर-मरिया सजावट हुयाअः चाही, का-अन्तोः वाला नरम आउर सान्त चाईल तरअः सिंगराव लआ हुयाअः चाही। नोकान चाईल परमेसर आला नजाईर रे किमती एदनाआ।
5एता लःअय ची बिताव ऊना जुग रिनकु हुंकू पबितर लाईंकु आला, अपन के सि-सिंगराव रअः निआँ ढंग ताहीना, जेकर आसरा परमेसर एड़े टिकल ताही नेना। हुंकू अपन-अपन हेरेल आला हाक रे हिना लकान ताहीनोः केनाकु। 6#एहेः 18:12जे लकान सारा अब्राहम आला हुकूम रे ताहिन केनाय आउर हुनी के मुंवार मेनोः केनाय। हिना लकान आपे होः भलाई काम कामीआपे आउर जहान लकान रेनअः बोर रे भयभित एरपे योआ दो आपे हिनी आलकु माई ते ठहराव कोआपे।
7 #
इफि 5:25; कोलो 3:19 निआँ लकान गी ए मरदानाकु, आपे होः समझदारी से अपन आउराईतकु लोः जिनगी बितायपे। हुंकू के बेपाया समझाव केते, हुंकू आला आदरेपे। जिनगी रअः बराकाईत रे हुंकू होः आपे लोः हकदार एदानकुआ, नोकानेपे गी जेकर से आपे आला बिनती रे जहान रुकावट आलु हुयाव कोअ।
भ-भलाई रेनअः चलते सताव
8हिना लःअय आपे के मि-मन वाला, दिलासा तरअः पेरेःग केते बोको-बोयहा के दु-दुलार वाला, सोगारू आउर नरम दिल वाला बनाअः चाही। 9आपे बुराई रअः बदली आलपे बुराई के, आउर ना एगेर रअः बदली एगेर कुपे, बकिर बदली रे आसीस एमा कुपे, एता लःअय ची परमेसर आपे के राअः थिलपेआय असीस ना-नाम लःअय। 10#सिरिंग 34:12–16एता लःअय ची
“जे अपन जिनगी के दुलारेआय,
आउर बेस दिन के नेनेल चहाआय।
हुनी ना दो अपन आलांग के बुराई कंहड़ीः चीमे
आउर ना अपन आहा के गलती कंहड़ीः चीमे।
11हुनी के बुराई तरअः लंका ताहीनोः चाही,
भ-भलाई चाही आउर सानती रअः होरा रे मड़ांग बड़हाव एकान चाही।
12परभु आला नजाईर धरमीकु एड़े बनाव ताहिनोआ,
आउर हुनी आला लुतूर हुंकू आला बिनती आयुमेआय,
बकिर गादुस कामीकु तरअः परभु एटाअः ते मुहाड़ेआय।”
13जदि आपे भ-भलाई रेनअः जुरजुट रे लगाव तहिनोआपे दो, ओके आपे लोः बुराई केआय? 14#सं.मत्ती 5:10#जसा 8:12,13जदि आम धरमिकता रअः चलते दुख सहायाम दो आम धनया एदानमेआ! आपे हुंकू होड़ आला धमकी तरअः आलपे बोर आउर आलपे घबराः। 15-16अपन भितरी मन रे ख्रीस्त के पबितर परभु पाड़ी केते आदर एमाई पे। आपे जे रे आसरा दोहोयापे, होना रअः बारे रे जाहें आपे के कुली पेआकु दो, हुंकू के उतारा एमोअः लःअय जामा बेरा तेयार तहिनपे। बकिर नरम आउर परमेसर आला भय लोः गी नोकानेपे। अपन भितरी मन के निमन दोहोयपे, जेकर से ची ख्रीस्त रे आपे आला बेस चाईल-चकर रअः नि-निन्दाकु, अपन बात रे लाजोअः कु।
17जदि परमेसर आला मरजी निआँ एदनाआ दो बुराई केते दुख उ-उठाव तरअः भलाई काम कामी केते दुख स-सहाव जाम तरअः बेस एदनाआ। 18एता लःअय ची ख्रीस्त होः जामा पाप लःअय मियेखेप दुख उठाव लःअय। माने की हुनी जे धरमी ताहीनाय अधरमीकु लःअय गोएःग नाय ची आबु के परमेसर दुबाःड़े ईदीबु। बकिर होड़ो पखी तरअः दो गोःएग नाय बकिर आतमा पखी तरअः दो जिवीःड नेनाय। 19हुनी जिवीःड केते कैदी आतमा के छुटकानी रअः प-परचार सेन नेनाय। 20#एहेः 6:1—7:24जे हिमीन रे परमेसर आला हुकूम आ-आयुम खाता काकु ताहीना, जे बेरा नूह जहाज के बनाय केनाय, आउर परमेसर धीरज केते नेल आसरा केनाय, होना जहाज रे थोड़ेः केन माने कि आठ झन होड़ एकला दाअः तरअः बंचाव ताहिनाकु। 21हिना दाअः रअः गाम होः, माने कि बतिस्मा, ईसु ख्रीस्त आला जिवीःड-बिरिडोः दोवारा, नहाअः आपे के बंचाव पेआय, नोःआँ रे होड़ो रअः हुमू छो-छोड़ाव रअः माने नलागे, बकिर परमेसर के बेस भितरी मन तरअः बचन एमोः हेके। 22ईसु ख्रीस्त सिरमा सेन नेनाय आउर परमेसर आला जोम पखी हाजीर एदानिया, आउर नहाअः दो सिरमादूत, हाकिमकु आउर जामा सवांग के हुनी आला तीः रे एमा तदियाकु।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0